Dan Ryan's Chicago Grill (又一城)

營業中

休息中

上菜十分慢由前菜，青口，意粉全部都冇味 難度十分高每一樣野都好難食埋單又等等等唉 浪費左一晚好多侍應 但冇一個得閒理你唔建議過嚟食嘢最多淨係飲嘢就夠全晚不停等等等等等

落班嘅女侍應服務態度差，冇冷氣嘅餐廳、檸檬茶就冇檸檬檸檬代表咩意思啊咩叫檸檬茶呢？喂等歺時間超過20分鐘先有得食喂人手不足叫極侍應都冇人有反應差差差。😡😡😡😡😡😡😡

九龍塘又一城都算是一個中間點，方便約會三五知己聚餐，地方舒適，4人枱亦都很大張，放滿食物都有位置空間相當舒適，食物都不錯，價錢偏貴少少，朋友生日店員還後送上驚喜蛋糕一份，都尚算滿意。

今晚同屋企人去我們Family Canteen dinner. Dan Ryan 終於有新Menu. 期待左好耐…因為爸爸媽媽由細細個就帶我地去食。今晚我們點左一個我每次黎Dan Ryan 都必吃既Nachos, Nachos 跟以前不同，望上去色彩繽紛，不過我都係鐘意舊的Nachos! 另外我們點了一個Disco fries Bone marrow , 可以打咭😬 侍應會在我們面前點火燒條粗粗地既牛骨，把牛骨髓放在薯條上面，好香啊！我們還點了一個蕃茄桃水牛芝士沙律，這個都不錯，但份量好似細了一點不過值得一提，近來侍應好多新面孔，比以前的服務好多了，我問他們新餐牌菜色，他們都很有耐性地為我們解答！但食物份量比之前細份了！

At first most of the things we wanted to order were unavailable, staff also seemed to be unaware with what was on their menu as we tried to order a glass of pink gin which we never got cause that turned out to be unavailable too. The waiter also got our appetiser and mains wrong. Definitely an experience not worth what we were expected to pay for. However the manager was very nice and compensated by giving a free gin and discounts on our steaks. But would not come back for sure.

星期五心情特別愉快，因為又是到週末放假的前一天，今日同3個同事去咗Dan Ryan食Lunch! 真的有驚喜 😍它們的lunch menu 竟然轉左新！最最最開心，Lunch set 有我最愛的黑松露磨菇飯🥰! 另外還有新菜式韓式辣醬螺絲粉，味道也相當不錯！ 留意到價錢還比以前微降、另外餐廳也相當貼心，side dish可以給客人選擇要唔要，可以加分 😬服務員的態度也不錯，很有耐性地為我們介紹和解釋菜式 ！ 但我最愛的muffin需要付錢才有得吃了 😮‍💨

星期六約下午2:30到達餐廳，因為接受坐門口位置，所以唔需要特別等位。我地2大1小，小朋友叫左兒童餐SET B、先生叫左「All Day Breadfast」、我就一直揀唔到叫咩，基於叫Beer Battered Fish & Chips時，侍應A話賣晒，其實星期六下午3:00未夠賣晒Fish & Chips都覺得有無搞錯，不過屋企人叫左餐就唯有從Menu中揀過第樣。揀左好耐再決定叫Smoked Salmon Egg Benedict煙三交魚班尼迪蛋，侍應B話「唔好意思無煙三文魚」，的確煙三文魚並唔係咩稀有食材，連呢個都無其實已經好反感同失望，最後只好揀侍應提議既Carbonara意粉。最後上餐，兒童餐SET B上枱係完成hea到一個點，仲要配以消失的西瓜!!! 小朋友想食既西瓜係完全無上，同menu上既相有出入，咁既情況有請餐廳方面幫手跟進一下係咪漏左西瓜? 侍應C(中年男士)問完水吧後即覆我地話「無晒!」，先生問點解落單既時候無講? 得到侍應C既回應係「咁你想點?」???? 顧客要求比錢食飯係食番同menu上一樣既野係基本? 我地有想點呢?最後無食走人，亦必定會分享此經驗比朋友知道

假期訓到自然醒😆諗唔到去邊，近近地就去又一城啦。適逢公眾假期，到到都爆滿，見到呢間有位即刻入去食。有brunch set，coffee可以續飲，對於我咖啡迷就好合適👍🏻老公叫咗一個all day breakfast 美式餐廳餐點份量一定有保證，牛扒叫咗五成熟，嚟到都啱啱好不過好似每一樣嘢都冇乜調味，除咗個法包好香蒜蓉味👍🏻不過唔係熱既。我就叫咗一個雞胸牛油果沙律同樣地份量好充足，不過都係冇乜調味。枱上面有鹽同黑椒，比客人自己根據自己需要調味嘅，所以都可以接受，成個體驗都係合格範圍。

