CHIMAC (香港科學園)

營業中

休息中

食食吓飯中途 發現口中有異物 ，吐出來才發現有是黃色的塑帶😡打去店舖投訴 。接聽的店員問其他員工公司是否有黃色塑帶 ，員工回答有黃色塑帶 。然後接聽店員就話有客人投訴公司食物有黃色朔帶 ，然後突然其他員工轉口風說：公司沒有黃色塑膠 。之後接聽店員回答我：公司沒有黃色塑帶不可能。我回答接聽店員：但我聽到你和其他員工對答說你公司是有黃色朔帶 。接聽店員才說：咁唔好意思 下次賠返俾你。整個對答過程我在電話中聽到，明顯他們想隱瞞事情講大話！😡😡希望沙田分店日後請認真注意食物處理方面及應對客戶投訴方法。

見咁耐無食CHIMAC炸雞，所有一次過食勻所有炸雞口味。CHIMAC午餐價錢好抵，套餐有炸雞配牛肉飯及汽水。高質人氣之選，長期排長龍勁多人食。經典甜辣炸雞-味道偏甜，未算太辣。洋蔥芝士炸雞-有微微芝士香，好香口，都好食。蜂蜜焦糖炸雞-咁多款口味之中最好食，整體味道甜甜地，好味道。蔥蒜醬油炸雞-味道是偏甜既醬油味，口味一般般。整體雞肉口感未算好嫩滑，但雞肉粉漿炸得偏向乾身及香脆。至於粗薯條亦有口感及炸得香口，食唔停口。

香港科學園出名少野食，食飯等位係必然，但未試過有一間既員工態度會好似呢間韓國野咁惡劣，好似唔休做咁，比4人坐位6人去坐，你入就入，唔入就罷就，真係有6人坐又專登唔執枱，等你地係出面慢慢企。入到去，唸住等咁耐食餐好，食物品質估唔到咁差劣😤，個韓式炒牛肉飯既牛肉鞋到食渣😡；最貴既韓國黑炸醬炸雞，D粉多到爆😡；蜂蜜焦糖炸雞，連埋炸粉好似食緊砂糖咁😡；韓國全州醬油豬手飯，全個飯得3塊肉🤬；個莎莎醬味精勁多，食完口渴足成個下午😡，以後bad list!有望香港科學園快D批準多D新餐廳開張，以免被呢D員工影响巿容，極度惡劣。

自從沙田開咗呢間韓國餐廳，為一眾愛雞之人帶來喜悅全場爆滿，好彩仲有Outdoor坐位6款味道嘅韓式炸雞，見到Menu已經流哂口水點完餐，拎住個鐘仔，即叫即製，話咁快有得食✨全隻炸雞第一次試<韓式黑炸醬>加入洋蔥．肉碎嘅醬汁，令炸雞唔會太Dry,全隻份量好足，外層脆卜卜，件件都啖啖肉，肉汁豐富面層灑上芝麻同蔥花，令味道更香✨炸雞腿肉全部都熱辣辣，雞腿肉特別嫩滑，蜂蜜焦糖甜甜地好味呀底層仲有薯條✨西瓜梳打 ✨芒果梳打呢款韓國西瓜梳打唔係四圍有得飲，味道唔錯，配炸雞好正下次要再試埋其他口味

周末中午，食客陸續入座，一時許大概已滿座。座位闊落不會迫夾，播著k-pop音樂，幾有韓國炸雞店的氣氛。兩人點了三道菜，吃得很滿足。甜辣炸雞全隻，正上碟時雞件堆成小山，上面插上一小段迷迭香，頗有美感，令人垂涎三尺。穿上手套，拿起雞腿，熱盪盪的，放進嘴裏，雞肉熱辣辣的，很juicy的，真是要一口接一口地吃。甜辣汁剛好掛在雞件上，滿載韓式風味，灑上芝麻，更顯香脆。辣炒年糕，不錯年糕煮得軟糯，辣汁小辣，欣賞伴有甘荀絲、洋蔥絲和魚糕。魚糕兩串熱辣辣的，汁料配搭得剛好，是不錯的小食。

難得風和日麗既週末，約左好耐既踩單車終於成行，向久違既大埔至科學園路線出發。踩到1點幾飢腸轆轆，由於帶住單車無法入商場內，就諗住搵個open space 買外賣坐低食。到chimac既韓菜主食唔貴，又送cc lemon，於是揀左韓式炒牛肉飯，朋友揀左韓國全州口味醬油豬手飯。落單後無耐店員才告之飲品已送完，咁就無辦法啦。牛肉係甜鹹味道，唔錯易入口，唯獨量較少，配菜蛋同泡菜都還可。豬手飯朋友表示都不錯，係入味既，有少量蔬菜。作為簡單補給還是可以的。

之前已經喺觀塘見到呢間炸雞店，但係得外賣所以無試到，搵到原來喺科學園都有分店！餐廳雖然係開放式，但環境好清幽，有卡位坐得好舒服～叫咗2款味嘅原隻炸雞，分別係葱蒜醬油同洋蔥芝士，炸得好香脆，隔住手套都熱到辣手～醬油味會juicy 啲，但加咗芝士粉又有另一番風味，肉質好嫩，各有各好食！仲叫咗個鍋物，芝士排骨鍋，燒溶芝士後包住啲排骨食都幾特別！啲肉唔硬好易入口，味道有少少肉醬意粉味咁，唔錯～爐邊有各樣小食，有炸雞脾，少見嘅紫菜粉絲卷同粟米芝士，仲有韓式餃子，泡菜同紫菜飯！相當抵食！頸渴可以叫罐蘆薈同忌廉鮮奶，like ig 仲會送cc lemon!

