Comfy by Chef's Stage (東廣場)

營業中

休息中

🔸Comfy by Chef‘s Stage🔸🔆Sor! 我一直以為東廣場就係食啲麻麻甩甩嘅野，真係估唔到入面會有一間精緻休閒風格嘅cafe係入面。仲要係Chef’s Stage主理。喂喂，唔知大家有冇食過Chef‘s Stage本人，我食過幾次，覺得質素都幾唔錯，係信心嘅保證，所以對今次依間Comfy都幾高期望架!🔆餐廳嘅裝修同格局都真係幾配合佢Comfy依個名，位置坐落都幾闊落舒服，見大家食完都會坐係到傾多陣計，亦唔係好見職員會趕人走，我仲見到人係到傾保險😂😂。👍煙三文魚賓尼迪蛋酸種麵包 $108見唔見到隻Benedict Egg有幾靚，切出黎個下真係橙黃色蛋黃，蛋味好香濃。煙三文魚，Benedict Egg，青瓜配搭清新，口感豐富。酸種麵包較煙韌，帶有好微嘅酸味。好食!👍明太子珍寶鮮帶子扁意粉 $138OH MY! 佢係MVP! 大大粒彈牙帶子一共有3粒，明太子醬汁係一個好適中嘅稠度，每啖扁意粉都勁多醬汁同明太子脆啵啵嘅口感，又有明太子鹹香味，但又唔會過鹹。配埋入面嘅蘆筍同秀珍菇菇，新鮮爽口。出色！👌安格斯牛肉漢堡 $128OPPS...食完個咁yum嘅意粉，個漢堡即刻失色左唔少

⭐️ 烤雞胸明太子醬賓迪蛋酸種麵包 $108明太子充滿鹹香味、煎到外皮脆香嘅酸種麵包、簡單調味嘅烤雞胸，加埋橙黃色嘅流心蛋。一切落去，蛋黃緩緩流出🤤🤤，夾埋惹味明太子、雞胸同充滿牛油香嘅酸種麵包。的確幾出色、好味🙌🏻🙌🏻。⭐️ 水牛芝士無花果巴馬火腿沙律 $128色彩、食料豐富。有水牛芝士、無花果、火腿、車厘茄、果仁碎、同埋其他新鮮沙律菜。欣賞佢嘅水牛芝士有彈性，口感有少少濕潤，有奶香出。配搭巴馬火腿，鹹香嘅配搭，幾唔錯。⭐️ 松露薯條 $58推薦！熱辣辣嘅薯條💛，加上少少蒜蓉同埋黑松露喺面，再配上黑松露醬，或者茄汁非常邪惡好味😆。特別鍾意佢嘅黑松露醬💕，濃香好味，帶起到薯條嘅味道。⭐️ 冰磚鴛鴦 Espresso Ice Cube Milk Tea $46有得揀原味、玫瑰、榛子、定係焦糖，最後叫咗榛子味。賣相吸引。有一粒粒嘅咖啡冰磚加厚牛奶，自己倒奶茶落去，變成一杯鴛鴦，好好玩😎😎。⭐️ 牛油果香蕉奶昔 $46奶昔濃厚、油膩。牛油果嘅果香，配搭住香蕉嘅甜味，牛油果同香蕉嘅配搭梗係冇得輸。有少少可惜喺，香蕉嘅甜味有少少蓋過咗牛油果嘅味道🙈。🍄 總括嚟講食物唔錯、精緻，打卡able。餐廳位置喺商場

今晚在觀塘吃飯，這家餐廳在地鐵站附近。餐牌上有不同款式的果汁、茶類選擇，主食的選擇也很豐富。⭐️炸義大利燒烤菇配松露蛋黃醬炸得酥脆的切條蘑菇配上松露蛋黃醬，入口酥脆，十分美味。⭐是日鮮榨健康果汁這杯果汁非常清爽，喝起來充滿了新鮮水果的味道，而且沒有添加任何的糖分。⭐熱鐵觀音鮮奶熱鐵觀音的香氣和濃郁的奶味完美融合在一起，喝起來非常舒服。⭐日式吉列豬扒明太子義大利飯豬扒上的明太子醬汁非常美味，豬肉嫩滑多汁，搭配上義大利飯，口感豐富。⭐香煎美國雞胸香煎的美國雞胸則帶來了更多嫩滑的口感，配上煎薯餅，讓這道菜更加豐富多樣。

