影片
港鐵旺角站 E2 出口, 步行約3分鐘
繼續閱讀
電話號碼
64067303
營業時間
今日營業
12:00 - 15:30
18:00 - 22:30
星期一
全日休息
星期二至四
12:00 - 15:30
18:00 - 22:30
星期五至日
12:00 - 15:30
18:00 - 23:30
以上資料只供參考, 請與餐廳確認詳情
估唔到旺角有間隱世高質Fusion西餐廳🤩主打世一意粉，仲有一系列Fusion玩味嘅西餐菜式，店舖細細，得老闆一個主力處理菜式，目測每枱客都係熟客仔，同大家有講有笑，滿滿嘅人情味～🙌🍳流心火炙明太子醬·吉列大虎蝦蛋卷｜💰$68一切開就有流心蛋醬，視覺效果💯玉子燒熟度剛好，滑溜得嚟富有蛋香🍤虎蝦啖啖肉，炸衣薄脆唔油膩～🍝沙嗲燴安格斯牛肋闊條麵｜💰$148新加坡風味撞意大利闊條麵，味道出奇地夾，一上枱就超香喇沙風味，闊條麵掛晒汁，辣度溫和，配料非常豐富：菇、蝦米、洋蔥等等，牛肋條鬆化入味，數量亦超多！超好食～🐔沙薑脆皮燒雞（半隻）配薯角｜💰$168雞皮燒到金黃透亮、好似玻璃咁薄脆，雞肉超Juicy，連雞胸都滑溜唔嚡口，表層嘅沙薑醬惹味，配料嘅薯角同樣出色，外皮脆口、薯肉粉糯綿密，無論係燒雞定薯角都份量十足，兩個人Share啱啱好～💥
繼續閱讀
本來想去另一間旺角西餐廳食lunch，但超級多人，非常嘈而且又要搭枱...誤打誤撞嚟到附近呢間通菜街隱世小店，舖頭只得十幾個位。Daily Soup 冬瓜蓉湯 $20清新可口廚師絕招必是昆布活蜆扁意粉Linguine Vongole $138 第一次食昆布煮蜆，好有驚喜，味道恰到好處，而且一碟裡面有成十幾廿隻蜆，粒粒脹卜卜，食到新鮮嘅海水味（不過有少少美中不足嘅係，有幾隻有少少沙， 可以再改善）下次一定要再試下其他嘢， 支持小店
繼續閱讀
今次同朋友嚟到旺角嘅 Chefs' Kitchen~餐廳位於通菜街，位置方便，裝修簡約得嚟帶點現代感，坐得舒服，好適合同朋友一齊嚟食飯傾偈。餐廳主打日式料理同fusion菜，菜式創新得嚟又保留傳統風味，今次試咗幾款招牌菜，真係款款都有驚喜！流心明太子蛋捲 $64首先一定要介紹嘅就係佢哋嘅流心明太子蛋捲！蛋捲外層煎得金黃香脆，切開嘅時候真係有流心效果，明太子嘅鹹香同蛋香完美融合，口感滑溜得嚟帶點微辣，層次豐富，絕對係必試之選！食完之後仲有種意猶未盡嘅感覺，真係好想再encore！玫瑰露臘腸卡邦尼意粉 $118呢款個意粉絕對係fusion菜嘅代表作！黑毛豬肉質嫩滑，帶有獨特嘅油脂香氣，配上濃郁嘅卡邦尼醬汁，每一啖都充滿住芝士同蛋香。意粉煮得啱啱好，彈牙有咬口，醬汁掛滿每條意粉，食落去真係好滿足。黑毛豬嘅鹹香同卡邦尼醬嘅濃郁完美結合，令人食到停唔到口！昆布活蜆扁意粉 $128如果你鍾意海鮮，咁就一定要試吓 **昆布活蜆扁意粉**！活蜆新鮮飽滿，蜆肉鮮甜多汁，配上昆布熬製嘅湯汁，帶出淡淡嘅海洋風味。扁意粉吸收咗湯汁嘅精華，食落去鮮味十足，口感清爽得嚟又帶點層次感，絕對係海鮮愛好者嘅必試之選！Hong Konger海鮮飯 $178呢款菜式充滿住西班牙風情，用咗多種香料同食材炒製，味道豐富得嚟又唔會太膩。配料就有本土地道臘腸、蜆、蠔豉等，每一啖都充滿住香料嘅香氣同食材嘅鮮味，口感層次豐富，令人食到好開胃！油封鴨髀燉飯**鴨髀燉得軟嫩入味，肉質鬆化，輕輕一撕就骨肉分離。燉飯吸收咗鴨肉嘅精華，飯粒飽滿得嚟帶點煙韌，味道濃郁得嚟又唔會太膩，每一啖都充滿住鴨香同香料嘅香氣，絕對係一道令人回味無窮嘅菜式！整體嚟講，Chefs' Kitchen嘅食物質素非常高，菜式創新得嚟又保留傳統風味，每一道菜都感受到師傅嘅用心。餐廳環境舒適，服務態度亦非常好，絕對係旺角區內一個值得推介嘅食肆。如果你鍾意日式料理、fusion菜，或者想試吓新嘢，呢度絕對係一個好選擇！
