Canadian Pizza (好順景大廈)

營業中

休息中

店員完成沒有基本的客服水平，電話下單後，按接線生供提的時間，到店取pizza套餐。等了過10分鐘，見眼一些直接到店點餐的顧客，一一都已取餐，我便問一下包裝職員，竟然給我不禮貌的回應，再三詢問下，原來把我單漏了，店裡的三位女職員還說出單單打打的話，氣得我死。還白白地等上半小時，在這疫情下還擺出一副不在乎的態度，只好祝老細好運。

由佢堂食已經食過幾次今次係因為咁夜晚堂食所以就買咗外賣返屋企而家外賣自取有九折🍕除咗散嗌之外佢都仲有套餐呢個係二至三人套餐嚟嘅細批+一個粉麵+兩個湯/汽水 $185一至兩個人食好抵玩- 加拿大人pizza : 都幾好食不過有三色椒😹我挑走哂，如果有菠蘿就好- 白汁三文魚意粉: 好creamy 我見而家舖頭裏面直情取消咗堂食，裏面全部做外賣佢有好多種唔同嘅Pizza，炸雞翼同埋意粉都唔錯㗎另外佢仲有茶飲，當然及唔想天仁茗茶或者ComebuyTea不過都係一個選擇👍🏻

今日落街散步，本來都無帶咩錢，經過candian pizza，打算去試下佢，就叫左一塊pizza外賣。落單時候，我朋友問左女性港人店員可唔可以用信用卡，佢話唔夠100唔得，朋友再問alipay呢？佢無回應，但我好肯定我朋友嘅聲量佢係聽到嘅，我同我朋友兩眼對望。於是，我朋友再大聲d，問多次問呢位店員，佢今次望著我朋友，之後繼續做自己野，扮聽唔到。真係唔知乜得罪佢，到最後我地都係唔知可唔可以alipay，格梗搵幾十蚊cash比錢。感覺真係好差，講真幾好食都無下次。貼錢買難受。

之前已經一直知道有大大pizza店，一直都未有機會試。今天叫咗一個黑松露雜菌，$40。店員好好，會問你需唔需要翻熱，而且只需要幾分鐘好快👍🏼第一次食感覺好好食😋好重白汁味，又有黑松露味做點綴👍🏼店員仲好細心會幫你切開一半。唔好睇小呢一塊pizza，原來食晒呢一塊，超飽😆

由細到大都好喜歡食pizza😋今日放工行行下街見到哩間出面好食料多既Canadian Pizza 又點可以唔試下呢🤩🤩🤩🤩除左平時食開既大細批之外 仲有一大塊pizza 長方形pizza 俾你揀 最啱就係想一次過試唔同口味既人喇👍🏻👍🏻👍🏻👍🏻我地今次揀左個二人餐 有一款pizza 一款主食加兩杯飲品😍哩個多重芝士蜜糖pizza可以話係無得彈 濃濃既芝士同烤過既蜜糖溶為一體 甜中帶咸 咸中帶甜 多重既味覺享受😋😋😋😋個肉醬意粉份量非常大 絕對夠三 四個人食🥰🥰🥰🥰

家姐叫我試呢間Canadian Pizza好耐，我都冇機會去試。今日，終於有機會٩(˃̶͈̀௰˂̶͈́)و 門外都有幾個人排緊隊嘅。 結果我哋好穩陣咁揀咗加拿大人Pizza，走青椒。 嗌咗個餐，個餐係跟炸雞翼，再加兩個湯或者嘢飲。 由於我見到佢係送蘑菇湯，所以我一定係揀湯，我家姐就揀咗汽水。 個Pizza好正，正在於佢有好多料，唔係孤孤寒寒，啲芝士勁多，一抽抽。一扯出嚟啲料跌到一地都係。爆多。 比Pizza Box/ Phd正好多！一定再幫襯(^з^)-☆

又係外賣嘅時間☺️今晚試咗《加拿大人 🍕 $109》餡料頗多，入口Juicy（即使外賣送嚟都無乾爭爭）～份量對於2個人真係啱啱好！亦都幾抵食！另外點咗杯《大滿貫奶茶🥤 $30》外賣一到即飲，但啲冰溶咗，味道有點淡。裡面嘅配料無廣告張相咁足料～一睇杯嘢就 #知我咩料啦！P.S. 鋪面張相吸引過實物 🙈

