Catio

營業中

休息中

女伴臨時起意想去貓 cafe，找到附近此間新裝修 cafe ，似乎評價一直不錯，可惜體驗是失望而回。飲品以可愛貓型杯承載，台式系列味道不錯，以價錢來説算是偏小杯。更為可惜的是帶子意粉，帶子有三粒，份量算是有交代。第一粒帶子雖有表面看來煎黃，但吃下去並無實際煎香的口感和熱度，實屬奇怪；更甚者第二粒咬下一半才發現中心是冷的，根本未完全煎熟。常看廚神戈登·拉姆齊節目常金句 “帶子是他娘的生的，回爐重做” ，想不到竟能在現實無地獄壓力的廚房下親身體驗。半隻生熟不明帶子下肚，心有餘悸，還是退回剩餘一隻半回廚房。重煎回來的一隻半帶子，只能嘆道過熟總比未熟好。離開前到如廁方便，回來後女伴因伙記收工早已結帳。卻發現過程兩人竟無人記起要扣除銀行信用卡 85 折優惠；希望 void 單重新付款，又謂已埋數不可重設；提議伙記以餐廳優惠券代替，又實只有半額不足。此餐可謂一波三折。環境倒是清幽，剛好客人少，貓也乾淨輕鬆親人，樂也悠悠。只能說貓 cafe ，主角真的是貓。

同朋友去銅鑼灣想搵間貓cafe坐下係openrice見到catio 就決定上嚟試下一去到職員表示要消毒雙手再除鞋入場因為朋友著涼鞋需要除鞋入場見到門口一個架上面有成十幾對拖鞋以為要換拖鞋先入得但原來拖鞋只供職員使用客人可以使用架上其中一格放置嘅鞋套套上腳入場最終搞左一陣先入到去（P.S. 當我同朋友離開個陣cafe，有新客人入場一樣搞錯以為係要換拖鞋入去。）收費如下：每人每小時收費$78，配飲品一杯（特別飲品要加$10-20）如每人點食物一份，則額外免費第二個小時收費。另收加一服務費。同朋友先點嘢食再玩貓全場有14隻貓貓🐱全部都係靚貓貓影左一陣相就坐低傾計等嘢食大概等25分鐘先嚟左嘢食小食拼盤$188（炸魚柳2條/炸洋蔥圈2件/腸2條/雞翼3隻/炸蕃薯條）然後朋友食炸魚柳(?)叉落去第一下係硬咬一啖係凍嘅然後職員表示會換一碟新過多15分鐘就補返新嘅比我地見等左40幾分鐘都仲未有嘢飲同職員反映職員表示因為比較多單而人手⋯最後50分鐘多先有嘢飲。熱玫瑰朱古力原價$61（但入場收費$78包飲品而免費）杯嘢飲太甜無玫瑰味，而且唔熱只係暖。朋友點一杯ice black coffee,正常味道總結

近排壓力大需要被治癒😶是晚心血來潮想去朝拜吓喵喵們🐱🐱入店前請消毒雙手＆除鞋/穿鞋套！一推開門就見到好多喵喵已經心心眼😍😍裝潢簡約清新！最重要單單被慵懶貓咪們包圍住已經莫名其妙心情好轉🧡. 🌟兩道菜套餐 (前菜+主菜) $198@. ✨田園沙律 x2🥗加入咗鮮果更清新！沙律菜亦新鮮爽脆！配上咗胡麻醬涼拌倍添滋味👏🏻👏🏻. ✨香草肉醬意粉濃濃蕃茄味道🍅夾埋牛肉碎係經典組合！整體濃淡度適當！意粉亦彈牙🍝. ✨忌廉蘑菇意粉個人鍾意食白汁🙌🏻因為creamy醬汁特別掛汁於意粉！呢碟忌廉汁亦夠杰身！加上蘑菇🍄有啲咬口！整體合格🙂. ✨熱朱古力✨凍莫卡兩杯飲品都各以貓咪杯具送上🐱令造型加分！飲品味道中規中矩👌🏻👌🏻

話說早幾日同我老豆去咗貓Cafe玩唔好以為呢啲玩意淨係啱港女🤣阿姨阿叔都好鍾意呢啲新玩意香港而家有好多貓貓cafe😸不過通常都喺工廠大廈無咁就腳呢間喺銅鑼灣鬧市地鐵站附近超方便個景仲係望住維港添🥰🥰😍入面有13隻貓貓大部份都係英短仲有異長美短全部都摸得又聞得超級親人！我地玩咗兩個鐘啲貓貓都應該夠哂運動量🤣入面環境都好適合貓貓有好大個樹形貓爬架🌴Cafe空間又夠大可以俾喵豬們跑來跑去見到佢哋開心我地都覺得好開心☺️同個店員一路玩一路傾貓經😺😽Cafe入面有輕食同嘢飲有鹹點甜點任均選擇我地叫咗flat white同桂圓紅棗茶同埋一個焗薯餅同牛油果素菜沙律個薯餅我幾欣賞應該係自家製佢個形狀有啲似宜家傢俬嗰個焗薯餅但係啲材料就比較豐富厚切有口感🥰對住一枱嘅美食望住咁靚嘅景仲有咁多隻貓貓圍住真係超級幸福😍🤑佢呢度個收費係$78一個鐘就會包杯嘢飲之後每一個鐘就$60但係如果有叫嘢食嘅話就會免收第二個鐘嘅$60🤣所以其實嚟呢度吸兩個鐘就啱啱好喵

