Coffee Art

營業中

休息中

今日同大家黎到觀塘既coffee art，黎到先係門口排隊點餐，之後有位就會安排入內，排左一陣隊就入得啦👍🏻👍🏻一如以往，叫左個all day breakfast，價錢黎講算平，配料又多，多士可以選擇蜜糖定綠茶醬，今次我叫左蜜糖，好味😍😍，另外佢菇都好食，好夠味，正👍🏻👍🏻之後仲叫左個香草龍蝦🦞包，黎到一定不容錯過，龍蝦🦞多到瀉出黎，肉質鮮嫩，又入味，正另外仲叫左兩杯咖啡，cappuccino and flat white，好飲，愛咖啡一族不容錯過👍🏻👍🏻

觀塘嘅 Coffee Art 係人氣小店，lunch 時間非常難搵位，不過由於佢無論食物或者係咖啡嘅質素都非常之高，所以曾經係我嘅飯堂之一。對上一次幫襯，一如以往，我 order 咗我最鍾意食嘅 Parma Ham 白汁煙三文魚長通粉配綠茶醬多士。呢度嘅意粉偏向乾身同有咬口，配埋鹹香嘅 Parma Ham 同煙三文魚，好好食；至於塊多士則充滿綠茶嘅清香，甜甜哋，又係好好食😋。呢度嘅 Rose Latte 又係一絕，唔單止拉花靚，咖啡濃，奶泡滑，玫瑰味更芳香撲鼻，以前每次嚟都定必叫一杯。上次幫襯因為之後要行街，驚行行下要💩，所以叫咗杯 Earl Grey Tea，雖然只係用茶包沖，但係茶味夠濃，質素都唔錯👍。

之前6點幾黎已經坐滿人，估唔到今日5點半黎到都坐滿一半人，門口量體溫落Order比完錢就會安排入座..套餐：頭盤+主菜+飲品頭盤：芝麻醬雜菜沙律或綠茶多士主菜：黑松露原隻大蘑菇雜菌忌廉汁米型意粉$78飲品：伯爵紅茶 （茶包沖）初次嘗試米型意粉，唔知叫粉好定飯好，形狀外表就似飯粒，size同米飯差唔多，不過口感好好又滑，都幾特別又煙韌！個人感覺比意大利飯更好食更吸引蘑菇忌廉汁撈意粉食，加上芝士 黑松露，真係好味道

今日上堂前去到觀塘呢間黃店幫襯 平時都爆哂人 今日早左過黎 終於有位食😚 我同家姐兩個人食 叫兩個餐 我叫左澳洲牛柳粒露荀松子仁羅勒汁米型意粉🥰 牛柳粒分量唔多 但就好好味 脆口 多汁 有肉味 👍🏻 不過就唔系好明點解要放哂系底到😅 一般唔系會放面咩😂露荀爽口又脆 食落有聲 好juicy😄 好味道 松子仁有加過工 似烤過 加埋米型粉食一流主角米型粉系本人既最愛 滑身有咬感 正 另外仲有跟沙律同野飲不過可能系東廣場到 我地坐得比較近店外面 覺得有d 熱😔

係觀塘搵食，見到呢間係黃店咁又想食意粉，就諗住去支持下，去到服務態度正常,落完單比埋錢先坐底等野食黎。叫左幾個意粉，價錢都偏貴，野食黎到既時候已經有d失望，意粉偏細碟，跟住佢話係咩日本黑豚肉，結果係得幾條肉絲仔，加3蚊要杯柚子蜜，其實柚子蜜都唔係好貴、唔駛比得咁孤寒，飲落似水多d，如果佢呢個價錢我接受唔到咁既質素囉，呢碟意粉40、50蚊我唔會講d咩，但佢係賣緊70幾。希望雖然係黃店但食物質素都要對得起人，如果唔係真係可一不可再