想食飯又唔知去邊好上網search到呢度無令我失望嘢食環境都唔錯仲有好靚嘅貓貓狗狗壁畫餐廳分開2邊俾我坐到貓貓打卡位真開心食物方面都好多明太子嘅菜式我的班尼迪蛋有好多件麵包食完比食飯仲飽真心覺得份量好充足明太子意大利飯配吉列豬扒呢個組合真係第一次試個飯都幾好食嘅軟硬適中又唔會太重味但豬扒就幾重豬味而且都唔算多汁柚子蜜炸雞翼隻隻都好入味好脆好甜特飲非常出色曲奇奶昔好好味Oreo fans唔好錯過雖然細到似兒童餐飲料另外黃薑檸檬茶都唔錯

本身見到間餐廳裝修好吸引，女性朋友也推介，就想一試。在約8pm入座，叫了幾樣食物，加甜品心太軟列明後上，點知店員8:45pm ，在我們未完成鹹點的時候，就將甜品送上（連同雪糕😣加了$58）。有乜可能係我哋未食完鹹點，就冇問過我哋就送上甜品，同那個男侍應講的時候，他話歺廳即將收工，成間舖頭的店員口黑面黑（唔想做服務行業就轉行，由8.45pm趕收工sharp at 9.30pm)，咁樣嘅服務態度絕對不會再幫襯，本身服務水平已是一般般，喺隔離歺廳（間間仍未收）食仲好😤其實在觀塘大把選擇！😡😡😡😡😡😡😡

是晚同好同事兩個人放工， 想食返d好嘢嚟慰勞下自己， 就決定又嚟觀塘嘅呢間 Comfy by Chef's Stage Kitchen，已經食過N次，因爲每次都可以好滿足又打下卡呃下like 咁！呢間仲有幾間姊妹店，不過走嘅路線唔同，觀塘呢間就係小清新路線，而元朗嗰間Chef's Stage Kitchen 喺西餐食扒一流，係我同朋友仔慶祝生日嘅好地方，建議大家去開元朗要試吖！今次嚟就食咗呢d 報告下:BUFFALO MOZZARELLA, FIG & PARMA HAMALAD0 水牛芝士無花果巴馬火腿沙律 $128呢個 salad 🥗裡面除咗有我覺得好好食嘅水牛芝士加parma ham外，上面仲有無花果，番茄仔，大量核桃碎，撈埋沙律菜後就係一碟超好食又健康嘅前菜啦，無花果好清新同清甜，好快就清咗成碟，好開胃。TONKATSU MENTAIKO RISOTTO 日式吉列豬扒明太子意大利燴飯 $138呢個意式燴飯反而燴飯有驚喜，燴飯裡面除濃濃嘅明太子外，仲有大量粟米 & 毛豆，加埋已經煮到入晒味好甜嘅洋蔥，口感真係好滿足😌😌，而吉列豬扒勁脆又唔太乾，呢個意式燴飯食完會好滿足！FRIED

平時行過東廣場地下都見到有間裝修得幾靚既Cafe，想試好耐架啦呢次Weekend黎到試佢既A LA Carte，原本以為賣相咁靚既話味道應該普普通通，點知原來味道同賣相都一流🍽️虎蝦蕃茄汁扁意粉 $128蕃茄汁既酸甜調配得啱啱好，連平時唔多鐘意蕃茄意粉既友人都覺得好食，扁意粉既份量亦都唔少🍽️水牛芝士無花果巴馬火腿沙律 $128沙律黎講呢個價錢偏貴，但份量同味道搭救，唔會過分酸既黑醋配埋清甜既鮮無花果，為呢碟沙律加唔少分，而且份量上係女仔一個人食會飽肚既，男仔就可能要加份小食，絕對唔係果啲食幾啖就食晒既沙律

