Coffee Hwajeon 커피화전

復活節期間，跟一位好姊妹走到西九文化區影相！ 影完相，我們走到圓方食飯！我挑選了5間餐廳，讓她選擇，最終她選擇了兩間，我覺得另一間有分店，所以選擇了韓式 Cafe <Coffee Hwajeon>！店內只有兩位靚女店員，特別一讚短頭髮那位比較落力，由門口接待食客、幫我們落單、食客離開後消毒餐桌及桌下；當我們臨走，走到木框打卡位影相，她好醒目把坐墊放下，好讓我們安坐影相！餐廳舖位算細，勝在裝潢有韓風特色又是打卡好去處！Menu喜歡到韓國旅行的好姊妹，比我更熟識韓國菜的口味！蟹柳蛋黃醬紫菜包飯卷 $85配料包括：蟹柳、雞蛋、甘筍、菠菜...色彩繽紛！她認為紫菜比較其他地方，相對韌得多！令我們食得幾論盡呢！玫瑰醬炸蝦炒年糕 $95玫瑰醬唔係預期嘅粉紅色啊！而係輕微香辣茄汁，酸中帶辣幾惹味！ 條狀年糕入味又口感煙韌！櫻花樹下奶昔 $48 配一件花煎餅奶昔入口甜美，輕微抹茶味！:)花煎餅是軟綿的紅豆蓉！韓國柑橘梳打 $52 少冰她好口渴，決定點杯梳打特飲來解渴吧！她話我知，柑橘好甜！綠茶芝士蛋糕 $64賣相翠綠色，口味幾甘的綠茶味，略嫌質感偏向硬實！芝士味滲出鹹味！…查看更多

位於圓方嘅韓式Cafe，花系裝潢都幾靚，環境都幾舒適，仲有得揀坐榻榻米或普通坐位😚同閨蜜吹水傾計都好適合👩🏻‍🤝‍👩🏼泡菜八爪魚紫菜包飯 $96呢款菜係冷盤，八爪魚🐙爽口彈牙，泡菜酸辣開胃，仲有的韓式辣醬~身為唔算好食得辣嘅我，食落都有少少辣🥵，味道食落中規中矩~玫瑰醬海鮮年糕$125年糕煙韌度十足，玫瑰醬好Creamy都幾惹味😋配菜都好豐富，海鮮有蝦、青口、八爪魚等~ 韓式牛肉奶油闊條麵$128呢道菜集合左韓式同西式，闊條麵麵質正常，但牛肉調味略重，醬汁調味過濃，掩蓋咗本身食物嘅味道~整體食落太油膩😖黑芝麻鮮奶$46、柑橘梳打$522款飲品都幾好飲🥰黑芝麻鮮奶有D奶蓋喺上面，黑芝麻味都醇厚，柑橘梳打幾fresh~伯爵茶布甸牛角包窩夫$145慶祝朋友慶生可以預先叫餐廳幫手寫字🥳布甸伯爵茶唔算好突出，雪糕有tiramisu嘅味道好香，窩夫好酥脆幾好食~呢間D甜品唔錯，同閨蜜嚟high tea幾岩🫶🏼…查看更多

餐廳裝修文青，以食特色甜品為主，都有少量主食。🤔韓式牛肉奶油闊條麵 上檯嘅賣相好混亂，唔係幾靚，唔符合裝修得文青咖啡店嘅賣相。闊條麵係手工麵嘅質感，但係又比平時嘅手工麵爽口彈牙一啲。味道係好濃嘅牛肉醬油汁，再加牛油味。幾香口，不過食食下都會覺得幾油膩。牛肉就係普通肥牛質感。🤔山薊菜大蜆意粉 $138味道同上述嘅牛肉奶油麵差唔多，都係濃濃嘅醬油味。有幾隻雪藏蝦，冇味嘅。本身貪新鮮想試吓“山薊菜”意粉係咩味，但係完全食唔到呢嗰菜係咩味，總之就係濃濃嘅醬油味道。點得蜆肉意粉，一般都預期係想食到一浸鮮甜嘅海鮮味道。但係呢個太重口味了，蜆肉都冇味。另外意粉係闊條麵，口感同上頗爽硬。紅棗五味茶太甜，紅棗味唔多，只係飲到勁甜嘅甜味。餐牌有好多賣 下次會試下甜品，但主食兩個意粉都係勁普通。…查看更多

本身叫咗三樣嘢，上到刨冰突然話用餐時間夠，都係坐咗一個鐘，刨冰都未開始食，跟住就話俾15分鐘我哋食埋佢，再話用餐時間得90分鐘，職員應該喺門口講左，但完全冇人講過，就話提醒我時間就到，餐牌同埋門口都冇指示牌顯示用餐時間得90分鐘，只係職員突然口講，條例可加可減，再問佢哋，就係因為今日係10月1號國慶紅日，完全係趕客行為，實際上仲有三四張空枱，水都唔幫你斟，仲要學人加一…查看更多

今日特登黎element試下呢間韓式cafe，佢有西餐意粉，亦有韓式炸雞，不過今日係黎食佢地嘅甜品，最近佢地仲有櫻花限定士多啤梨芝士蛋糕牛角包窩夫($102)賣相好靚，少女心滿滿嘅一個甜品，佢地嘅士多啤梨好清甜，🥐牛角包窩夫外皮好酥脆，入面好鬆軟，咬落有淡淡牛油香味，配埋酸酸甜甜嘅士多啤梨醬同cream，真係好夾。窩夫上面仲有塊好厚嘅芝士蛋糕，好豐富，不過有少少膩，作為下午茶，2個人食都足夠櫻花奶茶($48)意外地好飲，味道唔太濃，飲到有少少🌸櫻花味，因為我地叫左甜品，所以佢質地唔濃厚對我黎講係更配合，而家色澤都好靚Affogato ($72)咖啡嘅酸味同苦味適中，配上雲尼拿雪糕，成件事好溫和，除左佢跟配喺面嘅餅乾，入面仲有啲可可餅碎，口感幾特別…查看更多