Coffee & Nata (已結業)

一直我都好想試一下，黎自葡萄牙嘅過江龍名店 Coffee ＆ Nata，一間葡撻專門店，係葡萄牙日賣1000件。香港係第一間海外分店，每件葡撻都係總廠直送到香港。今次，終於試到啦！The Original Pastel De Nata ＄18 / 件原味葡撻酥皮層數不多，葡撻嘅雞蛋吉士內餡煙靭，入口口感香滑，吉士嘅香甜較蛋味為突出。嗜甜嘅我好鍾意呢一個甜度，明顯比香港製作嘅葡撻口味甜。美中不足嘅地方係葡撻已經放涼，無左出爐時候嘅熱辣辣香脆酥皮口感。整體黎講，葡撻充滿葡萄牙傳統風味味道，如果可以再用焗爐烘熱，可能味道同口感會更好。…查看更多

自己本身幾鍾意食葡撻，所以經過見到呢間專賣葡國甜品既小店就入去買咗d嚟試吓。雖然佢有好多款甜品，不過自己食唔到咁多，都係只係買左原味同朱古力味葡撻。返到屋企用焗爐180度焗咗5分鐘，外皮脆脆哋，不過感覺冇乜牛油香，裡面個餡喺實嘅，應該喺吉士嚟，所以我有d失望，以為會係食開個隻葡撻。結論係唔啱我口味。…查看更多

ORIGINAL PREMIUM PASTEL DE NATA 原味葡撻 $24.葡撻配方跟傳統葡撻做法，有別平時大家食開KFC/港澳葡撻😳酥餅底仍然外脆，有層次😏內餡特濃蛋漿混合吉士醬口感加倍，表面焦糖化睇落非常吸引💛質感同味道其實有點似西米布甸🤔可能因為係傳統配方，食落係偏甜(未必適合部分亞洲人口味).💡焗熱食酥餅底更脆，但同時更甜(小編奇怪地中意凍食無咁甜🦦).Overall大家對葡撻反應兩極化：🤎中意嘅人覺得好香好食😋特濃口感🤔唔中意嘅人係因為expect係好似蛋撻嗰種滑蛋餡，但畢竟配方唔同😲所以大家食嘅時候要有心理準備喔😂 …查看更多

之前經過金鐘廊見到呢間來自葡萄牙嘅過江龍葡撻專門店見到佢啲葡撻有勁多款式超吸引上網查下原來呢間店係葡萄牙都有十五分店而且更試過日賣1000件而香港係第一間海外分店大有來頭咁 一於試吓佢先Original Pastel de Nata睇佢啲葡撻好壯觀咁排哂出嚟當然係試原味就最穩陣啦因為唔係新鮮出爐所以拎上手係凍嘅一咬落去口知不妙個皮咁韌嘅初頭以為唔係新鮮熱食所以韌後尾上網睇返啲食評熱食都有同樣情況😐冇酥皮嘅酥脆想像下係雪咗幾日拎出嚟食嘅口感Original裡面係Custard 味道OK嘅帶奶味同蛋香 偏甜啲不過Custard帶膏狀嘅質感而唔係平時我哋一般食個啲滑溜蛋撻口感可能正宗葡撻係咁恕小女孤陋寡聞真係唔啱我口味$18嚟講我會寧願買2個某連鎖快餐店葡撻😂…查看更多

前年去葡萄牙嘅時候好似試過e間葡撻見到距係香港開左就黎試下啦因為係葡萄牙食過其實都幾好味架點知唔講都唔知係同一間距賣得一d都無平只係原味都要$24一個而味道真係非常一般好甜個函又一pat野甘。。。失望啊。。。…查看更多

