Coffeelin (電氣道)

上次到訪中環陸海通大廈一樓新分店，今次再訪炮台山分店，呢間比中環空間更大，大部份座位都有自然光（原相直出），仲有室內外座位，裝修亦以意式復古風設計，簡單而優雅。食物方面，有早餐、三文治餐、烘焙包點套餐、沙律餐、午餐，呢間夜晚仲有Freeflow $198。🍝 Seafood Spaghetti with butter, anchovies sauce, prawns and squid $168 ～ 地中海鯷魚醬意粉配大蝦及魷魚，鯷魚醬帶來濃郁的海鮮風味，與意粉完美融合。🍄a small Truffle Mushroom Soup～ 松露蘑菇湯，搭配烤麵包，更加豐富。☕️Latte ～ 靚靚嘅馬圖案拉花，令人賞心悅目。
 🥗 Mixed green salad $108～新鮮無花果、車厘茄、火箭菜、日本蘿蔔，健康又美味。🥃 Morning Call +$23～ 茉莉花冷泡茶搭配果味雙份濃縮咖啡，味道清新嘅咖啡帶有花香。
🍰Original Burnt Cheesecake $52～ 巴斯克起司蛋糕，中間嘅流心夾層，令人回味無窮。…查看更多

之前中環分店岩岩開試過一次唔錯, 就約好左同朋友去炮台山分店食多次, 但冇諗過係差咁遠.今次叫左個地中海鯷魚醬意粉配大蝦擺盤其實係幾靚, 但個汁完全冇味.鯷魚汁應該點都有咸味, 覺得奇怪叫左朋友試都覺得冇味, 就反映比個男待應. 佢有提出可以換過碟, 但語氣同態度都係講到我食到冇味, 係我有問題咁.最後食完, 行到出去埋單既時後, 一位待應同我埋緊單, 但另外兩個待應全程都望住我埋單好似我得罪左佢地.百幾蚊一個意粉又冇味, 仲要接受待應冷言冷語, 已經可以blacklist佢.…查看更多

今日生日，中午同舊同事响公司附近隨便揀咗呢間餐廳食lunch，點知會俾咗我一個咁畢業難忘嘅生日經驗。叫咗杯long black，淡到以為自己飲緊清水，我問個侍應點解咁淡，佢話我點咗single shot，之後我睇下個app，原來我誤會咗, 佢本身有三個options, 有兩個options係double shots 要加5蚊，最後一個option係single shot, 咩都唔揀先係standard double shot，我以為點都要揀一個option,所以我揀咗single shot, 然後就好似開水咁淡，我叫佢可唔可以俾返杯shot 我自己加返落杯咖啡度（我都冇要求整過一杯新嘅出嚟啦），但佢話成本問題唔得，我話本身default 都係double shot，我只係想要返standard，啫係兩杯shot啫，點解有成本問題，之後另一侍應行嚟又話唔係成本問題，杯嘢飲出咗嚟就唔改得，叫我單叫一杯expresso但要$30，本身我都想加錢再叫，但其實即使係single shot, 都冇理由好似飲緊水咁淡，對佢哋啲咖啡冇信心，最後冇叫。嘢食叫咗個最貴嘅慢煮豬排，成兩百幾蚊，但乾到好似豬肉乾咁硬，咁都叫慢煮嘅話，唔知佢快煮會係點呢，跟住個醬都好淡，食唔到有咩味道埋單嘅時候個侍應黑我面，well….明嘅，我俾錢時話點解餐飯咁叉貴嘅，然後佢黑晒面咁收我錢，放心啦，你哋唔會再見到我呢個咁難服侍嘅客，因為真心冇下次。…查看更多

同依個舖位都幾有緣份，依間之前去過係一間pop up 嘅懷舊波衫店，今次啱啱去媽媽附近同佢飲杯嘢，所以又來返依個舖位…..應該依間係都算新開張叫咗一杯凍朱古力同一杯凍Mocha ，另外叫咗一個薯仔小食….純粹想坐吓傾吓偈舖頭都算幾大都幾乾淨，見到都係啲人飲杯嘢傾吓偈為主, 嗰邊又唔算人流太多都算chill chill 地，佢杯ice mocha 個朱古力同咖啡融會得幾好👍唔錯，另外個薯仔小食唔記得叫咩名啊，但幾好食，好易入口個汁好好味⋯⋯…查看更多

炮台山油街附近，正正開了一間型格的咖啡店，以歐陸式設計，配上樓底極高，而且座位闊落，再有落地窗，滲透了自然光進來，滿滿歐陸風情。抹茶拿鐵抹茶拿味濃柔滑，又不失層次的口感，飲落淡淡清新香甜。Affogato先有2球開心果雪糕，再有意式濃縮咖啡倒在其中，迅速融化，飲落有種濃郁的開心果奶香，甜美滋味。地中海鯷魚醬意粉配大蝦及魷魚以鹹香的鯷魚醬與口感彈牙意粉配合得剛剛好，鮮口十足，搭配上大蝦和魷魚，口感豐富，鮮味彈牙，令人陶醉。自家製Griso提拉米蘇提拉米蘇是他們的招牌甜點，提拉米蘇內感受到咖啡的濃郁香甜，柔滑的質地在口中融化，層層口感，讓人欲罷不能。…查看更多