Dodam Chicken (利舞臺廣場)

營業中

休息中

今次黎到利舞臺18樓既韓式炸雞餐廳dodam chicken 。餐廳風格少少似西餐廳，主要是黑色配搭木既色調，而座位都幾闊落，營造一個幾舒服既用餐環境。當日就叫左3個餸加1杯野飲1. 韓式魚片湯先黎既係魚片湯，清清地但好入味，而且料都好豐富👍👍 2. Yuzu yogurt smoothie 當然要叫杯野開下胃，smoothie大大杯，係夏日炎炎之下十分解渴。而且食住炸雞炸芝士，柚子就十分解膩啦XD 3. 烤芝士豬肋骨Ok啦，芝士多到拉到絲，但係豬肋骨有啲焗過龍，少少乾。4. 蜂蜜牛油炸雞今次既主角炸雞，炸雞炸得好嫩滑，配上蜂蜜牛油，簡直冇得嘆。但建議大家點無骨炸雞食落更加啖啖肉👅最後，都要讚下上菜速度，唔洗等太耐就有得食。下次要再黎試下佢既水冷麵^o^

上次喺觀塘食完Dodam Chicken一直念念不忘佢既蜜糖炸雞，今次行開銅鑼灣再encore!! 餐廳喺利舞台18樓，非常就腳既關係假日一早爆滿，好彩一早book定。第一樣必嗌當然係蜜糖牛油炸雞，今次二話不說order左全份！上次半份2個人食完全唔夠喉！不過今次失策唔記得嗌無骨😫肉質依然鮮嫩，蜜糖味重，但我覺得觀塘分店好食啲，醬多啲🫡下次試下咸蛋口味先！今次試試新野，嗌左個魚片湯，湯鮮甜，岩哂唔食辣既朋友，料豐富，有韓式魚片、香菇、蘿蔔、芝士丸、獅子狗，食到我地連湯都飲哂！再另加個韓式芝士豬肋骨，第一次試，豬肋骨好夠味同軟淋，芝士有粟米、蔬菜，但芝士偏硬，冇拉絲效果，不過不失。同樣再被encore既係柚子yoghurt smoothie，大大杯唔會太甜，又解渴，岩哂食韓國嘢！

尋日有位朋友飛，臨走前同佢食左餐飯，本身諗住book左5點幾有折，點知原來改時間係無折。咁都唔係問題，個店員覆我地果陣好冷漠，好似得罪佢咁。惟有寄望啲食物，咁我地叫左芝士烤雞。香辣烤雞，部隊鍋，炒年糕。着先個芝士烤雞。啲芝士上到黎已經係乾左變左固體，食落去完全唔知係芝士黎，我真係第一次食到啲咁既芝士，乾到完全無芝士味。部隊鍋 $168 但份量少到一個點，佢剩係放左一餅麵，火腿咁薄既午餐肉（當時我真係以為係火腿黎）幾塊同少少年糕、金菇同薄腸，我明白部隊鍋性價比係低但都唔駛咁離譜呀？烤雞同炒年糕中規中矩，不過因為定價高，性價比超低。臨尾我地坐低傾計，樽水已經無水都無人加水，明明有店員係附近同人吹水無野做。之後有個女員工拎左樽水走以為佢去加水，原來係收走左，水都唔比我地飲。想趕我地走。成個體驗都好差，唔建議大家去食。

第一， 食物味道平平。第二， 服務態度差。我哋臨食完嘢都未走,佢將枱面的一瓶水就拿走沒有加水給我們 ﹐ 好似想要我哋走快啲畀人入，但嗰陣時出面係未有人時間先至係6點40分。第四， 於openrice上表示顧客缺席。 我於第二天看到openrice上發出的通知話我缺席。 我哋明明已經按時出席。但職員竟然 於openrice上表示缺席。影響到我要同openrice講返聲先可以取消返，以免影響我openrice的訂座 服務。差差差差差差差差差差差差差差差差差差差差差差差差差差差差差差

自從韓流襲港之後，香港一下子就多咗勁多韓國餐廳，😛無論係一家大細定係少男少女就可以多咗除咗日本嘢之外另一個選擇。 🤩經常食開新開嘅餐廳，今次就食返一間開得都幾耐嘅餐廳，而呢間炸雞店就位於銅鑼灣嘅利舞臺。Dodam Chicken, 開咗咁耐都仍然屹立不倒當然就有佢嘅原因啦。😚三重芝士脆雞— 🐥無論係原味炸雞香辣炸雞定係甜辣炸雞都係平時食得比較多嘅一啲款式，今次嚟個夠芝味嘅選擇。 🐥用鐵板承載住一大堆Mozzarella cheese 同埋新鮮炸好嘅炸雞，🧀中間再放上一大個芝士醬。 🧀色香味都俱全。炸雞粉漿都整到好薄咁就油膩感非常少。🍗點埋芝士醬就夠晒濃厚。🍗係有芝士嘅情況下冇骨就可以將所有芝士嘅元素包住，然之後一啖享受🧀火山麻辣牛鍋— 🐮而家喺韓國都變到非常出名，大大份適合幾個人一齊分享，🐮大量嘅肥牛再加上面頭嘅麻辣醬形成火山效果，🐮倒上上湯之後開火慢慢煮嘅時候啲麻辣醬就會開始溶落嚟。 🐮麻辣再加肥韓牛又辣又鮮，裏面仲有一系列嘅配菜， 🥩例如腐皮、豆芽、薯粉，就嚟連個煲都滿瀉，回味無窮🐮Dodam Chicken (利舞臺廣場) (銅鑼灣)銅鑼灣波斯富街99號利舞臺廣場18樓A號舖

