Catio

營業中

休息中

地方比較細，可能因爲好多桌子椅子，主力想sell埋野食。個人覺得食物質素有好大進步空間，定價較貴但份量偏少，雪糕上臺已經融融地，沙律得超級少。如果想做好D，建議要評價下D食物先。

估唔到銅鑼灣鬧區都有貓貓cafe。天氣甘熱，最適合帶小朋友去有冷氣、有得食、又有得玩的貓cafe放電。地方不算大但勝在環境休閑。熱熱地食吾到多野，就簡單D加下沙律、蛋糕類的。🥗雪雪水果沙律分量不算多，但沙律菜新鮮。🦑香酥魷魚條脆脆地號香口~食個不停。🍨Gelato意式雪糕波波天氣熱食下雪糕降溫，味道隨機，朱古力好味。🎂開心果朱古力蛋糕開心果控見到開心果產品都必叫，蛋糕好滑夠曬味。🍋蜂蜜百香果檸檬橘子茶酸酸地好解渴~D貓貓好舒服甘訓教，又肯比人摸，好乖♥

路過見到有新開嘅貓Cafe，就上嚟試試，地方乾淨企理，嘢飲正常，啲貓隻隻都好肥，有六七隻貓左右，雖然抬頭都坐滿人，但係都非常安靜，唔會十分嘈吵，係一個可以Hea嘅好地方

第一次嚟環境好舒服，貓仔好乖好得意😊🐱下次可以呢度開生日會🎉🎂啲Staff都好Nice好好人飲品選擇都幾多食物方面見過賣相都幾靚鍾意貓仔嘅朋友真係可以嚟吓叫咗一杯百香果果汁飲味道都幾清新，唔會太甜另外佢亦都有啲玻璃樽嘅飲品選擇 平時未試過整體環境都好乾淨 嚟嘅朋友要注意吾可以抱貓貓，同埋唔可以餵嘢食俾佢 職員都好勤力保持環境乾淨，所以啲貓都好乾淨小朋友都不停話啲貓貓好得意整體都推介大家可以嚟食個下午茶舒舒服服

最近我同三個朋友去咗間貓咖啡店,之前聽講呢度嘅貓咪好難親近,但去到之後嘅體驗就完全唔同!一入門就被眼前嘅貓咪畫面迷住咗,牠哋成個睇起黎都好乖巧友善,完全唔似之前聽人講嘅咁難摸。我哋四個人一入到去就忍唔住想去逗弄呢啲可愛嘅小貓咪,牠哋一個個都好主動,任由我哋輕輕撫摸牠哋嘅毛髮同尾巴。真係好療癒人心呢!除咗可以同貓貓互動之外,呢度嘅餐飲選擇都同樣出色。我哋嗌咗兩個意粉,其中一個係帶子意粉。意粉嘅質感完全唔會太soft,入口即化,配搭上帶子嘅鮮甜,真係冇得彈。另一個炸魚薯條就同樣咁出色,外層酥脆,而且裡面嘅魚肉又鮮嫩多汁。最後仲嗌咗一個漢堡,麵包香脆,襯托住好Juicy既肉餡。真係想講一句俾貓貓Cafe耽誤咗嘅餐廳。話說回來,呢間貓咖啡店同我哋之前想像中完全唔同,估唔到竟然可以咁好體驗。唔單止可以同貓貓無憂無慮咁玩樂,又唔趕人走。餐品又出色得出奇,貓奴一定非常滿意。難怪呢度一直都人氣爆燈,下次一定要再嚟!

又夠鐘去吸吓貓，今次揀間銅鑼灣附近嘅 方便放工之後去. 收費每位每小時$78，送一杯飲品, 如每位客人點一份食物，第二小時免收$78 . 平日12-2pm 及 6pm 以後：特設套餐優惠，每位客人凡惠顧午/晚市套餐即免按時收費及無限時. 因為計算太複雜，所以都係建議直接嗌個套餐就唔使計住幾時夠鐘 可以慢慢吸 吸到夠先走~ 🤤平日晚上過嚟差唔多滿座 但得一個店員照顧咁多人同貓 辛苦晒～ 食物質素不過不失，畢竟貓Cafe都係以貓為主。全部貓貓都好親人任摸唔嬲 非常溫馴。大部份都係名種貓 環境細細 反而更加容易接觸四圍走動嘅貓。適合帶小朋友 或者鍾意靜靜地觀看貓咪互動 可以選擇嚟呢度～ 🐱📍Catio (銅鑼灣)銅鑼灣謝斐道506-508號聯成商業中心1501-1502室

