Coti (京瑞廣場2期)

營業中

休息中

【沙田區】【Coti】我住沙田第一城，但我好少喺第一城食嘢。近年開通咗石門一帶，有好多嘢食，都吸引到我會時不時走過嚟呢邊食嘢。我本身嘅飲食習慣又唔多食大集團，呢一帶多小店嘅特色都令我有啲開心。然而，有啲又真係小食店嚟嘅。都想搵次用心啲逐間小店都同大家探討吓，不過絕對唔係呢日。行到嚟呢間 coffee shop 門口，見到佢哋都整到幾文青 feel，有啲木色襯吓其他淺色嘢，望落都舒服嘅。形式上都係先行去櫃枱落單，然後搵位坐、等嘢食咁嘅。我叫嘅係 $86 嘅「全日早餐」，都係叫 All Day Breakfast 比較穩陣，起碼有隻「炒滑蛋」，都唔會差得去邊。個「麵包」唔知係咪冇酸種包用牛角包代替之類，唔係聽得太清楚侍應講乜，但味道都可以嘅，所以都冇追究啲乜嘢。農作物有「沙律」同「茄汁豆」，都非我所喜，反而有埋「哈密瓜」幾驚喜，好少喺全日早餐見到。肉類就有「煙三文魚」同「雞扒」，正正常常。嘢飲我加 $24 飲「提拉米蘇咖啡」，算好飲。埋單價 $110，唔貴嘅都。。。（地址：沙田石門安群街1號京瑞廣場2期2樓228A號舖）#1amfoodie #foodie #hkfoodie #thatf

日日都要飲咖啡㗎去到邊嘅早餐，要個all day breakfast 或者三文治加杯咖啡，又要另外加錢價加錢，埋埋其實都成$100。不過今日唔得得咁多，比賽梗係要食返個靚嘅brunch，一search到京瑞廣場入邊有一間小店有我哋亦都有咖啡㗎。 好彩位置有兩個位，如果唔係就要等位啦。呢度得10幾個都係自己嘅，而且weekday 早餐緊係要慢慢嘆㗎啦。哥哥day Breakfast仲要係有雞扒啦，唔係就咁放兩條腸兩塊火腿俾你，仲要有蜜瓜又有菜，大家有心思嘅all day breakfast! 另外睇order個雞扒酸草包，真係好多兩塊雞扒。我比完賽物未食嘢都食唔晒呀。杯咖啡真係好唔錯，而且普通咖啡包括back coffee flat white 都全唔使加錢㗎。呢間真係良心小店啊！

同鄰居行山之前嚟呢度食早餐。佢哋超喜歡食呢一間餐Cafe。既然講到好好食，咁就跟大隊嚟試吓啦。本來想食All day Breakfast，但係又好耐冇食過貝果。最後都係選擇咗貝果加雞扒。先嚟一杯Americano，都算正常表現，冇苦澀味，亦都唔會偏酸。見到鄰居個All day Breakfast上面啲蜜瓜幾吸引，有少少後悔冇叫。好彩個個雞扒都唔弱，煎得幾香脆，雞扒個味都調校得幾好。個貝果唔會太硬亦唔會太乾，裏面個煙三文魚都唔會太鹹，食完剛剛好夠晒飽去行山，充滿力量欸！

其實都食過好多次，食物質素好，價錢合理，坐得都算舒服，而且格調有文青feel，食得開心，幾乎每星期都會幫襯一次。年尾假期出外旅遊，有一排冇過嚟食。今日如常叫咗all day Breakfast。食物冇乜問題，但冇嚟一排，間餐廳嘅格調就cheap晒。首先係個背景音樂，唔知點解，平時係播啲英文歌，或者純音樂，感覺休閒。但係今日轉左啲抖音feel嘅普通話歌，唱來唱去都係嗰兩句，好洗腦嗰種。我以為自己去錯咗深圳嘅茶餐廳。然後就係啲客人。平時去親嗰啲都斯斯文文。但今日就坐咗兩台怪人喺附近。佢哋應該係一行四人，因為間餐廳細，佢哋要分開咗坐。但係佢哋就隔住幾張枱咁樣，大大聲咁同對方傾偈。加埋啲背景音樂，真係去咗茶餐廳咁！希望只係咁啱得咁蹺，下次唔會再有啲奇怪嘅背景音樂，同埋奇怪嘅食客吧！

All day breakfast is a good start!!位於石門京瑞廣場的一間cafe一直想嘗試的適逢放假 想來個開心早上就去左呢間啦去到先排隊呀 大概排隊等了十五分鐘就order 兩份 all day breakfast叫了兩杯咖啡老公點了蜂巢咖啡，都幾特別啊 鮮奶再加一個蜂巢嘅細杯飲嘅時候就到啲蜂巢落去杯咖啡度👍🏻👍🏻我就簡單啲點咗個玫瑰咖啡都好香玫瑰味呀！唔錯！我哋一齊點左All day breakfast!個蜜瓜好甜面包好好味喎其餘就正常水平！So relaxing!

