Coffee Break (鴻輝大廈)

營業中

休息中

之前行過都有留意呢間餐廳女人街好少呢d坐得舒服d嘅cafe平日晚上幫襯間餐廳都full 好彩一早book左枱座位都幾舒服 都啱一班朋友傾計仲有d board game可以玩但今次只係得同蝦子餅晚餐 所以冇玩.Set dinner 揀左野菌黑松露忌廉意大利燴飯意大利飯好creamy, 黑松露味唔算突出整體都係好食煙三文魚凱撒沙律 叫餐飲一杯 餐牌食物可以-$20扣左個沙律都係$48飲品叫左藍莓果粒茶黎到壺茶比想像中細 點知知杯仲細再加熱水沖第二次已經淡味好多生日月份訂坐送疏乎厘pancake師奶港女表示好抵 平時一份都要八十蚊而家免費 仲要有三件貌相同口感都唔差生日嘅朋友好值得去！環境：服務：味道：性價比：

嗌咗個 Caesar salad wrap 一碟明太子櫻花蝦意粉 一碟蜜糖雞翼 正常嘅caesar入面應該有生菜 煙肉粒 Anchovy caesar醬 麵包粒 而係唔應該有超多洋蔥！蕃茄！粟米！仲要係普通沙律醬！你里個係田園沙律！🤬個意粉唔掛汁,冇蝦味 淨係得好濃嘅cream味 啲cream仲要化化地😑唯一正常係蜜糖雞翼 但都唔知點解係炸嘅😵嗌咗杯orea朱古力,真係拍手掌,淡到傻,完全係十年前啲高氏大廈cafe嘅水準,杯野水到唔知點形容🧏‍♀️我真心覺得開一間cafe唔好覺得裝修靚啲野食就可以咁求其 作為一間餐廳 你連野飲都整得咁差 野食名又亂咁改 基本上真係侮辱自己餐廳 差到要打食評講真係好誇張 真心希望貴公司反省下

旺角想揾間坐得舒服既地舖不太容易，又想嘆杯啡，經過呢間coffee shop 時係櫥窗被裏面嘅格局吸引咗， 座位好舒服軟林林仲有好多cushions。而且座位間都相隔有啲距離， 好啱氣hea下、嘆個啡、聊聊天又唔會太嘈 😏個餐湯係番茄湯，好香濃番茄既酸味，都唔錯。好快嚟咗個Latte....Latte 係用嚟佐個甜品....點知等到隔離枱有人坐再點餐再上食物...我地啲食物都未到.....🥶杯咖啡等唔到就凍曬 😣 不過趁熱時飲咗兩啖係重啡味既。原味梳乎厘班戟：好失望....個texture 唔得，一叉入去就溶到一patpat, 拎上面果塊時又撕走下面果塊既表皮...最大問題係個班戟係凍既 點解係凍?! 所以上面舊牛油係唔會融架....無蛋味又feel 唔到空氣感...除咗個樣呃下人....真係無下次 😶全隻法式香草烤雞配薯條及沙律：沙律幾fresh，薯條亦不錯。全隻烤雞肉質唔錯，可惜無醃過....表皮既調味又好淡...完全唔入味，我地要倒班戟嘅楓糖糖漿自行調味，或者用薯條嘅茄汁點下先夠味 🙈🙈值得一提係侍應態度幾好，都幾親切。環境同座位都好舒服。不過見到有2張吉枱既情況下， 侍應同我哋