契妹上週於葡萄牙過江龍「Coffee & Nata」上環間臨時快閃店食咗個超正嘅葡撻，即推薦俾小肥契哥。XO仔就襯週六有雀局，一早起身行咗去最近嘅金鐘分店，買定下午茶請班長輩牌友食。店子白色嘅牆身配上木造嘅陳列架望落尤其光鮮企理。位於店舖中央嘅玻璃櫃內可見多件外表差唔多，但其實口味不同嘅葡撻。葡撻共有原味、朱古力味、海鹽焦糖味及熱情果味四款。價格為$24/件、$120/半打、$240/一打、$480/兩打，圍起即買五送一，以六嘅倍數購買即$20/件，一啲都唔平！小店只有一人打理，店員態度溫婉，效率都算高。每個紙盒剛好裝到六件葡撻，而且有個窗口仔俾貴客睇到盒中物。貴氣十足嘅白色紙袋亦非常穩陣，包裝好得！可惜黃黃嘅葡撻皮層不單厚過細佬塊面皮，烘熱後唔脆之餘仲超韌，連用刀都切唔開咁韌皮，真係好對唔住，個原味餡心點好食都已經唔識去欣賞囉！人氣熱店「Coffee & Nata」簡潔亮麗，服務優質，無奈招牌葡撻貴得黎冇水準，過份吹噓只會令人更加失望！…查看更多

聽講係葡萄牙過江嘅葡撻專門店，一開張要排長龍架😶雖然每個要24蚊，真係好貴下，但係都係忍唔住買黎試下😄😌買左 Pastel de nata salted caramel 同 chocolate。酥皮完全唔鬆脆😢 Egg custard 嘅質感唔係我expect嘅，佢似實實地，膠膠地嘅布丁，唔滑😳 Custard 味重，但無咩乜蛋味。Chocolate 係流心😍，但係朱古力味唔濃郁，有d太甜😕可能食開港式葡撻，唔係好習慣，唔啱我口味，而且性價比低，所以個人唔會再買😶…查看更多

由Pop-up Store轉入舖頭既撻店, 諗住咁有特色, 試一試都無妨.款式看似好多, 本身諗住Whatsapp落定單, 點知回覆係佢地人手不足, 未ready接單.好啦, 諗住慳返D時間, 一落去就有得拎啫, 落去揀都無咩問題既.店內環境好簡樸, 原本諗好既口味, 落到黎睇櫃入面, 除左顏色分別好大既款, 其餘款試都好難分辯, 每盤撻都唔會有指明係咩款, 店員只有一個疑似ABC工讀生, 問完佢想要咩, 佢示意要自己夾, 但個撻好軟身, 大力少少可能會夾爛或變形, 之後每款都要問佢, 佢都索性幫我地執, 但係主打口味既海鹽焦糖同熱情果都係無貨.原味同混合朱古力都有人揀, 問店員點分既時候, 原來係要睇個撻底, 有黑色透出黎既, 就係混合左朱古力, 哩個設計真係好好笑, 就唔可以換另一款撻紙黎分辯? 當店員執左入籃之後, 要放返入盒, 店員都要每一個睇一睇個底有冇黑色, 分返1整盒混合朱古力, 好彩剛好4舊都係, 如果唔係, 到食既時候, 又要每件睇一睇個底先分得出.所有款式都甜得誇張, 由其黑朱古力味, 外貎似布朗尼, 但食落只係濕左既朱古力磚. 杏仁口味亦都似浸濕左既煎餅. 重點係, 所有撻都係凍既, 我估熱食的話, 會好味D. 最尾各同事都一致覺得, 某炸雞連鎖店既葡撻更好食.…查看更多

呢間過江龍葡撻，由一開業開始一路都好想去試。星期二下午六點幾冇人排隊，門面好靚好簡約。當日得返原味葡撻，買咗一個黎試。可以因為凍咗，個皮一啲都唔脆，蛋漿好食，食落去會漿住個口，總括黎講係唔好食。…查看更多

