Chill and Grill

營業中

休息中

之前bookmarked左呢間大叔的愛拍攝場地嘅餐廳，終於搵到機會嚟朝聖~ 平日晚上人流唔算多，空間感十足，吧檯design尤其吸睛，可以好chill 咁enjoy dinner。Order左US hanging tender加黑松露薯條，美國風門牛柳擺盤不俗，牛柳淡粉紅色，唯食落去會feel到因為overcooked而變得乾和硬，有些少失望。幼脆嘅薯條炸起熱焫焫，點黑松露醬好滋味。Riso pasta paella style有驚喜，對比平時嘅西班牙海鮮炒飯，Chill & Grill用嘅米粒麵比較修長，更有咬勁，配青口、大蝦、魷魚並以檸檬點綴，非常出色。朋友試左個奶昔都唔錯，坐得舒服又可以慢慢吹水，一試無妨~Menu-

一行三人 weekday 去西環食個悠閒午餐！餐廳十分寬敞，裝修也十分漂亮。。。啱晒悠閒慢慢吹水嘅朋友呀！😄😄😄我哋叫咗 3 個 set lunch, set lunch 有餐湯或沙律。。。由於當日的餐湯不太吸引。。。我們都選了沙律，午餐主菜，我們就選了牛扒，海鮮長通粉和黃油雞，由於見少食都很吸引，我們就加了一個XO醬雞翼和松露薯條。。。其實全部食物的味道都不錯，只是牛扒熟了點，我們叫 medium rare 變了全熟。。🤣🤣🤣但味道都不錯！話說餐飲叫咖啡時，店員還附送一塊給我們。。。曲奇味道也不錯。。。很鬆脆。。。有機會再去的話，可以買盒回家慢慢食！😋😋😋

今日去咗西環海旁買咖啡吹水，去到夜晚嘅時候就再次拜訪呢一間人氣西餐店👍🏻特選真龍蝦湯特意強調嘅真，果然貨真價實，湯底蘊藏龍蝦肉，橘橙色的湯汁濃稠度剛好，入口滿腔鮮甜，蝦膏味好重，但略嫌有少少過鹹。👍🏻燒八爪魚鬚 超巨型嘅八爪魚鬚端上枱，即刻令小編垂涎三尺。八爪魚燒得恰到好處，爽口得來帶點嚼勁，炭火味道好出，醬汁酸酸辣辣，頗有西班牙風味，配菜為比較少見嘅番薯片，帶點香脆感。👍🏻西班牙海鮮炒米粒麵相當有特色嘅一個主食，海鮮包括已離殼嘅大蝦、青口、八爪魚仔、雞肉啦。炒米口感煙煙韌韌，亦都比平常嘅米飯大粒，用上濃郁嘅醬汁去燉焗，既入味又飽腹，而且配料嘅繁多令到口感非常豐富👍🏻酥皮芒果拿破崙一餐飯點可以缺乏甜品，拿破崙做得酥脆可口，每一粒吉士醬都好均一，甜而不膩，並不滯肚！👍🏻👍🏻特別欣賞餐廳職員係坐低之下為女小編倒上暖水，相當細心！💡 鍾意食蛋糕嘅我，豈能錯過旁邊開上嘅餅舖，而且價錢合理，買左一盒曲奇同男朋友分享(⁎⁍̴̛ᴗ⁍̴̛⁎)

