影片
港鐵北角站 B4 出口, 步行約2分鐘
繼續閱讀
電話號碼
66166575
開飯介紹
區內西式小店，裝潢帶點懷舊感覺，更以動物為題的畫作裝飾。主打三文治和牛扒，而招牌三文治更以牛扒做餡料。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
最近喺北角發現咗間主打日式丼飯同美式三文治嘅隱世小店😊餐廳設有室內同戶外座位，環境舒適寧靜，非常適合嚟慢活一番～🔻一丼入魂系列🔸慢煮三文魚牛油果蟹肉他他丼飯（$108）丼飯賣相相當吸引，肥美三文魚鋪滿飯面，而鮮甜蟹肉則藏喺脆口雪糕筒內🍦再配搭酸甜牛油果他他，口感同味道層次都非常豐富👍🏻🔸黑安格斯封門柳溫泉蛋丼飯 (轉烏冬)（$118+$8）牛柳色澤粉嫩，食落焦香十足🥩再以滑嫩溫泉蛋作伴，連同爽彈烏冬品嘗，絕對係高級享受😋▪️丼飯奉送前菜漬物及餐飲▪️餐飲可選白桃茶、綠茶或升級至其他飲品▪️丼飯可轉冷烏冬 (+$8)、豚骨湯烏冬 (+$8) 或炒椰菜花飯 (+$14)▪️追加溫泉蛋 (+$10/隻)、海葡萄 (+$12/份)、牛油果蟹肉他他脆筒 (+$18/份)🔻小食🔸蟹膏燒蝦串（$48/兩串）每份蝦串上都放有濃郁蟹膏，製作別具誠意🦐蝦隻爽彈之餘，入口更有淡淡炭燒香，值得一試✨🔻甜品🔸日本麻糬吉士窩夫（$38）窩夫夾心用上麻糬吉士，口感煙韌，甜而不膩，份量剛剛好💞
繼續閱讀
小店雖然係小巷，但呢仔巷真係好熱鬧，小店主打丼飯和三文治，今次就兩樣都食晒🐮黑安格斯封門柳溫泉蛋丼飯 賣相好吸引，粉嫩嘅封門柳鋪滿飯面封門柳半生熟，充滿牛香味，牛肉軟嫩。溫泉蛋撈埋飯食，蛋香十足。仲可以加$14轉椰菜花飯除左牛另外仲有雞胸飯，性價比勁高，🍔Dear Grey Steak Sandwich Dear Grey美國安格斯西冷堡牛堡入面夾滿左粒粒西冷牛柳粒，生菜同蕃茄。西冷牛粒油脂比較高，加埋香草醬味道香濃。蕃茄香草包，包體厚身不過比較乾。仲有香脆嘅薯條，可以揀蕃薯條。兩者中個人覺得丼飯更出色。🫛鹽水枝豆 味道清甜帶鹹香，作為餐前小食非常好。🍰一口宇治抹茶卷蛋想食卷蛋又唔想有罪惡感，呢個一口size $18 2件啱啱好。除左一口卷蛋，旁邊仲有紅豆，紅豆煮得夠綿密，甜度適中。🍹手打鴨屎綠香水檸檬茶🍵白桃冷泡茶白桃味幾香，細支裝白桃茶，飲唔晒仲可以拎走
繼續閱讀
同朋友去咗北角嘅一條食街揀咗間懷舊風嘅西餐廳餐廳主打丼飯同美式三文治入面仲有好得意嘅貓貓同狗狗嘅畫ღ黑安格斯封門柳溫泉蛋丼飯 $118牛肉顏色粉嫩juicy，搭配埋溫泉蛋嘅滑順口感，味道更豐富，而且飯粒吸收晒肉汁，食落更覺滿足ღ費城芝士牛排堡 $98配Cajun 薯條 牛排堡嘅芝士融化得啱啱好，入口香濃滋味，而薯條炸到外酥內嫩，兩者絕對係最佳配搭ღ炸雞皮餃子 $48餃子皮薄餡多，炸至金黃酥脆，雞皮香氣令人難以抗拒ღ檸檬雪葩 $58雪葩清新爽口，作為飯後甜品冇得彈，可以為呢餐飯畫上完美嘅句號😌ღ玫瑰藍橙梳打 +$12ღ手打鴨屎綠香水檸檬茶+ $14