植物擺設設計木系為主，簡單又舒適！～東廣場竟然有間咁大咁靚嘅cafe一直冇發現過西式野食選擇超多！pizza、意粉、burger等等…特別係嘢飲，好有特色😍多到好難揀！-烤雞胸明太子醬賓尼迪蛋酸種麵包 $108酸種麵包有牛油香🥹連埋流心嘅蛋黃，明太子醬雞胸肉一齊食超夾！好豐富跟餐加炸薯條$38炸得好香脆唔油膩🤤虎蝦蕃茄汁扁意粉$128蝦肉新鮮彈牙有大隻，而且連蝦尾嘅殼都冇食嘅更加過癮🤣番茄醬又唔好太酸，意粉🍝煮得啱啱好唔會太硬！-跟餐紫薯燕麥奶$25暖笠笠紫薯配燕麥奶好好飲，香甜得黎配燕麥奶冇咁漏😙冰磚榛子咖啡$23超打卡！有其他朱古力，鴛鴦，奶茶等等口味可以揀！實驗杯裝好得意又唔會太甜👍🏻👍🏻👍🏻打卡得黎又好味，大推！

嚟到這間食堂，真係要大讚一聲「叻！」心思思想食啲咩，搵到這裏就對晒！首先，摩摩喳喳試咗佢哋嘅煙三文魚芝士批，啖啖肉感，個芝士咁滑咁香，簡直係絕配！個皮酥脆得嚟不失彈性，正到彈起八丈！再嚟就係海南雞飯嘅部署，真係唔錯！雞肉又滑又嫩，略帶啲麻香，加上嗰清甜嘅雞油飯，食落去滋味層次分明，仲有啲層次感，真係夠晒唔得嘞！最後，個黑糖珍珠鮮奶，個口感真係無得頂，珍珠Q彈得嚟又有嚼勁，配上不甜不膩嘅鮮奶，真係解渴又滿足。依家出面食食多嘅係Fast Food，來到呢度就能夠慢慢享受一餐，真係正！無怪乎，呢間食堂會成為我同朋友口中的「美食聖地」！下次仲要嚟試埋其他嘢！👀🍽️💯

明太子薯條: 一大兜熱辣辣嘅薯條🍟雖然係普通嘅食材，但係呢個薯條加咗紫菜同埋木魚碎，令到口感好特別明太子醬好新鮮，痴哂啲汁一齊食好有口感而且好滿足！青醬肉碎長通粉有好多basil 、好多醬料沾滿每一條長通粉，長通粉又有口感，加埋肉碎嘅配合，兩個人食就啱啱好烤雞胸明太子醬賓尼迪蛋酸種麵包呢個早餐菜式真係好吸引酸種麵包外皮有啲脆脆哋，內裏帶少少濕黏感，口感好特別！切開流心蛋，蛋黃緩緩流出同醬汁融合，橙色加黃色，睇見都心動💗側邊仲有啲沙律菜, 係清新健康嘅選擇呢度嘅嘢飲都好精美好仔細紫薯鮮奶薄荷朱古力

餐廳環境舒適，位置闊落，有Wi-Fi，枱腳可以插USB充電。食物質素好高，服務亦很好自助式提供調味料，冷熱水，竟然有提供sparkling water素食全日早餐：好豐富，有牛角包，亦可以選酸種麵包，炒蛋好滑，好濃蛋味，蘆筍鮮甜爽口，西蘭花餅好特別，好似好少地方可以食到，蘑菇，粟米都好甜，唔會太乾身，沙律配黑醋，乳酪布丁有啲酸，不過就好消滯，最尾先食啱啱好。份量足夠，夠飽。咖啡好香好好飲QR code落單時可以選喜歡的咖啡豆，和燕麥奶。

餐廳裝修靚，食物，咖啡，小食選擇多。除了主餐廳位置，行多兩步另一個area更恬靜舒服，適合一人靜靜地休息食嘢。午餐套餐: 黑松露意大利飯，好好食！ $139煮得適合香港口味，飯不硬。蕃茄汁大蝦意粉 &149都係好味，蕃茄汁調味好好，唔係罐頭蕃茄汁味道 。大蝦有5隻，都算好大隻。午餐set點咖啡+$21玫瑰Latte 同肉桂Cappuccino都好好飲。 呢間係超多咖啡同特式飲品選擇，全部都好好飲。會特登想試其他味道咖啡而再來。

