影片
港鐵藍田站 B 出口, 步行約1分鐘
繼續閱讀
營業時間
星期一至五
14:00 - 23:00
星期六至日
14:00 - 23:30
以上資料只供參考, 請與餐廳確認詳情
突然想食糖水上網搵藍田睇到呢間諗住試下，叫左碗楊枝甘露40蚊，拎上手睇個色都估到出事，番到去打開成碗野d料10成有8成都係水…… 食左1啖已經冇食藍田真係糖水沙漠叫親都中伏佢其他糖水唔知好唔好食，但試左咁簡單既楊枝甘露都咁完全唔會想試其他野
繼續閱讀
「桃膠」是中式糖水的座上客,亦被喻為平民版燕窩。形狀晶瑩剔透,在燈光下呈現琥珀色。(1) 椰皇雪燕桃膠桃膠本無味,常見於烹調糖水,豐富整體口感。正因無味,放在不同的糖水或飲料亦無違和感。口感方面,桃膠沒有珍珠的韌勁,較為貼近蒟蒻的質感。椰皇汁清香,令桃膠更軟滑,齒頰生香。(2)黑糖桃膠鮮奶現時黑糖手搖都是固定甜度,不可增減。店員稱這款飲料偏向少甜,屬於港人口味。個人味覺實測,甜度像一般手搖的5分甜。隨手拿起一支滋潤生津的飲品,在冬季節日有限定聖誕主題(樽仔款式),令氣氛更濃厚。
繼續閱讀
小編依晚做完嘢，去咗匯景商場搵宵夜食～ 經過見到依間小店貼咗好多🐨應援物，再見到店內只有一個女生默默地做，決定幫襯買糖水、甜品做宵夜 💪🏻 🥛️ 薑汁桃膠鮮奶 (熱) 😋😋😋😋😋店主熱辣辣煲起鮮奶，小編等糖水稍涼十分鐘，入口溫度啱啱好👍🏻 薑汁鮮奶微甜，飲落好順，薑汁味唔會太辣太嗆口～ 桃膠質地比啫喱結實少少，滑捋捋～ 天氣微涼飲嘅時候，依款糖水幾暖胃 ☺️🍪 焙茶麻糬布朗尼 😋😋😋😋好濃郁嘅焙茶味道，茶香會喺口腔停留～ 😚Brownie口感扎實而又少少漿口，每一舊內有小量麻糬，一盒有五舊，份量算多，含糖量高 😁 小編最後分開兩餐當小食～宵夜 💵💵 約港幣$60/人 💁🏻♀️ 小店提供多款糖水、甜品選擇，主要係外賣自取，價錢十分公道～ 平日夜晚8點半左右去到，見到店主自己一個左忙右忙，稍等十幾分鐘就ok～ 🙆🏻♀️ 最後，喜歡嘅話，歡迎follow @foodirectory.hk！
繼續閱讀
足料高質嘅桃膠糖水小店！主打椰皇雪燕鮮奶、桂花冰糖等桃膠養生糖水仲有窩夫、心太軟、藍田分店限定嘅梳乎厘等甜品同樽裝糖水主要做外賣，但入面都有一張枱仔俾客人堂食用-👍🏻椰皇雪燕桃膠鮮奶 $48高質必食！估唔到咁足料，無論桃膠定雪燕份量都好多，側面睇有成大半碗滿😳啫喱狀口感滑溜，膠質重好稠身，糖水嚟講真係好飽肚🤣椰奶味道天然，甜度亦啱啱好，冇人工死甜味，濃而不膩唔怪得店員推介話呢個係佢地招牌item，果然真係好唔錯👍🏻而且咁足料價錢都唔算貴，值得一試🤤味道：8/10性價比：8/10-👍🏻桂花冰糖雪燕桃膠 $30 & 楊枝甘露 $40另外嗌咗兩枝樽裝糖水試下冰糖雪燕桃膠質地稠身，飲落有少少膠質感漿住個口，有啲似冰糖燕窩嘅感覺🤪淡淡桂花香味，清甜滋潤桃膠比起椰皇鮮奶煲得比較溶，但接近半樽都係，都幾足料，飲完好飽😂楊枝甘露夠濃郁又唔會過甜，亦冇苦澀味味道：8/10性價比：8/10-不過鋪位對區外人嚟講都幾難搵，今次真係隱世🤣係匯景商場5樓，藍田站A出口上一層電梯，再轉右上多一層電梯，往右直行到尾再轉右就見到搵唔到就直接去佢地IG睇路線教學😬另外葵芳同荃灣都有分店-📍Chill Sweet @chilllsweet藍田匯景道8號匯景商場5樓27號舖葵芳葵富路7號葵涌廣場潮流廊2樓2017號舖荃灣沙咀道匯力工業大廈15樓29室
繼續閱讀
係朋友介紹的椰皇雪燕桃膠🍑食過覺得幾好食，已經買咗幾次，桃膠的份量幾多，質感軟軟滑滑，加埋雪燕口感好口感好正由於本身都幾鍾意食桃膠，所以一樽即食真係覺得好方便，椰皇水清甜，配上香濃的椰汁，再配上軟滑桃膠，真係非常夾，味道清新、清甜而且好滋潤，食完好滿足樽子設計清新，設計幾方便，蓋頂可以插入飲館，非常方便整潔。另外，椰汁可以另上，食嘅時候再加入桃膠裡，可以存放得較耐。新春期間配揮春，平日或節日送俾朋友真係一個非常好的選擇，係好好的飯後甜品
繼續閱讀