COBALT

營業中

休息中

少黎大角咀食野，今次機緣巧合下搵到一間藍調西餐廳，環境十分典雅，店員亦親切友善，比想像中令人滿意好多。同一晚亦有好多人book枱，相信餐廳深受區內居民歡迎。香脆炸鹹蛋黃雞翼好邪惡😈應該好多人會叫，另有水牛城/ 椒鹽，鹹蛋黃醬舖滿炸雞翼，但實際食落鹹蛋黃味吾算非常重，不過都吾錯💛雞翼香脆可口🐔蟶子皇海膽意大利飯，海膽融入西餐當中fusion感覺好有創意😆蟶子大大隻夠新鮮，意大利飯啖啖充滿海膽味🧡質感亦夠稠身，呢個菜式系必點👍🏼烤焗美式BBQ醬豬肋骨，店員好貼心咁幫我地切成一件件😊每一件豬肋骨BBQ醬味香濃❤️烤焗過嘅味道好明顯🔥

隱藏於大角咀內街的西餐廳，以我最愛的藍色做主調💙酒櫃放滿來自世界各地的紅酒、白酒、清酒及威士忌🥃沒有冗長的wine list，客人可以隨心與服務員或侍酒師一起挑選美酒配襯美食，沒有高昂的收費，帶你進入全新的🥂Causal Dining Plus體驗🍽頭盤生蠔 🦪 La Very & Arousa當日廚師推介了4款生蠔，我們選了兩款比較light的La very口感層次分明，先是一段海水味，再來是鮮甜味Arousa肥美肉脆，蠔肉飽滿，海水味較濃郁🇪🇸西班牙辣肉腸炸薯條配溫泉蛋薯條外脆肉軟，配上西班牙辣肉腸及溫泉蛋別有一番風味，是必推小食🌟🇮🇹傳統意式辣椒蒜片欖油意大利麵屬於小辣程度，蒜香味十足。意大利麵軟硬度適中，口感爽滑不油膩🐷伊比利亞黑毛豬肋骨微辣甘香，肉質細膩爽口，帶有淡淡橡果香味，肉汁豐富，配上餐廳自製BBQ醬讓人一試😋難忘伴菜薯條及粟米吸收了肉汁及醬汁，變成停不了口的美食餐廳內更有廂房適合一大班朋友聚會，房間內有獨立廁所及卡拉OK🎤可以同朋友玩樂之餘，仲可一齊享受Casual Dining Plus體驗👯‍♀️👯Let’s have a chill night🍾

約左朋友食飯而佢又係大角咀返工所以就搵左間係附近嘅餐廳😙以前係呢邊返工都唔覺有呢間餐廳🤪問左店員先發現原來係上年年尾先開個陣我已經離左職 所以冇見過係正常嘅🤣🤣🤣一入門口就見到一排酒櫃勁多選擇，簡直係酒鬼嘅天堂🤣我地各叫左一杯紅一杯白支酒幾順口紅酒配返ribs 都好襯😚飲住酒等頭盤我地叫左香煎鵝肝配香檳啫喱上到黎發現係兩塊白糖糕夾住鵝肝勁新穎😯😯然後發現好好食🤤白糖糕減低左鵝肝嘅油膩感而且餐廳幾細心，個幾舊柑完全冇衣😚食得好開心😙跟住就係risotto 😋好少見西餐有蟶子又幾好味喎～雖然海膽味唔係好出但個意大利飯煮得唔錯～最後我地叫左個ribs勁～大～份～兩個人真係唔係好食得哂😂另外一提個粟米好好味🥹超甜！呢間餐廳人少少唔會好嘈 勁岩同朋友黎傾下計摸下酒杯底🤣希望出完個食評唔好有太多人同我爭位🥹需知道係香港搵間靜靜地嘅餐廳都唔易🥲

