CookHouse

營業中

休息中

西班牙啤酒好飲，好飲到我要外賣兩支🤣連酒杯都配埋一套！別出心裁！我們覺得由進入呢間小店嘅時候到買單整個過程都好幸福！價錢合理惜才高質素。肉眼扒-好Juicy 嫩口散發着濃郁牛肉鮮味-我最愛！老公從來都好腌尖，但佢竟然食完個羊架後讚口不絕，羊架沒有蘇味不會overcook烹調得剛剛好，喜歡羊的朋友絕對要推介給大家食材新鮮，好味！環境好warm ！最緊要員工服務好好，完全是五星級服務質素，小店價錢，食材用料，食物佈局花心思！真心要支持！

這天來到坐粉嶺的朋友家，他帶我們他經常光顧的《Cookhouse》共進晚餐😋我們一行六人，人多自然能點多幾個不同的菜式分享嘗味🥳朋友在訂枱的時候已經預先點了幾款食物，因為有些菜式需時準備，所以也提提大家可以先打電話到餐廳詢問，這樣就找能吃到更多特別的餸菜😃頭盤先來一份《他他牛》，起初也有點擔心，始終很少會吃生的紅肉，可是老闆他說牛肉是預先處理過的經過了巴斯特消毒，所以也放下了心頭大石。老闆從前在某五星級酒店當大廚，他親自在我們面前用不同的香料、酒、調味料去做他他牛料理，他說從前在酒店也會這樣做。我先試一小口，簡直覺得不得了，完全一點腥味也沒有，卻覺得又軟滑又惹味，再配搭焗得香脆的法包，一口接一口的吃，滋味得很😌接下來是《生蠔》🤩，相信老闆的眼光，所以我都忘了點了的是什麼品種的生蠔😂 可是每隻都很creamy，很鮮味，下次一定要帶男朋友黎食😍《白酒煮馬刀貝》馬刀貝是種貝殼，有點像花甲，用白酒加點辣椒去煮，更能帶出馬刀貝的鮮，送啤酒一流🍻這是老闆最新研製的《川味雞肉pizza》，因為有幾個朋友不好辣，於是老闆細心的調低了辣度。Pizza很香口，我認為再辣一點就更加正，要約一些喜歡辣的朋友再

上網睇呢間餐廳環境同食物好似唔錯就走咗去試下啦點知所有上台熱食嘅食物都係凍嘅包括餐湯、扒同漢堡包個漢堡包最出色果兩塊牛嘅漢堡十分之乾完全無肉汁雪藏味勁重所以佢落咗好多鹽掩蓋雪藏味成塊扒又乾又咸 個包又乾洋蔥同蕃茄勉強有少少汁芝士又話好似川流咁點知上到台滴都無滴到出黎總括成個包又乾又咸真係好難呑到落肚喺服務質素方面叫咗佢哋埋單好幾次諗住可能餐廳多人就等耐啲原來係掛住走去同熟客傾計吹水 吹咗好耐係再叫多幾次埋單嘅時侯先記得幫我哋埋單總括呢間野 無！下！次！

夜晚揾餐廳食飯上openrice睇相好似ok未食過諗住試下開頭以為招呼唔錯服務員問下你熱唔熱需唔需要開冷氣因為都焗所以話需要但係食到一半都仍然無開到冷氣我本身好怕凍都覺得好熱出汗😅食物叫左兩份牛漢堡+豬鞍扒先講所有野食都係凍既西湯一凍就好難頂到個漢堡就犀利全個都乾包面焗焦左既雙層牛堡非常咸以及乾硬唔知塊野雪左幾多個星期似想用勁多鹽蓋過雪藏味食到一半真係食唔到落去最後個漢堡係完全一滴汁都無漏唔到出來薯條都係一上已經凍點食呀😅一個正常男仔食量都唔想食哂一個漢堡包你諗下係幾難頂豬鞍都係凍既味道無乜似食塊普通豬扒最後埋單走算啦正常叫埋單服務員應左好呀等左好奈咁以為忙比D時間人啦但係等左15分鐘都無人拎張單唯有再叫多次同一個服務員埋單佢既回應係好呀多謝個樣好似話我知佢完全唔記得我地已經叫左埋單而我眼見係我第二次叫完佢先埋去㩒機幾分鐘終於比得錢走得因此我覺得好大機會佢係無左回事😅Overall體驗係差心諗好在無叫佢地三百蚊牛扒好大機會食唔到應有質素本人其實第一次想寫食評不過真係難食真係好怕D野凍又乾又怪味我真係無勇氣試下次....😅