朋友在旺角工作，今天帶我到Coffee Break 食晚餐！店外面的玻璃窗帶清新咖啡廳感覺舒適。店員非常友善的帶位介紹，值得一讚。🌸晚餐加$18 變套餐，包沙律及飲料。薯仔西蘭花湯熱乎乎上枱，粒粒薯仔有口感，跟餐沙律份量不少，開胃非常。🤓黑蒜蘆筍蟹肉熾意大利飯味道濃帶油香，蘆筍粒加意大利飯粒口感好夾，蟹肉舖面，提升鮮味。👍🏻👍🏻香煎新西蘭羊架七成熟，熟度適中，羊架口感爽滑同時保留肉汁，喜歡食羊的人值得一試，肉質完全不會過韌，配菜方面味道也不錯，薯仔外脆軟，少少咸味已夠！🤤🤤茉香奶茶，拉花有心思，微甜更能帶出茉香種獨有香味。朋友的夏威夷果仁泡沫咖啡香濃，比例適中。😋環境舒服，輕鬆的一個夜晚。😎

女人街其實有不少餐廳，雖然比較難揾，但係鬧市中搵一間環境唔差嘅cafe原來都唔係好難😂呢間餐廳好適合與朋友一齊吹水😋👉 提拉米蘇梳乎厘班戟梳乎厘蛋香味十足，口感香滑鬆軟， 一口落去滿滿的空氣感👍🏻👍🏻👍🏻一人一啖好快就食曬😂值得一試😉👉 蜂蜜芥末炸雞薄餅食得出去係餐廳手工自製的， 品係一般街邊買到的行貨😋蜂蜜芥末夾埋pizza🍕又幾好食~ 美中不足邊邊位有少少🤏燶咗， 但脆卜卜仲好食😎

晚市平日嚟等嘅時間都唔算太耐👍🏻服務質素極好店員亦都非常友善同有耐性食物質素方面，兩個意大利飯都非常不錯。蕃茄蓉嘅意大利飯非常入味🤤加上有大蝦感覺都比起蘑菇黑松露嗰個更加抵食。叫餐嘅時候亦都加咗$18 配左一個湯同埋一杯$30嘅嘢飲。我哋分別補錢叫左一杯士多啤梨冰同埋一杯mocha。士多啤梨冰就略嫌有啲太甜同人工嘅味道，但係絕對係消暑一流👍🏻至於mocha絕對係非常之有水準。加上環境都算唔錯可以比客人坐低傾吓計，喺繁囂嘅鬧市之中休息一下！會再嚟食絕對值得推薦😆👍🏻

環境舒適，食物不錯，整體店員服務態度良好，唯獨結帳時，上身白色背心男店員，把埋單簿“拋”在桌上，然後走埋一邊東張西望。說實話，沒有打開的埋單簿“拍”的一聲突然出現在桌上，這種服務體驗相當差。在顧客面前把埋單簿打開，放在桌上，應該不難吧！？

與朋友到通菜街選擇食店，路過Coffee Break,玻璃窗外看到裡面精緻的咖啡廳模式的格局，桌面食物外型不錯，於是與朋友選了這間店。我們2人點了Baby ribs伴沙律和粗薯條,帶子仁青醬意粉，跟餐每人叫了一杯特色飲品。份量夠，味道好，超出我們預期，埋單只係$315。

星期日大約六點到，沒有人等位，而店內大約七成滿座。由於尚未到六點，剛好仍可點選下午茶。一行三人，點了炸魚薯條、兩個三文魚牛油果醬露荀班尼迪蛋、美式咖啡、Cappuccino 及Latte。食物味道平平，賣相也好，沒什麼驚喜。而咖啡也有拉花，味道和連鎖店沒差，就是深炒豆的風格，煙燻苦味較重。店內環境也算大，也有提供不同 board game 給客人借玩。就價錢而言，旺角80元吃西式下午茶仍算差不多。以買位休息，或食環境打卡影相仍可接受，總比連鎖咖啡店好些。下次經過旺角想吃小食唞唞，仍是不錯之選。

