Chickee's (西九龍中心)

營業中

休息中

未岀名未有Foodie讚既時候經外賣平台食過兩次，兩次都好滿足亦覺得有水準係好好食。琴晚七點去買店員話要等一個鐘冇問題，我選擇去行一陣。到八點鐘我就同朋友返去拎，店員話要多十分鐘結果足足等左三十分鐘。兩位店員知道我單號碼亦知我一直係門口等緊，都係要特登打電話比我話拎得？明知道係我都要打個電話多此一舉。作為美食廣場其中之一，我理解人流較多而且岀左名會有更多人慕名而來。但明知自己根本做唔切咁多單係咪應該暫停收單？做唔切仲一直岀單個個等到一肚氣。拎到上手到返到去依然係熱，兩碗意粉（招牌溫泉蛋卡邦尼意粉，白酒牛油汁蜆意粉）已經唔再係一開始未岀名既時候既味道。真係一岀左名就變hea 果然係定律。今次仲叫多兩款雞翼，兩款不值一提 ！就普通炸雞翼加一Pat醬呢四隻雞翼完全可以講係垃圾。依家唔可以話難食只能夠講普普通通冇特別，完全唔值得特登走去買黎食，因為冇必要。原本滿心期待既意粉結果食到一肚氣之餘仲已經係keep唔住水準，唔會再有下次。

見上網好多人講好食，所以去試下幾個月前第一次7點左右去話等2個鍾，所以放棄左第2次8點左右去，話已經冇得落單，今日賣曬今日第3次去，7點就去到喇話45分鐘就有，咁比完錢留底電話等佢打黎等左足足一個鍾。。。先有超級期待咁食雞亦正常，冇話好好食個薯仔係薯容黎，都算正常卡邦尼意粉不過不失最最最失望係個蜆肉意粉。。。食第一啖已經成口沙，第2啖仲有蜆殼碎。。。跟住成碟冇再食過以後吾會再幫襯。。。除左平。。冇任何值得要等咁耐去食既地方

真係睇多好多youtuber又話人氣店七點爆薯賣曬，意粉等一個鐘大約八點三時先可以食到白汁牛油蜆意粉57蚊其實我唔覺得佢真係好大兜因為其實有啲扁嘅， 對於見到youtube係成大 兜咁就有啲失望一個人食都完全唔使驚食唔曬， 意粉質地正正常常， 蜆肉其實冇乜味， 還好沒有沙57蚊意粉加17蚊雞翼74蚊唔係話好貴，不過唔係話性價比咁高囉吹得好大在場見到西九龍中心後排亦都有一間應該又喺呢啲意粉，大兜好多，亦都冇人排隊，下次可能會試一試嗰間個人而言這間餐廳不會再有下次

社交媒體網站上寫1800晚市開門，但1820還未開門，我們已經是1740開始排隊，但下單後還要等近30-40分鐘..........那之前沒有準備好食材嗎？完全浪費大家時間.......排隊order 等一大輪，order 完又等一大輪，霸住西九龍中心food Court張枱咁耐都唔好意思.勸喻大家不要在這間餐廳浪費自已時間。也奉勸沒有能力做生意就不要做吧。是不是有幾個KOL 推介過就變左。唔會有下次，勸大家都唔好嚟食

好多年都冇嚟過西九龍中心food court搵食，見到近排好多人介紹呢度多咗好多好嘢食，趁住今日放假就特登過嚟試吓🍽️估唔到今日公眾假期人山人海🧍🧍🧍，8樓food court全場爆滿，九成以上都係一班工人姐姐喺度聚會，所以真係好難搵位🙂‍↕️等位都等咗成大半個鐘⏳，中途仲見到曱甴🪳，座位下面又成地飯粒，衛生方面真係認真麻麻，真係辛苦清潔姐姐🥹，我哋只係久唔久過嚟食一次，所以就豁出去啦～⸻最後揀咗Chickee’s呢間鋪頭～落單時店員已經講明要等半粒鐘至九個字⏳，整好會打電話通知我哋，所以我哋就一邊食其他嘢一邊等，時間唔算太難過。不過過咗45分鐘都未有電話，行返去問先知：原來早整好咗但打唔通俾我哋📱，唔知係電話號碼抄錯定點～不過唔緊要啦，終於有得食啦🤩🦐龍蝦汁海鮮意粉（ $53 ）🍝意粉份量大大份，仲要熱辣辣出緊煙🔥，第一啖已經覺得好正！意粉口感啱啱好，唔會過腍，有咬口，重點係超掛汁～每條都沾滿龍蝦汁，香濃惹味，唔會死鹹！配料方面都唔馬虎：有5至6嚿魷魚🦑、兩隻蝦🦐、一隻青口🦪，全部都夠新鮮～同啲餐廳比起上嚟，呢個質素真係唔輸蝕，價錢仲要起碼平一半，用$53食到咁有誠意，實屬難得！⸻✨總結

