Caffe Kenon (已搬遷) 新店位置

每次到銅鑼湾做運動，時間許可的話總愛到這間位於街角的小型Caffe吃個早餐，雖然位置不太就腳，但就是因為人流不多，永不會嘈吵，可以悠閒的享受吃。早餐的選擇雖不多，但卻能表現出餐廳對食客的誠意，多士每次都烘得金黄香脆，從沒令我失望，配上温熱適中的炒蛋，就成為我每次路經吃早餐的不二之選。

因為有朋友推薦呢度的焗豬，今日係附近，所以就過左來試試。午餐叫左一個焗豬扒飯，一個煙三文魚蕃茄汁意粉（類似名字），分別都係＄78，可以揀咖啡／茶／橙汁／忌廉南瓜湯。我順返上菜次序講。 忌廉南瓜湯：完全係粉溝水開出來的味道，仲要d水唔夠熱，個湯只是微暖。好差，飲完之後好驚之後個d野全部都係伏。 橙汁：咁梗係知唔會係鮮橙汁啦，但係又係衰到好似飲緊康鈣c。 煙三文魚蕃茄汁意粉：其實意粉個味道正常既，要讚一讚意粉岩岩好唔會過淋。但係我無諗過會係d全熟既三文魚碎。成碟野，係靠個幾條芽苗菜令佢正常少少，fresh返少少。 焗豬扒飯：佢claim係招牌架，個賣相都ok，熱辣辣咁上菜。d芝士夠多，飯係炸底（好彩），但就偏爛，其實mix埋佢d茄蓉一齊食都唔錯。豬扒係厚切的！但係真係好乾身，同埋寧願豬扒唔洗咁厚，可以多返少少飯，因為豬扒同飯個比例唔太balance，男士未必夠食。 總括來講，我唔會話呢餐好難食既，但cp值偏低，雖然而家出面好多cafe都係100蚊煮碟垃圾pasta出來，佢未至於要＄100。但個焗豬唔岩口味。所以都唔會再返來。 但我未試過啲咖啡，可能好唔錯，如果係想靜靜地飲杯咖啡，食少少野，

平時經常行過見到這家咖啡店，有日平日想食西式早餐，又唔想食太貴，便走入去試試。上面係輕盈早餐 ($38)，有新鮮沙拉，2塊烘烤好的多士，一隻雞蛋任你選擇怎樣煮，早餐再包飲品一杯，叫了美式熱咖啡。這裡的咖啡略微偏苦，雖然我是覺得還好，但未必人人喜歡。下面是豐盛一點的選擇，有沙拉、蕃茄、腸仔、烘多士。($44)另外，見有人叫了炸魚柳早餐，目測好似略嫌太油膩，但味道就見仁見智了。以銅鑼灣地段食茶記以外的早餐來說，性價比算是高了。👍🏻

以 $75 連加一可以坐得舒舒服服,雖然食物稱不上出色, 但吃下午茶就一切從簡, 亦無須要雞蛋裡挑骨頭。西班牙辣肉腸, 雜菌芝士焗鬆餅件沙律是即叫即焗的, 材料並不豐富, 但非常香口, 誠意搭夠, 唔係太餓既話份量就剛剛好。Cappuccino奶泡稱不上奶滑, 但咖啡甘香帶微甜, 反而唔錯。

一早去到銅鑼灣等朋友，未到就搵間咖啡館坐下，呢間咖啡館未試過，成日搭車經過，今次來到試下，去到只有一枱客，入內坐低，淺木加白色簡約光猛舒服，因為之後仲要食飯，所以揀個最簡單嘅早餐，店員好快上菜！脆多士（果醬/花生醬）配雙蛋（$34）餐牌話兩款醬，店員無問就比果醬，蛋可以炒蛋/太陽蛋/反蛋，又無問直接比炒蛋，我完全唔使煩 ，炒蛋剛剛熟，唔老（自己唔鍾意連蛋液都未熟嘅「滑」蛋 ）多士脆，士多啤梨果醬現貨，味道正常！Mocha:夠熱，瓦杯存熱好，飲到尾都熱，朱古力味唔強，咖啡香濃，飲到微甘！好醒神！食晒朋友未到，繼續坐都唔會催！自己攞杯水繼續悠閒坐！如果店員問多句就加晒分！

做完facial後揾過地方tea下。行下行下見到有間門面簡約的"Caffe Kenon ".一入內, 沒有新興caffe的型格裝潢, 反而回歸cafe的原始的平靜美。下午茶有數款選擇, 款式一般不太驚喜。磨菇芝士多士$48 配橙汁長長的多士熱烘烘, 面上芝士烘到金黄而且少少焦燶, 賣相吸引。切開後, 芝士沒有完溶化亦無拉絲的效果, 磨菇多而且沒有烘得太乾。這件多士做法簡單, 材料簡單, 味道同樣簡單。旁邊的橙汁是果汁先生的味道。這份下午茶餐沒有驚喜的味道, 簡單平凡。

