CitySuper 外賣部

營業中

休息中

尋日同咗兩個朋友上山頂hea遊一日，點知未上已經冇力。路過citysuper，買咗個吞拿魚牛油果墨西哥卷充飢，估唔到佢徹頭徹尾咁混合左墨西哥辣椒汁，獨特嘅酸辣味加上靚景，別有一番風味。

city super 都幾貴，但係都吾少人買，吾知D人係咪多數買返 office 食 lunch 呢？city super 有各國 Beer 既選擇，我地今日食日式野，當然飲日本啤。呢樽綠茶既包裝好似啤酒，味道咪一般綠茶囉！😁👍 長腳蟹友人話要豪一下食長腳蟹，好鮮味，我地吾點個 cocktail source ， 可以食真D個鮮甜味，同酒店 buffet 既長腳蟹有得比。👍 日式豚肉便當日式便當相當豐富，有頭盤醃菜，主食薑汁煮豚肉，配菜蛋卷，炸薯餅，甜品大紅豆。為左提升價值，我地買左攞去海港城既觀境台食，呢度有海境，有音樂，又無乜人，坐得舒舒服服。其實如果買桶炸雞再加上啤酒，都會好正，可惜炸雞店裝修緊😅。

唔知大家閒時會唔會去超市shopping咁呢？🏪小編都好鐘意架，但就唔係買一般食品用品，而係鐘意睇魚生、生蠔、炸物等好西🤣.CitySuper IFC店就有各地既生蠔，選完去比錢之際就會有專員幫你開蠔😃今次簡左兩款：澳洲Coffin Bay XL同埋紐西蘭Pacific Oyster Jumbo❣️點解簡呢兩款？因為望落夠大隻，價錢又相宜呀！Coffin Bay生蠔較扁身，食落海水味重d。Pacific Oyster就再大隻d，亦偏厚身。如果比較兩者，小編就覺得NZ的較好啊因為味道較為新鮮同埋蠔身較厚，咬落啖啖肉！😋

落雨C濕放工都唔想周圍去，所以都係去買個外買返屋企食，又可以喺屋企輕鬆地㷛下劇、邊飲吓嘢hea 下㖭😊今日我買嘅外賣我相信大家都估唔到，哈哈⋯⋯去咗City Super買咗個海鮮拼盤。呢個拼盤只係$308 ，就有成隻龍蝦、大蝦青口魷魚等，真係幾抵食。其中最值得一讚就係個魷魚，起初以為佢係白焯冇乜味道，但原來食落真係好有驚喜，竟然係烤魷魚而且仲好鮮甜，兼且係好似炭燒魷魚咁有啲燒烤嘅香味，口感又彈牙又夠林又夠鮮！而且龍蝦同埋大蝦亦都好爽甜，最正嘅就係佢跟埋鮮檸檬同埋沙律醬等等俾你提升鮮味，真係一拆開包裝就可以食，既方便又好味，所以話落雨天放工醫肚，呢個海鮮拼盤真係豪華版的外賣首選！

OT遲咗落樓買野食，唯有去CitySuper買外賣見幾有趣就買咗相入面嘅兩樣野嚟食上面嗰個係一個包中間夾住咗啲菜同隻大菇，入面有啲酸酸哋嘅sauce，因為隻菇比較淡味，所以成個食起其實唔好味下面嗰個就係南瓜risotto，好有咬口，但唔知係咪我呢個嘅問題，食落有啲苦苦哋，都係唔好食總括嚟講兩個都唔推薦 ☹️

今日晏晝悶悶地，想來個快嘅手卷午餐。行到ifc真係諗唔到有乜好食。經過呢間超市，佢嘅食物水準不嬲都OK嘅，所以路過就買咗個三文魚親子手卷。就咁中伏！有圖有真相！觀音頭掃把腳！你睇個壽司飯縮晒水！我再睇真d,係咪眼花！舊飯細成咁！老實講舊魚同三文魚子係新鮮好食嘅。三文魚子係小左啲....但個飯縮淨三分一！收成三十二蚊，竟然個手卷裏面係空了了！火都黎埋！女仔食都嫌佢太細個啦！橫睇掂睇都係呃枰！

