Dear Grey

餐廳座位不多，非常昏暗，照片上的比看到的實物更光亮，桌子和餐具都有薄薄的油，午市開始不久店裡店外都已經有烤油味，入座位置在出餐口外，瞟見布簾后的廚房應該非常狹小。有些小餐店好細間，好應聲，這家還好，只要附近客人講話聲音不大，傾下計都合適。相對廚房大小和人手，出餐速度還算快，大約等了10-15分鐘。點了熱綠茶和熱白桃茶，都是茶包。白桃茶的白桃香氣聞是挺強烈，就是桃的香精，但喝下去沒那麼濃，只喝到白桃的甜，喝不出茶葉味，熱的白桃水還是清淡的，勉強解掉重口食物，桃香不會搶食物味道。芝士和黑椒、牛肉好碎，質地偏硬，少部分是焦脆，搭配芝士和黑椒汁的牛肉味道很像麥當勞安格斯漢堡。白飯有點像珍珠米，煙韌可是飯香欠奉。整個餐的份量不少，男生夠吃，女生應該有點飽。芝士汁、黑椒、肉量跟飯量均稱，可以一羹接一羹咁食芝士牛肉飯，牛肉有硬有脆，有點不一樣的口感，芝士汁也可以拌飯吃，但吃到一半實在有點單調，好在餐點有配海蜇，海蜇的酸辣中和了芝士的膩感。同行家人點了油封鴨腿飯，鴨腿肉質有彈性算嫩滑，鴨皮很薄不油，但好鹹，部分位置胡椒太多更鹹，印象中比上次吃的鴨腿飯鹹太多，雖然鴨腿質素保持，但烹調技巧似乎退步，這次就有點扣分了。想簡單食餐午飯充電的，牛排飯可以的。…查看更多

「Dear Grey」位於北角錦屏街呢條小巷入面，係社交平台見到好多人都推呢間既牛肉丼飯，所以就過黎試下黑安格斯封門柳溫泉蛋丼飯封門柳煮得嫩腍，上面加左隻溫泉蛋，再淋左d甜甜地帶有日式味道既醬汁，味道唔錯慢煮三文魚牛油果蟹肉他他丼飯慢煮三文魚唔算好榎但味道較淡，蟹肉撈勻左後基本上唔係好食到，醬料味道都唔算好濃味道唔出，所以三文魚都真係食到有d腥，整體味道普通手工爆打檸檬茶跟餐加$14，味道正常烤油封八爪魚菠蘿辣肉腸油封八爪魚都夠腍，辣肉腸好咸，說好的菠蘿唔知去左邊，只見到車厘茄，食物配搭完全唔夾，似將啲食剩左既食材擺埋一碟咁，同埋$68勁細碟地方淺窄，除左招牌既黑安格斯封門柳溫泉蛋丼飯外，其他食物都好麻麻，整體係有d失望…查看更多

上網見到好多人介紹佢嘅黑安格斯封門柳丼飯 特登嚟到北角條後巷街 點知嚟到竟然賣晒🥲 不過好彩其他都好抵食💰慢煮無激素雞胸溫泉蛋飯 慢煮真係無得輸 雞胸都好嫩滑 溫泉蛋一篤穿 🍳蛋汁撈埋飯 再加埋個醬汁 簡單但超治癒 健康得嚟又滿足 岩哂做完gym黎食💪法式油封鴨髀海葡萄丼飯🦆一上菜見到嘩好大個鴨髀 法式風味 再擺落日式丼飯 毫無違和感仲好有fusion feel 鴨髀用油封做平時好少試到海葡萄 🫢令到成個丼飯更加清新！呢間餐廳都幾受歡迎 我哋唔喺繁忙時間去都已經滿咗 openrice見到原來可以上網或者電話訂座 👍Dear Grey (北角)北角錦屏街26號東發大廈B座地下35A號舖…查看更多

裝修ok, 細店坐大約20人燈光昏暗， 都適合朋友小聚食物方面：Ok: 費城芝士牛扒漢堡+薯條夠熱，不過不失開始唔Ok: 芝士牛肉丼飯（主要係啲飯一嚿嚿好硬）旁邊仲有個海蜇咁嘅小前菜，少少辣都可以勁伏： 牛油果蟹肉三文魚丼 （啲飯又係一嚿嚿，好明顯係過夜飯雪到好硬， 有啲又突然間爛到一坺泥咁… 上面嘅牛油果醬唔似新鮮整， 顏色偏黃， 三文魚淡而無味， 又硬⋯⋯） 上面突然間整個甜筒cone喺度做咩呢？ 又唔係蛋糕要個咁嘅裝飾做咩，煮好啲啲飯仲好啦呢個完全諗唔到讚位， 好無誠意…查看更多

