Coffee Art

營業中

休息中

星期六堂食都無乜人，又唔使加一。今日叫左牛扒同廣島蠔炒意粉再加20 蚊要左是日餐湯-蟹肉粟米湯。粟米湯無特別，加20蚊平與貴就見仁見智。牛扒份量足但牛味唔夠濃，薯條熱辣辣炸出黎脆身好味。廣島蠔炒意粉，廣島蠔有3 隻。整體來講，價錢可接受不過食物質素可以再進步啲。

今日午餐揀左觀塘廣場呢間餐廳，價錢都唔平架，不過見啲食物幾吸引，就想試下。我揀左午餐既煙肉流心蛋芝士和牛漢堡配薯條，個餐有跟飲品，味道都唔錯，和牛夠香，面包有烘過，煙肉都有煎香，薯條炸得夠脆。如果偶然嚟食吓，都係一個唔錯嘅選擇。

天口好熱，冇乜心機食飯！諗起想食沙律，經過呢間望吓，佢放喺門口個餐牌幾吸引，圖文並茂，見到個羊粒沙律幾吸引，就入咗去試吓。羊肩肉沙律：羊肉夠林，溝埋沙律菜lunch已經夠飽。海鹽焦糖拿鐵：咖啡面一片焦糖，帶出咖啡香味，略嫌咖啡唔夠熱。

去觀塘接男朋友放工☺️順便食埋晚飯，唔想食太貴又唔想食太頹，男朋友就搵左呢間係東廣場既cafe仔！ 望落裝修都幾靚同環境乾淨🙈道試上佢啦！［溫泉蛋煙肉白菌忌廉汁 意大利粉］我就揀左個白汁意大利粉🍝，溫泉蛋好吸引🤩仲有塊綠茶多士送～ 麵既份量都幾多！ 差啲食唔曬🙈［All day breakfast］經典既全日早餐配搭-牛奶炒滑蛋，煙三魚，煙肉同大啡菇，特別少少係麵包係用香港傳統包-煎雞尾包！ 有啲驚喜🤣😌［餐湯蟹肉蟹高忌廉湯］男朋友就係俾是日餐湯吸引左入黎話要食呢間，都不負眾望好好飲，食到蟹肉同味道都濃！ 好味😋

咖啡好好飲，海膽醬蟹肉長通粉及意粉好有質素，牛扒鮮嫩多汁又好味，而且僱員會因應你的要求去烹調熟度，相信對牛扒有要求嘅食客一定會感到滿意。咖啡及熱朱古力會有拉花，店員有禮貌亦會因應你的要求提供服務及幫助。牛扒大家樂的價錢但扒房的級數，必叫。店內嘅甜品亦都很有特色例如焦糖朱古力店內嘅甜品亦都很有特色，例如焦糖朱古力布朗尼，再熱熱的蛋糕上放上一球雲呢拿雪糕，冰火交融香脆可口，在鐵板上放上兩隻焦糖口甜的香蕉，甜中帶脆，最後澆上巧克力醬，在鐵板的熱力下 巧克力醬與冰淇淋交融，熱中帶凍，甜中帶微苦，回味無窮

這家餐廳的牛扒和羊扒絕對是亮點所在。首先,牛扒肉質鮮嫩多汁,經過恰當的烹飪後,入口即化,帶有一絲嫩滑的口感。羊扒同樣出色,肉質紮實但不乾澀,有著恰到好處的鮮美香氣。兩款主菜都搭配了細長的通心粉,完美地吸附了蒜汁的濃郁風味。整個菜品的分量非常足夠,飽足感十足。最後,餐廳提供的凍柚子蜜也是這頓晚餐的絕佳伴侶,為整個用餐體驗增添了幾分高雅氣質。總的來說,這家餐廳的西餐很是出色,值得一試,必定能給你帶來驚喜。

晚餐$145食到紐西蘭肉眼牛扒 真係好平！仲有杯熱飲嗌左7成熟 好食好快就上菜而且staff好nice環境不錯 近走廊既梳化凳好好坐食完坐左陣消化下 都冇催我走～不錯不錯

之前食過寶琳嘅Coffee Art，覺得唔錯。今次試吓觀塘分店。星期六日都有Lunch set最平＄72就食到意粉＋熱飲＋綠茶多士/沙律🥗，真係好抵食，所以午市都好快坐滿。💜蒜香蜆肉意粉 $78 🌕🌕🌕🌗/5蜆肉都多，意粉夾埋炸蒜，味道夠哂惹味，但份量唔夠男士食。綠茶多士都充滿綠茶味，多士整得好脆身。💜溫泉蛋煙肉白菌意粉 $72 🌕🌕🌕🌕/5溫泉蛋做得幾出色，有蛋香流心嘅蛋黃同白汁好creamy，同意粉好夾，煙肉同菇都算多，整體都好味😋🍴整體食評：✅CP值都高，沒有加一服務費✅推薦溫泉蛋煙肉白菌意粉❌份量不夠男士食用💰人均消費：$80

