COMEBUYTEA (太古城中心)

營業中

休息中

去咗幾次，偶爾有個後生既女仔，態度良好有笑容，其他人包括黑衫男人（成個店長咁款）都係無服務態度，好似好唔鍾意係度撈咁，店內亦無其它客人，應該唔會話忙到出煙而心情唔好丫，點解都可以係咁唔happy既？我話要走甜or微甜，距話：唔好飲㗎！我心想，邊有店員/長會話自己d嘢唔好飲㗎，倒米咩？！最多你可以話：口感無咁好㗎！平時買嘢飲，多謝都無句，更唔洗奢望笑容了。而且價錢仲要比較貴，請參考下天仁茗茶。我真心唔想comebuy執笠，但d staff真係需要培訓，請參考下霸王茶姬。如果Comebuy tea真係做唔落去，我都唔surprise，其實仲有好多選擇。

味道一般，店內約12個位，飲完擰個杯去櫃枱放低，店員話呢度唔係垃圾桶，我問垃圾桶係邊，佢話你自己擰出去掉，感覺係無服務，試過就夠，太古城有好多選擇，呢間可以從我個列表內剔除

我想請問係咪比錢仲要貼難受？同埋係咪真係comebuy Tea 公司無人會理會？當時得佢一個人，明白到佢好忙沖緊茶，已經係靜靜地等咗好一陣子後，佢先過來落單。佢第一句已經用唔耐煩語氣話，要等架下！咁你咁講，我咪單單問要等幾耐？點知就遭受到極其猙獰臉孔和極其不耐煩嘅語氣: 唔好成日問我等幾耐啦。。下？咁係咪知一個鐘我都要等？原來問下都係錯？咁多單咁唔想做，不如執咗佢，唔使你咁辛苦日日對住我地呢啲”西客” 😊

食完lunch諗住買杯廢水飲，一去到cashier， 個位所謂店長同我地講需要15分鐘等候時間，我地都表示理解無問題。但當我話想要走冰，「店長」即刻發癲咁講「走冰要耐d嫁啵，唔好到時係度係咁催催催！」。當時一行人聽到呆晒，突然間被鬧，然後我唯有答佢「咁惡？咁我少冰囉」。如是者，賣單後，「店長」仲keep住行到後方同另一位店員講「個個係咁係度催催催」。明白lunch hour, 訂單較多比較繁忙，但希望所謂店長唔好將壓力發洩係無辜既客人度。同希望店長好好manage 訂單，若果太多訂單做唔切，希望佢可以學識截龍，而唔係發脾氣。😊呢次用餐體驗教訓我，咁受氣唔會再幫襯😊😊

店員未到七點已經趕客！唔好話入去坐住飲！喝令客人店外等！唔好阻住佢哋拖地收椅！收錢態度極度惡劣！比完錢諗住企喺沖茶位置前面等都唔得！垃圾！一定唔會再幫襯呢間分店！

嗰位疑似店長嘅男職員服務態度非常惡劣飲過貴司其他分店都可以走冰係太古城呢間呢個職員惡死能登話唔得唔得咪唔得，fine都唔係話要低聲下氣態度好少少講句「我哋做唔到走冰」咪得講真態度正常啲都唔會特登寫篇文出嚟話佢貴司啲嘢都唔係平價廢水煩請做好啲員工培訓無論佢係咩職級咩崗位，禮貌好重要#唔會再去呢間幫襯

經過這茶店，幫襯前睇睇openrice 的評語，發覺只有兩個評語也是劣評因為服務態度等原因，畢竟一兩個評價作參考，冇阻試試的。點了柴茶鮮奶珍珠，因為”推薦爆款”，等10分鐘左右。見佢逐個order的茶都由機逐個出的，好似咖啡機逐杯咖啡整咁，然後人手再逐杯茶混合所須的材料沖，只得兩個工作人員做個不停。取茶了，發覺飲管吸唔到珍珠或奶茶，應該有珍珠堵塞，把飲管取出，重新放回杯中才可以吸到奶茶，但吸不到珍珠。直至找個地方可坐下，打開杯蓋，借茶匙攪攪，才發現珍珠黐埋一齊，怪唔得吸唔到珍珠。用另外用茶匙協助才食到珍珠，食落質感煙韌，只是結在一起。其實茶味夠，似印度拉茶，帶肉桂味，味道是珍珠奶茶之中比較特色的。飲管吸唔到珍珠事實係幾掃興的，如果茶店可改善珍珠嫩結塊的問題會更好。Before trying the tea there, I read the reviews of openrice and found that the only two reviews were bad because the service attitude related reasons. But that didn