🧡❤️💛三重芝士要拉絲🧀有芝士就加分！拉絲就是大大力加分！🤣無論食咩都好，身為芝士控一定離不開芝士🧀芝士配炸雞更加係無敵🐥今次見到Dodam Chicken岀咗新menu，即刻去try try先！🧡三重芝士脆雞🧡 $218芝士同脆雞嘅份量都多，適合分享！三重芝士真係「芝」味無窮！😛指定動作緊係拉絲啦！🧀捲埋芝士再沾埋芝士醬食，令脆雞口感更豐富！❤️ROSE火山麻辣牛鍋❤️ $258ROSE唔一定係玫瑰嘅🌹喺依個火山麻辣牛鍋嚟講，佢就係辣忌廉🤭店員會現場加入忌廉，食嘅時候好似食緊充滿奶秒嘅麻辣鍋！🌶️味道令人感到幸福！佢嘅牛肉帶脂肪香，肉味都濃郁！鍋物入面仲有豆芽、寬粉，食完飽足感滿滿！🤤餐廳間唔中都會推出新品，今次依個ROSE🌹冇玫瑰嘅香味，但有收到玫瑰嘅驚喜！BTW記得save post，方便向店員查詢有關餐點啦❣️📍Dodam Chicken📍銅鑼灣波斯富街99號利舞臺廣場18樓A號舖

利舞臺食肆真的比較小涉獵，今次與朋友來到一間韓國炸雞餐廳，當日平日晚市到店已有7成滿座，食物order後15分鐘內都已上齊，食品尚算滿意，不過覺得價錢有點昂貴。餐廳主要為黑色及深木配搭，少有韓國餐廳以深色為主，風格有點似西餐廳，無柱設計面積寬敞，感覺開揚充滿談話熱鬧聲。大熱天時當然要來一個冷麵透心涼，冷麵食材頗豐富有雪梨/青瓜/蘿蔔/熟蛋，酸度及芥末可以自行添加，不會有趕收走的情況，不過略嫌瓜類未能保持爽口，雪梨片稍有變色及甜度不足。大概有2件牛排連肉，還有金針菇、粉絲、冬菇、京蔥、杞子及蘿蔔，湯底有淡然牛骨熬出的香味，不是重味精牛肉粉類型，吃過後不覺口渴。拉絲永遠無法抗拒，拉開厚芝士熱氣即時湧出，有雞粒、獅子狗、年糕及魚糕，啖啖都有豐富芝士與韓式辣醬好滿足，一碟大概3-4人份量。

喺銅鑼灣利舞臺 成幢大廈都係美食今日就試咗呢間韓式嘅餐廳入到去個氣氛十分之好播住唔同年代嘅K-Pop 有啲歌係真係元組K-Pop 回憶即刻返晒嚟好青春佢一至五係有lunch set 但今日我就散嗌咗main Menu嘅餸菜試咗呢個鮑魚人蔘雞湯俾大家睇吓個Main Menu做吓Reference 佢提供嘅韓國菜嘅款式都好多有韓國粉絲 年糕 湯湯水水 部隊鍋講得出嘅韓國菜都有啦氣氛就真係一流好似去韓國旅行咁🤗至於嘢食 我呢個鮑魚人蔘雞湯就不過不失啦佢有一隻鮑魚幾條人蔘但因為散叫關係就冇任何飯跟得個粉絲底如果係Keep fit嘅朋友就幾arm如果唔係都唔係好夠飽

朋友搵到新工，請我食飯，不過係食佢鍾意嘅韓國嘢原味炸雞 $168呢碟炸雞已經去骨，切得大細適中，方便享用。雞炸得香脆，可沾芥末醬或者辣醬配食，個人覺得芥末醬最滋味，酸酸甜甜，味道最夾！瑪格麗特黑松露蘑菇薄餅 $165估唔到呢間餐廳食韓式炸雞，但Pizza都幾好食！呢款薄餅個餅底真係好薄好脆，餡料又好豐富，水牛芝士好濃郁，番茄酸酸甜甜，黑松露都好出好香，加埋蘑菇，所有Pizza嘅好味餡料齊哂，配合得天衣無縫，呢款真心推薦可以試下！雲呢拿奶昔 $48食得咁邪惡，當然要配返杯門當戶對嘅嘢飲，就係奶昔啦！鍾意雲呢拿夠香甜，偶爾飲甜膩一啲，應該唔大問題嘅（自己安慰自己）朱古力奶昔 $48朋友都揀咗杯朱古力味嘅，「𠽌」一聲飲哂

