Cozy Cafe

營業中

休息中

地點較為偏僻，遠離港鐵站，行到索氣。店鋪不大，放了好多張檯，有少少逼。食物價錢算平，叫了流心蛋沙律同蛋糕。沙律新鮮，但醬汁不夠較乾，同埋蔬菜種類可以多返少少，現在較單調。蛋糕不錯，但茶味略為淡了點，如果茶味更濃郁就好了。

一直都好中意去下文青又或者有特色嘅Cafe。第一眼見到呢間餐廳嘅相已經好中意，決定去啦！門口外面嘅環境，人流好少，地點有啲難搵，屬於隱世cafe入面既環境好舒服我去到嘅時候已經三點幾，揀左最入面，角落既一張枱坐。呢個時間已經冇晒午餐🥣，店員話得返沙律、芝士餅、同咖啡☕️。冇咩選擇，有點失望😞唔緊要啦，就試下new york cheesecake 同hazelnut latte New york cheesecake $32好好食👍🏻呢個芝士餅嘅面同底都脆，有濃郁嘅烘焗香味，中間嘅軟心芝士味濃👍🏻Hazelnut latte $38拉花幾靚，但味道麻麻哋～偏淡-全單$70，唔需要+1

開openrice搵屋企附近既餐廳，見到呢間好似環境唔錯就同女朋友去試下啦。入到去，裝修的確係唔錯（但全程都keep住有一兩隻烏蠅發來飛去），我地各叫左一個set dinner，分別係美式蜜汁豬肋骨，同西冷牛扒。兩個set連飲品將近三舊水。先講豬肋骨，由落單到上檯用左唔夠10分鐘，即係唔係即做啦，上檯時唔出煙微暖。最大獲係個汁，只能用甜到苦形容。我敢講個汁絕對甜過一羹蜜糖，食到一半已經食唔落再講個牛扒，收我就黎兩舊水，一上檯見到好大堆好稀既汁已經心知不妙，浸到啲炸薯條淋曬，味道亦好怪。塊扒size就夠大喇，一咬落去成陣鬆肉粉味。唔係話好難食，但你收成近兩舊水一碟扒，比呢個質素，認真不能接受。最後個桂花茶同朱古力布丁，正常味道啦，但所有心情已經被個main破壞曬。總括來講，坐低嘆茶傾計，享受環境係還好，但食物真心垃圾，仲要收呢種價錢，絕對永無下次！

真點隱世Cafe 😇首先個setting已經深得我心，有好多乾花，配合埋燈光同background Music，真係好Cozy 叫咗兩個 Dinner set，沙律同湯都幾精緻。叫咗個意式三文魚燴飯，一開始以為會有幾塊三文魚放喺燴飯上面，原來三文魚碎同芝士溶咗喺個汁入面，一 bud 啲飯仲有少少拉絲🤤個Rib都好jengggg，啲肉好嫩，用咗好多蜜糖為主，稍甜。佢哋仲預先切定個底，唔使我哋自己切得咁辛苦，好貼心💕加多$10就有碟蒜香意粉，都幾抵😛叫咗一壺無咖啡因高級錫蘭伯爵紅茶（佛手柑味 ），可以慢慢倒黎飲，so chill☺️ 一拎壺茶埋黎已經聞到好清香，加佛手柑落Earl Grey都幾特別，令到壺茶更加Fresh，食完咁多heavy 嘅主食飲就啱晒 🙈個Lucky賣相幾好，不過就淡左少少。本身嚟到想試吓佢啲cake，但冇晒，有啲可惜😕 睇嚟下次要再去食😋😋

-Happy Birthday🎂即使最近超級忙碌，朋友生日當然要chill一下😍這間咖啡店的擺設既文青又舒適，下午更是人頭湧湧，當然要試試❣️♥《西班牙豬扒煎蛋配洋蔥汁意粉》一看見馬上「嘩」了出來🤣超大份量！連意粉都看不見了！肉質鬆軟，煎得外脆內軟，不錯💛太陽蛋也煎得剛好，蛋白外圍微脆～如果怕太單調，還有少量蔬菜在旁🥬穿學生服更有折扣，這個性價比絕對很高～♥《紐西蘭西冷配香辣汁意粉》不夠豬扒多，也是大份量🤤不過略為單調，沒有了煎蛋sad西冷肉質鬆軟，表皮脆有肉汁🥰香辣汁只是微辣，入口也不錯～不過相比豬扒，豬扒稍勝一籌😛♥小提示 Tips：12時正式營業，12時半已經滿座要排隊，一時多有些餐已經售罄，所以要盡早來喔😋 這裏的拉花咖啡和手製蛋糕似乎也很不錯，大家不妨一試🤓另外很感謝店員為我朋友的生日蛋糕寫上生日快樂，伯爵茶蛋糕比較小件但是美味，配上生日字句令我朋友很是感動🥳

