Dan Ryan's Chicago Grill (又一城)

營業中

休息中

一早約好咗今日特登約埋老公一齊出嚟拍下拖*不是試食活動兩個人嚟到呢度都好有mood好悠閑咁傾下計，難得呢度好寧靜舒服！Classic Strawberry Milkshakes唔會太甜，鐘意上面嘅肥妹cream做裝飾！好睇又好食🤣Crab Cake 黃金蟹餅用大螃蟹肉粒製成，有咬口，食得出係真🦀️肉！加埋烤桃牛油醬，鮮鮮甜甜唔錯唔錯☺️Carbonara 卡邦尼意粉 用咗Pancetta 煙燻煙肉粒, 比較重口味小小，十分足料，芝士味濃，食完會十分飽飽🤣🤰 🫃

同朋友食晚餐。叫咗個10 安士肉眼 $418極到普通 完全唔值呢個價錢另外仲有個芝士通粉 亦都非常唔好食。。。期間叫咗幾次職員幫忙斟水亦都冇人幫真係難怪咁多人話服務態度差。同朋友慶祝生日 先揀咗呢度亦都買咗個蛋糕嚟呢度慶祝。。個蛋糕原先係有啲裝飾 個職員問都冇問過我 。。就是但幫我將啲裝飾放晒落個蛋糕度 。搞到成個蛋糕唔係原先嗰回事。。搞到我同我朋友都有啲唔開心總括嚟講 呢間餐廳唔會再嚟第二次 性價比非常低呢個價錢大把選擇

體驗經典美式菜，Dan Ryan一定係首選！呢間餐廳多年嚟都保持一貫質素，平日晚市又一城分店幾乎滿座，非常之熱鬧😇蜆肉周打湯用麵包盛載，傳統做法的周打湯比較濃郁，搭配馬鈴薯、白洋蔥等，提昇香味。木瓜沙律非常健康嘅配搭，木瓜粒香甜，青瓜及沙律菜新鮮爽脆。番茄忌廉牛扒粒寬扁麵牛扒切粒，寬扁麵偏腍身，番茄酸酸甜甜，整體味道唔錯。水牛🦬城雞翼正宗做法，先炸後上辣汁，辣得嚟夠惹味，令人想食完一隻又一隻。鮮焗美國蘋果批本身仲驚超甜，但係味道調較得宜，入面仲有超多蘋果，好好食😋🛎️必試指數：9/10🔆

環境的確幾chill. 吹水 飲嘢一流成班人一齊gathering慶祝嘅好地方裏面好多西方藝術畫作 仲有一個好大隻牛頭主打一個BAR與餐廳結合 炸魚柳漢堡配炸薯條美國芝士、生菜、醃青瓜、洋蔥、櫻桃辣椒他他醬 脆皮魚柳 油份控制得唔錯 封門柳沙律🥗加左炸雞同蝦肉 嫩滑封門柳五成熟有四安士或者八安士俾你解食完膳食纖維先食蛋白質 健康Level up😬成碟沙律菜顏色非常豐富 越多，顏色代表營養價值越高 特別係深色植物 咖啡雪糕配朱古力布朗尼朱古力醬唔會太甜 食完都唔會好滯 咖啡雪糕配搭朱古力好食過用雲呢拿

星期一下午4點幾同朋友去開又一城, 行經 Dan Ryan, 諗住好耐無去過, 就入去坐底飲杯野，我哋因啱啱食完 lunch buffet，實在食唔落 tea set ，見到有個 happy hour menu, 叫一杯啤酒或特飲就可以有一款免費小食，似乎都幾啱我哋，於是一人叫一杯野飲，同我哋落單果位小姐唔知係咪嫌我哋嗌得少野唔滿意，寫完我哋2杯野飲問都無問我地要咩小食就走咗去，我哋以為小食會自動跟野飲來啦，點知2杯野飲到左隔左一陣都無小食跟嚟，於是我哋叫第二個待應過來問嘢飲係咪有小食跟，佢先話我哋叫左2杯野飲，可以喺4款小食中揀2款小食… 好啦，揀完小食又好耐都無嚟，於是又叫第三位待應跟一下，呢個時候就聽到第一位同我地落單的待應姐姐好大聲咁同呢位幫我地跟單的待應話“佢哋果d係免費小食！”最後小食終於到左，待應只係放低2碟小食同2枝食甜品用的义仔，無碟無餐紙跟。我地其中一份小食係薯條，一啖根本食唔到一條入口，係咪要食完一啖薯條就要凌空义住另外果半…真係無言，同第一位待應反映佢竟然話碟同餐紙係要 special request 先有！ … 到底發生咩事？呢d態度真係無下次！