Chickees 西九龍超人氣意粉店D. 芫荽蒜片香辣大蝦意大利粉+P1. 紫菜肉鬆爆薯第一次試平日6:30pm 已經排十幾個人落單已經話要等45-60分鐘 仲有幾款冇貨 冇得賣最後6:38 order。7:30有得食意粉份量十分足夠 有幾隻大蝦 蒜片好似冇 蒜味都冇乜芫荽 辣味都有 意粉係幼 味道幾好原本叫P2 黑松露蛋沙律爆薯點知拎嘅時候先至話賣晒可𨍭P1 紫菜肉鬆爆薯/退款。最後都試吓啦爆薯外脆內軟 幾特別 味道好但真係唔夾紫菜肉鬆黑松露蛋沙律應該好好多整體來講 對得住個價 但係唔係太值得要等1個鐘

趁幾日長假期，跟住「脆友」去搵食～呢日晏就點零鐘去到，點餐唔洗排隊，落完單，店員會打俾你叫你拎餐，等咗半個鐘左右就有～想試埋爆薯，點知賣曬，唯有等下次有機會再訪～溫泉蛋卡邦尼意粉🍝賣相非常吸引，煙肉🥓份量好多，好大方，如果煙肉可以煎乾身啲會更好，撈埋蛋汁更加濃稠掛身，食到尾有啲漏～清曬成碟太滿足了吧‼️白酒牛油汁蜆意粉🍝成座意粉山咁，個汁唔杰身，底下超多汁，多到流埋出嚟，一定要撈勻嚟食～食到淡淡白酒香味，配料都有煙肉🥓～整體味道較淡‼️💬呢個價錢同味道嚟講，真心癲，兩個人share都夠，一定會再encore～

話開18:00 然後17:30喺門口等 最後18:20先開門比人落order 我排第三個 前面兩個客人都唔係嗌咗好多份 我都只係嗌咗一份 最後18:50先拎到我個餐 咁我想問唔係應該備好晒料開門 然後好快就煮好㗎咩？就當你因為要準備材料所以遲咗20分鐘開門 咁點解我落完order又要再等多30分鐘先拎到個餐？太失望了 要準備咁耐先至開門做生意 點完餐又要等一輪 唔講以為點完餐搓麵粉由頭整起個意粉真係冇下次 以前都已經食過幾次 紅咗之後真係搞唔掂

🥚溫泉蛋卡邦尼意大利粉 $42雖然咁平，但係係高質意粉黎～ʕ •ᴥ•ʔ拍得住出面Cafe食份量多到可以share食(°_°)意粉質感有咬口而且相當掛汁Creamy٩(ˊᗜˋ*)و我哋一人揀咗一個意粉雖然我食晒啲意粉但係啲煙肉真係多到食唔晒🍄‍🟫黑松露雜菌意大利粉 $47黑松露味都幾濃(⁎⁍̴̛ᴗ⁍̴̛⁎)🍄‍🟫黑松露蛋沙律爆薯 加配價 $20本身諗住嗌明太子海鮮沙律但得紫菜肉鬆同黑松露吉列脆皮配埋入邊軟腍腍嘅薯蓉幾夾醬有黑松露味，亦都有雞蛋粒粒

排隊排半個鐘，等餐等75分鐘。1個樓面，2個係廚房入面煮。煮完一個先出到第二個，一次最多煮2份。每次出餐最少等15分鐘。如果叫3份又唔會一齊出餐。樓下間手工意粉都唔洗頭尾夾埋等2個鐘，所以個時間價值真係唔抵。

雖然食物性價比高，但味道不是驚為天人，雞翼可以唔洗試，等待時間超過一小時，而且 food court 的座位非常不舒服。餐點分量過大，女生可能難以食得哂。員工服務態度友善，但環境和效率有待改善。

近期超人氣food court餐廳，落左單要等至少一個鐘先有得食，但好在店員會打比你叫你去拎餐，唔洗盲中中等好耐🍝白汁牛油蜆肉意粉 $57覺得有啲overrated🥲但性價比確實很不錯👍🏻呢個價錢嚟講，蜆肉數量好多意粉份量大到可以食兩餐/2個人share但要等一個鐘我expect再好食啲🥲意粉唔太掛汁，味道唔算好入味冇咁多人，唔洗等咁耐我會再試下其他

太遲見到前人評語，又係買個時咩都無，又係無講原來要等好耐，買咗等咗45分鐘都未有⋯其實明知要客等咁耐係咪可以講聲⋯🥵🥵🥵（同樣人仍在西九）⋯打完評語都仲未有得食😵

西九一上電梯見到鋪頭大排長龍，睇見佢賣相唔錯價錢都尚可就諗住排黎試下，當時前面都有8、9個人等緊，條隊都郁得好慢，心諗可能佢人手唔夠啦咪唯有等多陣，點知等左半個鐘終於到我啦，結果好多嘢都話賣晒，仲話要等一個半鐘？？排咗咁耐先至講？講真一早知係冇無謂，咁咪食其他囉，而唔係要人地排到戈刻先知原來要等咁耐冇人一早同啲客講聲，或者將貼個告示牌出黎提醒下人都好！我諗應該唔係第一日開鋪第一日咁多人排隊掛？呢間鋪個處理手法真係好差！特登咁樣講出嚟，就係希望唔好再有人中伏戇居居喺度排隊等

未見識過如此垃圾的店員及店舖，要人在門口排隊半小時以上才說食物要等一個半小時以上。然後叫人等就等不等就走。知自己整嘢食要一個半小時就貼出嚟咪要人等咗半個鐘排到去先講。又要人企喺門口排半個鐘唔知等乜又要再等個半鐘先出到嘢食