銅鑼灣等人期間唔打唔撞走進店裡，就被一隻叫Anson的親人貓貓迎接!! 好受寵!! 店內環境舒適，提供了充足的座位和遊戲區域供貓咪們玩樂，讓人放鬆心情。店員他們非常了解每一隻貓的個咪性，並且提醒注意事項。他們對於貓咪的照顧細心又周到，總是確保貓咪們的舒適與安全。還提供貓下午茶, 太多福利了,很想做貓!!!此外，貓咪的種類和顏色也非常多樣化，無論是小貓還是成年貓都有! 貓咪們互相玩耍也願意給我摸, 我在這裡度過了一個愉快的下午。唔覺意仲食左個牛油果芝士日本和牛漢堡!仲有薯條好豐富!! 點了一杯冬瓜茶很爽甜!!我在這裡感受到了應如何養貓和保護貓，將會繼續支持這家店。因這是一個很"貓友善"的地方。如果你是貓迷，這裡絕對值得一去。

趁阿B今日學校放半晝，接放學後帶左佢同佢個最好朋友一齊去左呢間貓cafe玩下。間舖細細地，平日下午客唔多，可以靜靜地咁親近貓貓。有一兩隻貓貓睇起黎好似有D惡，不過大部分都任摸任拍唔嬲，非常親人。阿B同朋友仔都同貓貓玩得好開心，餐廳職員仲有教佢地兩個用逗貓棒，好貼心點左杯Rose Latte, 佢地都有茶飲同其他飲品，d細路唔飲咖啡都有好多選擇，另外仲點左雞翼薯條同雞蛋仔小食，好舒服咁過左個下晝。埋單個陣仲話有學生優惠，普通人既計時收費係78，學生係60，杯野飲送既，食物要另計，但都算性格比高呀

成日以為貓café主要係睇貓，無乜好野食，嗰日超級貓痴級既朋友捉左我去銅鑼灣崇光後面呢間貓café，估唔到有驚喜﹗首先地點超就腳，一出地鐵站唔駛行五分鐘就到。入到café都好乾淨，雖然間舖細左少少，但整體感覺舒服。餐牌有意粉、pizza、牛扒、包、沙律、小食，都算有得揀。我最後點左個虎蝦意粉，另加一杯紅棗桂圓茶。個蝦意粉就比我想像中好得多，因為好多café類既餐廳會就咁煎熟就算，呢度係剥左殼起左條腸，岩哂我呢類懶人而且番茄醬汁略帶蒜香味，真係意料之外。 仲有貓貓陪你玩，又或者望住佢地玩都好減壓。坐左兩個鐘，埋單每人大約230，有得食有得玩，呢個價錢算OK。

呢到有10幾隻貓貓，有d乖有d曳，同d貓貓玩有小心d，有1 2隻比較惡😅Cafe都有貼張紙叫小心d，然後$78包一杯飲品，貓cafe比較大陣味，如果頂唔順就唔好來呢到啦

貓cafe講真都無咩expectations ga la … 不過去到就谷住要嗌野食都冇辦法啦 真係好難食好難食好難食 野食賣相已經95搭八，好似一堆食淨既野咁 野食唔夠熱係常溫好似放左好奈咁 卡邦尼意粉好難食唔夠味 一pat pat咁Pizza Hut都好食過佢 仲有個幾塊菜係隔離得個幾塊唔知想點 野食仲有兩條貓毛送比我地 都廢事同佢投訴，但係咪應該留意下呢？ 成件事唔係好衛生 服務麻麻，講野無唔該，長期黑面咁樣成個experience好差好sad…

❗️召集貓奴❗️大人細路好去處銅鑼灣原來係有貓貓cafe全場共有14隻貓超吸引勁可愛呀入門口前記住先除鞋同埋消毒雙手如果唔點set既話就野食同單鐘咁計所以預自己玩兩粒鐘又食又玩既一律建議點餐前菜+主菜+飲品 $198前菜+主菜+飲品+甜品$238唔收加一今次要玩貓貓就同朋友點左2份$198主菜揀左忌廉蘑菇意粉炸魚薯條所有用既餐具都精心選購過全部都印上可以貓貓公仔餐點份量都大份而家顏色豐富擺盤精緻忌廉蘑菇意粉夠晒creamy炸魚魚肉厚身炸粉薄身番薯條激長飲品選擇都多咖啡、朱古力、檸水、汽水呢啲都有最開心就係一路食野一路俾貓貓圍佢地會係你腳邊訓覺或者隨處趴低不過為左唔好打搞到貓貓記住唔好抱起佢地呀自拍同溫柔摸摸都可以個環境感覺好令人放鬆同舒服好想快啲再去！