係收銀比左錢店員就會安排入座，同朋友叫左兩個餐香煎鴨肝鹿兒島豬柳大啡蘑菇忌廉汁長通粉有鴨肝油流落長通粉幾香，忌廉汁都調得好味，不過綠茶多士就冇乜綠茶味同埋比較淋身，口感麻麻地。香煎紐西蘭肉眼牛扒黑椒汁配黑醋汁沙律 薯條牛扒我地叫5成熟，但黎到係全熟咁制，不過好彩唔韌。調味十級重手，就咁食唔點汁都超級咸，唔知係咪落完鹽唔記得咗再落多次，食得好辛苦🥲薯條正正常常。餐茶要左earl grey唔洗加錢，係用普通茶包浸住就咁上。

以前都幾鐘意食 coffee art呢間嘅蜆肉意粉唔知最近幾次食換咗廚師定係點？個味道同以往唔一樣 味道淡左好多 冇咁好味之外叫過兩次外賣都中左伏除左蜆肉超級多沙 基本上食一粒蜆肉就要吐一啖 仲有少少腥味 海鮮腥可以理解但係老實講呢個意粉除左蜆肉其實都冇什麼特別技巧….仲要外賣意粉亦都好硬 好似隨便兜兩兜咁最近兩次外賣質素都係咁，唔知係咪因為外賣冇得去投訴就咁樣比人第一次係咁就算了，當自己唔好彩，但第二次再食，再比機會都係咁就真係唔會再幫襯了，冇信心再比$78食沙落肚

寶琳嗰間coffee art就幫襯開今次第一次嚟到去位於觀塘東廣場嘅coffee art喺地下 呢間coffee art唔算大 主打午餐今次試咗蜆肉意粉微辣 份量食中啱女仔 仲叫咗杯iced latte 咖啡保持水準埋單100蚊多啲 性價比都高

週末去觀塘，自己悠閒食個午餐～揀咗個清酒海膽醬蟹肉長通粉，加一杯flat white☕️ 跟餐仲有個沙律🥗覺得整體都唔錯！海膽醬蟹肉長通粉啲汁幾濃，長通粉有掛汁，幾好味！Flat white一般水準，都ok！仲有沙律清一清～ 週末輕食之選👍🏻

觀塘Coffee Art.味道：7/10🌟抵食：7/10🌟環境：7/10🌟.觀塘抵食cafe😋Lunch set最平$72就食倒意粉➕熱飲➕蒜蓉包/沙律🥗推薦溫泉蛋煙肉白菌意粉🍄溫泉蛋做得幾出色，有蛋香♨️流心嘅蛋黃同白汁意粉好夾🤤鍾意食紅汁嘅可以試下溫泉蛋牛肉醬長通粉，醬汁濃厚，幾好味🍝想多啲餸就可以揀野菌立魚黑松露長通粉！有3塊魚柳勁抵食🍽️.#香港 #食評 #foodie #食好西 #香港好去處 #香港美食 #打卡 #觀塘 #觀塘好去處 #觀塘美食 #觀塘cafe #cafe #打卡cafe #萬聖節 #halloween

上菜放低咗又話唔係我既，同隔離枱交換左，隔離枱要飯佢出薯條，我要5成熟牛扒變全熟，叫佢換，換咗之後無上薯條，追左幾次又話炸尿，食完塊扒20分鐘都無上，塊扒又咸，無下次

做完gym 2點零鐘想食番d健康野食，見東廣場Coffee Art menu有雞胸豆腐沙律，就決定試試佢。脆豆腐煎雞胸和風沙律 7/10 ⭐️ 雞胸片簿左3塊黎煎，簿簿地煎得幾香口，調味亦啱啱好，唔會太咸，咬落去有d脆硬既感覺幾過癮。新鮮炸既豆腐外層酥脆入面軟滑，我個人好喜歡，可惜成碟只有4粒，有d唔夠喉🥲。沙律菜幾新鮮，加左海帶入去，亦用左柚子醋作為seasoning，酸酸甜甜幾開胃。成個沙律overall味道唔錯，而且好健康👍🏻，唯一缺點就係佢無咩特別🙈Flat White 8/10 ⭐️奶泡綿滑，拉花好stable keep到好耐無走樣，飲落去咖啡好順口，espresso既濃度同奶比例我認為恰到好處🤎服務: 職員熱情有禮環境: 我去既時候係閒日既2點幾，人流較少，所以都有好多空位可以揀。不過店鋪唔係十分闊落，假日人流多既時候可能會比較擠逼。📍Coffee Art🚇 觀塘🕑 My visit: 閒日下午⭐️ Food: 7.5/10💲ard HKD 100/person