上次去大角咀利奧坊附近，經過間裝修得好有格調嘅西餐廳，今日黎開大角咀就諗起佢試下Cobalt。入到餐廳已經見到放滿唔同類型嘅酒，睇得出老闆應該都係愛酒之人。環境都幾舒適乾淨，好啱同朋友黎摸酒杯底傾計聚腳。見到餐廳排滿酒，我同朋友決定先叫杯白酒試下。呢隻酒有少少堅果味，飲落比較dry同飽滿，餘味悠長，我同朋友都覺得呢隻酒唔錯。餐廳食物選擇都算多，前菜﹑芝士﹑湯﹑小食﹑主菜﹑意粉﹑甜品咩都有。餐牌每道菜都會寫配咩酒比較適合，鍾意飲酒嘅人啱晒。店員服務態度好好，好nice，推介左幾道菜。脆炸原隻魷魚配香辣蛋黃醬 ($128)呢道菜係用左新鮮魷魚，一切落去好軟，已經感覺到同一般急凍魷嘅分別。外層炸得好香脆，魷魚好厚肉，咬落啖啖肉，肉質都好嫰滑，真係外脆內軟。呢個真心推介!香煎鵝肝牛肝菌闊蛋麵 ($158)一上枱已經聞到鵝肝好香，鵝肝入口即溶，但食落又唔會好油膩，牛肝菌醬味道好濃，闊蛋麵都好煙韌，唔錯。慢煮紐西蘭法式羊架 ($268)羊架我地叫左medium，上枱見到粉紅色嘅羊架已經覺得好吸引。羊架有2件，分量比一般餐廳大件，因為用左慢煮方法處理，所以肉質好嫰，好林，加埋旁邊嘅配菜同薯蓉，好食!

因為朋友住喺利奧坊， 喺佢屋企附近搵嘢食餐廳位於大角咀啲舊樓地下地舖，但係對面係利奧坊新樓。 我比較欣賞佢個酒櫃上面所有酒， 上面都貼晒價錢，明碼實價。 服務員 非常之有線，仲同我哋講呢間餐廳特色係比客人可以品嘗唔同既酒同食物嘅配搭個人非常之推介，鹽燒焗牛骨髓， 首先呢個菜式出邊好少有 ， 佢個份量比我之前喺香港其他餐廳食既大修，而且價錢仲平啲。 性價比非常之高，牛骨髓放上多士上面食， 好好味😋不過我同朋友兩個人食，因為份量太多食到後尾都開始覺得油左d 另外一個菜式， 白糖糕配鵝肝味道唔錯，白糖糕配搭好特別，不過我覺得白糖糕嘅份量多左d.

去完大角咀探人就附近搵好西食，淺藍色嘅門口吸引咗我哋入去，裝修精緻，環境舒適，酒吧高枱嘅格局，門口放咗唔少酒品，燈光較為昏暗，充滿浪漫嘅氣氛慢煮紐西蘭法式羊架$268擺盤精美，羊架肉質嫩滑，唔會鞋口。味道Juicy, 唔會太羶。會買新鮮嘅菜類菇菌類感覺清新蟶子海膽意大利飯$168蟶子新鮮肥美，每粒嘅意大利飯都充滿着濃郁嘅海膽味，煙靭有嚼勁荔枝梳打$38餐廳原來特設有VIP房，同樣靚裝修，有K唱有麻雀打，好適合一班朋友嚟包房happy 下。記得老闆娘講三點後就可以玩到收鋪

早前幾位朋友同我食生日飯揀左里間係大角咀嘅餐廳新派Causal Dining風格藍色門口好吸引入面有好多酒類同生蠔可惜果晚身體狀況不佳無試到下次一定會再去試埋美國牛肉他他配鵪鶉蛋牛肉味好鮮，可以配埋塊脆脆一齊食，擺盤好精緻，一個好正嘅開胃前菜香煎鵝肝牛肝菌闊蛋麵鵝肝控嘅我揀左里款菜，牛肝菌味都好出，平衡左兩道食物嘅味道，食唔停蟶子皇海膽意大利飯蟶子配意大利飯比較少見，加埋海膽好鮮味，飯軟硬適中，唔錯👍🏻慢煮法式羊架好嫩滑！誠意推介！怕羊嘅朋友都唔使驚，無乜羶味，肉質無得頂Tiramisu 味道有驚喜 ！甜度拿捏得好好，店員仲寫咗Happy birthday ☺️ Thank you 😊 法式焦糖燉蛋長方體造型加上食用花，蛋味香濃🤤朱古力心太軟擺盤好有心思，仲加埋支蠟燭比我🎂幾款甜品都好出色🥰🥰里個下次都要再叫總括嚟講店入面環境氣氛都好好，仲有間房可以包廂，價錢相宜性價比極高，情侶拍拖或者朋友聚會都好適合