之前都有食過，覺得食物同店員都ok，又未至於其他食評咁講話服務態度勁差，點知今日同朋友食個brunch，勁受氣，我相信係個別店員-首先，行到去點餐講「唔該」，見佢處理緊平板電腦嘅嘢，唯有等一陣，之後等咗一段時間店員先問食乜野，態度係「做又36、唔做又36」-上一手有執食具同餐具，但係漏咗啲食物係枱，咁我order嘅時候，順便叫落單店員抹一抹，當時店員話「等等，一陣幫你抹」，然後我坐番埋位，之後就聽到該店員同我講「小姐，呢度有毛巾」，意思即係叫我自己抹，嬲嬲地坐過第二度叫食客幫手執杯碟俾番你地都好明白…但你要食客抹埋枱就真係未聽過…-之後見到有另一位客人坐同樣位置，又係叫店員抹枱，點知店員都係指示客人用毛巾抹枱-我同朋友都叫咗All Breakfast ，我叫咗Latte，點知杯Latte連花都冇拉…唔係話有拉花會好飲啲，只係覺得賣相可以好小小，同埋之前飲開不嬲都係有拉花仲有今日塊麵包係冇烘過嘅…-今日嘅Latte之前嘅Latte(下圖)

Lunch時間試吓買杯long black只收現金或八達通，其實都還好但Barista可以表達得有禮貌少少嘅😅總括服務態度 & 咖啡質素都欠佳冇叫嘢食所以唔知食物如何不過應該唔會再幫襯啦🤷‍♂️🤷‍♂️

第一次幫襯這間coffee shop的時候！我們兩個人買了兩杯咖啡坐在這裏！跟住開始人多！其中有四個顧客入內消費！因為他們四個人，但是只有一張兩人枱！他們先讓兩個人坐下！然後另外嗰兩個顧客就企在這裏等候！因為我們只買了兩杯咖啡！我感覺到在等候嗰兩個客人經常用異目投影住我們，令到我們10分不自在！到我今天光顧的時候！到我們排隊買咖啡！跟住全場爆滿！然後服務員竟然跟我們說你們要在門外等候！我想問為什麼相隔一兩個月點解會有雙重標準？人哋四個就可以一路坐一路企喺度等！我們兩個要在門外等候

這一間網紅店，就算星期六週末也只有三個員工，煮、洗、收費等等都只有這三個人，十分佩服他們的敬業。食物質素也沒有因為顧客多、時間少而被影響。我们是冲着他最出名的原条鳗鱼蛋包饭来吃午餐。首先上边的日式滑蛋真的一绝，而且用的是日本蛋不是普通鸡蛋，所以颜色很漂亮。鳗鱼的而且确是一整条放在珍珠米的白饭上面。整个午餐包饮品，也只是$88，份量十分之大。我们也叫了鸡扒沙律，意大利沙律醋的味道很好，鸡扒也算嫩。另外一个惊喜就是蜂窝咖啡，一大杯冰镇牛奶，一小杯浓缩咖啡，以及一碟蜂窝蜜糖。顾客可以因自己的口味混和调校，满有仪式感！

🗒️ 店舖在石門瑞京廣場2️⃣期2️⃣樓上扶手電梯｜往後行就馬上見到簡潔文青店面｜😅同成個MK葵廣風商場唔match坐位並不多｜只有6️⃣張餐桌 夾埋都得15個位｜14:30 來到親要稍為等15分鐘 ｜上餐時間約10分鐘.非常自助服務式｜先找坐位 再點餐付錢｜始終無收 ➕1 🤵🏼‍♀️服務費🤵🏻‍♂️｜清水自己倒有品德嘅 ｜食完仲要收杯碟 .㊙️ 根據2022年8月後 食評分析 Pasta 🍝 類餐點 於沙田分店｜ 並不是好🉐 而且到達 雷級.🧾 最後點 Lunch set 🧾 🍳蒲燒鰻魚蛋包飯🍳 $88｜嫩滑煎蛋 加上蒲燒汁嘅原塊鰻魚｜｜飯香暖 煙靭珍珠米｜紫菜碎混合蛋香 👍🏻｜｜好普通嘅件碟沙律菜 🥗｜ 都算飽肚.☕️天然蜂巢咖啡 🐝 $48｜送到枱面 ｜親自沖製 ｜真材實料既蜂巢｜｜入口順滑｜ 亦係唔錯嘅體驗 ｜甘甜易飲｜☕️蘋果肉桂鮮奶咖啡 🍎 跟餐｜杯底有肉桂粒 ｜整條肉桂浮游杯面｜｜味道特別 帶鮮奶甜😋｜鍾意有咬感.😎 當日所見｜每枱都總點一碟all day breakfast｜ 碟上面個蜜瓜仲好吸引😍———————————————————————-🤵🏻‍♂️總結報告🤵🏼‍