收費已每小時計1）午餐例子：第一小時：收費：$78一位（包一杯飲品）第二小時：收點餐費：卡邦尼意粉及餐飲份量： 1 個女仕份量價錢：$138 午餐兩小時人均$2162）叫小食例子：🥗第一小時：收費：$78一位（包一杯飲品）☕️第二小時：雞翼薯條 份量：雞翼3隻，甜薯條（M記細薯條半包）價錢： $85小食餐兩小時人均$163如果做了會員：第1小時$78減至$70，每個人計. 整體價錢偏貴！💰💰💰💰💰環境：地方500呎，地方整潔，可容納約25人.不擠迫，有窗自然光透入，舒服🤗貓量：約十隻，乾淨，無味！👍🏻👍🏻👍🏻👍🏻貓性格：有的溫馴，有的有脾氣，不可抱。貓玩具/ 餵食：現場提供貓玩具任用不設購買貓零食供貓餵食

我有個朋友好想嚟貓貓咖啡店，所以我就陪咗佢過嚟啊，呢度都幾重視貓貓嘅衛生，所以我哋要帶咗個鞋套先至入得嚟嘅入邊有唔同種類嘅貓貓，有啲都幾鍾意同人玩，有啲就喺度休息緊，咁我就梗係唔打擾佢哋啦嘢食方面呢我就叫咗兩個餐，一個係半塊嘅Pizza係芝士嘅，另一個就要咗個意粉，味道都唔錯，同埋叫咗兩杯嘢飲咖啡咁樣🌱 仲有就係沙律😆注重健康嘅我梗係食多兩啖啦嚟到呢究竟係同貓貓玩先係重點啊。😁有啲都幾痴人鍾意坐埋上我哋隔離。有一隻叫做Ella記得意😚下次都想再搵佢嚟玩呀

在繁忙的城市中，我發現了一個獨特而迷人的地方，一個以貓咪為主題的咖啡店，這個貓Cafe提供食物和飲品，還給客人帶來與可愛貓咪們共處的機會。這裡一共有14隻可愛的貓店長，在整個用餐過程中，它們會與客人們互動，帶來無窮的歡樂。不過，必須要遵守一些規則：不要抱貓咪們、不要餵貓以及不能使用閃光燈拍照以確保了貓咪們的舒適和安全。花姐三文魚蛋沙拉：花姐是這裡的其中一位貓店長，以新鮮的三文魚和豐富的沙律菜為主要成分，口感豐富，味道鮮美。小喵牛油果雞蛋沙拉則結合了牛油果的滑順和雞蛋的營養，帶來了一種獨特的口感和風味。沙律還提供了健康的元素。這麼甜蜜的時刻少不了甜品時間，窩夫雪糕波波，結合了鬆軟的窩夫、冰凍的雪糕，口感豐富多樣，在貓咪們的伴隨下是一種享受。蜂蜜白提爽及檸檬茶不僅解渴，而且帶來了一種舒緩的享受，可以與貓咪互動的同時，品味著美味的飲品是一種多麼幸福和解壓的事情。最後，還有一個貼心的服務，提供除毛器。貓咪們的毛髮無疑是他們可愛的一部分，在離開之前除去身上沾上的貓毛，確保客人們在離開時保持整潔。在這裡，除咗享受食物更加可以放鬆身心，享受與貓咪們一起的時光。無論是和朋友一起來這裡聚會，還是獨自一人

So today my parents and I went to this cat cafe as it was close to my house. When I first saw the entrance, I was impressed until I went inside the restaurant. I was greeted by a strong and unpleasant cat smell. I saw a cats eye had some sort of gunk and cats would run away from us once we got close. They would come towards us but once we tried to pet them, they would run away. Typical The pizza was awfully expensive and so were the drinks. The cats were fighting and hissing at each other. The c

位於銅鑼灣嘅樓上貓貓Café，有好多隻可愛貓貓伴你午餐🥰🥰！ 第一鐘$78，包一杯基本飲品(檸檬茶 檸檬水 朱古力嗰啲)。如果叫食物，第二個鐘就可以不收費。入去之前要除鞋/ 著鞋套，仲要消毒雙手，確保清潔，保護貓貓們。環境乾淨闊落，不會迫，又夠光猛，好舒服，適合嚟relax一下。店員會清晰講解有咪要注意，有禮貌又Nice。貓貓們散落喺不同地方，有啲會瞓覺，有啲食嘢，有啲發呆，有啲會同你玩😆😆。食物叫咗份雞肉雞蛋沙律$98，有少量新鮮雜果如蘋果和橙，沙律菜淋上香香的芝麻醬，和健康白烚黑椒雞胸&煎蛋，輕盈健康。加杯熱檸水，舒服地坐吓休息吓，又可以睇貓，同貓貓玩😀！推薦愛貓之人上嚟！