大角咀利奧坊嗰一邊慢慢轉型，由舊區開始變咗好有活力嘅社區，仲多咗好多餐廳。有日探完朋友之後就去咗附近一間好有情調嘅西餐廳同埋酒吧，裏面座位唔多，全部都係高身嘅吧枱，侍應服務態度好好，熱心同我哋介紹Menu。我哋一行兩人叫咗四樣嘢，包括西班牙辣肉腸($68), 蒜香橄油炒野菜($88), 脆炸原隻魷魚配香辣蛋黃醬($128)，主菜就叫咗烤焗美式BBQ醬豬肋骨($268)。嘢飲方面餐廳有一大個酒櫃display咗各種形式嘅酒，目不暇給。因為我哋都唔係成日飲，所以叫侍應幫我哋推介。紅白酒各自叫咗一杯，兩杯都好易入口，而且冇澀味，好順滑。野菜充滿牛油同埋蒜香，有四季豆翠玉瓜同埋菇類，又唔會太油。西班牙辣肉腸配酒一流，香味多過辣，係十分稱職嘅佐酒小食。魷魚勁好食，炸到好酥脆，但係又唔會覺得好粉，滴多兩滴香檸汁，再配埋蛋黃醬，勁有衝動嗌多一個。最後上碟嘅係豬肋骨，大過我隻手掌！侍應話BBQ醬係佢哋自己整，好惹味。下面仲墊住薯條同埋粟米，我哋兩個人都差啲食唔晒。總結呢間餐廳好有驚喜，啱晒情侶過嚟食慶祝飯，嘢食質素好高又有情調。

同小朋友去完玩，就梗係去食返餐好㗎啦!去到大角咀嘅Cobalt，俾佢嘅藍色💙外型設計+金色字嘅招牌吸引咗，So Cool!!!入到去見到一大個酒櫃，來自世界各地唔同種類嘅酒，仲有精緻嘅裝飾，下次應該要同朋友一齊嚟food pairing😂，chill返下！店員超細心見到我哋咁多人又有小朋友，於是俾咗間房我哋，嘩！入到去真係不得了😍，有獨立廁所，仲有卡拉OK😱，大人細路都開心死😆，我哋仲另外叫咗兩款餐牌上面無嘅主菜俾小朋友，店員都話可以特別整俾我哋真係超級好吖！餐牌好多元化，我哋叫咗幾款主菜、小食同埋甜品：🍟炸薯條 $68新鮮薯仔熱炸，外脆內軟，新鮮炸出嚟最好食，俾小朋友搶購一空，我哋食完再叫多碟🤭！🍝香煎鵝肝牛肝菌闊蛋麵 $158鵝肝香口入口即溶，牛肝菌醬鮮味濃郁，闊蛋麵蛋味香濃，麵條煙韌彈牙。🥘蟶子皇海膽意大利飯 $168蟶子大大隻，飯粒充分被金黃色的醬汁包裹，鮮香濃郁，煙韌有嚼勁。伴碟的墨汁脆脆，香脆可口。🍝傳統香草茄茸意大利麵新鮮原隻蕃茄打磨成濃郁茄蓉醬，配上爽口意大利麵加鮮蘑菇，素食者都啱食，酸酸甜甜小朋友仲搶着食添！🍝卡邦尼煙肉意大利麵濃郁牛奶忌廉汁配上鹹香可口煙肉，意粉爽彈