見評價唔錯，所以同朋友特登過嚟試下，點知好失望排咗一陣隊終於有位，咁就去收銀叫嘢食再去坐低，但上手客人無執碗碟，所以就問職員可唔可以幫手執拾，點知個職員態度非常惡劣話「我好忙喎，咁你哋咪坐住第二張枱囉」我哋示意餐廳已經滿座，職員補多句「咁你咪等下囉」 服務態度咁差既餐廳我都係第一次見嗌咗All day breakfast 同焦糖布甸咖啡兩樣都好一般，個炒蛋有大大條骨咖啡無焦糖味 無布甸味整體嚟講食物質素一般服務態度非常惡劣如果因為見OpenRice 評價唔錯就想試既話，我勸你唔好浪費時間同金錢，寧願試吓其他cafe

唔知以為欠佢錢，好鬼串😡食物一般唔緊要，服務態度差到咁，我來消費，仲要睇佢面色，不知所謂嘅一間餐廳，真的沒想過今時今日仲有咁差服務嘅餐廳，如果大家想見識吓可以不妨一試

🟠 原條鰻魚滑蛋飯（$88）鰻魚飯份量正常，條鰻魚都算幾大而且厚身，食落唔乾。蛋亦嫩滑，加埋紫菜同鰻魚汁，都ok好味。但如果就咁食條鰻魚，就略嫌甜左d🙈跟餐附送茶一杯，我就揀左伯爵茶，係伯爵茶包沖，正常發揮既味道。🟡 全日早餐 （$82）呢到既全日早餐幾特別，因為係配哈蜜瓜，而且呢個價錢黎講，都算抵食。餐配有煙三文魚、茄汁豆，雞扒，蛋，包，最驚喜係個哈密瓜，非常清甜多汁👍🏻

Lunch hour特別多人，中午過到去需要等一段時間，但食物同飲品質素都唔錯，真心推薦饅魚飯，足料夠味，有原條饅魚加上滑蛋，用黎打卡都得鋪頭細細間位置唔多，今日同兩位朋友坐係吧枱，睇到員工處事方式，聽到嗰位短髮男人頭肥員工大聲呼喝客人，指佢地未領取單據，之後更用連句並粗劣粗口鬧多位客人。因吧枱就近廚房，見到呢位短髮男人頭肥同事不斷發脾氣，對客人態度差，不時向旁邊兩位同事不斷作出指責，我同兩位同事都清楚聽到。飲品先出，我朋友多次向嗰位負責飲品既短髮職員問領取熱水，可能太好生意工作忙佢發脾氣聽唔到，旁邊女後生職員發現後都立即幫忙，不斷向我地道歉，我地感謝佢，佢亦解釋因鋪頭太忙，所以佢地先聽吾到，希望我地明白，兩個態度同處事分別好大食物到齊時，有另一位短髮女員工同剛才既後生女都不斷向客人道歉，指今日多單令到客人要等較長時間，有好多客人都指「唔緊要」。兩位同事一聲不出趕緊做起多張單，並誠懇地向客人道歉，我地睇見都覺得辛苦～但嗰位肥員工就不斷責罵指責佢地，我同朋友睇到眼都突亦唔明白，估佢應該係上司，但佢面對壓力真係～總括食物環境係幾好👍🏻有時間可以黎試下！但希望公司真系要處理下嗰位職員既態度。

估唔到第一次寫食評係因為咁嘅體驗😅上完瑜伽堂見有間cafe 好多正評又裝修得幾cozy就入左黎叫左千層麵同玫瑰咖啡 唸住實無死首先玫瑰咖啡黎先 味道中規中矩 不過完全無玫瑰 糖漿都無滴 得兩粒乾花喺面頭扮下嘢😅跟住黎到戲玉 簡直驚嚇menu寫芝士肉醬千層麵黎到變左菠菜雞肉😅好在兩款我都ok點之食一啖 凍嘅 再吉入小小 頂佢 入面成舊冰係！你無睇錯真係一舊冰😅😅當堂嚇左一跳叫店員幫我處理 搞左3-4個字之後催單佢居然答我要叮耐啲，因為舊冰未融🤣神級服務態度，神級食物質素各位自己睇路