影片
開飯介紹
美式餐廳，除了有隨口也懂叫的牛扒、燒排骨、洋蔥圈之類的食物外，這裡的凱撒沙律及藍莓批也不俗。精選的甜品如各款芝士蛋糕、雪糕新地也可以一試。
繼續閱讀
特色
適合大夥人
營業時間
今日營業
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
公眾假期
11:00 - 23:00
公眾假期前夕
11:00 - 23:00
*星期日至四：11:00 - 22:30 (最後食物下單 21:30 | 最後飲品下單 22:00)
星期五至六及公眾假期：11:00 - 23:00 (最後食物下單 22:00 | 最後飲品下單 22:30)
以上資料只供參考, 請與餐廳確認詳情
有關獎賞計劃
童年回憶 靚扒房 !! 細個個陣家人生日 一定係黎呢度食 🤩今晚同媽咪重遊舊地，氣氛一樣好，估唔到食物仍然係咁岩口味 !重點 … 而家竟然出左 一/二/四~五人套餐，性價比極高❗️👉🏻Our Order::炭烤肉眼牛扒 10oz $468 烤半雞配薯條 $268 (包湯/ 沙律 + 甜品)望落叫得好少野，但最後我地兩個係食唔晒既 😂一坐低 員工就送上熱辣辣麵包籃🥖有3款唔同既包+朱古力玉桂muffin !當我想切開件muffin同媽媽share時員工竟然細心留意到，仲主動比多左件muffin我地雖然唔係咩貴重野 .. 但係員工既主動更加令人窩心炭烤肉眼牛扒 有10 oz 同14oz 兩種size揀～10 oz兩人絕對夠食 但下次黎我實揀14oz 因為呢個扒真係 好 食 到 癲 !!!!!牛扒插住MED WELL (7成熟) 既牌仔我諗呢度係將medium well發揮得最好既餐廳 😳牛扒外圍 係內斂既脆口感 !! 中心既肉汁 多到爆出黎 !!!放入口既每一啖 都係享受 🥹 我知 真係形容得好誇張 但真心覺得 實在太高質 🥹我地將牛扒上既Mustard Horseradish Butter平均搽勻晒😆 增添左扒既香氣牛味好重，建議大家完全可以唔洗沾拌碟既海鹽 同蜜糖芥末醬呀～自選配菜 都有成6款咁多 😂薯條/ 薯蓉/ 雜菜沙律/ 蕃薯條/ 烤粟米/ 椰菜沙律呢6款都唔岩唔緊要～仲可以 +$28轉配烤南瓜/ 炒蘑菇/ 炒時蔬/ 肉醬薯條/ 焗薯真係選擇困難😂 我地揀sides都諗左好耐 😂最後揀左員工推介既薯蓉～又滑又重奶香烤半雞 估唔到咁大份… 烤得好香，夾埋bbq sauce好惹味 .. 不過食到尾發現雞胸肉比較多所以真係食唔晒 ..😂薯條好香脆好正 ! 估唔到仲有細細碟椰菜沙律拌碟，有適量沙律醬 好開胃～跟餐揀既甜品 一D都唔hea !!! 😭😭係大人小朋友都會喜愛既 美式雪糕新地 !!!一上枱即刻係咁影相，完全係經典中既經典，帶有滿滿童年回憶 !!! ❤️忌廉包圍住雲呢拿雪糕，外面再淋上熱朱古力醬同花生碎 ! 面頭放埋粒車厘子成件事 真係好Classic 😭跟餐既凱撒沙律都唔會hea !沙律菜新鮮～麵包粒好味 😋總結黎講 牛扒係must eat !!!然後 餐既性價比真係好高！建議可以好似我地咁 一份單點+一個套餐可以試到多d唔同野～～服務、環境同食物都高水準約friend同食慶祝飯都好適合呀 !