完全唔係對客嘅態度等半個鐘都冇嘢飲之餘，仲要俾佢鬧叫人行開啲，唔好阻住晒今時今日嘅服務態度仲可以差到咁想像唔到呢間咁好飲嘅舖頭會有啲咁差嘅職員希望公司可以好好反省提高職員服務質素

一向都支持左佢地好耐，好多間分店都去過，但偏偏依間D服務員係厭世既服務態度😡影響成個環境，飲品好，但服務冇都令食客反感！話返今次經歷每次都買2杯飲品發現 一枝紙飲管爛左都唔換比客人， 大舊男操半廣東話既服務員仲話 每杯飲品只提供1枝紙飲管！之後一試一向都飲無糖既茶，一飲就成灘糖漿，我問過 杯飲品係咪無糖，點解咁大灘糖漿？大舊男操半廣東話既服務員就話：我無額外加糖落去，本身係有糖漿！兩句後佢好唔耐煩即刻叫另外1位女服務員同講：我換個杯比你，試下會唔會好D...女服務員就正常為顧客著想！今次又發現又係男服務員出問題🤨🤨🤨🤨希望有關高層從新檢視服務問題！

網上經OpenRice order去到只係禮貌地問咗請問有冇T 004？店長說：你見到咁多人，覺得會唔會而家有呢？優質嘅服務，讓我嘆為觀止！今次已經係第二次遇到咁樣嘅服務啦！

尋日去左買杯熱飲，去到鋪頭見唔到員工，原來入左去，成間鋪只得一個人做嘢。之後落order職員同我哋講冇咁快，但又講唔到要等幾耐，只係話「你見到呢度唔係好多個杯，但其實我後面好多嘢做」。講真我理得你有幾多個杯幾多碗水，我淨係要一個時間，例如10分鐘，10個鐘抑或10年。講左一陣，佢同我我大約10分鐘，咁我照買都坐低等左一陣。最後佢都同我講「唔好意思真係做唔切，希望遲下會好啲」。我相信明天會更好嘅，見到你咁辛苦，少啲人幫襯又或者執左佢咪唔使做囉。所以我都做個好心上來幫你輕輕一推俾個喊你，傻豬唔使多謝我，我冇收任何人錢架。員工態度固然係一個問題，但當間間分店員工都咁有問題的時候，問題會唔會響管理嗰個度？冇錯世上都有幾間餐廳啲人係愈俾人鬧愈想去，但你係咪要行呢個風格？

用左OpenRice App 外賣自取但杯野飲比預期時間還要慢 問戴眼鏡既男職員仲有幾耐 佢串串貢隻手仲要攤開拍拍枱指住其中一張單答我「你話呢？」之後仲要話自己係講過我🔥都黎答取消張單（因為個app話「可取餐」）我取消唔到就同佢講 佢再答我「自己㩒啦，我唔識播，仲有幾杯咪到你囉」嘩～ 禮貌係邊 之後再同另一位後生既男職員講想取消 雖然仲等緊答覆但呢位後生態度良好 同埋等緊果時個戴眼鏡男職員沖飲品有夾住洗手水落野飲度。希望重視下 或者將此職員派去唔使見客既地方而家被人既一種感覺係唔意在做生意咁 完全趕客

收到太古城派leaflet開張優惠去咗幫親，我哋平時飲開湊湊，見新開就去幫親，之前都聽過同事話呢間嘢唔好飲，但我覺得口味係好個人嘅，佢覺得唔好飲，我未必一定會覺得唔好飲。買左2/1嘅優惠飲品7折連珍珠配料，由於之前係湊湊有經驗試過加錢要配料回家發現係無配料，呢種情況我會打番電話俾店鋪作記錄，下次返嚟幫親唔好收我配料錢，離開間鋪之前感覺好似有預感會忘記咗配料，於是我多口問多句，職員話有架。結果返到屋企老公倒出嚟係無配料，我哋習慣咗會倒係自己杯度飲。於是就打番電話去間鋪，當日女職員態度其實幾好，叫我返轉頭，我話我已經返到屋企啦，仲走多轉？於是我提議我返嚟再幫親就唔好收我配料錢，咁最公平啦！但個女職員態度好好，一直話唔緊要，明天妳過嚟我哋送返杯俾你，咁於是第二日放工行去拎杯嘢飲，都真係令我大開眼界。個男店長一嚟就盤問嘅姿態問你有無影相留低證據？我話琴日問咗你同事啦，佢話唔曬，妳最好問番你同事啦，費事以為我找笨！然後佢就話佢係店長，要跟流程，又要你簽名，又要你目睹佢有擺珍珠，真係人格侮辱啊啊啊。原來你哋係咁對個客，仲要係你哋嘅失誤引起，要我走多轉!!! 我開頭已經話你唔曬免費啦，我比番杯嘢飲錢