今晚同朋友來食晚餐，餐廳的確幾舒服，可以慢慢食野同傾計，不過味道有點失望，但環境幾好，座位都舒服，當然客人常滿，難免有點嘈櫻花蝦明太子忌廉意粉櫻花蝦份量幾多，令意粉好香，明太子味唔突出，唔辣無咩味，同埋忌廉重奶味，似落奶多d，所以唔膩，不過要襯熱食，凍左開始個醬杰身到起粒粒，最慘紫菜痴住一大舊，分唔開好難進食，而且賣相也麻麻地，一看到見好多紫菜蓋住意粉，吸引力下降紅酒燴蘋果芝士牛肉漢堡最正都係漢堡包，有特別的紅酒燴蘋果，有酒香又唔會煮到蘋果太腍，配芝士漢堡味道亦好夾。漢堡厚身，肉質鬆軟多汁，牛味幾重好好食，仲有醋汁沙律同粗薯，抵食好味又飽肚朱古力繽紛好邪惡嘅肥朱，賣相幾靚，朱古力味唔夠濃，有少少失望，不過有埋繽紛樂增強味道，都幾好飲朱古力咖啡朱古力味同咖啡味幾平衡，甜左少少

這次中午來了CoffeeBreak，好像跟我上次來的感覺不一樣，現在這樣很cozy😌這次Mr D👦🏻當然繼續他的All Day Breakfast之旅 (是要吃盡每一家的All Day的決心哈哈😏)(還有大家感受到他拿刀要趕快吃的感覺嗎🌝)，他十分喜歡這邊的炒滑蛋，牛角包都很不錯整體來說很好！而我就點了溫泉蛋卡邦尼意粉，這個creammmy的口感實在是太好了(是脂肪嗎哈哈)，而且加上頂頂的溫泉蛋一起吃真的很滿足！當然還有芝士黑松露薯條，我們的必點，份量很多亦很香！最後還有最愛的Latte & Flat White☕️，重焙咖啡的味道很香很滿足！

與友人談天說地好去處！坐在角落位置，可以懶洋洋的吃晚飯，一樂也 先來一壺茉莉花茶，美白一下 冲咗成晚都依然有香味 好耐未有吃全日早餐，一於食返一份先。走肉素食版，份量一樣充足，個肚仔話十分滿意！焦糖燉蛋，至愛，無得輸

lunch已經食過幾次。得佢嘅食物都唔錯。下午都幾抵食60-80元已經可以食到仲有飲品。店舖冷氣都幾凍，😂佢個蒜香意粉好好味。一D都唔油，意粉口感非常好。 仲有黑松露薯條 ，好好味^^外脆內軟😄鍾意黑松露一定要試下。

星期五收工夜晚諗唔到食咩 同朋友走左去女人街覓食咁啱見到呢間cafe 就走入去試下結果幾有驚喜🙈🙈環境好闊落 幾適合打卡生日月份仲額外送一份梳乎厘 帶子青醬意粉~帶子好新鮮彈牙 意粉偏硬 青醬好濃郁 熱朱古力~味道正常 奶味偏重同偏甜 拉花超級靚😍😍生日月份送既梳乎厘~~ 送既甜品無諗到咁大份🤤好鬆軟🤤🤤 蛋味好香 蜜糖都好香甜 二人最後埋單HKD255叫左兩個Dinner set 以晚巿黎講好抵食 有main有湯有飲品

今日懶洋洋唔想煮飯，見到有個外賣平台做緊優惠，呢間coffee break之前食過好唔錯，見到意大利燴飯好似幾吸引，就一人要一盒。黑蒜蘆筍蟹肉燴意大利飯- 食到蟹肉，蘆筍幾爽脆，但黑蒜味唔算太出，意大利飯燴得剛好。海鮮南瓜蘆筍燴意大利飯- 燴飯俾橙黃色嘅南瓜汁包住，加上一啲紅椒粒同埋翠綠色嘅露荀，顏色配搭繽紛又開胃。整體味道同份量ok，可惜係外賣，兩個飯盒嚟到嘅時候都已經冒水同埋變得微暖，另外燴飯用透明膠盒裝住，始終同喺餐廳用隻靚碟上有分別，食落同望落都打咗折扣。