The best motivation for finally getting some cycling exercise after riding through the whole coastal track in Shatin!!🐷overall: 8.5/10🍖Cheese & Pork Rib FondueFeel so surprised that we have never heard of this restaurant until we had a chance to come here for cycling. This rib fondue is by far the best cheese fondue I’ve ever had in Korean fried chicken places in HK. The pork rib in the centre is so juicy and well seasoned in tasty barbecue sauce, which when mixed in the savoury melted cheese, b

CHIMAC踩完踩車係科學園度搵食😊科學園都有唔少靚靚餐廳CHIMAC裝修都好別致之前行過已經諗住試下食餐廳以木色為主色 座位闊落唔會好逼以卡位為主 坐得舒服d 半半口味韓式炸雞🍗🍗 $143韓國餐廳必食既炸雞有兩款口味可以揀 洋蔥芝士🧀 + 蜂蜜焦糖炸雞係炸到脆卜卜 上碟係熱到要等陣先食🔥洋蔥芝士粉 好香口 唔會過濃味蜜糖量好多 入曬雞度 每件雞都有蜂蜜焦糖味道上碟既時候 真係成個碟都係炸雞 好吸引眼球雞肉肉質嫩滑 好惹味 同埋份量係好足😊美味程度：⭐️⭐️⭐️⭐️⭐️🧀 芝士排骨鍋 $318😈如果叫鍋類既食物 會有個爐加熱個鍋 保持熱度係鍋真係要夠熱先好食🔥店會會先加熱個鍋煮溶芝士 然後幫我哋將排骨剪成一條條燒排骨 再撈埋堆芝士度🧀成個過程都好邪惡 芝士有拉絲既效果圍住個鍋都仲有其他唔同既配料 芝士粟米 炸雞件 紫菜飯 紫菜粉絲卷 韓式餃子 紫菜飯撈埋芝士度一齊食 美味程度提升左好多炸雞夠香脆 一路加熱件雞😊食得多炸物 紫菜粉絲卷同雞肉韓式餃子就可以中和下個味道 餃子足料好多肉 煎得好香個鍋都係打卡able 成個鍋都鋪曬食物 仲有邪惡既芝士拉絲美味程度：⭐️⭐️⭐️⭐️cocacola 🥤🥤食炸雞當

肥雞每次一有鋪癮想去食炸雞，好多時位於大埔科學園嘅CHIMAC 一戒口癮。肥雞鍾意佢嘅地方係除咗佢嘅食物質素保持一貫水平之外，附近寧靜嘅環境亦都令到肥雞食得好安心同埋同朋友可以吹好耐水。肥雞必點芝士炸雞，佢嘅份量係何其大 ，肥雞中意食未拆骨嘅雞肉 ，因為咁樣炸出嚟係最能夠保持雞肉嘅嫩滑同埋肉汁，再配埋鹹香嘅芝士粉，一啖可樂一啖雞， 配埋韓劇就一流。今次肥雞嗌過鍋物就係泡菜海鮮豬肉鍋，佢嘅配菜一如以往 ， 都係紫菜拳頭飯，炸雞粒， 紫菜粉絲卷，芝士醬，成個鍋食落去都豐富。佢嘅泡菜帶有少少微辣 ，配埋彈牙嘅八爪魚， 爽口嘅五花肉， 配飯食真係一流。

泡菜海鮮豬肉鍋🐷$218(海鮮豬肉、紫菜粉絲卷、粟米芝士、炸雞、韓式餃子、紫菜飯)之前喺觀塘嘅時候見到呢一間炸雞嘅外賣已經好想試😆但係外賣太麻煩所以就冇食到🤣今次途經沙田科學園居然又俾我撞返佢所以就立即坐低試吓佢個炸雞同埋韓國嘢😂呢個喎相當之豐富😝首先佢有個囉lgas 爐整泡菜🤩已經熱辣辣好好食😋而且佢側邊嘅配料都同個泡菜非常之夾😌最鍾意食佢個韓式餃子😇有少少似雞皮餃子🤩而紫菜飯就可以撈埋泡菜😎另外你見到個芝士超級拉絲🧀同埋邪惡😈最正嘅係佢仲有炸雞😙同埋炸嘅紫菜粉絲卷都好好食😏呢個價錢有咁多嘢食性價比高半半炸雞🍗原隻$128期間限定韓式黑炸醬&蜂蜜焦糖佢每一次嘅炸雞都會出期間限定口味😙今次呢一個就係黑炸醬😂佢都幾重洋蔥味😋原來入邊仲有蔬菜粒同埋少少豬肉😜所以非常香口🤩同個雞都幾夾🤓另外雞肉鮮嫩香滑😍同埋佢有雞髀😗雞胸😚同埋雞翼🤣唔同部位滿足唔同嘅人😌個人鍾意食蜂蜜口味多啲😙因為甜炸雞更加滋味😙依個價錢仲可以食到兩種口味真係物超所值