繼續是「一天瘋狂美食之旅」😋 頭三站都是游走灣仔找美食（見之前的post）開始吃得有點飽，於是工人就開始由灣仔走至金鐘，消化一下之餘再到我們的第四站The Original $18來到這裡目的只有一個，就是吃傳統的葡撻！這家的葡撻是由葡萄牙🇵🇹總廠直送到香港🇭🇰，全部依照傳統做法製作目前店家有4款口味供應，分別有原味、朱古力🍫、海鹽焦糖和熱情果，這次我們選原味來一嚐葡國風味本來是有點期待，但將葡撻放入口的第一個感覺就是冷冰冰😰，讓我第一時間想起那年冬天☃️到歐洲時吃到的麵包🍞一樣同樣冰凍的，口感並不好😩撻皮不算脆口反而帶煙韌，是那種❄️冷藏得太久而造成的「煙韌」，或者因為是「葡國直送」，經過長途機🛬的運載及貯存，而且太乾身沒🙅🏻‍♀️半點濕潤感內餡用上雞蛋🥚和吉士醬製成，不過蛋味不太突出，反而吉士的甜味比較重，味道偏甜；質感未至於太順滑綿糯，感覺像吃比較實在的布丁🍮但不知是否不習慣這口味🤔 又或者可能Bakehouse帶來太大的驚喜🥳 故此覺得不太好吃，性價比又不高（價錢💰比Bakehouse貴），會回頭的機會不大了店家自02年在葡萄牙里斯本創立品牌後，直至前年才開設第一☝🏻間專門店，更曾創下日賣1000件的佳績目前在當地已有15間分店，成績非常理想，香港是第一間海外分店除葡撻之外，亦售賣6款葡萄牙傳統甜品K-jada（無酥皮葡撻）、杏仁撻、果醬跟咖啡☕️豆，方便客人購買如果想一試正宗葡撻，個人認為可以一試👌🏻不過價格偏貴，賣相不吸引，整體口感跟味道都是一般💁🏻‍♀️ 要不要嘗試就自行決定了…查看更多

Lonely Love The Original $18 per piece 呢間葡撻一直都好出名 最近仲開到黎香港 有幾次經開都未試到 今次試咗覺得葡撻既餡真係幾香滑 而酥皮都夠鬆脆 唯一係店舖就咁放出黎 買個時已經凍咗 如果拎返屋企焗一焗返熱會更加好食🤣評分: 7/10🌟———————————————————————Coffee & Nata (金鐘)金鐘金鐘道93號Lab Concept金鐘廊1樓…查看更多

葡撻唔一定係連鎖快餐店先好食，都唔一定去澳門先食到真正既葡撻，今次介紹既係大有來頭，正宗黎自葡萄牙過江龍葡撻名店。呢間葡萄牙過江龍Coffee & Nata，2002年係葡萄牙里斯本開創品牌後，將葡撻寄賣到其他cafe賣，直到2019年先開設第一間專門店，一開就創下日賣,000件的佳績，呢家係葡萄牙已經有15間分店。最近今年衝出海外，四月係金鐘開第一間海外分店，開幕前喺lab concept有個Pop up store。之前經過lab concept，見到佢有個Pop up store先令我記起有呢間鋪，間鋪喺pp條橋行去lab concept既扶手電梯位置，Pop up store係一個白色小型餐車檔，會見到一個個葡撻咁擺出黎。不過而家佢個Pop up store無左，lab concept有佢哋嘅實體店。店鋪落單唔一定要排隊，可以用 WhatsApp 落單或者網上訂購，有次女朋友去買個時，店員話要用電話掃QR CODE落單，現場落唔到單，再問之下佢話用電話落單會有8折。Premium pastel即係招牌葡撻，有4隻口味，分別係原味、朱古力、海鹽焦糖同埋熱情果。單件買$18 一塊，之後有6件裝、12件裝同24件裝，除了葡撻之外，仲有供應6款口味既葡萄牙傳統甜品K-jada，即係無酥皮既葡撻，成個都係由吉士製成，外層脆硬，入面係黏糯煙靭吉士餡，小小似中式甜品西米糕。6款口味有芝士、橙、紅蘿蔔、熱情果、牛奶、朱古力同焦糖。-1️⃣ The Original Pastel De Nata 💰18（👅: 8/10）💰90/6pieces盛載葡撻既紙盒幾靚，買唔同件數會有唔同大小紙盒，呢方面係幾有心思。呢度所有葡撻都係由葡萄牙總廠直送到港，保證味道原汁原味。而因為依度既葡撻係一早整好曬，所以唔係麵包店嗰啲新鮮熱辣辣，而且冇堂食得外賣，如果食前翻熱應該會更好食，好彩會撞到佢啱啱新鮮出爐。佢唔係熱辣辣，咬落去個時，撻皮夠脆不過口感比較軟，同平時香港食開既會唔同，食落會有啲乾。而葡撻個餡係配合正宗葡撻，用雞蛋同吉士製成，不過食落蛋味唔太出，反而食到吉士既甜味，食落比較甜。而口感食落幾滑幾香，入口順滑同creamy，內餡食落好似食布甸咁。口感外酥內軟有對比，比起出面食到既口軟較綿，但同我最鍾意既bakehouse比，bakehouse個皮係香港最酥脆最多層，呢個會有啲比下去。-2️⃣ Chocolate Pastel De Nata 💰18（👅: 8/10）外表上係分唔到咩味打咩味，要咬開先見到，朱古力係係葡撻蛋漿入面加咗朱古力醬。朱古力味入口會濕潤啲，食落我覺得甜左啲，有小小搶左原本既蛋香同吉士香。-3️⃣ Salted Caramel Pastel De Nata 💰18（👅: 8/10）海鹽焦糖味係葡撻蛋漿下面加咗焦糖既醬，食落比起原味會再甜，我自己覺得略甜左啲，鍾意原味多啲，其次係朱古力。-🌟 如果想一試正宗葡撻，或者食厭平時香港食開既葡撻都可以一試，因為唔止原味一個口味，不過價錢偏貴，整體味道偏甜，葡撻最愛我都係bakehouse，酥皮無人能及。因為反應熱烈，店鋪預告會係尖沙咀海運中心同時代廣場開設Pop Up Store。除左招牌葡撻同K-jada，另外有供應軟糯吉士甜品、杏仁撻同自家製手工有機果醬，如果係附近返工好適合買返去做下午茶。-👅味道: 8/10🍴環境: 6.5/10💰消費: $90 (服務費: NA)…查看更多