好耐好耐未嚟過Dan Ryan喇！🍝🍝🍝🍝🍝🍝🍝🍝🍝🍝🍝🍝一坐低服務員就俾咗唔同款式嘅麵包俾我哋，我哋就揀咗食龍蝦尾，千層麵，豬仔骨，呢幾款我哋通常都會食嘅菜式。🦞🦞🦞🦞🦞🦞🦞🦞🦞🦞🦞🦞呢度食嘢嘅氣氛都算唔錯，真係好適合三五知己嚟呢度吹吓水食吓飯聚下舊。🦞🦞🦞🦞🦞🦞🦞🦞🦞🦞🦞🦞呢度食物嘅份量都比較多，如果選擇輕食通常都會揀海鮮類別。總括嚟講都係一間唔錯嘅餐廳

尋日約朋友食飯，個腦都唔經思考又打電話去又一城DanRyans book枱，諗返起差唔多次次約人食飯，如果未同我去過嘅朋友，我都會同佢哋去一次，真係以為自己中咗毒咁。不過諗真啲，就係因為食咗咁多年，俾啲度嘅環境同埋氣氛吸引住，入到嚟總係有一種舒服同熟悉嘅感覺。呢度嘅牛扒同埋Burger固然美味，最出色嘅係佢哋啲飲品，隨着唔同季節都會出一啲新飲品招呼啲客，無得頂。呢度啲職員真係要讚，美式托盤真係唔易做，佢哋又勤力又有禮貌！👍🏻😊

All day breakfast 的牛扒淡而無味又無牛味。Spare rib 跟半年前味道不同，變得普通又乾又駭了。Carbonara意粉 更是普通至極。餐前麫包也比以前差，比較乾。蝦沙律只有三隻蝦,多少見人見智，但沙律汁好好，好清。覺得食物過去四至六個月味道愈來愈差，不再藉咁貴。應該半年內不再考慮去。失望！

朋友話好想食90分鐘雞翼啤酒放題 $168我唔飲啤酒不過最緊要開心😄又一城分店只限星期一至四 1500-1900以booking time開始計90分鐘所以大家記得準時去到啦！一開波就有一盤麵包好快雞翼送到每次一人一盤每盤有4隻炸雞翼+薯條炸雞翼和薯條非常熱 夠哂香脆醬有3款 分別係ranch sauce、honey mustard、blue cheese而啤酒主力有Sapporo和Corona女仔食3 round都夠哂飽如果飲埋啤酒應該仲快飽肚職員都幾快手主動$168啤酒薯條雞翼任食都係開心為主 最後加錢食多一杯新地Happy

這裡的食物如已往一樣都是一般。不會有甚麽驚喜。餐廳服務態度及水準一向都不是這店的強項。雖然大致上過得去，但亦有個別的員工就比較弱。負責做接待客人的 Linda 則有些不同。經過一段時間的觀察，留意到她在安排座位時是記得熟客的喜好。有空時亦會處理其它服務工作。今晚特別遇到個叫亞樂的服務員。他很有禮貌和會主動留意客人的需要。不似那些用"生產線模式"運作的服務員。

食材已經唔掂，加埋超級不知所謂嘅服務態度，真心唔明點解佢仲可以繼續做落去，收咁嘅價錢，全程淨係見到啲樓面不停斟水，我心諗呢間餐廳請啲職員淨係負責斟水？期間見到我張枱成枱都係餐碟，都冇表示係咪要清理，埋單嗰時話俾佢聽俾Apple Pay，埋到嚟張單就咁直接放枱，一直冇眼神接觸，亦都冇講價錢冇任何表示，Apple Pay部機就咁放喺枱，冇任何表示，仲要係呢個時間同其他同事傾偈，完全係無視嗰種感覺，之後要我問佢係咪可以拍卡啊，佢先至話係，我跟住問佢點解唔出聲，佢反而話佢已經擺低咗部機等我拍卡，我未試過喺出邊餐廳食完嘢，用Apple Pay部機埋單個職員就咁放低部機就算數，基本禮貌一啲都冇，最後仲要好冇禮貌咁掹咗張單就咁抌低，連一句多謝都冇就走咗去，兩個人食咗千三蚊埋單，仲要搞到一肚氣，除非你係佢fans，如果唔係唔建議去，我就一定唔會再去。

Dan Ryan’s 的環境好舒適，暗暗橙光，令人好relax,不過散叫的食品偏貴，但午餐相對比較抵食，有湯有麵包、Muffins 等，唔夠可以添😜，烤雞凱撒沙律🥗，每次我都會order,烤過的雞肉有炭香味，又不失嫩滑，意粉🍝夠creamy,唔錯☺️