CoHee

營業中

休息中

粉嶺真係好少咁高質嘅Cafe，好靚呀❤️呢度採用全落地大玻璃，而且陽光非常充足，配合佢木系嘅枱櫈，室內亦有少量榻榻米座位，環境和風得嚟好舒適✨⭐️ 明太子小龍蝦扁意粉明太子醬濃郁得黎帶著海鮮嘅味道。佢有啲微微嘅鹹香味，同意粉嘅味道完美融合一齊。意粉本身嚟講，係煮得彈牙有嚼勁，完美嘅吸收咗明太子醬嘅風味。每一口都充滿咗醬汁嘅香濃味道，再加上鮮嫩多汁嘅小龍蝦肉，都係唔錯嘅。⭐️ ALL DAY BREAKFAST炒蛋、牛油果、車厘茄 、冇味精雞肉腸、酸種包、雜菇、沙律、煙三文魚味道同賣相都係值得推薦嘅，而且份量都算大，好適合未食早餐嘅過嚟食個Brunch 🤣⭐️ 「法院限定」 我冇罪 邪惡朱古力沙冰如果本身鍾意飲朱古力嘅話，一定會喜歡 🫶🏻 佢嘅朱古力味超級濃郁，而且賣相好靚。不過建議叫一杯夠啦，另外揀杯清新小小嘅咖啡會冇咁膩。

星期日的😌咖啡☕️在法院內的餐廳。粉嶺區小有的悠閑咖啡。環境好舒適。美中不足是車不能泊門口，走路亦要行一段路，地點係有點唔方便。但今天的陽光温度。特別適合有戶外坐位的餐廳。咖啡有好多選擇。身沖，選豆。乜都有🫰🏻本身唔奶唔糖。唯有揀Long black 😆啡味濃，還可以。仲有一杯Creamy Black 啡味反而淡好多。再揀左個mushroom 酸種包。😅還可以。主要嘆啡同環境。。想hea 下，會再來👍🏻☕️

廚師們是Artists開店係一門學問，太個人主義唔算係生意，太隨波逐流又失去意義。飲品色香味茶具托盤匙羹全見心思。處處低調，但處處有驚喜。呢位廚師亦係一名畫家？個DD上到嚟賣相係震撼嘅。純白同玫紅嘅鮮明對比，令我驚呆咗兩秒。說好的日式（我以為)呢？有時menu冇相都係高招。高質素材，開濶嘅空間同景緻，悠閑不是靠襯托，而該是減法。店員輕聲細語，眼神柔和。這就是氛圍吧。覺得我需要回來。（深秋時節，洋洋秋日，揀閒日嚟，嗰種寧靜致遠，係繁華裡難得嘅奢侈。）

係粉嶺前裁判法院對面入口有啲隱蔽但勝在環境清幽輕鬆 幾chill^_^☕️COFFEE ☕️ ⭐️有個特別之處係可以選擇正常或者1+1combo 模式即係會有一個Espresso 同一杯one shot 比例嘅奶啡熱愛試啡者狂喜🤩☕️Coffee-cappuccino combo(house blend) $(set)House blend隻豆幾特別 係哥倫比亞、巴西、衣索比亞三種產地嘅blend豆 整體風味偏nutty 個人覺得espresso 風味幾好nutty偏好嘅人應該會好鍾意，不過是日運氣不佳 杯cap 嘅奶泡厚左小小 稍欠火侯espresso 嘅口感幾清新，風味偏nutty，body 偏薄（如果厚身少少感覺會舒服啲） Cappuccino 嘅奶泡偏實身，mixing 幾好👍🏻，甜感唔算太出☕️Hand Drip - Ethiopia🇪🇹Guji Geisha $88 滿心期待的GeishaT-T好可惜地冇驚艷嘅感覺 有飲到白花嘅味道 可惜個body衝突有啲太薄 唔係好試到太多嘢🫠 唔緊要，下次再戰其他！🍝FOOD🍝我哋去到嘅時候啱啱好有lunch set跟餐可以揀