朋友介紹大角咀美食，專登搭小巴入黎，果然無介紹錯，值得留低我既筆跡😆 一入門口就見到幾座大酒櫃，格調秒up😎 避風塘炸雞軟骨 🐥$88估唔到西式餐廳都可以食到避風塘小食，仲要好出色👍🏻熱辣辣雞軟骨，口感酥脆，軟骨韌香，好有嚼勁🤫除左有辣椒等香料既味道，仲有濃烈既蒜香味，作為前菜好稱職，我仲唔小心食左條辣椒，辣到飲左 5分鐘水先冷靜到落黎，足料！🤣香煎鵝肝牛肝菌闊蛋麵 🍝$158鵝肝味道細膩濃郁，油份剛好，入口即化🤤牛肝菌汗超濃稠，勁掛汁，咸度恰到好處🤓闊蛋麵條彈牙，口感豐富，整體配搭非常好，份量都唔少，依個價錢有兩塊咁大既鵝肝真係收哂貨，去其他餐廳都只食到卡邦尼意粉，超抵食！🤩烤焗美式BBQ醬豬肋骨🐽$268上碟果下已經目瞪口呆左😦超大份，大過成隻手掌✋🏻下面仲有好多既薯條，標配茄汁，同埋入哂味既牛油栗米。黑毛豬肉質鮮嫩多汁，外皮仲有少少脆，味道醇厚，肥瘦均勻😽適量肥膏同入味瘦肉配搭剛剛好，切開睇就見到豬肋骨勁厚身☺️食落去係啖啖肉🥩BBQ 醬調味甜酸味夠突出，外加少少煙燻味道，非常開胃😋巨峰提子梳打 🍇$38正正常常，唔算好甜，消暑解渴，價錢合理。House Glass 🍷White

見有唔少人話呢間Cobalt有情調又好食仲會特登誇區食添所以揾日lunch出去試下係咪真係咁好食裝修係酒吧偏暗既格調，有個酒櫃同會播歌今日老闆唔係度，播既係比較新既歌😛我揀左香煎慢煮英國保濕豬扒配法式薯仔沙津$118跟餐包cappuccino 早知唔揀美式🤣沙津黑醋都幾好味豬扒真係好保濕好多汁原汁原味既豬扒，無太多額外調味湯同薯仔沙津就無試了，係南瓜湯下次都會想試下魚咖啡就無乜特別COBALT (大角咀)大角咀利得街36-38號地下1A及2G號舖

位於大角咀嘅Cobalt，座落內街較入嘅位置，地段唔算難搵，距離奧運地鐵站7分鐘步程，餐廳雖小酒品俱全，食物以高級西餐廳質素都唔錯，出餐亦夠快。入門一眼望落有很多不同類型的酒可供選擇，以酒吧型式的高椅座位提供餐點與餐飲服務。與朋友經過試下佢地嘅菜式，我哋點咗一份慢煮紐西蘭法式羊架、Cobale避風塘香辣雞軟骨及經典意大利提拉米蘇。慢煮紐西蘭法式羊架一碟有兩件份量比一般大少少嘅羊架，底層配左口感較粗獷嘅薯蓉，慢煮羊架嘅口感非常柔軟可口，火候處理得剛剛好，羊架保持粉紅色的狀態，配合清爽的蔬菜及烤菇，有如在吃私房料理的口感。Cobale避風塘香辣雞軟骨充滿港式風情的雞軟骨，香蒜辣椒配料非常多，雞軟骨有咬口，麻辣的口感十分開胃。經典意大利提拉米蘇。彷彿在意大利吃到的甜品口感，屬於是咖啡味比較濃郁的提拉米蘇，份量也很足夠，不會很甜，入口香滑而柔軟。

大角嘴又係一個美食之都🧐而且大多都價錢親民且質素唔錯🫶🏻今次嚟到呢間門口行藍色型格風嘅西餐廳，見有lunch set幾抵食就試一試🉑整體用餐體驗真心極佳，但個人覺得唔太適合想食個快lunch嘅人，慢慢食會比較享受😋餐廳內部都以藍色為主色，一邊牆有個長櫃放出大量酒🤓夜晚嚟食應該會再有feel啲，感覺幾舒服，枱同枱之間有一定距離，適合同事朋友聚餐一齊傾下計💬Lunc Set✨紐西蘭肉眼扒配紅酒燒汁 $158一上枱就聞到好香嘅牛扒，真•七成熟冇血水😋值得一提嘅係偏少筋，唔會咬得好辛苦👍🏻係食得出嘅嚴選食材💯配菜方面，翠肉瓜同菇都好淋好入味，薯條炸得好香，充滿薯仔味🉑性價比超級高，非常推薦呢個lunch set✨✨香蒜牛油活蜆意大利麵 $98有六至八隻大蜆，好有鮮味，採用幼身意粉，非常入味，份量唔算太大，女仔來講啱啱好👍🏻✨是日餐湯比較特別嘅配搭，是日餐湯係椰菜花煙肉湯，配埋香脆嘅蒜蓉包🥖材料好豐富，充滿煙肉碎，椰菜花碎增加咗整體口感🫶🏻餐湯來講有驚喜！✨餐飲✨心太軟 +$38流心效果好好嘅心太軟🥹配左少少雪糕，冰火交融好完美⚡️✨法式焦糖布丁 +$38表面有少量玫瑰花碎做點綴🌹比較結實嘅質感，