經過北角搵餐廳醫肚，誤打誤撞去咗呢間小店，位置喺地鐵站出口附近，不過比條長樓梯遮住咗，都要搵一陣先搵到，但原來果度成條街都好多嘢食。嗌咗一個費城芝士牛扒丼飯，牛扒有黑椒同香濃嘅牛味，配上費城芝士，簡直係夾到不得了，令人一啖又一啖咁繼續食，好快就食晒一碗，$88黎講係非常抵！反而個steak sandwich 就差少少，味道OK，個牛扒三文治餡料咬呢度就跌嗰度，食到有少少狼狽，仲要$168一份，普通男士嚟食嘅話應該唔夠喉。…查看更多

見到此店有唔少正評, 就來試一試, 味道唔算好突出, 不過不失, 不過等待食物時間比較長, 應該人手不足, 要有心理準備 食物 : 火炙鰻魚燒汁蘑菇丼飯 $98 ~ 朋友本打算食"慢煮三文魚牛油果蟹肉他他丼飯", 但小姐姐話未準備好, 所以要改食其他, 鰻魚飯味道都唔錯, 只是有點普通 粉嫩平鐵牛排温泉蛋丼飯 $108 ~ 牛排都算嫩, 但有少少筋, 味道及份量都OK 飲品 : 凍柚子密 $8 (跟餐) ~ 味道正常 冷泡白挑茶 (跟餐免費) 味道偏淡, 份量太少 環境 : 小店座位少, 有點迫 服務 : 店員有禮貌 費用 : $214 (無服務費)…查看更多

今日同朋友嘗試去北角睇吓有咩食？嚟咗北角好出名嘅巷仔揀咗佢，八點幾左右唔需要等位可以直接坐低。朋友見到門口嘅餐牌有牛肉丼飯覺得好吸引就即刻入去。入面設有梳化卡位位置唔算好多有五張枱左右，建議都係小人嚟食會比較好。叫咗依度嘅推介芝士牛柳丼飯，以套餐形式配埋前菜同埋飲品。一個男仔食嘅話，份量未必夠飽，女仔嘅話就啱啱好。芝士味道同牛柳非常融合。本身想叫牛扒溫泉蛋丼飯，但係佢話賣晒所以我哋升級揀咗封門柳溫泉蛋丼飯，仲想試吓佢個烏冬，所以加$8換咗湯烏冬。建議男生一定唔好食烏冬，因為會唔夠飽封門柳嚟講個人都係建議配飯好食啲，佢偏向係原汁原味嘅牛柳。醬料唔會係好多，如果係湯烏冬嘅話個蛋就會另上，變相令到溫泉蛋難啲同牛柳同埋一齊食。升級咗嘅牛柳更加嫩，唔係牛肉味好香，但係肉質都一樣好好食。…查看更多

在北角小巷中，藏著一家日式餐廳「一丼入魂 Dear Grey」。餐廳以木質桌椅和柔和燈光打造溫馨舒適的用餐環境，適合朋友小聚或獨自享受美食。▪️黑安格斯封門柳溫泉蛋丼飯 $118丼飯上鋪滿粉嫩的封門柳，牛肉入口軟嫩，保留濃郁的肉香。搭配半熟的溫泉蛋，蛋液輕輕裹住牛肉和飯粒，增添一絲滑順的蛋香，與特調醬汁融合後，風味更顯豐富▪️ 吉列親子蝦鮮貝柱濃蝦湯泡飯 $128主角是香濃的瑤柱蝦湯，湯頭散發瑤柱的鮮甜與蝦的淡淡甘香，濃而不膩，令人回味。顧客可自行控制湯量，自由調整飯的濕潤程度，這個設計頗為貼心。吉列蝦外皮炸得金黃酥脆，與湯飯搭配，既有口感對比又不失協調…查看更多