Came here on a Friday for a few beers, where only Stella and Budweiser are the cheaper beers during their happy hour. To go with the beers we ordered food from the bar menu. For the first round of beers we ordered the Chicago Combo (small size) $198. This consisted of buffalo wings, cheesy potato skins, sweet potato fries and onion rings with dips and sauces. When it arrived it was underwhelming and not value for money (hence did not even bother to take a photo). For the second round of beers

happy hour由星期一至星期四正午12:00到下午7:30有啤酒、雞尾酒和紅白酒星期一至星期五下午三時至六時更加有小食提供🫧我哋叫咗個Chicago set 🫧蜆肉周打湯蜆肉周打湯放喺農夫包入邊個包好大，可以襯上個蜆肉湯🫧德州漢堡比較乾身但燒烤完之後十分香口🫧朱古力新地勁多cream🫧三重芝士焗通粉好多都係芝士芝士同埋芝士芝士非常之香口將芝士放上去熱辣辣嘅通粉上面反而有一層烤芝士嘅味道🫧素雞三文治🥪難得有素食三文治裏面有芝士生菜，仲有一種洋蔥醬我唔鍾意食洋蔥🥲素雞三文治配上薯條🍟十分好味薯條炸到好香脆😍Happy hour叫咗🫧long Island & SangriaSangria & long Island 酒味都比較重推薦🫧三重芝士焗通粉🫧德州漢堡🫧happy hour

今日同老公喺又一城睇完戲，見到Dan Ryan 門口個牌寫住牛扒做緊買一送一優惠， 就揀咗喺呢度食個晚餐。 職員話原來係星期三17：00後先有呢個牛扒優惠㗎咋，只要叫兩杯正價飲品就可以enjoy呢個優惠。。 職員先送上一籃麵包同muffin，啲包同muffin口感好鬆軟，配合埋個士多啤梨牛油， 酸甜開胃，美味可口。而且食完仲可以refill 添😛 水牛城雞翼係餐廳經典美式小吃，而且仲做緊美國月promote。雞翼炸得鬆脆香口，加上酸香微辣嘅醬汁，味道層次豐富。配菜青瓜同芹菜配合埋酸忌廉，清新得嚟又可以中和下水牛城雞翼嘅辣味。 牛柳切成細細舊，方便進食。牛柳十分軟嫩多汁，口感豐富。旁邊仲有3款調味料，海鹽、茄汁、芥末。薯條炸得金黃香脆，帶有少許薯皮，薯味濃郁。 最後當然要整返個飯後甜品啦，我哋揀咗而家八月做緊優惠嘅鮮焗美國蘋果批，因為即叫即焗，所以要預早少少時間叫定上餐。蘋果批餅底鬆脆，內有又香好又軟嘅蘋果，帶少少許玉桂味，酸甜嘅蘋果再配合埋雲呢拿雪糕一齊食，味道口感一流。 呢度檯面都會鋪上一大張白紙，又有蠟筆提供，如果帶埋小朋友嚟，都可以比佢哋畫下畫。

10幾年嘅情懷依舊不變Dan Ryan 始終係一間最有特色又好食嘅🇺🇸美式餐廳🇺🇸水牛城雞翼$78個醬汁好香濃，酸酸辣辣，真係好惹味！🍗🔥 雞翼炸得金黃色，外皮脆卜卜，一咬落去，就聽到"卡滋"聲，😋個醬汁仲要好均勻咁掛喺雞翼上面，每一啖都充滿住濃郁嘅味道，真係停唔到口！美國進口燒烤BB豬排骨$298（half）呢啲豬排骨真係好正！🍖🤤 肉質好嫩，一咬就開，而且唔會乾巴巴，真係好juicy！😋個燒烤醬好香，甜甜地，帶少少煙燻味，真係好正！🤤而且個醬汁好均勻咁塗喺豬排骨上面，每一啖都充滿住濃郁嘅燒烤味！招牌黃金墨西哥脆片$158呢啲脆片好脆，唔會太硬🌮個醬汁好濃郁，酸酸辣辣，配埋雞翼同豬排骨真係一流！🤤😋而且個醬汁仲可以沾喺脆片上面，每一啖都充滿住濃郁嘅味道，真係好滿足！凍檸茶$38