經過比 @cobalt_hk 藍色門面吸引內裡裝潢都十分有格調，近門口有個大酒櫃，餐廳座位都多但尚算闊落，甚有氣氛。鹹蛋黃香脆炸雞翼 $78我最鍾意嘅鹹蛋黃雞翼😍雞翼炸得外脆內嫩，鹹蛋黃起曬沙，帶有陣陣咸香味，超正，鹹蛋黃控一定要叫！另外，我哋叫咗兩個lunch set，每個餐都會跟餐湯或沙律，我哋另外加咗38蚊轉凱撒沙律配煙燻三文魚，羅馬生菜新鮮爽口夠哂fresh，麵包粒🍞脆卜卜。🤤大量Parmesan Cheese灑係面🥗🧀配埋沙律醬食，好滋味。餐湯係南瓜湯，平時餐廳既南瓜湯大多奶味比較重，呢度反而冇落太多奶，口感較杰身，南瓜味香濃，絕對真材實料。紐西蘭草飼肉眼配紅酒燒汁 $158我地叫左5成熟，切開係嫰紅色🤩，整得岩岩好。牛扒肉質腴嫩有咬口，肉汁滿瀉，紅酒燒汁更突顯牛既香濃。當然唔少得我最愛既薯條，超滿足呀。香蒜牛油活蜆意大利麵 $98蜆肉肥美鮮甜，意粉爽口彈牙，牛油蒜香濃郁，真係幾好食而且唔膩。心太軟 +$38蛋糕外層焗到微脆，切開流出朱古力漿😆😆，超級濃郁呀，配埋雲呢拿雪糕食，超超超好味！法式焦糖布甸 +$38口感比較實，不過勝在唔會太甜同埋蛋味香濃。

住大角咀20幾年，搬走近兩年，最懷念區內高質素餐廳。今次同舊朋友聚會，特別探索一下新餐廳餐廳位於利得街，由大馬路轉入橫街，都要行入內街多幾步，一唔留神分分鐘淹沒喺車房之中，經過左都唔知一入門口別有洞天，一個大酒櫃，好有格調。餐廳座位闊落，坐得舒服，氣氛好適合同朋友飲嘢傾偈👍有自選set lunch同散叫，侍應姐姐好主動推介餐點，我就聽佢嘅建議，叫咗 香煎鵝肝牛肝菌闊蛋麵（$158）朋友想食牛扒，嗌咗紐西蘭肉眼扒（$158）跟餐有湯或沙律，同埋嘢飲，朋友叫咗咖啡，而我就叫咗杯House white($68)侍應姐姐嘅推介非常好，鵝肝煎得啱啱好，表面脆口，裏面充滿油香，醬汁有菇菌香濃而不膩，厚身嘅闊蛋麵有咬口，成個配搭非常出色，食完念念不忘👍肉眼扒medium Rare啱啱好，牛肉味香濃。特別要提，配菜亦都做得10分出色，薯條係熱辣辣炸起，外脆內軟，薯味香濃食完未夠喉，叫多個水牛城雞翼，雞翼炸得香脆有肉汁，醬汁酸辣比例剛好最後叫咗焦糖布甸（跟餐+$38），呢個布甸同出邊食開彈下彈下嘅有啲唔同，佢係比較厚實嘅質地，好似芝士蛋糕咁，蛋味濃郁，最重要係，唔會太甜食飽之後，同侍應姐姐吹水，先發現，