太耐無去韓國🇰🇷啦，好掛住以前係個邊短期學習既時候，同埋同學放學一齊食炸雞🍗既日子。最近發現屋企附近既科學園開左韓國🇰🇷炸雞🍗餐廳CHIMAC我就急不及待同屋企人試啦！韓國🇰🇷餐廳通常都大大份，最鐘意佢地可以一份點兩種口味，可以試多啲！而且價錢仲好大眾化，平民價錢，就可以食到韓國高質炸雞同火鍋🍲。🍗 半半口味炸雞, 經典甜辣醬🌶半隻&蜜糖🍯焦糖炸雞。蜜糖炸雞雞肉炸得金黃酥脆，外酥內嫩，我買蜜糖味口感豐富。屋企人最鐘意食經典甜辣炸雞配上正宗的韓國辣醬配上香口的炸雞，令人食完一塊又一塊！🦑泡菜海鮮豬肉鍋,超級大份又豐富既一款😍可能係我係香港食過最大份既韓國鍋物。泡菜豬肉炒得很香口，配搭上超大既魷魚同五花豬腩肉，酸酸辣辣好開胃！旁邊仲有紫菜飯，炸粉絲紫菜卷，雞肉餃子，炸雞塊，芝士粟米，豐富得來又好味！CHIMAC (沙田)沙田科技大道西5號白石角香港科學園一期企業廣場地下S017號舖另外佢地觀塘都有分店！CHIMAC 觀塘駿業街都有分店家，係外賣專門店！可以隨時隨地買返屋企同至愛分享🥰

同朋友去踩單車之後，去科學園睇吓有咩食。見到間韓國菜都幾吸引，有我哋鍾意食嘅韓國炸雞，又有鍋、小食等。當然揀咗啲必食嘅炸雞。揀咗半半炸雞，即係兩款口味。揀咗原味炸雞及經典甜辣炸雞。炸雞份量夠多，而且新鮮炸起，所以雞非常香脆。甜辣口味甜甜辣辣，真係唔錯。原味就鹹鹹地。再叫咗一個泡菜海鮮豬肉鍋，非常之豐富。有粟米芝士、炸雞、紫菜飯、雞皮餃子、泡菜豬肉。份量好多，咩都有，非常抵食。叫咗兩罐可樂 ，食辣嘢夠爽！ 觀塘駿業街都有分店，係外賣店！

韓式炸雞口味選擇好多， 半半口味韓式炸雞 ($128) 一次過試到原味同葱蒜醬油味😋 原味都好脆好juicy, 葱蒜醬油就頗重口味，雖然加咗醬汁，但外皮仍然可以保持香脆，肉汁仲好豐富。泡菜海鮮豬肉鍋🥘 ($218) 中間係泡菜蝦、魷魚同豬肉，熱辣辣嘅肉肉特別惹味，泡菜、洋蔥同青椒都做得好爽脆，中和返肉膩感，感覺開胃。配有3款炸物，分別係炸雞、紫菜粉絲卷、炸韓式餃子🥟 等鍋邊粟米芝士溶咗仲可以點芝士拉絲一齊食，超邪惡😈 鍋邊嘅紫菜飯撈落去泡菜鍋度又得，加芝士食又得。韓國路邊小吃 魚糕串 ($20) 都可以喺度食到辣炒年糕 ($58) 煙韌入味，加入左蘿蔔絲同椰菜絲，如果再辣啲更加好。見到店內宣傳品有寫CHIMAC 觀塘駿業街都有分店，而且係外賣專門店，外賣魚糕、炸雞返屋企食啱曬！

Weekend近近地黎人少少既科學園食個 Chimac, 觀塘駿業街都見到有，呢度唔使等就有堂食啦。泡菜豬肉海鮮鍋份量都幾大，泡菜好夠味撈埋豬腩肉食幾開胃，仲有八爪魚啲爪，趁岩岩煮滾就好食啦，唔係就會煙韌左。撈個飯同芝士落去頓時變韓式炒飯，夠3-4人食。炸紫菜卷入面係韓國粉絲夠 QQ , 雞皮餃包左啲肉碎。半半炸雞唔少得叫原味，另一味叫左蜂蜜焦糖炸雞，入面唔會炸到好干，脆口雞皮被甜美醬汁包裹，配上肥仔可樂好快消滅晒。櫃桶就有晒手套濕纸巾，好方便。#test_shatin______________________________🏠 CHIMAC📍沙田科技大道西5號白石角香港科學園一期企業廣場地下S017號舖‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #hkig #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt