Châteraisé

營業中

休息中

見APM開左間Chateraise，聲稱主打士多啤梨甜品，佢嘅士多啤梨蛋糕仲係日本人氣皇牌之一，講到咁勁，諗住今年阿媽生日特意訂左個皇牌蛋糕食下，仲要4日前落order(心諗🙄，必定係要預先訂係日本訂食材）啦，點知中秋節攞蛋糕果日，見到個人氣蛋糕就超失望囉，果啲士多啤梨個size同紅桑子差唔多大細，原全同落order睇相相差好遠🙄。仲有個生日牌，果啲字寫到有冇咁肉酸丫🙄啲字又大又細咁，寫到最尾個康字都差啲唔夠位咁😢。不過其他即場買嘅散件蛋糕🍰就幾好食嘅🤔

早幾年食過佢既忌廉蛋糕已經念念不忘🥺 估唔到開到黎觀塘😆————————————————.🔶千層蛋糕 $220 (💡9/10)雖然外表平平無奇 但真係好有驚喜！入面既千層唔係淨係得cream仲夾雜左唔同既水果同蛋糕做底😍😍食落層次非常豐富✨而且千層既蛋香味非常出眾誠意推薦各位試吓👍🏻

見到寫住日本直送好吸引，都幾十蚊件。我計過$35-40一件嘅話，買個小蛋糕都係$120，小蛋糕抵啲但就一隻口味囉。試左佢話No.1千層蛋糕，上面係Honey，同平時千層差唔多，可能我食開LadyM但ladym好味啲嘅又。反正呢個疏乎厘芝士蛋糕又幾好，佢最底係海綿蛋糕冇咩味，但同芝士一齊食就啱啱好。正。開心

✨加推！呢間連鎖店嘅雪條，我試左大部份，除咗抹茶雪條好好食之外，俾我發現咗依款冧酒提子雪條原來勁好食‼️如果未試過嘅話，依款都值得一試！（* 利申，我唔係打手！亦都唔係廣告！！！我只係好鍾意食野😉）‼️.

✨呢間［Chateraise］店,之前係太古城行街時已經見到🤨,但係次次都係經過望吓都無試,依次見佢係觀塘開左,所以就買左幾款黎試下💡!😏.💬［泡芙］泡芙口味都有幾款選擇,我揀左佢既雙味泡芙"焦糖味"同”牛奶朱古力味”,味道按$14蚊既價錢黎講都算係合理🤓,口感適中,外層雖然唔係脆面個種,但外層都算鬆軟唔會韌,內餡都算豐滿,忌廉加焦糖唔算太甜,忌廉雖然唔算好香濃但都夠滑,有d不足就係覺得焦糖既味道唔夠出,至於朱古力味泡芙,我覺得一般般🤷🏼‍♀️,可能朱古力味唔夠濃,不過下次有經過既話,會再試埋佢其他味😬 .💬［雪條］另外,我都買左佢幾款雪條產品,有”京都宇治抹茶雪條"、”北海道牛油冷凍甜點",同埋”脆脆香草朱古力雪條”!🥳.✏️先講🍦,好老實,佢既甜筒我真係有d失望❌,雪糕味道無咩問題,但係個脆筒淋晒,好軟身,真係好失望😑✏️另外,佢既脆脆香草朱古力🍫雪條,口感幾得意.✏️至於佢既抹茶雪條,抹茶控🍵既話,一定會鍾意，值得一試❤️.