CRAZYPIE

營業中

休息中

雖然我係話散水餅推介，但係我地係用黎代替生日蛋糕，連鎖店既蛋糕唔好食，當然幫襯下小店，點知有驚喜。呢期做緊每2件減$6，平均$30一件。叫左8件，包括特龍朱古力布朗尼撻，玄米抹茶麻糬撻，金橘果烏龍茶撻，earl grey伯爵茶麻糬撻，純乳酪士多啤梨撻，鐵觀音巧克力脆脆撻。我自己好鐘意食麻糬同抹茶，所以食左玄米抹茶麻糬撻，層麻糬好好咬，抹茶味好濃，但唔係好食到玄米味，撻皮脆，又唔會太甜，overall好正。其他既，同事都話好食。佢每個月都會換款，大家路過可以買佢現貨試下。

今次係自己比自己嘅抹茶系列🍵🤪.玄米抹茶麻糬撻 $33推薦指數：★ ★ ★ ☆ ☆撻皮冇退步，依然保持水準，香脆具牛油香😛。以麻糬、抹茶忌廉、抹茶生朱古力🍫，玄米茶慕絲製成。玄米茶味幽香，配以夾層嘅抹茶醬帶出回甘，麻糬煙靭豐富咗整體口感。·抹茶蕨餅Tiramisu撻 $33推薦指數：★ ☆ ☆ ☆ ☆呢款就有少許失望，身為主角嘅抹茶🍵存在感不太高🤭，亦食唔到Tiramisu去咗邊🙁，底層加咗丁點蛋糕🤏🏻，唯獨呢點同面層嘅Cream我搵到Tiramisu嘅蹤影🤔。··.我在Crazypie食過嘅撻款小小排名🕺🏻🥇黃豆粉蕨餅抹茶紅豆白玉撻🍵🌟🌟茶控表示冇得輸🥈Nutella Mascarpone Cheese Tart🌰🥈Tiramisu Tart💭有私心，本身好愛Tiramisu🥰🥉海鹽焦糖紫薯粒粒芝士撻🍠🏅玄米抹茶麻糬撻 👈🏻👈🏻

觀塘工廈一向都出名有好多食店係入邊，今次過嚟呢邊行街睇傢俬，一路由10/F行落去，行行下有D攰又見到呢間pie 店好似好靚咁, 就入咗去試下喇。可能因為係父親節，凍櫃入邊嘅款式都唔係好多，有好多都入好咗盒應該係一早預訂咗嘅，咁就同男朋友一人一款揀嚟試下。斑蘭椰香撻上邊突起嘅四方形係椰子味奶凍之類嘅物體，而撻中間就係斑蘭味嘅內餡，兩者加埋好有去咗新加坡/馬來西亞嘅味道。柑橘果烏龍茶撻呢一款就上邊有一片柑橘果肉，內餡就係烏龍茶味，柑橘味強，當一啖食落去嘅時候，柑橘味係會搶哂烏龍茶嘅味道，但就算我唔食表面果肉只食內餡，烏龍茶味都比較薄弱，兩者其實唔算好夾，對比斑蘭椰香撻就真係麻麻地。兩個撻嘅撻皮都係比較出色嘅部份，香脆得嚟唔會太硬。但內餡嘅部份就真係遜色咗啲，以平均HKD30一個嚟講，對比其他工廈入邊嘅甜品點，其實係貴咗少少，雖然店面裝飾幾靚，用嚟影相打卡都唔錯，但考慮到食物嘅質素，應該都唔會再嚟第2次了。

ig follow 咗呢間好耐，但最近先扚起心肝嚟食雖然有得walk-in買，但數量較少，提早幾日book就最安全，畀現金仲可以每2件減$6添為咗環保，我就自備咗食物盒去裝，反正都係自己食，唔使浪費多個紙盒左：鐵觀音巧克力脆脆撻，$33右：玄米抹茶麻糬撻，$33玄米抹茶麻糬撻真係好好食😭簡直係我人生食過最好食嘅抹茶撻！一路都好鍾意抹茶，呢間茶味唔係濃，但係同啲奶味混和得天衣無縫，係我最鍾意嗰種抹茶味😍一路食啲抹茶醬一路流，一路不停感嘆真係好好食🤤其實係攤凍半個鐘先可以食，但我太心急🤣啲麻糬未軟就開始食撻皮加咗白朱古力，令到層皮唔會太易淋，擺咗幾個鐘仲係好似啱啱出爐咁脆！不過自己食完一隻，真係有啲膩😂飲咗幾杯茶先頂得順，第二朝早餐都唔使食鐵觀音巧克力脆脆撻就一般般，第一啖咬落去朱古力味幾香濃，但茶味真係唔濃，甚至我食到一半先醒起佢係鐵觀音嚟，我仲以為係芝蔴😂但可能因為我擺咗一日先食，所以變咗唔太好食，見到面啲朱古力脆脆都已經淋咗啲，但係撻皮仲保持到好脆！呢個抵讚！總結係買返嚟記得要及早食🤣