之前老公係IG見到呢有foodie 介紹呢間餐廳，好高期望去食。去到18:20，見佢門口寫住closed，即刻上openrice 睇佢營業時間，又寫12:00-22:00，即刻黑人問號❓之後老公入去問幾點開，個staff 話等廚師返，我地都係門口企，之後有個人行過黎話開18:30。我地隔左陣就入去坐，唸住試佢期間限定既香濃蝦湯泡飯，之後佢話個湯未煲好，咁唯有試佢既burger. 陸續都有客入，聽到好多客都想order 佢既蝦湯泡飯，佢哋都係話個蝦湯未煲好，有客問佢，大概幾點會有？佢就話，個蝦湯要煲幾個鐘，所以應該今日都唔會有。我都有d愕然，呢個泡飯應該係佢哋嘅招牌菜，但係都可以喺假期冇提供。佢個burger 都$148，我哋揀左番薯條，黎到之後都呆左，個份量…之後再試埋個出名item，口臭牛舌，牛舌就薄切，個醬一般，唔係出色…查看更多

「小巷往往隱藏好多寶藏小店」小編今次就帶大家黎到北角，同大家介紹一間隱於橫巷內，裝修幾有格調既日式丼飯 一 一丼入魂 @deargreyhk🌟黑安格斯封門柳温泉蛋飯 $118黑安格斯封門柳，肉味濃之餘，油脂亦相對豐富，經過炙燒，肉質依然粉嫩，加埋隻温泉蛋🤤👍🏻👍🏻🌟費城芝士牛排堡 x 薯條 $98麵包略帶微微香脆，牛排油脂香十足，加埋芝士更加邪惡，配菜薯條亦絕無Hea場，炸得金黃香脆🤤👍🏻👍🏻🌟烤雜腸拼盤 $88烤腸好適合用黎餸酒🌟檸檬雪葩 $58食完咁多重口味，食返個檸檬雪葩 絕對可以清新解膩🤤👍🏻👍🏻📍一丼入魂 Dear Grey地址：北角東發大廈B座地下35A號舖…查看更多

北角Dear Grey真係抵食又高質！佢哋主打日式丼飯同美式三文治，款款都勁有驚喜～ 炸雞皮餃子外皮脆到爆，咬落去「咔嚓」一聲，入面肉汁多到瀉，邪惡但停唔到口！ 貴城芝士牛排堡 配薯條超正！牛油法包烘到微脆，夾住厚切美國牛排同焦糖洋蔥，芝士多到漏，啖啖肉超滿足～薯條即炸熱辣辣，脆卜卜！ 慢煮三文魚牛油果蟹肉他他丼飯健康得嚟又好味，三文魚嫩滑，蟹肉份量多到嚇親上面仲有個搞笑雪糕筒，打卡一流！ 玫瑰藍橙梳打顏色夢幻，味道清新手打鴨屎綠香水檸檬茶酸爽解膩，飲完成個人醒神～ 必食玫瑰雲呢拿雪糕窩夫窩夫外脆內軟，配埋雲呢拿雪糕同玫瑰醬，甜而不膩，完美作結！ 整體價錢合理，份量足，環境又chill，絕對會encore！…查看更多

🇭🇰 North Point 北角｜Dear GreyThere are a lot of good restaurants in North Point but what makes Dear Grey stand out is their variety! ⭐️ Apart from the variety of don and sandwiches, they are also very affordable, with that being said, here are what I’ve tried: •𝐒𝐚𝐥𝐦𝐨𝐧, 𝐚𝐯𝐨𝐜𝐚𝐝𝐨 𝐚𝐧𝐝 𝐜𝐫𝐚𝐛 𝐦𝐞𝐚𝐭 𝐭𝐚𝐫𝐭𝐚𝐫 𝐫𝐢𝐜𝐞 𝐛𝐨𝐰𝐥 This is so refreshing! When mixed together, all their flavour combine together to form a sweet and refreshing flavour! 😋 I also love the crunchy texture from the cone too! •𝐃𝐞𝐚𝐫 𝐆𝐫𝐞𝐲 𝐒𝐭𝐞𝐚𝐤 𝐒𝐚𝐧𝐝𝐰𝐢𝐜𝐡 I love the pesto sauce in the sandwich! 🥪 The beef is soft and flavourful! I also love the gravy that we can dip for the cajun fries as well! •𝐅𝐫𝐢𝐞𝐝 𝐒𝐚𝐥𝐦𝐨𝐧 𝐅𝐢𝐬𝐡 𝐂𝐚𝐤𝐞 The salmon cake is heavy in salmon flavour even with their unique Japanese sauce used! 🤩•𝐉𝐚𝐩𝐚𝐧𝐞𝐬𝐞 𝐌𝐨𝐜𝐡𝐢 𝐜𝐮𝐬𝐭𝐚𝐫𝐝 𝐖𝐚𝐟𝐟𝐥𝐞It is so heavy in custard flavour! The waffles 🧇 are also very crispy too! Definitely a nice way to end the dinner! …查看更多