鋪頭：CoHee地址：粉嶺馬會道302號地舖​📢現場有榻榻米座位（近落地玻璃窗）​💰257蚊💰 Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 1️⃣All Day Breakfast $138 ​ ​ （還可以）酸種包同雞胸肉比較有印象，酸種包幾軟熟，雞胸肉滑唔鞋（應該係慢煮）幾好食，食哂全部雞會滯，其餘腸仔炒蛋味道普通​2️⃣手沖咖啡 （普通）唔太識飲咖啡，只能夠講係一杯普通咖啡，唔酸​2️⃣日式麻糬卷蛋糕（伯爵茶）$48 （一般）蛋糕有少少乾，唔夠綿密，cream唔算順滑​😐總結：呢餐$257都幾貴，all day breakfast份量係唔少，但味道唔值呢個價，蛋糕卷都係一般。​而家幫襯多左cafe，發現環境都好有影響力，呢間cafe座位有少少迫，坐得唔舒服，再加埋食物質素，呢餐係唔抵的 （如果落地玻璃窗邊唔好全部都榻榻米就好，想望下景但又唔想坐榻榻米🥲）​📝 以下評分最高分五粒🌟味道：🌟🌟加0.5粒抵食程度：🌟🌟粒環境&服務：🌟🌟

前粉嶺裁判法院經活化之後，保留建築特色及改為香港青年協會領袖學院，亦都係熱門嘅電影取景或者人像攝影地點，當日已經見唔少。至於室內空間活化之後靚唔靚就見人見智。 法院旁邊有間cafe，元朗起家，粉嶺係第二間店。當日大概下午三點，諗住假期要等位，點知又唔使喎，無痛直入。到四點幾我地差唔多走嘅時候先開始多人。 🌕🌕🌕🌑🌑Cohee All Day Breakfastall day真係食唔少，老老實實不外乎主要都係腸仔炒蛋麵包，不過第一次食all day配慢煮雞胸，亦係我第一次食慢煮雞胸，都幾滑同彈牙。至於個炒蛋就比較普通。 🌕🌕🌕🌑🌑小龍蝦沙律貝果🌕🌕🌕🌑🌑Creamy Black🌕🌕🌕🌕🌑Dirty唔易沖，個分層都算唔錯 環境舒適，整體感覺都唔錯，不過人多就開始嘈，好似去左茶樓咁。

原本以為今日會打得成風所以一早已諗住待在家中煲咖啡睇下書渡日就算。點知天文台話掛八號機會唔大, 一於即興約朋友外出嘆杯啡吹下水😁。 這間咖啡店位於粉嶺裁判法院, 餐廳裝修採用簡約風, 店內座位與座位之間好寬敞, 坐得好舒服。尤其落地玻璃的設計透過太陽光直射店內, 所以光線好充足。其設計亦會令人睇落空間感較大本人幾鐘意這設計。這店好適合一個人或一班人前來嘆啡稍息充充電, 再迎接未來日子未知的挑戰👍🏻。 食物方面食材好新鮮, 上菜速度都好快手以下是跟友人是次點選的食物：🥯貝果拼自家製火腿忌廉芝士煙煙韌韌的貝果食落唔會好乾身又唔會太鬆軟質感剛剛好, 估唔到貝果仲好香麥味跟火腿忌廉芝士一齊食味道都手幾夾, 食完唔會覺得滯。 🍞北海道帶子、三文魚籽、 炒蛋、洋蔥酸種麵包兩粒大大粒新鮮帶子再加少部份三文魚籽灑在酸種麵包上賣相已很吸引, 酸種麵包質感好鬆軟容易切, 帶子亦很鮮甜, 不過小編覺得美中不足的係炒蛋炒得過老, 三文魚籽有點腥😅。 🍮焦糖布丁燒為整個下午茶帶來完美的句號, 微凍的布丁燒甜度適中批, 質感做到搖搖晃晃令人感覺去好治癒, 每淡食落有濃濃的蛋味相當不錯。 ☕ ( S O E Lon

位於元朗錦上路嘅Cohee Studio係我最愛嘅咖啡店之一，一直期待去埋佢哋嘅另一分店試下。開業不足一年嘅Cohee 2.0 ，選址粉嶺裁判法院，離粉嶺站約7-8分鐘路程，位置唔算難揾。有幾張枱放置係門口戶外，門前有一細片空地，再有牆同鐵閘隔開法院同出面嘅大馬路。而鋪頭內全用玻璃外牆，採光度高，加上以木系及白色為主，空間感十足。平日午膳時間到達，唔洗等即刻有位。～** 蘑菇、牛油果、忌廉芝士貝果加沙律 $103**～蘑菇、牛油果同沙律菜都好新鮮，沙律汁有得揀黑醋汁或者芝麻醬，而包都有得揀要酸種包或者貝果。今次揀左貝果，口感有啲似普通面包，未有貝果煙韌口感，但整體感覺不差。～** Latte (SET+$15)**～啡味濃，上面都有棉密嘅奶泡，隨杯附上一張卡介紹返呢杯咖啡。形容返佢嘅味，甜度同酸度等。可以一路品嘗，一邊增加返對呢杯咖啡嘅了解。