今日又同朋友出去港島搵食，剛好經過早前熱播嘅大叔的愛取景拍攝場地，餐廳環境超寬敞，即刻停下腳步電話入去食返餐。前菜方面用一個龍蝦湯打頭陣，龍蝦肉沉底，倒上湯汁，好鮮好飲！主菜方面，叫咗人人推介嘅美國封門柳，果然非常有驚喜！五成熟嘅肉質雖然偏紅，不過食落去好重牛味，亦都少咗肉眼嗰份牛脂感，口感軟軟柔柔。朋友就叫咗西班牙海鮮炒米粒麵，就咁聽個名都唔知係飯定係麵，所以一上枱都幾有驚喜，海鮮圍住鍋邊，味道好濃，有機會一定要試！另外叫咗一杯粉紅小兔子，用新鮮菠蘿、紅蘿蔔、蘋果打上椰子水，顏色夢幻得來，仲有粒粒果籽感！最後餐廳旁邊有間餅舖，忍唔住買咗一罐曲奇同屋企人分享，餅皮酥脆，而且牛油好香，大力推薦！

朋友推介西環的西餐廳食晚餐，從服務態度及食物都令本人感到非常滿意。最令人開心的，有個自助任食曲奇🍪餅乾區，客人等待食物的同時又可以試食唔同款式的曲奇，令人驚嘆每款曲奇都美味可口。值得一試！！豬鞍，肉汁鮮嫩！！

因為劇集取境而人氣急升既餐廳, 店舖地區大樓底高, 加埋主題裝修, 的確係幾好坐, 今次就一行五日吹水食飯香辣墨西哥粟米片 - 脆口開胃青口配泰式椰子汁 - 新穎組合幾特別 香煎北海道帶子 - 加金黃色脆脆香口左多一層口感, 帶子都滑溜鮮甜海神海鮮籃 - 有魷魚、蠔、三文魚、蝦, 幾豐富但冇籃之餘味道唔難忘香辣秘製XO醬雞翼 - 外觀都似水牛城雞翼, 有D蝦米確認係XO醬版, 雞翼夠香辣熱脆燉美國小牛膝 Osso Buco - 意大利傳統手工菜, 用上小牛(Veal)帶骨後腿, 慢燉到連骨髓都可以吸出黎, 呢到出品做到肉質柔嫩, 骨髓肥香西班牙豬斧頭扒 - 睇相可能唔覺, 睇埋中間2條露筍就會明, 豬肉味香juicy多汁, 柔軟無筋油脂較輕, 餐牌寫800g二人份量, 不過我地食左咁多前菜就變五人份量棉花糖奶昔 - IG-able, 不過棉花糖味道會較單一同甜朱古力香蕉花生奶昔 -多謝店員幫手走香蕉, 花生迷覺得好滿意

一直以為堅尼地城區內餐飲都是酒吧為主，原來係眾多酒吧之外，有間富有特色餐廳，據店員說餐廳佔地7000多尺，空間感之闊令人大開眼界。餐廳提供各式食物及酒精飲品，還附設餅房，不論是吃貨還是喜歡摸下酒杯，一樣滿足到你*傳統水牛城雞翼水牛城雞翼味道主要都是酸辣辣，這個辣度恰好，好啱唔鍾意太辣嘅我*炸魷魚鬚配他他汁又薄又脆的外皮包住魷魚鬚，加上海苔夠晒惹味，餸酒一流*法國黃油全雞吃雞都甚少會吃雞皮，這個雞皮同雞肉一樣嫩滑，忍不住連雞皮同吃。配搭索了雞油又脆皮的薯仔非常滋味*美國封門柳牛扒不在乎肉味濃、肉質軟腍，餐廳用上封門柳滿足了要求，再加香蔥花帶出多一點香氣*西班牙海鮮炒米粒麵香煎大蝦、青口及雞肉等配料，不論食物、味道同賣相跟Paella很相近，用意大利米拉麵口感也不錯*咖啡歌劇院蛋糕/酥皮芝麻拿破崙喜歡以甜品作為每一餐的總結濃厚咖啡味，香濃朱古力，每一層帶有不同口感、味道。擺盤將歌劇院蛋糕躺下加上橄欖形雪糕，創意帶來視覺味覺享受，絕對係味道賣相兼備*拿破崙酥皮每天由餅廚每天新鮮製作，夠新鮮所以特別酥脆，芝麻吉士味道夠濃，每一啖都吃出層次*不得不提餐廳除了自家製作甜品外，還有自家製的蝴蝶酥，有