呢個時勢，有人仲會唔介意搭枱？？？唔怪得知仲有咁多人中肺炎，其實係同低智商掛鉤，我都係開餐廳，本身食完已經走左，諗諗下大家係同路人，因為你係黃店而幫襯，特登返轉頭比意見你，再特登搵個似話到小小事既人分享下意見，意粉一般水準我冇講，見阿姐幾枱客包括我果枱放底意粉唔講係乜我冇講，阿妹妹態度幾好我冇講，重點係同你講見到2枱客包括我自己果枱，問都冇問就安排人搭枱，你話「正常」都會問，小學雞對答，仲要一d歉意都冇，建議你裝隔版，你話唔可以安排多過50%入座率，9唔搭8，人地見到你塊版隔住坐隔離都安心d啦，洗鬼同你搭枱坐對面咩，但係d人又肯搭枱先吹脹喎，我坐果張枱又唔係大，兜口兜面架大佬，如果我坐你大果張枱有人坐對面都唔會咁大反應，特登返轉頭，好聲好氣比意見，咪聽下囉，講句唔好意思有幾難，點做服務行業呀，特登寫比你地d腦細睇，我係同個後生仔講既，估唔到佢自我感覺咁良好，唔好丟黃店架啦好心，呢個銜頭唔係用黎幫你宣傳，係要幫你做得更好呀唔該，大家做多小小，先對得住班醫護呀

今日有特別任務，要去太太公司幫手做D嘢，未開工之前，同太太食個Tea 先。太太推介觀塘東廣場 Coffee Art。二人點了三文魚他他加柚子蜜，蒜蓉蜆肉炒意粉加凍檸茶水，綠茶多士及炸蝦餅小食。三文魚他他有沙律及麵包同上。三文魚味道比較清淡，沙律份量亦略少，麵包未烘過有點凍及硬。炸蝦餅有三粒， size略小，味道普通。蒜蓉蜆肉意粉則較為突出，意粉彈牙，帶微辣，蜆肉亦鮮甜，整體賣相及味道不俗。綠茶多士則非常普通，多士有D凍，綠茶味亦不見突出。埋單約$150 。以食物質素及下午茶來說，有D貴。

Order anything on Coffee Art’s main dish set or signature food menu and enjoy a 50% off on your coffee! After the special discount, you can easily grab a cup of joe at a price as low as $14 dollars, without any additional service charge. What a great deal. Having said that, how is the quality of the coffee? The answer is... not bad, actually.I had a piccolo latte this afternoon. The latte art was beautiful. I was impressed by fine skills of the barista. The coffee was delicious, too. The mixture

Coffee Art #觀塘 #黃店 💛💛💛位於觀塘東廣場地下，入面有好多餐廳，呢間當晚座無虛席，雖然外表並非好華麗，但係價錢實惠，成間餐廳嘅食物有$40幾蚊知最貴都只係$108，仲幾好食，有驚喜🤩🤩🤩！佢哋個Menu有分主食套餐同特色食品，分別都包一杯熱飲，而主食套餐就仲包埋前菜，可以芝麻醬雜菜沙律或者綠茶多士！提一提💡，記住係先去櫃檯落左單，老闆娘就會再安排座位俾你，千祈唔好自己坐低左再行返出去order，如果唔係就打咗人尖㗎啦！澳洲牛柳粒松子仁蘆筍羅勒米型意粉🐮$80望落去個外型有少少普通，誰不知超好味！米型意粉其實好似飯，所以成件事有啲似risotto，但係比起risotto再有咬口少少。廚師巧妙地用咗松子仁，仲要將佢哋炒香過，松子人啲油令到成個咪型意粉非常香✨。另外佢嘅羅勒醬亦都好濃香草味，絕對唔係呢剩係得隻色但係冇味嘅羅勒醬。雖然牛柳粒嘅份量比較少，而且似係茶餐廳嗌沙嗲牛嗰啲牛肉咁，但係呢個價錢來講真心冇挑剔。另外跟餐嘅綠茶多士就一般啦🍞，唔知係咪烘完之後擺咗段時間，所以個麵包有啲韌，個綠茶味道偏甜，明顯就唔係啲咩高級貨色㗎啦，不過跟餐送就冇乜所謂啦。味道: 4.5/5性價

觀塘地舖黃店首先推介嘅係咖啡，呢間嘅咖啡都幾好飲！叫咗all day breakfast、seafood pasta同埋薯格小食味道就正正常常，黃店搭救😆佢嘅綠茶醬多士比較特別不妨一試😝