唔講唔知，原來Dan Ryan 在港開業已有35年喇！我耐唔中都會同朋友聚餐，歐陸復古裝潢，座位寬敞舒適。 最近中午再去，人頭湧湧，午市套餐只需108起，配麵包、餐飲、湯或沙律～當然要點經典美式菜式，首選*烤半雞，及*炸魚薯條烤半雞份量都幾多，帶有香濃雞香味，雞肉軟嫩多汁，配上燒烤醬汁夠惹味。 伴碟有酥脆炸薯條及清爽解膩的酸菜；而炸魚薯條金黃色的，香口鬆脆，龍脷柳肉軟滑鮮甜，加上檸檬汁及他他醬，中和炸魚油膩感。追加甜品～自家製布朗尼配朱古力士多啤梨， 布朗尼口感綿密，朱古力味濃郁，上面放了貼上朱古力醬的士多啤梨，相當吸引！

Fish and chip 好差，魚肉沒有鮮味，味道好似咸魚，成塊炸完好多空氣，咬開魚其實好細。磨茹味道好難飲。燒鷄不錯。i always go to Days Ryan almost every two weeks. But its quality is unstable, sometimes it is good, sometimes bad. Waitresses smiled but you can tell they are reluctant to serve you. It is always hard to find someone to place order.

我地兩人被安排坐近廁所前面嗰堆枱，除咗逼到班侍應扭哂腰穿插每一枱，基本郁一郁張櫈都頂到隔離枱，仲有呢個位嘅冷氣係好弱。如果咁好彩獲安排呢堆枱，敬請say no。今次試咗佢個周打蜆面包湯，super green salad，同apple pie。周打蜆強烈建議唔。好。叫，湯又少又咸又唔夠熱，個sourdough吸收唔到啲湯，同個包係好難食。如果要挑戰，可以考慮用cup上。佢啲餐前包反而好食好多。super green ok，足料嘅。apple pie就唔夠熱，不過有球雪糕搭救。今次寫黎評以上幾款，下次試其他chef selection可能safe啲呱。

今日佢老婆行街，周圍餐廳都好多人，但係見 Dan Ryan’s 有位，又諗住喺大牌子，所以就試吓。誰不知呢間餐廳完全唔夠人手，雖然啲員工已經忙到傻，盡量有禮貌，但係真係唔夠人招呼客人落單，而且上菜極慢，order完50分鐘後牛扒先上。隔籬枱都開始燥底。最不滿嘅係唔知點解遲落單起碼15分鐘嘅枱會上晒菜先，但係早嚟嘅幾枱都冇嘢食。到上菜嘅時候，啲番薯條 overcooked 好多油又淋，6成熟牛扒 = 3舊全熟，2舊全生😅 睇openrice 大家嘅評論都發覺呢間餐廳嘅人手好有問題，今次親身體驗。不可一不可在。😅

呢間餐廳經過很多次，一直未有幫襯過。適逢父親節，老爺又鍾意食牛肉，所以就一於訂位。6點半餐廳都已經很多人，店內佈置環境都幾舒服。 打開menu, 頗多選擇，最後老爺拍版話叫個父親節餐，啱晒我地四個人食。晚餐包括水牛雞翼，意大利茶湯，龍蝦併封門牛柳，卡邦尼意粉，仲有心太軟做甜品。另外我地再叫多客墨西哥烤雞薄餅同肉醬意粉。雞翼味道適中，之前係第二度試過，辣到唔想食。 菜湯略鹹。龍蝦同封門柳都好味，我地叫七成熟，下次可以試5成試下。兩款意粉口感都滿意，不過烤薄餅太多芝士，食一塊已經小小膩。整體老爺同老公兩位父親都滿意，咁我就放心晒。

侍應全程冇笑容，禮貌欠奉，帶位嘅一枝箭行左去，連一句說話都冇，可以行得我地都唔知；食食下野後生攣頭髮侍應問都冇問一句就收左我哋未食完嘅包籃，大佬你盲嘅唔緊要，問聲我哋可以收走未都得掛？中年黑圍裙男侍應仲好笑，我其中一張卡碌唔到，一句野唔講又走左去，想同佢講改Apple Pay都趕唔切就走左，喂大佬，而家好忙咩？你個場得8成人，有成6個人都可以係咁嘅服務，想收野趕你走就快快手，俾百幾蚊我唔expect有酒店服務，但仲衰過茶記，香港飲食業衰落唔係冇原因，貼錢買難受，唔係樓上Cova冇位都唔會去呢間垃圾餐廳。