呢日係年三十，咁岩我同個中同朋友都早收工，又無飯要食，於是約埋一齊去貓cafe玩下，輕鬆下。雖然呢間係樓上cafe，但距離銅鑼灣站都係幾分鐘步行，幾方便。入到黎，店員就主動介紹呢度既貓貓，其中最惡既就係呢隻叫花姐。呢隻就最friendly，主摸唔嬲，哂埋個肚仔出黎。呢隻就好有性格咁既樣。我同朋友玩貓玩得好開心，野食都唔得閒食。白桃烏龍（無糖）（熱）$61白桃味清新自然，烏龍味不會過濃，味道平衡得幾好。忌廉蘑菇意粉$128意粉配埋沙律，感覺好健康。意粉既感覺就幾Home made咁，調味不會過重，有家既感覺。帶子蒜香忌廉意粉又係送埋沙律。帶子有微微煎香，意粉都係有Home made既感覺，健康。係度玩下貓食下野，真係有d似去左朋友屋企咁，哈

最近就幫襯左一間位於銅鑼灣嘅貓貓Cafe❤️🫰🏻我試咗佢嘅日本和牛芝心漢堡，肉質鮮嫩，每一口都飄散住肉汁嘅鮮美，而芝心嘅添加更加提升咗口感，係個絕對值得一試嘅菜式👏🏻另一道忌廉芝士煙肉波波亦都非常出色，芝士嘅濃郁同煙肉嘅香脆。窩夫零糕波波係絕佳嘅甜品選擇，窩夫香脆，搭配零糕，甜而不膩。❤️❤️總括黎講，貓貓Cafe唔單止係一個適合貓迷嘅好地方，而且食物亦都好出色。用餐環境舒適，啲服務員態度親切，係一個適合與朋友、家人一齊分享美味同歡樂時光嘅好選擇🫰🏻

呢間咖啡室貓咪為主題，有10幾隻不同品種嘅名種貓咪陪客人玩！全部都超活躍😍貓咪叫醒你全日早餐：煙三文魚好似玫瑰花咁！這種早餐不僅外觀有趣，而且全部都熱辣辣超好食！香草腸，感覺唔油膩！而且牛角包超有驚喜，牛油味非常香濃，而且熱辣辣食到表皮脆卜卜嘅聲音！日式壽喜燒汁牛肉丼：這道食物是一碗美味的日式牛肉丼飯，以壽喜燒汁為調味汁，同洋蔥超級甜！最有驚喜就係啲飯係貓咪造型！帶女仔嚟一定好開心！開心果朱古力蛋糕：這個蛋糕結合了開心果和朱古力的美味。蛋糕體鬆軟濕潤，朱古力的香濃味道與開心果的香脆口感完美結合，帶來一種豐富的層次感依家餐廳嘅員工都好有善！有教我哋點同貓咪玩

今日同朋友去咗貓咪Cafe，喺銅鑼灣旺中帶靜嘅地方，一入到去覺得好乾淨，因為佢會叫你除鞋同消毒，所以覺得室內嘅衛生好唔錯，貓毛唔會特別多，好乾淨無咩味！入到去嘅話有好多貓貓，品種都唔同，去得貓貓Cafe梗係重點同貓貓玩，店員會好好咁比工具你，叫你同猫猫互動，又會介紹邊一隻貓貓比較親人，自己最鍾意叫做蘑菇湯嘅貓，淺淺地顏色好可愛，又好乖！食物方面叫咗大貓雞肉沙律$98，因為今日想食得清淡啲，有呢啲選擇好唔錯！雞胸肉有驚喜，唔會太乾，入邊仲有好多水果粒，好似橙、蘋果等等，所以唔會話單調，沙律配上芝麻醬都幾清爽。朋友叫咗帶子蒜香忌廉意粉$148，味道好濃郁，醬汁包裹住意粉唔會好乾身，帶子都幾好食，原粒上，質地唔會太軟身，好爽彈，都有四至五粒，份量上來講一個男仔都冇問題！飲品雖然冇得跟餐叫，但係我同朋友都叫咗一杯凍嘅蜂蜜白提爽同埋一杯熱嘅flat white，咖啡都幾香！蜂蜜白提爽口感清新，味道唔會太甜，有啲似qoo, 我覺得配一啲濃味嘅意粉幾夾！呢間鋪店員同氣氛都好好，貓貓睇落都好健康，都好精靈活潑，店員唔會催促你，可以同朋友好好傾吓偈，傾完偈又可以一齊同貓貓玩，牆上面仲有介紹唔同貓貓嘅手工