♧ 𝙲𝚘𝚖𝚏𝚢 𝚋𝚢 𝚌𝚑𝚎𝚏'𝚜 𝚜𝚝𝚊𝚐𝚎尋晚去咗觀塘東廣場，見到呢間平民版嘅西餐廳，性價比唔錯，就決定要試吓！♥︎水牛芝士無花果巴馬火腿沙律（$128）水牛芝士無花果巴馬火腿沙律加入了蕃茄仔，味道更加豐富！蕃茄仔的酸味和爽脆口感與其他配料完美融合，產生了獨特的口感體驗，讓人回味無窮。沙律中的水牛芝士綿密而香濃，無花果的甜味和巴馬火腿的鹹香味道也十分搭配。如果你喜歡沙律，一定要試試這道絕妙的組合！♥︎冬陰功軟殼蟹意大利飯（$128）當我聽到冬陰功軟殼蟹意大利飯呢個菜餚時，我覺得好有意思啊。呢個係一個結合咗泰國同意大利風味嘅菜餚！首先，呢道菜餚嘅製作好精細。軟殼蟹炸得好香脆，內裡肉質鮮嫩多汁，每一口都散發出濃郁嘅海鮮香氣。而意大利飯嘅口感就好特別，佢係以意大利燉飯嘅方式煮成，米飯粒粒分明，有微微嘅Q彈口感，醬汁嘅味道就係濃郁嘅冬陰功香料同椰漿嘅結合，有微微嘅辣度同酸度，好回味。整道菜嘅配搭就好啱啱好啱啱。冬陰功嘅香辣味道好啱同鮮美嘅軟殼蟹一齊食，而意大利飯就將兩者嘅風味完美地融合喺一齊，令整道菜嘅味道更加豐富同埋深刻。總括嚟講，呢道冬陰功軟殼蟹意大利飯絕對係一道好特別嘅菜餚，值得一試。佢

經常都會因為工作關係而喺東廣場食飯，今次終於有機會試下Comfy，之前路過好多次都唔得閒入去食，始終覺得食cafe要慢慢同朋友傾下計食先開心。餐廳menu可以揀嘅食品種類都幾多下，pasta、pizza等等都有得食。我地一行二人就揀咗比較特別嘅軟殼蟹冬陰功義大利飯同埋三文魚。兩個味道都超出預期，而且份量好大好大，最尾都食唔曬要打包。軟殼蟹可以食到蟹膏味道，配上特別嘅冬陰功source好特別，係fusion得幾成功嘅料理品項。三文魚水準中等，冇咩特別，但係勝在大大舊，夠新鮮。我地仲叫咗個明太子薯條，明太子醬汁夠曬鮮味，木魚花同埋紫菜可以令到薯條冇咁寡，good！只係份量真係太多，食到後面有啲辛苦飲品方面叫咗莓果冰沙同埋牛油果冰沙，後者比前者嘅質感更加幼滑，完全食唔到冰粒，牛油果creamy嘅感覺都好好咁保留到。前者酸酸甜甜都ok 只係會食到冰粒 再幼滑啲會更加好！

朋友喺觀塘放工，夜晚搵個舒服地方食飯，平時東廣場，都係外賣勝地，估唔到行入啲有間咁舒服嘅餐廳環境真係唔錯，地方好闊落，有空間感，座位距離遠，唔會聽到左右隔籬枱傾偈😆基本Cafe食物都有，兩個人，叫咗三款食物+2杯嘢飲，分量足啱啱好煙三文魚凱撒沙律，經典配搭，每一樣嘢都恰到好處，沙律新鮮，麵包粒酥脆，三文魚都係高質素，簡單嘅食材，但一啲都唔Hea明太子海鮮薄餅非常好食，一上枱已經聞到超級香，海鮮份量好多每啖都食到各種海鮮，明太子醬亦都好重手，明太子fans表示好欣賞🤤🤤冬陰功軟殼蟹意大利飯，原隻軟殼蟹攤喺飯面，酥脆香口，醬汁與其話係冬陰功，我覺得比較似青咖喱，但呢個配搭幾好食，青咖喱嘅味，包住煮得恰到好處嘅意大利飯，成件事有泰式嘅感覺，稱讚意味👍薄荷朱古力牛奶薄荷味充足，朱古力味亦都香濃每日鮮榨果汁，今日嘅recipe係士多啤梨，藍莓同菠蘿，飲得出冇添加糖，健康之選呢度同呢個商場入邊其他餐廳比較起上嚟，價位係高少少，但都可以做到咁大個舖位，果然都唔簡單👍食物質素幾高，坐得又舒服，附近放工想近近哋搵個坐得舒服又好食嘅地方，不妨嚟呢度試吓😉