我嗰日同個friend過嚟食嘢乾淨又好衛生貓都好得意重要啲嘢食一流仲可以同啲貓玩同埋周圍環境都好靚仲有好多隻貓啲嘢飲都好好飲，仲要好抵食，好抵飲熱烈推介是一個很好的經歷

鍾意貓貓嘅我，今日係第一次去貓貓Cafe，當然搵多個貓奴陪我去啦！我們選了銅鑼灣Catio ，因為地理位置非常方便，喺SOGO 附近。地址;銅鑼灣聯成商業中心1502.室麵話：64134929❤️蜂蜜百朁果檸檬橘子茶 $68 酸酸甜甜，很清新的特飲。💛Hiazelnut Latte 榛子拿鐵（𨍭豆奶）$53 忌廉磿菇煮粉、加三文魚 $128+$15磨菇🍄香，忌廉濃，加埋營養豐富的三文魚，識落口感Creamy又好味😋，仲有少少沙律菜🥗，這樣的午餐份量剛好。💚卡邦尼煙肉意粉、加車厘茄🍅 $138+$10啲貓貓杯、貓貓碟，同埋好多隻貓貓陪住你一齊食，那種氛圍，實在令我這頓午餐食得好開心。餐廳內有一個貓貓玩耍的角落，除了貓貓玩得開心之外，我打卡也打得很開心。貓中貓，午睡中的貓貓😆擺好甫士，俾我影相📸️，實在太合作了🤣兩隻貓貓喺度玩😁貓貓的背影，肥到呢😆店內有14隻貓貓，這只是其中的一部份。

如果您對貓咪和西餐有興趣，甘您可能會對這種主題感興趣。近年黎，越來越多既餐廳開始提供貓主題餐廳體驗，其中有啲餐廳結合了西式餐點和貓咪，仲可以同貓咪互動的同時品嚐美味的食物。貓咪自由地漫遊和休息，用餐的客人可以在旁邊觀察和和貓咪互動。基本上每張枱都有一隻貓，讓貓咪和客人都可以享受一個愉悅的用餐體驗。我們order兩個set dinner，有水果沙律同南瓜湯。然後我哋叫咗炸魚加薯條，仲有虎蝦蕃茄意粉.Cafe黎講份量都唔算小！而咖啡，居然有啲水準.呢度真係好適合喺度同貓貓玩，又可以同朋友喺度傾計休息.只要叫咗個套餐就可以無限時咁樣同貓貓玩！貓奴嘅朋友一定好鍾意呢間餐廳😊

如果你愛貓🐱🐱，這裡是必到之處，常到之處。🥳🥳十幾隻靚靚可愛的貓，隨時隨地歡迎你到訪。🤗🤗餐廳位處銅鑼灣有海景的大廈15樓，乾淨企理管理有方，為保證餐廳乾淨衛生，在門口就必須 清潔消毒雙手，換上鞋套才可按門鐘入內，可見餐廳主人對貓貓是照顧周到。入到餐廳，光猛闊落，乾淨舒適，貓貓設備齊全，有貓架貓箱貓樹貓餐具，當然餐台椅都適隨尊便，想訓邊度得，這里是貓的安樂窩。10幾隻貓各佔一方，下午茶時間，貓貓都懶洋洋，眼睛瞇成一條線，主人照顧得好，隻隻貓都乾淨企理肥嘟嘟，雍容華貴，全都是名種貓 。有異國短毛，英短美短，梨花貓，加菲貓，緬因貓，長毛貓短毛貓，全部都友善黏人。在這裡享用下午茶🍵，有10幾隻可愛貓貓陪伴，真是最享受時間，得閒無事來探下貓貓，最佳消遣活動，想起就開心。😀😀

收佐工同朋友去佐銅鑼灣樓上舖Catio🐱🐱cafe,進入店鋪前,首先要穿上鞋套,酒精消毒隻手,非常衛生安全😀環境不是好大但都光猛企理,好舒服。一D不覺逼夾,有足夠空間比貓活動,有不同品種嘅貓大約十幾隻,,完全不怕人,可以盡情咁摸佢哋同🐱🐱玩👍南瓜甘筍湯很好喝的,質感棉密香濃!沙律方面,係雜果沙律,沙律菜新鮮爽脆,多款生果,配上沙律醬非常開胃。🍴太帶子蒜香忌廉意粉帶子都算大粒,,煎香肉嫩,忌廉意掛滿每條意粉好入味😋🍴主子最愛炸魚薯條魚炸得剛剛好,薯條係用蕃薯條外皮酥脆, 略帶甜味,,朋友非常喜歡,如果魚粉漿唔係咁厚會更好！茄汁同埋泰式酸辣醬另上,鍾意沾咩醬都可以👍🔸桂花烏龍茶 清清地,食完野消滯一流🔸榛子Latte凍咖啡 醇滑及榛子濃郁咖啡香味！🔸甜品推介>比利時雞蛋仔,加上蜜糖漿 外脆內軟,正🤤 ❣️有這裡充滿著溫馨和愉悅的氣氛,讓人感到十分放鬆和舒適,食客們不分你我一起弄貓為樂,得食有得玩,不錯🤣PS:黃昏時間去可以望住窗外面嘅海景日落🌅👍