碟碟份量都好多，好岩同朋友share慢慢食，店內播住K-pop歌，相當有氣氛，食物種類都相當多，好岩一大班朋友叫黎試。🧀招牌甜辣芝士無骨烤雞🍗韓式炸雞食得多，今次就試下烤雞，份量好多，除左香濃既拉絲芝士，仲有煙煙韌韌嘅年糕，同埋芝士獅子狗，熱辣辣，啖啖肉，一啲都唔乾，好juicy，個汁好惹味，快樂補P🥬Kimchi千層酥薄餅🍕酥脆嘅餅底，配以自家製嘅泡菜，表面仲有一層厚厚既芝士，成件事好夾，口味特別，唔錯！

依間韓國炸雞店大家應該唔陌生,一直都keep 住人氣高企!!兩年冇係銅鑼灣食飯, 再去水準都保持得幾好👍👍~牛骨湯: Keep 住地道, 最正真係油都冇咩, 湯料都好好味🤭醬油炸雞: 有唔同口味, 基本都唔會中伏, 但唔係份份有得叫半份🙊記得佢既蒜香同蜜糖都唔錯🤭芝士麵包配薯條:比較驚喜有甜薯薯條, 另外芝士都係雙色😍可惜今次同一個朋友黎食, 唔可以叫太多款野食, 冇得試佢地既新品😢 要搵機會約多幾個人番食😂

It is a bit heavy and oily go try the fried chicken. We explored a new restaurant, cqlled Dodam chicken. My very first time trying their deep fried chicken and are so tasty. We went for the oven baked chicken, Honey butter garlic chicken, which us pretty juicy and the meat texture is tender enough. With the sweet honey butter dressing, it helps not to bored the taste and flavour of the chicken without the cripsy fried skin.My favorite korean side is always the egg roll. This restaurant include c

Dodam Chicken🍗雙重滋味💲2️⃣4️⃣8️⃣蜂蜜牛油香蒜焗烤雞食落好juicy 蜂蜜牛油味好香 表皮有少少脆 但又唔會好熱氣 可惜唔係好食得岀蒜味白雪芝士雞個白雪芝士雞一般 原來佢係就咁沈啲芝士粉喺面😂所以個芝士味唔算話好出 如果同friend一齊食嘅話簡直係要搶 如果唔係粉都冇得你食🙂韓式炒牛肉粗粉絲💲1️⃣6️⃣5️⃣超級好食個粉絲🥹佢份量都幾多而且好入味 咬落去煙煙韌韌 絕對係停唔到口嗰隻 佢裏面仲有啲牛肉 蘿蔔絲 冬菇 洋蔥同埋韭菜 加埋一齊食都好正 必點👍🏻Yuja Ade 💲4️⃣0️⃣正常發揮 配埋烤雞一齊食好解膩😋<><> <><> <><> <><> <><> <><>味道：👍🏻👍🏻👍🏻👍🏻環境：👍🏻👍🏻👍🏻 推介：👍🏻👍🏻👍🏻👍🏻<><> <><> <><> <><> &

本身抱着興奮嘅心情去食久違嘅韓國菜，一去到發現年泡菜湯都無，又唔想食炸雞，心情即刻好低落。不過唔緊要，叫咗貌似不錯嘅芝士年糕拉麵，再加一個牛骨湯。# 年糕拉麵極快上，完全係返叮嘅感覺，識落口所有嘢都係熱，但係感覺硬繃繃，好明顯整落好耐。成碟嘢都係好乾，諗住睇吓係唔係流心蛋，可能會救返少少濕度，可惜隻蛋實個石頭隻蛋實過石頭。# 牛骨湯不過不失，飲完極口渴，所以我估都係味精多。兩樣野埋單五百幾，無下次lu

星期天，想舒舒服服找一個地方食嘢，利舞臺這間韓式炸雞店是一個不錯的選擇。已經一早在OpenRice book定位，但中午12:30依然還有很多位。雖然餐牌上選擇很多有牛肉火鍋和炒年糕，但來了炸雞店，一定食他們最出名的炸雞。蜂蜜牛油香蒜脆雞 果然是招牌，炸雞配上香蒜牛油，加上蜜糖，雞皮酥脆，非常推介。招牌芝士無骨烤雞芝士分量非常多，雞塊也很嫩滑。份量不少，四個女孩子吃也足夠，服務也不錯，座位非常舒適，有機會一定會再來。