雖然呢間cafe我成日都去，但通常都係下午茶時段先去，仲要講緊係平日食飽飽去嘆杯咖啡就坐半個晏奏😆😆朋友見我成日去，有日平日得閒就入嚟搵我食lunch同試吓我呢間成日去嘅Cafe☺️叫咗個 #慢煮雞胸沙律配柚子醋汁 ，因為我朋友食咗早餐先出嚟，話唔算好餓，所以諗住叫個沙律無咁飽～ 個雞扒好滑，柚子醋好清新解膩～另外叫咗個 #黑松露雜菌溫泉蛋扁意粉 ，呢個想試好耐，因為睇相好似勁多芝士😂 作為芝士人，我好好奇個味係點，不過食落原來都唔係好重芝士味，比我想像中普通🙈不過都算幾多菇最後一人一杯 #Latte 🫶🏻 一如以往好飲～住開九龍嘅朋友話呢間Cafe環境好好，有啲似去咗外國feel🤭 之前天氣涼涼哋嘅時候，我坐過出面我都有呢個感覺🤭🤭

☕️☕️🥯🥯咖啡店好特別，位於粉嶺地方法院，獨立既小房子，旁邊有草地，屋外地方寬敞，環境唔錯，有落地大玻璃，引入自然光，加上咖啡店內木系裝修，非常舒適煙三文魚、牛油果，忌廉芝士配酸種包($98)三文魚都有三、四片，牛油果份量亦好多，每啖都夾住三文魚同牛油果👍🏻👍🏻👍🏻加埋沙律菜同蕃茄仔，真係好豐富巴馬風乾火腿、炒蛋配酸種包($78)炒蛋好滑好厚，火腿加左楓糖係面，甜甜地中和左個鹹味，亦減去膩口既感覺👍🏻👍🏻同樣半碟都係沙律，非常清新炸芝麻雞翼($68)雞翼脆皮酥化，味道香辣，有少少黑椒，雞肉juicy嫩滑👍🏻👍🏻👍🏻炸薯條($58)脆脆可口，放左紫菜粉調味，似shakeshake薯條，但份量唔算多蘋果撻拼雪糕($68)比想像中大個，鋪滿蘋果片加埋肉桂粉好吸引，邊位少粉脆，暖暖既有蘋果味，好滿足日式麻糬卷蛋糕：抹茶/伯爵茶($48)蛋糕好棉，中間既心好煙韌，伯爵茶口味好重，有少少花香，抹茶味則比較淡，但個人較喜歡抹茶👍🏻👍🏻

位於粉嶺新界裁判署隔離有間Cohee Coffee 2.0🤣🤣2.0點解 因為佢係分店 本身Cohee 係元朗錦田有間本店 今日試試 Cohee 最出名 明太子小蝦扁意粉🦞🦞🦞明太子咸香好惹味 汁又夠 而d 小龍蝦肉質好鮮甜又彈牙檸檬撻 🍋🍋🍋聽聞宜個唔係成日有 我今次真係好好彩先食到 佢個撻唔會太甜 酸酸地反而仲吸引我今次叫左個手沖同latte 我本身好少飲奶啡 但hea 住咁嘆啡好似叫多杯有拉花開心d🤣🤣我今次一坐就坐左4個鐘 真係好舒服 同埋聽聞佢地間唔中會有d 關於咖啡嘅workshop 真係一間好有心嘅咖啡室