2020年2月23日星期日黃昏時間來到觀塘東廣場的Coffee Art😊。Cafe名稱從翻譯器得出來是咖啡☕藝術😂，而且店內尋找到動漫《龍珠》的布歐🤣。當天跟餐飲品，選了熱情果汁，而且是純自然的，品牌名是Compal。一份跟餐價$10，把整支搖到平均後，果味非常濃郁，而且好飲😂。跟餐的沙拉，用上非常紫生菜，配上芝麻醬非常爽口。😊主菜選了粟米野菌日本黑豚肉意大利麵，而且可以選擇長通粉或意大利麵。一份$74，日本黑豚肉製作出來的肉絲配上粟米，果然真是咖啡☕藝術，而且以少油少鹽製作。

觀塘不嬲出名多野食，今日又唔係太想特別搵有咩多食，所以近近地就走去東廣場揀返間。呢間餐廳淨係個門面都知佢落足心機裝修，環境坐得幾舒服，同朋友坐係度一個下午吹下水都係一個幾唔錯既選擇。我地兩個人都叫左佢既set，幾抵食，包頭盤主菜同飲品。頭盤我地都揀左芝麻醬雜菜沙律，我就略嫌d麻醬份量少左d。我樣嘢要特別一讚嘅，我係佢嘅上菜速度非常之快。基本上出去落完order，佢下1秒就將飲品送到。至於食物其實都好快，所以要食快lunch嘅人，呢度係個唔錯嘅選擇。溫泉蛋日本黑豚肉醬米型意粉 ($80)呢個米型意粉嘅口感真係好特別，好似食緊軟身d既Risotto，每一粒意粉都掛上番茄醬。至於個黑豚肉肉醬，好濃番茄味，亦都食到實實在在嘅肉碎。黑松露原隻大蘑菇雜菌忌廉汁米型意粉 ($78)雖然呢個意粉冇肉，但係佢嘅大蘑菇真係好出色，咬落去好juicy一啲都唔乾。同埋佢成個意粉都有好濃嘅菇味，非常之香。

係東廣場入面有好多不同類型既餐廳, 呢間係我其中一間既最愛! 首先佢既店內環境好舒服, 食物似西式為主, 製作認真又好食. 所以lunch time當然成日都要等位, 首先去排隊落order, 等到有位時店員再安排座位. menu好似長期都無咩點轉過, 我最中意蕃茄羅勒(藍青口,虎蝦仁,帶子)長通粉. 套餐可選芝麻醬雜菜沙律或綠茶多士再配飲品.其實我都想試其他款式, 不過次次都忍唔住叫返蕃茄羅勒長通粉 😆 而同事佢地食蒜香蜆肉(微辣)意大利粉 & 巴馬火腿白汁煙三文魚長通粉, 佢地都讚好好味! (不過之前見其他食客點蒜香蜆肉意大利粉蜆肉多好多, 今次蜆肉明顯比較少呢) 今日難得過黎食就順便點個炸粗薯條(配黑松露醬)😋 粗身薯條炸得好好味, 不過黑松露醬既黑松露味唔係好夠. (呀~ 另有芝士粉,黑椒粉可以係自助bar枱自取) 再介紹返我既蕃茄羅勒(藍青口,虎蝦仁,帶子)長通粉, 青口平時我麻麻地, 但呢間既材料夠新鮮我中意食! 而蝦仁好爽口, 帶子唔會煮到韌晒, 重點佢既蕃茄羅勒汁酸度適宜, 所以咪每次黎呢間店都忍唔住揀返同一款人係咁解! 😋整體黎講對佢既評價非常高呀! 不過價格相對比較

今日Lunch去咗支持黃店💪🏼Lunch Set:溫泉蛋卡邦尼意粉配蒜蓉多士🍝 （$58）意粉質感爽口，好多醬汁，撈埋隻🥚超級好食💯！蒜蓉多士好多蒜蓉，烘得脆口👍

🍙等待時間：平日中午12:20分，有少少人排隊，等左10分鐘入得啦。🍔室內環境：環境幾靚，有放心思去整，枯草放在牆幾好睇🍰服務質素：侍應態度唔錯，又熱心安排位置。🔺用餐簡評：我個人好鐘意自己點既lunch set 蒜香日本黑豚肉野菌粟米微辣意粉！！豚肉肉質嫩滑好食，加上青甜粟米，口感極夾，野菌同蒜都大大增加意粉既香味，令人吃到停唔到手，另外私心推薦你地選綠茶多士，特別得來又好好食阿！🔹總括來講：👍值得一去再去