爸爸生日飯，黎佢鍾意嘅Cook house，除咗食物，媽媽鍾意佢有兒童椅。今晚叫咗生蠔，性價比高，$240/12隻，中型size ，鮮味👍🏻👍🏻👍🏻芝士併盤中3款芝士都超級好味，可惜，我唔知佢地叫乜名，下次會再叫，仲要配白酒。小朋友就食晒併盤上嘅杏脯同提子😅今日有焗三文魚，嫩滑又香。豬扒好淋，不過一定要配菠蘿醬，如果唔係就較淡咪。我最鍾意燒雞，中間釀咗飯，吸晒雞油好香，春雞好滑！ 薯蓉超級好食，絕對唔係用粉開，食得出係手工制，有薯仔粒，紅椒等好滿足😌😌😌

聯和墟有間不錯的西餐廳，可以說是我們的飯堂！今次點了「美式BBQ香辣鮮蝦意大利飯」及廚屋紅豆冰，而同事則點了「燒西班牙杜洛克豬鞍配燒菠蘿及燒汁」及凍奶茶，另可加$10配餐湯或沙律，但由於我們食量有限，所以就沒有加配！食物新鮮熱辣上枱，而且賣相精緻，意大利飯又香又creamy，蝦肉爽口，份量看似少，但竟然最終食唔晒；豬鞍份量十足，肉質軟嫩，配上酸甜又多汁的菠蘿，既惹味又可中和肉的膩感，再配上蒜蓉長通粉，飽肚感十足；紅豆冰奶味較重，而且唔會太甜，比一般茶餐廳好飲！餐廳裝修有特色，食物質素保持一貫水準，難怪經常咁多人幫襯！

剛搬到聯和墟，成日經過呢間小店過其門而不入，今晚好奇心驅使下終於試第一次！ ☺️餐牌上選擇都算多，酒類都好多款式 🍻🥂今晚點在肉眼同一塊T骨，餐飲可配酒同無酒精飲品，頭盤有沙律或餐湯，主菜選擇都算多，。佢件肉眼驅使我寫今次食評，心諗298有咩質素？！ 一入口牛油油口juices 到不得了， 牛味濃郁👍🏻🎊 下次唔食牛，我見到隔離枱紅酒煮豬排賣相唔錯，可以一試！😗環境好舒適，簡簡單單無豪華裝修，坐得自在，三五好友吹下水飲下酒既好地方，店員又好有熱誠。 👍🏻😄牛排好有驚喜，係個湯蘑菇味淡口在d, 價錢好親民，有晒誠意值得推介！ 😋👍🏻

今日係星期日half day off，繼上次係到嘆左個一人晚餐，今日想同老公食個寫意Lunch。一入去見到都幾爆場，要上樓上雅座。之前都有提過Cook house啲staff都幾friendly。睇番個Menu，呢個只係for7月30至8月4，睇黎佢地都幾頻密換menu老公點左牛肋條，我就點左墨魚汁扁意粉餐飲:宇治抹茶紅豆冰/紅菜頭汁紅豆冰:唔知點解我覺得個味好怪，但係老公話ok😣，我都係飲番我至愛既紅菜頭汁加$18小食薯條，menu冇寫嫁，我係見到其他人有我又多口問下，熱辣辣超好味牛肋條，講真係牛肋條個口感好似五香肉丁，唔係佢煮得唔好，係我本人麻麻地呢個部位，而且份量好少，一個男人食唔會飽，下次會寧願食番牛扒。青豆薯蓉就好好味，甜甜地墨魚汁扁意粉，等得比較耐，熱辣辣上枱，少少辣味，墨魚仔爽口，意粉彈牙岩岩好兩人埋單$204

是日得我一個師奶仔孤獨晚餐，收工攰到隻狗咁，又唔想虧待自己，一於落樓下嘆個一個人晚餐。一諗就諗到想食西餐，諗起cook house我都仲有好多野未試，咁就cook house啦。環境 : 好feel嫁，雖然都算係做街坊生意，有兩層，唔逼嫁，自己一個人嘆個晚餐都幾寫意。服務 : 我最鐘意呢到係老闆仔/侍應係會同你傾計，問你今日啲野食ok嗎?要唔要加多杯酒呀?好似朋友咁同你講野，我buy。食物 : 加28蚊轉套餐有餐包同餐湯，今日係蕃茄雜菜湯，餐包good，攞出黎熱辣辣，似係黑糖面包，甜甜地，個面有少少脆，湯就一般偏淡。今日揀左黑豬鞍配燒波羅，另外加左18蚊要個蒜香意粉。今日啲野食個味道就爭少少啦，味道全部偏淡，我本身都唔係鐘意濃味，但我都覺得淡左啲，意粉冇乜味，豬都冇乜味。豬鞍配左兩個汁，一個似係蘋果蓉咁樣甜甜地，okay既，另一個似係燒汁，淡。但值得讚既係口感，意粉彈牙，豬肉係好爽口，塊豬係有成兩吋厚，但係煮得岩岩好呀。今日本身好想飲呢到既紅菜頭汁，但係賣晒 極度推薦紅菜頭汁嫁，又健康又好味，埋單235，總括黎講今日係有啲失色，但係氣氛態度，食物既口感係一流，下次又黎一人晚餐先!