北角區有一間比較有特色的西式小店，裏面裝修行懷舊風格，牆壁掛上動物的畫，裏面坐大約20人座位，而外面亦有幾張枱凳！呢間餐廳主打係丼飯和美式三文治！慢煮三文魚牛油果蟹肉他他丼飯 ：擺盤好靚，仲有個雪糕筒，外面在灑上海苔粉！三文魚用慢煮方法，食落唔鞋。撈埋牛油果他他醬，仲更加好味。我覺得呢度幾有創意，食落去幾清新幾特別！Dear Grey 安格斯西冷堡 配蕃薯條：麵包係長形，有烘過。中間夾住安格斯牛肉煎到僅僅熟，保留到肉嘅嫩度，配埋青草醬、蕃茄、蔬菜，加埋黑椒蘑菇汁，更美味。番薯條炸得好鬆脆，另外有隻特製醬汁有啲驚喜，甜甜地，有芥辣味但唔攻鼻，可代替茄汁。餐飲叫咗個蜜桃茶，氣味清香，陣陣桃味，無糖飲品，幾健康。…查看更多

👦🏻响北角賣旗，竟然比👦🏻搵到食溫泉蛋封門柳丼，👦🏻話必定要食😲黑安格斯封門柳溫泉蛋丼飯黑安格斯牛肉嫩滑多汁，味道濃郁，嗱，加埋個溫泉蛋，蛋黃流心一撳就爆出嚟，好香滑，👦🏻真係食哂成個飲，證明好食法式油封鴨肶海葡萄丼飯肉質軟嫩又有彈性，油香味十足，海葡萄新鮮又有嚼勁，帶少少鹹味，底下嘅飯吸收咗海葡萄嘅味道，清新又有層次，仲有少少柚子味，唔肥膩，好開胃💚薯條炸到金黃香脆，外脆內軟，撒上少少鹽，食落去好有味道手打青檸茶青檸茶清新爽口，青檸味好濃，酸酸甜甜玫瑰碟豆花梳打水玫瑰香味撲鼻，碟豆花滑溜，飲落唔太甜…查看更多

見好耐無食呢間，諗住今次再去食返，點知食物質素大不如前之餘，員工態度惡劣到真係令人嘆為觀止！我哋叫咗一份牛扒丼轉椰菜花飯和黑毛豬溫泉蛋丼轉椰菜花飯，但等咗好耐都未有任何食物，多次問黑色衫待應麻煩跟進一下食物進度，但每次都敷衍了事只回答：「做緊㗎喇！」，等到中途仲突然聽到有人係廚房大嗌：「要等㗎！」，此時我不以為意，只見附近有兩三枱客張枱都未有食物，相反就見到待應執咗幾次外賣，過了差不多半個鐘正打算離開餐廳的時候，食物先慢慢送上…等足半個鐘以為終於有嘢食，點知一食就發現食物質素已經大不如前！椰菜花淋哂，牛無味，黑毛豬又乾又柴！等咗咁耐點知得碗無心機煮的丼飯，已經食到一肚氣，食食下仲突然有兩個男人從廚房走出來，其中一個金毛男更氣沖沖地大聲同其餘的職員講：「下次咁多人，叫椰菜花飯要同佢講要等20-30分鐘！咁多人做唔L掂呀！」然後走出店外的橫枱上煲煙！依家經濟不景，食肆可以滿座是何其難得！當日全店九成坐滿，但呢度的員工明顯是不希望間鋪有咁多人，出單慢，食物質素下降，埋怨食客催單之餘，仲要係樓面大聲比說話比食客聽！所以我決定如佢所願，係呢度呼籲大家唔好再去呢間食肆，因為多人佢會「做唔L掂」，間鋪唔好有客佢先可以日日夜夜煲煙，完佢心願！…查看更多