繼續閱讀
放工約咗食肉獸老公去食好西🍴喺公司附近又一城嘅美式扒房餐廳🥩裝潢走芝加哥復古風🎰美式風特色打卡好似置身於荷里活電影劇情之中！老公仔喺我打卡嘅同時已經order好自選dinner set食乜野啦！🍲周打蜆肉湯 一上枱就知「好多料」無誇張！濃稠嘅忌廉湯底撈到滿滿蜆肉、薯粒同紅蘿蔔粒！每啖都好creamy仲有粒粒口感驚喜✨老公仔講笑話「呢碗根本係蜆肉撈湯」😂配埋熱烘烘嘅酸種包點蘸🥰暖胃又滿足！🍅番茄肉眼牛柳寬麵 原本以為美式餐廳意粉好普通？呢碟即刻狠狠打臉👋🏻！寬麵掛滿濃郁茄醬🍝酸甜平衡得剛剛好😋仲有嫩滑嘅牛柳粒同車厘茄🍅麵條彈牙有咬口仲有啲似手工麵嘅質感😋我哋瞬間清碟無難度～ 🥩炭烤封門牛柳 肉食控必點‼️ 牛柳外層烤到微焦脆身👍🏻切開粉嫩得嚟肉汁爆瀉💦炭烤香氣直衝鼻腔👃🏻簡單配海鹽已經帶出肉味層次✨仲有我問鐘意嘅熱辣辣炸起嘅粗薯條真係冇得頂呀！👍🏻🍨美式雪糕新地 vs 🍫自家製布朗尼蛋糕 甜品控表示兩個都要試！新地係經典美式風格💁🏻♀️用雲呢拿雪糕上層唧滿幼滑忌廉！兩者滑漏嘅交融邪惡度爆燈🔥布朗尼外脆內濕潤😋濃郁脆皮朱古力醬配搭布朗尼蛋糕🍫酸甜士多啤梨可以解膩！係個唔錯既配搭！整體份量十足👍🏻食肉獸都捧住肚返屋企～侍應哥哥仲好貼心介紹菜式！聽到我哋掛住影相仲主動問：使唔使幫你哋揸機📸️！以美式扒房嚟講性價比唔錯🥩可以再encore！
繼續閱讀
第一次嚟又一城間Dan Ryan 原來呢度入面空間好大 坐低有5款不同嘅面包食 一定要點埋佢個紅莓醬一齊食 個醬好特別好好味呀晚餐可以叫個Chicago set有餐湯/salad Main同甜品 餐嘅caesar salad都好大碟香烤味噌比目魚 食落去有日式料理感覺 比目魚仲好滑 側邊配菜有南瓜 薯蓉 西蘭花 另外散叫左一個Seafood Risotto 入面好足料 有蝦、青口、白身魚、比目魚 仲有risotto嘅蕃茄汁好夾 仲有係份量真係好大 甜品叫左芒果panna cotta 比較甜 但係我地食到呢度都已經超飽啦
繼續閱讀
【九龍塘Dan Ryan's｜美式慶生晚餐】🎂 又一城Dan Ryan's充滿芝加哥復古風情，適合同朋友或家人慶祝生日！🎉 二人套餐份量十足： ✨前菜： 「炸洋蔥圈」金黃酥脆不油膩🧅 「木瓜沙律」清新開胃🥗 🔥主菜： 「炭烤封門牛柳」火候完美🥩，肉汁飽滿，配香脆薯條🌽粟米清甜 ➕額外驚喜： 「黑松露意大利飯」松露香氣濃郁🍚，忌廉汁creamy不膩 仲有爆谷伴啤酒😆生日還可免費獲贈蛋糕🎁，適合慶生之選~ #九龍塘美食 #美式餐廳 #生日優惠 #牛扒推薦 #又一城美食
繼續閱讀
今次喺又一城Dan Ryan’s食晚餐，揀咗佢哋嘅 Set Menu，整體體驗非常滿意，值得一讚👏🥣 前菜：周打魚湯 一開波就有暖笠笠嘅周打魚湯，忌廉香濃但唔膩，海鮮料足，啖啖都食到蜆肉同薯仔，開胃一流。🍖 主菜：慢烤美國BB豬排骨 + 烤半雞 豬排骨真係超正！肉質嫩滑，醬汁香甜入味，啲骨輕輕一咬就分離，完全唔費力。烤半雞外皮香脆，雞肉 juicy，配埋薯蓉同蔬菜，份量十足，食完好滿足。🍰 甜品：芝士蛋糕 芝士蛋糕口感滑溜，芝士味濃郁但唔會太膩，底層餅乾脆口。朱古力布朗尼外脆內軟，配埋雪糕一齊食，簡直係完美句號！👨🍳 服務方面 侍應非常細心又友善，主動介紹餐牌，落單後都會主動問候，感覺好貼心。整體環境舒適，氣氛輕鬆，適合朋友聚餐或者家庭晚飯。💬 總結 Dan Ryan’s 一向有水準，今次嘅 Set Menu 每一樣都好好食，服務又好，絕對會再回訪！
繼續閱讀