次次嚟呢度食lunch，都係食佢個A餐紐西蘭西冷意粉，今個新年後加價$46，牛扒大大塊意粉大大碟味道唔錯性價比高，所以一星期都差唔多食一次。平時都好多人幫襯， Lunch Time嚟得預咗要等位，點知今日由13:00等到13:38先有位，等到1:50先話A餐賣哂，店員建議轉B餐豬扒，咁唔緊要啦當試吓新嘢。西班牙豬扒煎蛋配洋蔥汁意粉($46)豬扒超大塊，肉質鬆軟，外皮煎得香脆好味，有少少不足嘅地方係，可能廚房太忙，煮食用具未趕得及處理好，我塊豬扒沾左少少鯖魚😨我個人本身唔食魚所以覺得好腥😰感覺有少少唔乾淨。日式照燒鯖魚飯($50)朋友食嘅鯖魚飯，佢話味道都唔錯，望落份量亦都好多，係幾抵食嘅。加錢要多杯熱嘅cappuccino，咖啡味道唔錯拉花又靚，不過等杯咖啡仲耐過等食物，過咗食飯時間兩點先嚟齊啲嘢😂但呢度環境舒適，食物性價比高，唯有下次再早啲嚟攞位😂

呢間Cafe初初開嘅時候食品只屬OK，咖啡都係一般，但我住附近都冇乜選擇，差不多每星期六或日都會幫襯，但自換咗廚師後，質素差到不得之了。由於係街坊街里，所以都會俾機會佢，我轉為幾個月先去一次，希望品質會有所改善，但點知越嚟越，真係沒有最差只有更差；啲扒類全部都過份地用鬆肉粉掩過，肉質口感完全變哂，衰過茶餐廳，難食到嘔。碟頭份量望落去係好多，好似好抵食咁，但係食入口就知係垃圾.....真係好懷疑老闆對食品嘅要求及品味

每日最大既難題就係諗晏就食咩好，同事話想去呢間咖啡店試新野，咁就一齊去試。因為早早去到，人又唔太多所以有位坐，佢有SET LUNCH簡。仲要有牛扒有豬扒連羊都有，見隔離枱塊牛扒真係好大塊，所以最終叫左個紐西蘭西冷牛排配黑椒汁飯仲加配左杯茉莉綠茶。好快就有得食，嘩！估唔到塊牛排咁大塊仲要係煎到脆面，切開有肉汁juice,唔係乾晒同鞋既，仲有有香草點綴一下。當我驚嘆緊個牛排大小，其實入口不錯，好過一般茶記大家樂，不過44蚊就不要期望好吃到能與二三百的質素。黑椒汁比較淡味，不過咁既價錢食到塊令牛排而且值點票價。

今日過咗去荃灣呢邊約朋友食晏，佢話同事介紹佢去呢到試吓，所以一齊去試新嘢，地方有室內同室外都唔錯，早去到唔算太多人坐底咗，佢有set lunch揀，仲要有牛扒有豬扒連羊都有，見隔離枱塊牛扒真係好大塊，我最終叫咗個set lunch 豬扒蛋飯，加錢叫咗杯flat white。等緊個set嚟開始食飯時間比較full，好快就有得食，哇！估唔到塊豬扒咁大塊仲要係煎到脆面，切開有肉汁juice,唔係乾晒同鞋既，隻荷包蛋煎到脆邊添，份量十足，杯咖啡夠熱，但覺得唔夠濃，都ok。CP值高👍🏻

是次星期日下午兩點多，因為附近選擇不多，遠看見一間咖啡店，即決定了。點了一個焗飯，加錢轉桃味特飲，及外加一個抹茶豆腐芝士。豬扒蕃茄芝士焗飯質數還不錯，碟有多大，扒有多大。當你驚嘆於大小，其實入口不錯，好過一般茶記大家樂，不過44蚊就不要期望好吃到能與二三百的質素。這飯有一點好，就是芝士不多，及蕃茄味不太酸太甜。飲品不太特別，但值得讚賞用了鐵吸管。至於甜品，才是我喜歡的。整個味道很好。是豆腐的質感，七成芝士淡淡的味，加上三分綠茶味。