之前有叫開，d水準時好時差，但係差起上嚟真係差到食唔落口...個泰式辣雞pizza 伏到爆，一打開好似有人係個pizza 到打咗個乞嗤，d醬好似鼻涕咁。成個pizza 係凍既，個base 硬到好似餅乾咁，d菠蘿應該係最尾先擺上去，完全唔似有入個焗爐度...佢應該要改番個名做*泰式辣醬浸Pizza* 佢個pat 醬令我而家對泰式辣醬都有啲陰影😰叫左另外一個啖啖肉黎到就暖既，但個base 係硬同埋凍既，有d好奇究竟點樣先可以做出呢個效果？ 真係黑人問號。

態度極差已經唔係第一次，想俾個機會食多次都唔得如果有啲耐性又唔怕貼錢買爛受就去啦宜家啲後生做野真係不知所謂，唔想做就咪做，大把人等工開飯食物唔見得好食，唔會再有下次

約左fd 聚會，終於有機會試依間加拿大人叫左個4-5 人餐，加個小食拼盤食食下先醒起影相套餐包左兩個14" 批夏威夷風悄就係菠蘿火腿，但料既份量真係幾多下，而個批邊都有料個批底偏薄身～加拿大人超多料，每一啖都係料兩個批既調味都岩岩好但我地七個人一人食兩塊都有剩好多～份量十足忌廉意粉都唔hea 架，煙肉同菇都幾多下芝士肉醬意粉，一睇就知芝士幾誇張不過我地食個陣可能攤凍左d, 所以芝士變左硬身，少少美中不足但肉醬味道同份量都係正～～溝埋意粉都好食雞翼炸得夠乾身～～ 味道ok小食拼盤有四款，可能始終外賣焗住左，所以無左脆身口感整體味道正常～不過不失最後仲有叫到佢d 台飲，雖然無得較冰度同甜度，但係都係好飲！！第二日都再encore 叫佢d 野飲添

心血來潮又唔想煮飯，突然間又好想食pizza🍕，當然叫外賣啦！之前都聽聞這間店的pizza都唔錯，所以一直想試！我哋就叫咗個細批，加拿大人～餡料～香濃茄醬、煙肉、辣肉腸、雜菌、紅洋蔥、青椒、紅椒～好豐富呀！因為我哋係叫外賣速遞關係，相對個Pizza就冇咁熱辣辣，但係個Pizza仍然都係咁好味咁Juicy 👍🏻令人回味👍🏻👍🏻

之前Swing Wing同我講，喺雞地開咗間新嘅Pizza店，佢試過芝士四重奏Pizza幾好味，就推薦我，今日過嚟買件返屋企試一試先芝士四重奏Pizza一大片$ 40細 批$100普通批$135大 批$170材料：香濃茄醬、菲達芝士、車打芝士、巴馬臣芝士、水牛芝士、蜜糖今次買咗一片$40，比完錢之後，店員會即時攞去廚房加熱，跟住喺門口度等叫號碼，我返屋企都凍哂啦，所以就同佢講不用加熱，跟住店員再問我需唔需要切開，張收據最後就係打著「要切不加熱」件Pizza唔錯，食到茄醬的酸酸，有個位置仲可以有少少拉絲

因為係芝士控，所以第一次幫襯叫咗四重芝士奏，結果失望……茄汁底太甜，完全遮蓋芝士味，而且四重芝士奏竟然無拉絲效果，可能因為個批攞到返屋企已經唔熱，極失望 今日決定試多次，叫咗無茄汁底嘅黑松露雜菌批，唔當時翻幫，返到屋企用150度低溫烤20分鐘……終於做到勁拉絲效果，好滿足而且個批充滿黑松露香氣，真的美味一大塊只需＄40，抵食又好食

今日開party，就叫左以下呢d pizza外賣~講真啦Pizza hut真係食到厭有機會梗係試吓其他嘢啦今次就有以下食物啊（因為叫咗都唔知叫咩名啲嘢食，不過來來去去都係嗰幾味㗎啦！ ）❤️最重要！最重要！就係個餅底！唔似pizza hut咁厚硬！凍左少少都好ok!💜第2重要係！D餸下面係滿滿既蕃茄醬🍕😻好足料囉！成日叫黎叫去都果幾間有機會幫襯下其他小店啦！

朋友介紹這間位於元朗的Pizza 店,我點了一個加拿大人大批外賣，都有14”的。餡料十足，蕃茄醬不太濃，雖然外賣，回到家食都很好味。他們亦有一件件買的，有三角形或正方形選擇。如果人多可以選擇套餐。最近很難找到好吃的Pizza店，這間絕對可以再吃。