今晚同細妹二人晚餐。其實我地就住係附近，想近近地食餐好，就黎左呢到。當晚6點9左右到，好靜，未有客。我地嗌左一份牛排，意大利飯同鵝肝多士配沙律一齊share.先黎就係鵝肝沙律，塊鵝肝都幾肥美。是晚餐湯係蕃茄素湯，個人覺得麻麻地，酸左啲，飲唔晒。帶子黑松露意大利飯讚，飯個口感好好，我個人唔鐘意太硬，帶子都幾大舊。呢個牛扒係當晚侍應推介，話係岩岩到既新貨，生熟岩岩好呀，好淋好juicy，400蚊，好大塊，兩個人食唔晒。我地加左兩杯酒，我就點左白酒，呢個白酒係蜜糖味，甜甜地，好岩我口味，臨走仲送多左杯紅酒比我地。呢到唔係開係啲旺角，睇黎都係做街坊生意，住係附近又想食啲高質少少既西餐，呢間係好選擇。兩個人埋單大約係800蚊。

食過不少西日餐廳，很多都做得很好很有特式，但是日來到這間外觀上是西式酒吧的餐廳，則有點失望了。午餐時段來到，幸運地不用等位，剛剛有一枱人就，店員很快便執好枱可以入座。極速放上的西式餐具看得出餐廳有用心的佈置過，可惜挺多塵了。杯子上有電鍍的餐廳名，經過歲月的洗禮已經看不清楚。蘑菇湯點了午餐set，可選餐湯或沙律，選完後便後悔了，呢個餐湯虛有其表啊，完全無味，只係杰撻撻一碗野…不知是否廚房失手了，呵。蒜香和牛粒大碗飯太陽蛋（$88）同事點的大碗飯，雜菜很多顏色不錯看，太陽蛋也很有蛋香，和牛粒不過不失，但飯很少，同事完全不夠飽，是碗很大的“大碗”飯，哈哈。角切魚生飯（$78）另一位點了魚生飯，同事話ok，魚生很新鮮，但同樣叫了多飯還是不太多，又是不夠飽啊。手握壽司五貫迷你吞拿魚腩丼（$88）自己點了呢份午餐，賣相碗實很吸引。吞拿魚蓉肥美，雖然不是太鮮味，但可以了，只少不添加豉油也不錯。壽司細細件握得不錯，味道也ok，雖然其中一件的魚生有筋，但可以了，西餐廳唔通你想有師傅拍板咁咩，呢個價錢收貨了。伯爵茶有餐飲送。大部份都係日式食物，午市不用加一。上菜幾慢，每個餐都等半個鐘左右，可能lunch

第一次食完要打評語落單無問過要幾成熟，趕住落完同其他客吹水上台肉眼排係微暖（4-5成熟），薯條係凍既其他野食無影 ，不值得影相總括而言，食物出品 （差）未試過食炸小食/意大利飯/扒/薯菜都係凍既！極其量可以係話微暖賣相係可以，但黎到全部都似擺左好耐樓面 應該係老闆 顧住同某一兩台吹水飲酒野飲唔催唔拎黎，服務係有既但係我眼見9成擺係一兩台熟客睇得出餐廳有心思裝修，但係食物出品咁既質數絕 無 下 次🙏🏻🙏🏻🙏🏻🙏🏻🙏🏻🙏🏻

平時自己吾中意食alldaybreakfast,覺得又貴份量少又無特色。但尼間allday breakfast 卻令我喜出望外。 尼份alldaybreakfast不單擺盤靚，份量豐富，有齊煙肉、茄汁豆、芝士、蕃茄、火腿扒、薯餅、炒蘑菇、香腸、多士、炒蛋，仲有非常健康既水果麥皮。平時我自己吾中意食麥皮，覺得好似食報紙咁，但尼到既麥皮不但無尼種感覺，仲非常好食，值得推薦。👍🏻👍🏻👍🏻

咁岩今日先得閒少少, 寫返聖誕前食既呢間西餐外觀討好, 好有聖誕氣氛, 雖然位處同火車站有15-20分鐘路程, 火車站附近有綠van "粉嶺樓"下車, 再過2次紅綠燈直行就到, 但都不失為一間值得一試既餐廳.香蒜雞翼Set dinner 會跟餐湯同沙律, 湯記得襯熱飲, 而個沙律都唔算hea 整, 好食既安格斯漢堡配粗薯條, 塊扒算juicy的Set Tenderloin 150G.....我唔記得中文, 只知道係牛最柔嫩的部位最後係羊架 (我建議叫近全熟, 羊有血水我個人馬馬地.....)

想近近地在粉嶺搵間有少少氣氛既餐廳同小朋友在平安夜食下聖誕大餐！估唔到CookHouse又做到喎！但重點只在門外裝飾，聖誕節menu就無啦！只係普通散叫菜式!食物質素都交足功課，最值得讚係上菜速度算快！埋單$1300，在北區嚟講實屬有點貴，但大時大節，明白的！