Chok 雞

主打即叫即炸雞件、雞軟骨、燒賣等，仲可以自由配搭調味粉，啱晒鍾意重口味嘅人。店舖雖然唔大，但香味四散，行過都忍唔住想試。🔥 雞軟骨雞軟骨炸得好香脆，外層酥脆唔厚粉，咬落去有啲「咔咔聲」，唔會太油。調味粉選擇多，芝士、避風塘、香辣、咖喱、麻辣都有，任你shake shake落去，幾有玩味。加咗海苔粉之後有陣陣紫菜香，孜然粉就帶出少少異國風味，香料味濃但唔會搶晒雞味，兩款調味粉一齊落真係幾夾，惹味又唔膩。份量唔算多，大約$40左右，等咗5分鐘左右就有得食，熱辣辣拎住邊行邊食好方便。雞軟骨香脆惹味，海苔＋孜然粉配搭有驚喜，掃街食一份啱晒。#葵芳美食 #Chok雞 #雞軟骨 #掃街炸物 #葵涌廣場…查看更多

晏晝去葵廣掃街 去返3樓巷仔入面呢間Chok雞大概有兩年無食過雞軟骨，原來已經加到$40等咗大概5分鐘有得食，我自己鐘意落香辣&孜然粉，辣辣地幾過癮依然都係咁好食，炸起都係熱辣辣，但係份量少咗啲整體可以再試…查看更多

一直都好想試呢間Chok雞難得今次嚟到葵廣個肚又有位就試試佢!心大心細咗好耐要咩最後叫咗雞粒走辣 $40即叫即炸所以都要等返一陣粉方面就有6隻唔同味有海苔 芝士 避風塘 香麻 孜然 麻辣我唔食辣所以淨係落咗前面三款覺得海苔>避風塘>芝士芝士其實味道好濃嘅 不過有種臭芝士味所以我唔太鐘意不過海苔真係有少少紫菜塊 好好味!避風塘都好多炸蒜 好足料 不過食得太多蒜 覺得有少少刺激(辛辣)下次會再返嚟試吓炸燒賣同雞塊~…查看更多

葵廣出名多特色小店同掃街，其中一間去襯葵廣必食嘅小店就係Chok 雞啦！ Chok 雞除左有自家味份可以自選調味（個人推薦紫菜加孜然），仲有新推出炒飯。雞肉全部都係新鮮買番黎老細自己腌同整炸粉，即叫即炸，連鎖店嘅炸雞完全無得同佢比。 因為我係唔係食得牛蝦蟹，個炒飯走牛蝦蟹，老細好人轉左自家製辣菜脯，非常惹味，蔥花雞肉辣菜舖炒飯，隱藏菜式大家可以試下👍🏻 老細仲好花心思自己整左炸魷魚鬚，都係由原隻魷魚自己洗自己整嘅出品，比出面買到嘅魷魚鬚大條好多，有咬口得黎唔靭。期間限定菜式熟客自己去問就買到架！…查看更多

幫襯左好多年嘅炸雞舖，同連鎖店唔同，用新鮮雞同自家製炸粉即叫即炸，粉唔厚，做到外脆內軟👍🏻一直保持水準👍🏻 新出炸雞炒飯都好好食，即叫即炒，估唔到炸雞配飯都好味有多款調味粉比客人mix and match，全部都無味精，食完炸雞唔會口渴，個人推薦紫菜加孜然味兩溝😋 但係配炒飯嘅話我覺得本身個飯同雞已經夠味，再加粉就會過鹹，除非想食辣味先會加少少麻辣。呢排老細整左新菜式，有炸蓮藕同日式咖哩飯，個炸蓮藕都係偏日式，薄身加薄炸粉，食落脆嘅蓮藕薯片咁，日式咖哩飯個汁非常足料，比起食X家香濃好多。推薦程度：1. 炸雞🍗⭐️⭐️⭐️⭐️⭐️唔洗講，招牌野，懶人可以食雞件無骨2. 炸雞炒飯⭐️⭐️⭐️⭐️⭐️唔試唔知炸雞配飯咁好食3.炸蓮藕⭐️⭐️⭐️⭐️絕對唔係台式吸太多油果種，食落唔會好有罪惡感，又夠脆4. 日式咖哩飯⭐️⭐️⭐️⭐️個汁足料好食…查看更多