在香港雖然很多地方都可買到葡撻，但其實比較近似澳門所吃到的葡撻，並非完全依照傳統葡國食譜烹製。最近於金鐘廊Lab Concept新開葡萄牙過江龍名店Coffee & Nata，2002年於葡萄牙里斯本創立，曾經創下日賣1,000件的佳績，至今在葡萄牙已有15間分店，香港更是其第一間海外分店。所有葡撻 ($18/件、$90/6件、$180/12件、$360/24件) 均是由葡萄牙總廠直送到港，沿用葡萄牙傳統葡撻配方，包括原味、朱古力、海鹽焦糖及熱情果4款口味，保證味道原汁原味。店內除了招牌葡撻外，還供應葡萄牙傳統甜品 K-jada ($24/件、$120/6件、$240/12件、$480/24件)，即是沒有酥皮的葡撻，我自己在香港也從未試過呢！全個K-jada由吉士餡製成，總共有芝士、橙、紅蘿蔔、熱情果、牛奶、朱古力及焦糖7款口味。一口一件的size，咬下去有點像中式糕點，吉士餡口感黏糯而帶QQ，味道和質地亦與平時市面所售的葡撻完全不一樣，甜度相對較高。朱古力味的K-jada讓人想起brownie，質地扎實之餘略帶濕潤，可可味夠濃郁。紅蘿蔔K-jada沒有草青澀味，帶有天然溫和的甘甜味。杏仁撻 $28 表面鋪滿粒粒杏仁，外層鬆化脆口，內裏則是軟身柔韌，讓人不禁想起美式軟曲奇。Brigadier Cake $350 size超巨型，最適合一大班人慶祝時共享，蛋糕綿軟濕潤富彈性，內餡更有如心太軟般的朱古力流漿效果。除了葡萄牙地道甜品之外，店內亦有供應多款酥皮鹹點，可以於網站隨時下單，送貨上門可享九折優惠，到店自取更有八折優惠。Multigrain Butter Croissant $25Meat Patty $30Meat Merenda $30Sausage Puff Pastry $30Chicken Puff Pastry $30Tomato and Herb Pizza Butter Puff Pastry $30店內亦有大量手工果醬、餅乾及咖啡等等出售，領略自成一派的葡式風情。…查看更多

The founders definitely need to reformulate the whole business, from placing orders (via web only - staff were not 100% with system) to the packaging to the actual product (nata tarts). The items actually looked like they had been sat out for hours, and upon tasting , actually tasted more like from the night before. So so disappointed - had better ones for a fraction of the price at KFC and this is no joke. …查看更多

可能我唔識欣賞啦，因為佢係凍食食落冇咩蛋未，同有啲甜，又唔係軟熟或流心個皮係煙韌，有咬口，似老婆餅皮咁但就唔會再想食，因為CP值低有諗過整番熱可能好味啲，但諗諗吓，廚師都想你凍食，即係呢個係最好食既方法…查看更多