呢日黎到堅尼地城既Chill and Grill，入面環境好大好寬敞，枱與枱之間空間好足夠，真係可以chill下嘆下，私人空間好夠炸魷魚鬚配他他汁，一上枱已經feel到熱辣辣非常鬆脆，配上他他汁，微微酸味，同炸魷魚鬚味道非常夾！黃金蟹黃意粉，勁香啖啖都有蟹黃味，好濃郁，夠晒creamy，但食極都唔覺得膩美國頂級肉眼300g，我地叫左5成熟，紋理好靚，而且一切開見到入面咁靚既粉紅色肉味豐富，肉質夠腍朱古力花生香蕉奶昔，味道香甜，朱古力同香蕉既味道本身已經好夾，再加上奶昔，就好似將一個甜品變成飲品咁，勁滿足意大利雪糕三文治，玩味十足！雪糕用朱古力球包住，除左打卡，仲有得玩，夠晒特別可以用鎚仔扑爛外層既朱古力，慢慢品嚐入面既雪糕另外，呢到仲有自家製既蝴蝶酥，好靚！牛油味香溢，鬆脆得黎，一咬落去d皮唔會散晒，已經忍唔住即刻開黎食

Bookmark 咗呢間餐廳好耐，一直都想試，呢晚終於約到朋友一齊試餐廳面積頗大，據店員所講差不多有7000呎，所以空間感十足，格局令人感到非常舒適點咗幾款唔同種類嘅食物，再加餐廳自家製甜品，滿足的一餐▶️炸魷魚鬚配他他汁 - 炸得香脆可口，加入紫菜更加惹味，另外亦伴有專門用嚟點炸嘢嘅他他汁▶️傳統水牛城雞翼 - 用上傳統做法嘅醬汁同調味，食落酸辣濃香，小食之選！另外亦可選香辣秘製XO醬▶️燒法國黃油全雞 - 全隻雞嘅份量真係唔講得笑，足夠幾個人食，用慢烤方法將雞烤至金黃色，雞皮好香脆，肉質嫩滑又juicy，另外作配菜嘅西蘭花苗同焗薯亦都好好味▶️美國封門柳 - 朋友要食熟少少，所以要了7成，但一點都不會韌，肉質依然嫩滑，肉味依然香濃，點一點自家製燒汁，更會令鮮味提升▶️西班牙海鮮炒米粒麵 - 意大利麵一種，形狀似粗大米粒，口感彈牙。大廚以Paella為藍本，加入了Grilled 過嘅大蝦同大大隻青口，大蝦啖啖肉而青口亦非常鮮味，推介！▶️咖啡歌劇院蛋糕/酥皮芝麻拿破崙 - 完美嘅晚餐點少得餐後甜品，而呢度嘅自家製甜品/蛋糕更加不能錯過！🌟咖啡歌劇院蛋糕，層次分明，由海綿蛋糕、牛油忌廉同黑朱古力組