經濟嚴峻，今人又有同事要離開公司了😭，crazypie散水餅……紫色嘅盒好靚，一盒六件，每件cake 都唔細，好多囗味，花多眼亂，附上今個月供應嘅資料，第一次食，本來想揀我最愛嘅抹茶，不過都係上網做下功課先，原來好出名，揀咗受歡迎嘅earl grey 麻糬撻，攞上手都幾重，咬落去伯爵cream 幾滑不過伯爵味唔算濃而且偏油，有啲heavy , 中間有麻糬，幾煙韌，皮係曲奇皮，好脆，over all都可以，不過可能因為名氣過大，無我預期咁吸引。

之前有同事請食散水餅，一班女仔wewa鬼叫，係咁影相打卡，仲話「好靚呀」、「我要呢件」、「我地交換食丫」、下刪三千字。咁的確個樣係幾靚的，每個Pie都幾大個，直徑可能有6 cm！我試咗朱古力味同伯爵茶味，兩個都好漏下，前者好杰、後者好多忌廉。食完要做GYM先搞得掂，哈哈。啲料甜都唔緊要，但好奇怪的事就好快出現了，唔知係咪太近個紙皮盒嘅關係定真係個Pie皮出事，一咬就覺得好大浸紙皮味，即刻乜Mood都無哂...。總之感覺就唔多討好。希望係個別事件或個人感覺。我聽同事講CrazyPie喺網上好出名的，要早幾星期先訂到😅，要成幾十蚊件，一啲都唔平。

上去樓上都等左勁內，一出lift有幾個人都一齊去搵CRAZY PIE，見d人6個6個咁買🙈🙈自己第一次食就買一個算。去差唔多三十蚊一個，最平都28/29蚊。阿華田朱古力撻入面有四層左右，有麻薯係底，不過唔係十分夾。唔係軟綿綿個d，有啲夾硬放洛去咁。之後係阿華田，上面有個類似布甸既朱古力。個撻皮有d硬。(我本身係中意食硬撻底)不過覺得佢麻麻地。另外，店員有先用夾，夾出撻放係盤，旦之後係用赤手將撻放入白色紙上再入盒。收錢襟機又係赤手🤢🤯🤯🤯

係ig follow呢間甜品舖好耐，經過觀塘，所以想去試吓佢每日都會有啲現貨係舖頭度買，有好多好吸引嘅味道，最後揀咗佢嘅伯爵茶麻薯個撻好實在，麻薯煙韌，好好味下次會買其他味試下

好多人買散水餅都選擇crazy pie，因為size適中，價錢實惠，送人完全唔失禮之餘又可以錫住個荷包。我都聽人介紹過，但我自己一路未有機會食。行開觀塘區，決定買件黎試下係咪真係咁正先上到去，地方唔大，堂食得一個小型bar枱位，可能因為佢地主打係預訂order，都唔預多人堂食，不過幾乾淨企理既。有幾款選擇，d pie賣相全部都唔錯我買左紫米紅豆麻糬，因為轉頭要食飯，諗住食d無咁heavy既味疫情關係，無得堂食，買兩件有折，男友買左一件朱古力味既。(不過我無試佢個個，佢自己食哂一件)食落有淡淡既紫米牛奶cream香，再配埋紅豆，好match，夠清新最正係入面有麻糬，煙煙韌韌，而麻糬都唔會太甜，所有野都岩岩好!推介大家食呢款撻!crazy pie既撻當tea食應該幾岩，我食個時比較晏，到食晚餐既時候好快就飽左因為撻size都有手掌心咁大，仲要有麻糬係入面呢

舊同事很好，她邀請我係佢last day 返公司食散水餅。依家店係IG 好有名氣，睇每件批既名都會覺得好吸引，所以自然對佢哋既批要求高，加上每件批唔係便啵！同事買唒當月出既味道，因為有多，我有機會試到更多既口味。1. 抹茶Oreo2. 黃豆粉黑糖麻糬3. 芋泥烏龍茶老實説，我當時有擔心同懷疑自己既味覺係咪有問題。因為每件批都冇應有既味道，Oreo 餅沒有味，吃不出抹茶同烏龍茶茶味道，麻糬完全沒有QQ 口感。只能說，我未懂得欣賞。

