COSY

營業中

休息中

簡約裝修西餐廳既外觀，但越南菜餐牌🤣，餐廳內環境舒服，聽著輕音樂黎食越南餐，有別一番風味，地方需小但真係一應俱全，老闆超誠意既越南菜，親自出馬下廚，你叫餐佢就現叫現做有開放式廚房一眼睇曬

上兩個禮拜見到有新試業，拎咗外賣紙一直冇機會嘗試，今日星期六終於試到。小店以家庭式經營，主打越泰粉麵，午餐有多款粉面選擇，可另加小食特飲。價錢大約五，六十蚊左右。用料味道環境均都睇得出店主好用心製作。今次叫咗生牛肉湯河同泰式船河，兩款湯底味道濃郁正宗，配料新鮮，各有特色。即炸米網春卷，魚餅外脆內軟。越南滴滴咖啡好好飲。店員服務態度良好，各樣野都比其他連鎖店好味好多👍🏻👍🏻誠意推介，物超所值🥳

用心，全部現叫現做，湯底牛湯雞湯，都係每日新鮮制做，有兩種湯底牛湯係必食但唔食牛既個雞湯都係超正選擇，越南粉除左生熟牛之外，仲有個船粉，加埋杯咖啡就完美，新鮮食材新鮮制作，簡約裝修，長沙灣地鐵行去都係10分鐘，位置都唔難搵明愛樓下，蘇屋對面，位置旺中帶靜，只看外觀你唔會諗到每款食品都係用心之選，絕不馬虎，但最最係價錢，出面食個越南粉一般都$50-$60一碗，依度兩個人食：生牛河粉，海南雞河粉，春卷，越南滴漏咖啡，兩個人都係$100左右