🧡Please follow my IG : orororenji☆ 𝘾𝙝𝙞𝙡𝙡 𝙖𝙣𝙙 𝙂𝙧𝙞𝙡𝙡西環加多近街57號地舖✦ 原木烤海中蝦從前有3隻蝦，哈哈哈XD呢個蝦都算幾大隻，烤蝦嘅醬料帶少少辣，配左一d碌柚味嘅沙律，都幾得意。✦ 美國封門柳呢個性價比高，封門柳叫左medium，好粉嫩，肉味香濃好多肉汁而且份量多，真係成座山仔咁，讚！✦ 香煎帶子墨汁意大利飯意大利飯軟硬適中，飯入邊好多魷魚絲，帶子煎到外面金黃色，食落好鮮甜，呢個好好食呀！✦ 炸魷魚鬚配他他汁炸粉唔會太厚，亦都無話炸粉還炸粉，魷魚鬚還魷魚鬚，幾好食。✦ 意式西蘭花苗本身西蘭花苗就已經係好好食，呢到唔會太軟，灑上少少麵包碎，幾有趣。✦ 特選"真"龍蝦湯好濃郁嘅龍蝦湯，仲有舊龍蝦肉，不錯。✦ 酥皮芒果拿破崙呼籲大家一定再留肚吃呢個，因為真係好好味(๑˃̵ᴗ˂̵)芒果好甜，吉士醬好香滑，拿破崙超酥脆，必點！10月就係吃好西任性月，本身我好鍾意食d酥酥野，比我見到呢到原來有自家製蝴蝶酥同曲奇餅賣，個拿破崙咁好食，蝴蝶酥應該都會好好食，所以帶埋返屋企吃返夠本✌︎('ω')✌︎

Chill and Grill炸魷魚鬚配他他汁魷魚鬚好彈牙，炸得很脆但不油膩，點少少他他汁更加惹味。原本烤海中蝦（3隻）大大隻蝦開邊烤焗，很鮮甜，開邊後更方便用叉吉起，不需用手，可以趁熱享用3隻大蝦。特選”真”龍蝦湯龍蝦湯唔會好鹹，味道剛剛好，而且裡面真係有龍蝦肉，所以真係正宗龍蝦湯。美國封門柳300g封門柳肉質鬆軟，完全唔會韌，煎至Medium，仍然充滿肉汁，每一舊都很juicy。香煎帶子墨汁意大利飯帶子好新鮮，肉質嫩滑，好鮮甜，risotto亦不會太淋，每一粒都沾上墨魚汁，好香口。意式西蘭花苗西蘭花苗都好翠綠，十分新鮮，加上少少麵包碎，增加口感，都不錯。酥皮芒果拿破崙芒果十分甜，完全唔會有酸味，酥皮亦都焗得很脆，中間夾了吉士，和酥皮一齊食味道好夾，好好味。餐廳裝修得十分有格調，而且樓底夠高，完全冇焗速感。另外，亦發現餐廳原來有自家製蝴蝶酥，同埋曲奇餅賣，仲有好多款唔同味道，我都忍唔住買咗一盒蝴蝶酥。

今日放假相約朋友諗住食個lunch 黎到堅尼地城，順便去海邊行下，我地經過e間餐廳覺得都幾好情調，就入去試下😏餐廳樓底好高，採光夠光猛，有d外國宮廷式嘅風格，上面掛住月球燈😍打卡一流❤️🦞龍蝦湯湯好香濃，入面有彈牙龍蝦😋好鮮味🍄蘑菇湯將鮮蘑菇打成溶，用忌廉煮成湯，有香濃蘑菇味😍🌸西班牙海鮮炒米粒麵平時西班牙海鮮飯就食得多，米拉麵細細粒口感似意大利飯，粒粒都吸收左海鮮嘅精華，所以好入味😋上面有滿滿嘅海鮮，大蝦好彈牙又鮮甜，仲有大大隻嘅藍青口🤓🍫朱古力咖啡咖啡飲落好香滑，濃濃嘅咖啡香入面有甜度適中嘅朱古力味🤤🥭酥皮芒果拿破崙一入到店已經聞到香香嘅烘焙味道，黎到餐廳緊係要試下廚師每日新鮮製造既拿破崙，酥皮香脆，有香香嘅牛油味，中間有香滑吉士，又唔會太膩🤤芒果香香甜甜，仲有士多啤梨🍓😍🦋原味蝴蝶酥🧈我地見佢個拿破崙都咁好食，所以忍唔住買左盒蝴蝶酥返屋企🤤🤤蝴蝶酥包裝得好靚，個盒都設計過，性價比高，食落嘅口感比得上酒店質素🤭送禮一流🥰