😍😍撻控想試好耐，原來唔算太遠，都方便🤩咁岩去附近做野就順便去買🤩🤩成個撻好精緻又重手👍🏻———-👉🏻廚櫃內超吸晴，樣樣想食，買左兩個同老公share😍😍😍先試當然一定是王牌款伯爵茶麻糬撻🤤因為earl grey有麻糬，煙韌控最愛👻👻👉🏻面層忌廉配上淡淡嘅伯爵茶味，唔會太漏，中間有一層忌廉芝士，而最底有麻糬，配埋個撻皮真係幾唔錯，薄薄墊底🤩👉🏻一啖食到不同層次既口感，伯爵茶味稍為有啲會比其他味道搶咗，尤其是係個撻皮真係好香脆、高質👏🏻👏🏻👏🏻另一個係朱古力🍫撻🍫🥧老公至愛入面層次分明，最欣賞佢係唔會過甜過漏，男仔食都唔會覺得太甜，🍫好濃郁！👉🏻散水餅一大好嘅選擇，不過一個人食晒一個都會幾滯下😈😈😈————$35 每個Crazy pie (觀塘）

難以抗拒的甜食😊今日的我打倒昨日的我👊🏻走進工廈內探索不難發現美食當前，甜品控難以抗拒呢🙊 款式十餘款，每款都非常吸引，有主打中式芋泥碳焙烏龍茶味、鐵觀音味，也有英式伯爵茶麻糬撻；而法式經典檸檬撻和意大利咖啡撻也相當吸晴 。當天有優惠，原價$33港元一件，現金價$60兩件。只限現金付款。如果有二人或以上便可建議購買兩件，十分抵食。我第一次被吸引來到，就試試焦糖脆脆芒果芝士撻。我對焦糖雖然覺得甜，但試後都覺得可以接受。而芒果蓉十分香口！小店本身有堂食，但因預防新冠肺炎，暫停堂食，只供外送取走。

早前去觀塘行駱駝漆大廈，見到一間好吸引的甜品舖：Crazy pie 🥧。係手工製的爆餡甜品撻，有多款口味，每月有唔同款，亦有常駐款，價錢大約$30-$33/個，我覺得最吸引係個「芋泥碳焙烏龍茶撻」，紫色嘅頂層，好靚、好吸引，材料又健康，最啱一啲怕肥又愛吃甜品的朋友！不過由於趕時間，無即時買嚟試，返到屋企試下上網睇返，原來佢哋仲有IG和社交平台專頁，好多人大讚👍下次一定會買嚟試下，你哋都快啲去佢哋專頁睇下！

去年11月來過一次堂食，覺得很失望，但看到很多網上評論都說不錯，所以決定多給一次機會，再嚐一次才寫食評。結果4個月後的今天剛好路過，因為疫情不允許堂食，便外帶了一個回家吃，終於覺得好吃‼️溫馨提示‼️記得要給足夠時間撻去融雪，不然會很硬，破壞口感！食物：4.3/5第一次來點了 ▪️伯爵茶麻糬芝士撻超失望，因即點即吃，底層麻糬及芝士完全是硬的，又沒味道。面層伯爵茶忌廉比較淡，結果我吃了三份一就扔了。所以強烈建議外帶回家，讓麻糬有機會溶雪！（以後看有沒有機會再試一次這口味）第二次來點了 ▪️焙茶紅豆芝士撻非常不錯這次我外帶，在室温放置了一小時以上（雖然吃時中心部分還有點冰碎）。焙茶茶味突岀濃郁因為不太甜，所以不覺膩而底層有一粒粒紅豆及芝士。焙茶、紅豆、芝士味不會蓋過彼此，又不見得很融合，但味道是不錯撻餅皮厚而鬆化！整體而言，第一次吃Crazy pie時，完全不明白為何有那麼多支持者; 但第二次吃的確大大改觀，會想再來試其他口味(私心希望可以推岀迷你版，讓我可以一次嚐盡多款口味）

人地請食嘅特別好味🥳每個撻都成隻手掌咁大，每樣口味都好有新鮮感，而且唔會太過甜～🔹芝士奶蓋奶茶 | 芋泥烏龍茶 | 伯爵茶麻糬 $33我試咗幾款本身就好鐘意嘅味，芝士奶蓋下層係奶茶凍，上層係海綿蛋糕同芝士奶蓋，咬落去口感好豐富，凍凍地嘅奶凍同埋軟綿綿嘅蛋糕好夾，仲有濃濃奶茶味同鹹香嘅芝士奶蓋，變咗食緊奶蓋奶茶咁！另外試咗兩個茶味都好出色，伯爵茶麻糬最底有Q軟麻糬，口感煙韌，伯爵茶味都超香～芋泥同烏龍茶味夾得好好，芋泥甜得黎有烏龍嘅清香，每樣試到半舊都好滿足了☺️/ @crazypie.hk/ #sa9觀塘 #sa9甜品✄──────────────────✄CRAZYPIE 觀塘開源道60號駱駝漆大廈3座8樓U室