朋友說在這裡享用過下午茶覺得不錯，便提議到這裡吃晚飯試試。 這裡是一個在葵涌地區來說相對清靜和舒適的環境，加上天氣有點涼，若坐在室外喝杯咖啡，相信應該會很寫意。 但我們這晚的目的是晚飯，還是坐進店子裡較好。 我們到達之時只有一位中學生在最裡面的一張桌子，喝著飲料在做功課/溫習，並沒有其他客人。  這裡的晚餐是湯+雜菜沙律+主菜+甜品，飲品是另外點的，但在晚上不想喝咖啡或茶這類會令我不能睡的飲料，所以只喝清水。我們點了3 個晚餐，分別是意大利飯、麻辣意粉、豬扒飯。 份量不多，適合女士們，男士到來應該不夠飽。 但最奇怪的是，三款主菜都是偏甜味，本人自問沒吃過甜的意大利飯、甜的麻辣菜式和甜的焗豬扒飯，真的接受不了，很怪。做得最好的是跟餐付上的朱古力布丁，朱古力味非常濃郁，但不太甜，真的很好吃。  

沙律好新鮮，湯同埋main course都好好味，全部熱辣辣上菜，好食！特別係羊架，擺得精緻，又好入味，連個薯角都剛炸好，正！凍紫薯咖啡上面既紫色花畫得好靚，雖然紫薯味唔重，但咖啡係ok既！甜品朱古力布甸好香濃，有驚喜！埋單二百蚊，抵！

店內裝置都充滿了文青氣息，滿是乾花的佈置。分室內及室外的。午餐的選擇都頗多，由於第一次來，西冷配意粉看似簡單而不的，可看功力。西冷的軟熟剛剛好，而且不太乾。意粉不過不失，屬彈口一類。個人比較欣賞個汁，好好味。午餐只係配一小杯熱綠茶。但我見店內有部炒咖啡豆既機，而且仲有咖啡豆賣。心思思想試下佢地既咖啡。$15/杯，也不為過吧。就來一杯ice drip coffee 吧!eee... 不錯。很清新，而且淺淺果香。單看上檯的杯也加了點分。題外話，我發現店內既凍飲，都是用環保飲管的。很意外，而且欣賞店不怕麻煩，為環保出力。

order咗韓式煎豬扒+野菌燴飯首先上豬扒，大家都嘩咗一聲，塊豬扒好大塊， 仲要畀足兩大塊， 一個人一定食唔曬，大件得呢味道也不錯， 沒有豬騷味也沒有鹼水味。喜歡食芝士嘅一定會鍾意個野菌燴飯， 潷起有一絲絲嘅芝士連住， 口感煙煙靭靭， 份量亦都係大大份。個餐包埋杯綠茶同朱古力布甸，綠茶好香，朱古力布甸味道剛好，不會太甜。三個人order咗兩個餐岩岩夠飽，呢個價錢，呢個份量， 呢個味道，絕對值得推薦。唯一可以改善嘅係可能老闆自己一腳踢，所以上菜速度/服務比較慢， 不過如果唔趕時間慢慢歎嘅話都係一個舒適嘅好地方。

喺葵興一帶搵食，附近都係茶餐廳多，食得多真係好悶好厭。逢親lunch都見Cozy門口好多人等位，室內座位唔多，大熱天時又唔想坐室外所以一直都食唔到，最近天氣涼啲，坐室外都唔怕(兼有太陽傘)，所以今日同朋友決心試下Cozy呢間文青小cafe。Cozy室內係以木同乾花為主要佈置，加上一陣濃濃嘅咖啡香，人少時感覺應該會好休閒舒適。小店係以自助形式點餐，付款後有個牌仔俾你，之後返位坐定定等送餐就得。日式咖哩汁，甜得嚟帶有少少辣，不過我覺得汁太少，要問店員再拎兜汁，幸好店員都好樂意安排。吉列豬扒大大件，應該一炸好就即刻上菜，新鮮滾熱辣，薄薄一層炸漿好脆口。意粉就係普通白烚，有少少偏軟同漿口，烚嘅時間耐咗啲。跟餐免費可揀熱茶或橙汁，加hkd$15-17可轉各款凍熱咖啡，每杯咖啡都會有個靚靚圖案。A餐每日不變都係黑椒牛扒，多汁之餘，牛扒大大塊都係hkd$44，好抵食，味道方面不過不失，咁嘅價錢咁嘅份量算係性價比好高。Lunch set價錢hkd$44-68，每個餐份量都好足，係茶餐廳以外嘅好選擇😋