其實好少去港島區食野，因為新界人。今日過去就係為左尼間餐廳。因為環境好寬落，好岩女仔打卡。同埋有個千秋。食物方面CP值都算高，叫左2杯野飲，青檸梳打同芒果沙冰。兩杯份量都好大，同埋青檸梳打有薄荷葉，飲落好fresh. 另一杯芒果乳酪沙冰，太太飲唔晒，好大杯，味道唔錯！叫左兩個頭杯炸海鮮（唔記得咩名），有三文魚蠔、八爪魚，同炸魚。唔油膩，炸得好好。係個沙律醬差少少🤏！（酸d會好！）松露薯條，重薯味！唔油膩，松露醬夠味，唔會水汪汪，又唔會過濃同咸！個蕃茄湯成晚最差⋯⋯咸到飲唔到其他味⋯😵‍💫淨係死咸。封門柳好食！炭香味，又有肉香味，叫5成係最好正，推介必食。另外仲有個飯，唔會食到好滯，配料都好多！味道中規中矩。價錢方面西餐黎講叫抵食！因為叫左好多野，最後食唔晒！ 好耐冇寫食評，點都支持下。下次應該會試埋佢甜品。

朋友話呢間西餐廳嘅味道唔錯就擇日不如撞日 即去西環try try😆餐廳仲有賣曲奇同蝴蝶酥🥨睇落唔錯咁 大家不妨買嚟試試Lobster bisque $88 🙆🏽呢個龍蝦湯味道非常香濃而且仲有少許龍蝦肉認真真材實料Truffle Fries $58 💁🏽香濃嘅黑松露味配上熱辣辣嘅薯條真係冇得輸呀😂Fire Wings 3pcs (Buffalo Sauce) $64 🙆🏽呢個水牛城雞翼都好出色食完都相當之開胃Calamri $68 🙆🏽炸魷魚鬚配他他汁非常夾食完一嚿又一嚿Spare Ribs with BBQ Sauce $268 💁🏽個豬肋骨相當之䭃仲好入味再配埋BBQ味醬汁味道Crab Volk Spaghetti $178 🙆🏽蟹肉蟹粉意粉真係名副其實一睇個賣相就知非常濃嘅蟹味😋Chocolate Peanut Butter Banana Milkshake $78 🙆🏽不可不提呢個朱古力花生香蕉奶昔包你一飲再飲Hendrick’s Mojito $108 💁🏽呢杯含少量酒精成分嘅飲品一邊食住美食一邊嘆住呢杯Mojito真係一個賞心樂事😬✅ 加一服務費

尋晚同太太一放工就去左bookmark左好耐位於西環堅尼地城嘅「Chill and Grill」😋特選"真"龍蝦湯 $88呢個龍蝦🦞湯認真濃味！而且仲好香！一上枱香氣撲鼻🤤燒排骨配自家製燒烤汁 $268燒排骨非常入味！而且煮到好腍，差唔多入口即溶😋黃金蟹黃意粉 $178非常多蟹黃，十分之濃蟹味😋黑松露薯條 $58呢個黑松露醬係個靈魂😋食極都唔會停😂傳統水牛城雞翼（3隻）$64水牛城雞翼冇令小編失望😊夠哂味😋炸魷魚鬚配他他汁 $68熱辣辣嘅炸魷魚鬚配上他他汁非常夾😋酥皮芒果拿破崙 $88呢個甜品真係無得輸呀！雖然已經好飽😝但實在太好味，都必定要清左佢😋朱古力花生香蕉奶昔 $78呢杯奶昔真係要推介一下！朱古力🍫 + 花生🥜 + 香蕉🍌 + 奶昔組合埋一齊估唔到係咁夾！亨利爵士莫希托 $108P.S 餐廳仲有曲奇🍪 同 蝴蝶酥賣架！小編都忍唔住整左一盒蝴蝶酥😬好鬆脆！大家都試試啦😋