去中環shopping, 當然要去CitySuper買野食啦，指定動作，咁去兜左兩個圈，乜都想食，刺身啦，沙律啦，燒雞啦，芝士啦，風乾火腿啦，煙三文魚啦，行來行去諗左一輪，😂😂😂選擇困難症好今日食生蠔，生蠔好新鮮呀，今次食呢隻法國既Speciales de Claire, 這款生蠔，海水味十足，清甜爽口，雖然今次細隻左小小，但仍然滋味無窮，另外還試了兩隻Cherry Stone Clams,肉身肥厚，又係正野推介俾大家呢次佢地換左個花花牆，好靚好震撼，又係打卡好時候

IFC City Super中午時間有個lunch combo，可以揀 pork ribs 或者 roasted chicken 再加兩款sides，sides 可以有薯蓉、烤薯、雜菇、雜菜、茄子等選擇。份量比較少，OL還好，男士可能就唔夠了上次試過 pork ribs，唔錯，個汁好惹味。今次試 roasted chicken，麻麻哋。雞肉太淋冇質感，又唔夠熱，下次都係食返 ribs 好d。Sides我揀左 mushrooms 及 zucchini，唔錯提提大家，用 City Super card有 5% off

買野上朋友家聚餐，朋友至愛海鮮同海膽，豪一豪去citysuper買。海鮮拼盤$298！好滿意！好鮮味！魷魚香，唔un, 蝦甜彈牙，龍蝦都好新鮮！唯獨最期待4支蟹腳無咩鮮甜，但質地都係新鮮的。海膽$108，好正！好香濃又無腥味！好滿足一餐！

鯛魚燒不嬲造型可愛 今次經過citysuper見到好可愛嘅鯛魚燒造型 忍唔住叫咗一盒士多啤梨配草莓雪糕鯛魚燒 鯛魚燒中間係紅豆餡 鯛魚口感好煙韌好有嚼頭 紅豆餡唔太甜紅豆味好重 但食嘅時候要注意雪糕可能會因為鯛魚燒嘅熱力而溶得好快

之前我都未聽過尼一間餐廳，尼次真係俾我好好彩咁居然會知道咗間咁正餐廳。晚上時分，餐廳內的客人很多，我們都要了一點時間來等位，但係好多不是很久。主菜有很多的選擇，我們有點一個燒龍蝦的，最近好似特別中意食海鮮，龍蝦就更系其中嘅必點品。龍蝦都幾大隻下，但係又不是特別大喇，龍蝦肉是很緊實，而且睇的出好飽滿咯，而且佢地又自家特製的醬汁，加埋之後就有一種好味道喇，哈哈哈。甜點是自助的，所以我要了提拉米蘇，酒味濃鬱，不是我喜歡的，而且偏向於比較甜的，就更不討我喜歡喇。環境我就認真覺得好正，舒適。侍應招呼也很到位。

IFC返工通常因為懶得行, 所以都係IFC範圍買luncH上返公司食~ 之前一直都鍾意食city super嘅salad, 但因為份量少同貴, 所以前排同事推介下轉咗去open kitchen嘅salad(差不多價錢唔洗磅重塞到滿滿的)~今日又食返city super嘅salad, 因為突然又想食open kitchen無我鍾意食呢個嘅蘋果沙律~ 300g $68真少少貴同食唔飽~ 呢個salad主要係青蘋果同紅蘋果, 算新鮮爽口, 加埋d合桃粒甜甜地脆脆地, 好味~ 另外再加少少香草味嘅螺絲粉, 會飽肚d~另外再叫咗黑松露薯蓉$19.4, 好滑同都有黑松露味; 2條德國豬肉腸$33~成個lunch其實少少貴, 但好想食所以無辦法~另外佢地d staffs無自動自覺offer幫你叮熱同餐具, 服務係咁上下~