繼續閱讀
好想試呢間小店，前後嚟過3次，頭2次爆場要等，最後離開咗。今次星期日2點去到，先知道原來可book位，雖然我哋冇訂座，要留名等call，但臨近落場（1500），女店員話等2張檯便可，預計15-20分鐘。因為太想食，今次就等下啦~大約2點半收到call。坐低後都要等一段時間先有食物，因為舖頭有12個位，滿座，而只得老細一個人煮，，所以都唔簡單。餐廳較細，2人檯都係同隔離檯「痴」住，較難傾計，感覺侷促。電子落單，但餐牌上有唔少食物售完，選擇有限。原本最想食的金畢文芝士冇得食，牛油果醬意粉亦冇，同時冇乜非肉類選擇，所以素食係「click」既。不過，店員問准老細可以幫我煮黑松露菌意粉，但我哋覺得少貴（$138），冇點到。西班牙黑毛豬黑松露薯蓉沙律：睇狗狗爸爸切肉時已覺得塊肉好腍，狗狗爸爸話好食、有肉汁，只係肉細件，亦唔算厚；薯蓉有淡淡黑松露香味，幾好食，只係間中食到有薯粒未壓爛；好食有部分原因係薯蓉油脂重，帶油香，但就幾heavy；沙律菜係點綴，份量少，簡單地配芝麻醬，唔特別避風塘粟米：必食！由於冇太多素食選擇，所以熱氣都揀咗呢個小食，但絕對冇點錯。粟米香口，蒜粒炸到焦燶，椒鹽味重，勁惹味！食的時候有少少不便，因為粟米連芯，芯多渣食唔到，單食粟米粒要花啲功夫，唔係太易可以叉住咬嚟食巴斯克芝士蛋糕：細細件，味道同質感其實幾好，淡芝士味（真係淡架），冇乜甜味，應該比較健康；蛋糕表面唔夠燶，裡面算係半軟心，有少少杏仁碎擺盤，配埋蛋糕一齊食會帶少少咬口；但蛋糕的溫度係問題，上檯時蛋糕已唔凍，近室溫，我唔慣甜品係呢個溫度，感覺有啲怪菠蘿梳打：唔錯，唔會太甜整體嚟講，用餐環境係一般以下，冇乜私穩，而且因為空間細，設計、裝修上較難突出到餐廳的個性；等食要有耐性，亦要一路上菜一路食，所以share會比較好，我見隔離檯個蛋卷嚟咗好耐，但佢哋堅持等齊食物先一次過食，變咗個蛋卷攤到凍曬都好食有限；老細煮嘢好俾心機，一個人炮製咁鬼多嘢（包括甜品），唔容易，好捱得；食物份量偏細，主菜唔係好夠食（正常女仔食量），但味道係唔錯嘅。如果著重用餐體驗、環境同氣氛，呢度唔係好理想；如果只想食到用心製作的食物，可以考慮外賣，但以外賣嚟講，價格略高。支持老細物色較大的舖位，到時先再考慮幫襯！
繼續閱讀
薯圈雖然係跟餐，但非常出色，一d都吾hea, 特別係個黑松露醬勁好食，問左，原來係主廚自己整的，難怪咁好食😋泡菜牛脷（都係跟餐）食落好有「咬口」但吾會散到好似過熟好粉咁，不過泡菜味都幾濃，吾鐘意食泡菜就應該吾岩食，我本身好鐘意食泡菜，所以覺得非常夾😋牛好食，生熟處理得好到位，粟米都好食，吾會整到勁乾但反而係薯蓉，吾知係咪一時失手，over cook 放左陣，就feel到起膠🥲最最最鐘意食，就係佢，勁好食，有少少鹹香味，扁意粉有q彈感，吾錯🌹*** 但最大問題會係洗手間，衛生程度真心要改善，因為本身得主廚一個煮，出菜比較慢，好難可以唔去洗手間/.\
繼續閱讀