繼續閱讀
小妹今晚放工同屋企人去咗北角隱世餐廳食晚飯🥣🍴，就係位於小巷內既deargrey ，呢度分户外及室內座位，裝修好復古，牆身塗滿綠色及掛滿動物掛畫，顯得好有格調及打卡之選😆餐廳主打麵包和丼飯等….選擇不少😃deargrey安格斯西冷堡🐂 🥯🍟呢款安格斯西冷堡無諗過咁大件，麵面內夾住厚厚的安格斯牛，肉質好嫩不會難咬😬職員亦好貼心切成條形，方便顧客食用～除咗有安格斯西冷外，更有切片蕃茄🍅及青醬，超級Juicy🤤而麵包🥯亦經過烤烘，非常脆卜卜～薯條🍟方面可選擇正常/蕃薯🍠味薯條🍟小妹就擇咗蕃薯🍠味，份量不少，脆身香口，很好吃🤤費城芝士牛排丼飯🐂🍚面頭舖滿不少芝士🧀，🧀味好出，牛肉亦好嫩滑，重點係芝士同牛肉味道非常夾，味道香口，好快食哂成碗飯🤗忌廉蟹肉薯餅🫔呢款蟹肉薯餅咬第一口已經食到牛奶味忌廉餡料🌼 好軟滑細膩，而且薯餅外層香脆不油膩，薯香味好重，非常滋味🌝玫瑰藍橙梳打🌹🥤呢杯特飲非常少見，有住玫瑰花香🌹及藍橙味道👅 加上梳打味清新，感覺不錯😆熱白桃茶 🫖呢款熱白桃茶味道不錯，有茶包外，更有淡淡白桃味道👅一口宇治抹茶卷蛋(2件）黎到晚餐🥣尾聲，當然要試埋甜品啦～呢款一口宇治抹茶卷蛋共有兩件，一口size，絕對唔驚食唔哂～旁邊仲有熱烘烘既紅豆🫘粒🤟🏼呢間隱世餐廳🍴能提供戶外或戶內坐位，感覺坐得舒服，亦沒有時間限制，正🤭
繼續閱讀
係北角嘅一間食丼飯同sandwich嘅餐廳✨ 價錢非常合理😍 而且有套餐，包飲品🫶🏻 環境裝修係日本風🇯🇵 似日式居酒屋🏮 氣氛都幾好❤️🔸 慢煮三文魚牛油果蟹肉他他丼飯 ($108)賣相好吸引😍 一大個雪糕筒插係蟹肉上面😆 牛油果他他酸酸甜甜，撈住飯好夾💕🥑 蟹肉都唔少，而且好鮮甜🥰 三文魚好嫩滑🐟🔸 黑安格斯封門柳溫泉蛋丼飯 ($118)牛柳煮得剛剛好❤️ 中間係粉嫩嘅肉，而外層都有層焦香😍 牛柳圍住成個碗，好豐富❤️ 而且加埋溫泉蛋、紫菜、芝麻，口感非常豐富，又美味😋🔸 熱柚子蜜 (+$8)甜度唔算高，好暖身🥰🔸 玫瑰藍橙梳打 (+$12)呢杯特飲較少見，有玫瑰花香同藍橙嘅味道，加上梳打，令到整杯飲落去好清新😆💕 好好飲👍🏻🔸 蟹膏燒蝦串 ($48)每隻蝦上面都有一塊蟹膏😍 非常誇張✨ 蝦燒得好靚，好香嘅炭燒味🤤 而且蝦肉都唔細，又juicy💕🔸 檸檬雪葩 ($58)最後叫咗個甜品😋 檸檬雪葩賣相好靚，係用真檸檬嘅皮裝著🍋 雪葩嘅檸檬味好出，食落去先食到酸酸嘅檸檬香，然後就有甜甜地嘅aftertaste✨ 鍾意檸檬嘅人應該會好鍾意呢個甜品🫶🏻整體而言，食物質素唔錯，價錢又抵❤️ 十分推介✨😎
繼續閱讀
您可能會有興趣的...