Cohee@粉嶺Cohee嘅第二分店之前試過元朗店 排好耐但食物真係幾高分印象深刻粉嶺店繼續水準發揮！-位於前粉嶺裁判法院被列位三級歷史建築店舖兩邊都係落地玻璃 光線充足望出去就係草地同歷史建築好啱女仔嚟打卡chill吓或者一家大細嚟都好啱 地方好闊落 附近泊車都方便-由粉嶺火車站步行只需5分鐘佢營業時間係9:00-16:00仲要咁早開門 cafe嚟講同區真係無對手-可能我哋早嚟同平日 唔需要等位兩次嚟都坐到榻榻米枱今次隨咖啡上枱會跟一張小卡介紹咖啡豆House blend nutty 係我鍾意嘅口味-今次試咗呢啲：《Iced Americano》$32+5《Green Tea Latte》$38+5《煙鴨胸 牛油果 柚子醬 貝果Bagel》$78《黑松露雜菌温泉蛋扁意粉》$98《日式麻薯卷蛋糕 /伯爵茶》$48

每次去粉嶺健康院覆診後都會睇下有冇時間去呢間餐廳Chill下。今日仲有老公陪，一於一齊去食個午餐。老公點了明太子小龍蝦扁意粉，味道方面很不錯，醬汁足夠，小龍蝦配蕃茄仔感覺清新，份量也不少。我就點了這個酸種面包的配搭，煙三文魚份量一點也不吝嗇，配上牛油果加cream cheese，淋少少檸檬汁，味道好食👍 之前試過選bagel,還是覺得配酸種面包較合適。伯爵茶熱朱古力，很有伯爵茶味，貪新鮮既朋友可不妨一試～最欣賞是這裡的拉花，這次是兔子、之前見過飛馬、手指公圖案～

🤑人均：$150-200天氣咁熱咁焗，最好坐下cafe relax下又可以消磨時間，今次呢間寧靜啲嘅cafe位於前粉嶺裁判法院，已於2010年被列為香港三級歷史建築 !🏠環境 ： 人氣cafe - CoHee主打精緻打卡able文青簡約風，除咗有榻榻米之外，仲有落地玻璃視覺上空間咁十足，陽光透亮，成個人都好精神。🍳食物： 全部賣相好靚好打卡able💥明太子小龍蝦扁意粉🥘 $98 (7/10)意粉軟硬適中，小龍蝦口感都結實帶少少甜味，個人比較鐘意面頭啲三文魚子嘅鹹香。醬汁都夠，唔會令意粉乾噌噌，整體味道正常雖然唔會話好有驚喜但一啲都唔差。💥磨茹牛油果忌廉bagel配沙律菜🥑 $78 (8/10)沙律菜同牛油果新鮮唔會發黃或者爛，bagal口感煙韌，蘑菇比較乾，建議有少少醬汁撈下成個口感會juicy啲💥Genmaicha Latte🍵 $38唔係我飲，目測拉花好靚💥Cappuccino $38 (7/10)味道比較nutty，拉花好靚之外，會俾埋張卡仔詳細介紹口味同咖啡豆，呢part好加分!✨價錢 : 價錢同食物中規中矩，但環境加分，chill嚟講都好推介。#粉嶺美食 #粉嶺cafe #粉

≋粉嶺少有文青cafe≋講到粉嶺cafe，首選一定係CoHee，位於舊裁判法院隔離，環境清幽，周圍有樹圍繞住，加上白色外牆，個感覺好chill🏝️當日早上11點左右係粉嶺做完野，趁有空檔就去CoHee休息下。餐廳裝潢好舒服，每次去都覺得好放鬆，有2張枱係他他米座位，Weekend一定係無位，Weekday去先可以坐到☺️要注意既位係，11:00-12:00之間係無set餐，只可以散叫。想黎既朋友記得避開依個時間啦。我地散叫咗一個All day breakfast，一杯朱古力同檸檬撻🍋▫️All day breakfast整體質素幾好，特別係個慢煮雞胸肉，肉質嫩滑好juicy，一啲都唔乾喔!其他食物都好新鮮，不過塊多士好硬，隨時𠝹損牙肉🫣▫️熱朱古力🍫居然都有拉花，而且拉得好靚✨重點係好濃朱古力味，又唔會得死甜。▫️檸檬撻🍋係清新之選，酸酸甜甜，食完唔會覺得漏，2個人share岩岩好，好滿足🫶🏻整體嚟講，價錢就唔平，人均都預$100左右，不過係粉嶺有時想chill下，環境，氣氛同食物都唔錯既cafe，推薦黎𝘊𝘰𝘏𝘦𝘦✨