今日和老公想搵間CAFE 下午茶~想起呢間未黎過既CAFE便去試下。2點多人唔太多，都唔使等位。本想食TEA~點知要3點先開始，唯有改食LUNCH啦。LUNCH $$由50~80幾元都有。我點了意大利飯，老公點了意粉，各$70，有餐飲跟，各點了咖啡。咖啡是即磨的~不錯。但食物來到時......那份量少得可憐。細食女生還可以~但男生我相信係絕對唔夠食。$70....卻沒有滿足感。極失望...而今日30幾度~店內因冷氣不足，熱如火爐。店員開了冷風機卻只吹著自己~咁既SERVICE都仲要收我加一服務費!!!!!!!我和老公卻大汗搭細汗。如果是跟朋友吹水飲杯COFFEE還有下次，吃東西就唔會再黎了。

一直都好想快d介紹以下呢間餐廳給大家，食意大利菜不一定要貴先好食前排謝謝朋友介紹了一間位於銅鑼灣超抵食既意大利餐廳給我，朋友還笑說這是他們的飯堂這間餐廳就是叫做 Caffe Kenon餐廳裝修很簡潔，有點和風，很光亮舒適的餐廳我們試了兩款Risotto ，分別是海鮮意大利飯和鮮雜菌意大利飯配松露油在意大利飯來說，份量真的不少，海鮮意大利飯有蝦，魷魚圈等，意大利飯軟硬很適中，最喜愛就是很creamy既意大利飯汁，最緊要就是很夠熱，味道對比其他意大利餐廳絕對能夠匹敵意大利飯已經看得出廚師別出心裁，很用心去製作另外叫了個辣魷魚蕃茄汁意大利麵這個也是阿柴很愛和一試難忘放上台時已經有香噴噴的味道，意大利麵硬度適中，沒有過淋，同時蕃茄汁很濃厚，加上辣魷魚，簡直是讚哦！！辣味不會太強，所以少辣朋友都可以一試最後還點了個Pizza，Pizza 就不過不失，值得讚是真的是新鮮出爐，很夠熱餐廳環境舒適，價錢超實惠，食物質素高！！朋友果然沒介紹錯呢！每道菜配上餐飲大概都只是70多元，很超值吧！！值得值得推介！！！讚！！店鋪：銅鑼灣堅拿道東29號地下A舖

由time square行過去不到5分鐘位置方便，但不會人來人往，所以星期五晚上也不用等位點了海鮮risotto set, 跟early grey teaRisotto 看似細細碟，其實份量不少，有蝦，青囗，魷魚圈，少少魚。risotto汁好creamy亦唔漏，而且夠熱，最怕cafe ge食物只暖不熱Bf order 焗豬扒飯跟cappuccino, cappuccino 賣相精緻，bf話好好飲。焗朱飯等得較耐，慢工出細貨，鋪滿滿芝士，朱扒不太干不溥，茄汁略酸，但overall 是良好的見到鄰枱甜品不錯，不過夏天來了還是忍忍口吧，最後二人埋單不用$200，抵食抵食

今日又黎呢度食野，因為近我公司，同事想去個清靜D嘅地方食lunch又唔使等位我叫左個意粉加咖啡，同事要左咖哩豬扒飯加橙汁我個意粉幾好食~D汁唔多唔少又唔會好杰身，D煙肉同香菇份量比較少，好在D汁好食，撈暈黎食幾清，缺點係好油下咖啡好香濃~今次整得甜左D，拉花好靚同事話個豬扒飯幾好食，塊豬扒好厚身又大塊，好抵食橙汁佢無comment，應該係普通XX先生之類

聖誕節行完街街食返個tea先竟然有tea set，就叫左兩個set忌廉窩夫+Dreyers開心果雪糕配榛子鮮奶咖啡~個窩夫普通啦，夾埋D忌廉同朱古力&士多啤梨醬又出奇地好食喎開心果雪糕第一次食，個雪糕好滑，有好多細細粒嘅開心果肉~好食!榛子鮮奶咖啡好飲~咖啡味香濃又唔會太甜，個味調教得岩岩好唔駛再加糖New York Cheese Cake配呍呢嗱鮮奶咖啡~件蛋糕好實好香芝士味，唔錯呍呢嗱鮮奶咖啡~其實我飲唔到呍呢嗱味，不過佢呢度嘅咖啡確實好飲就算無呍呢嗱味~咖啡又係香濃得黎唔太甜，無需再加糖

看了杯子印有1892 Caffe Kenon，剛稍為做了些資料搜集，原來是兩位鍾愛傳統意式咖啡迷特地將意大利南部城市拿坡里（Napoli）百年咖啡品牌 Kenon 引入香港，並開設品牌首家咖啡店Caffe Kenonanyway 早前分店至少有5間，如今就只剩2間，香港租貴? 食肆競爭太大? 抑或食物品質不夠好? 今天就等我說說我的感受吧! 11點50分，正在早餐時間剛結束（這裡是12點轉為午餐餐牌的）午餐剛開始供應的時間，當時店裡只有2枱客，1枱剛坐低，還未下定主意，另一枱就快吃完了，也不算擠得滿滿的，連同我們和另一對母女才4枱客，已經足夠考起樓面唯一的美女店員啦單是這3枱要點餐的食客，都怪我唔好，落單又麻煩，先落全日供應的deluxe all day breakfast，仲要麻煩到話飲品後上，之後女美女店員就畀另一枱一家四口的食客叫過去了menu太多選擇（這應該是好事吧），卻令我們一眾食客都心大心細...之後美女店員又畀我捉住，落多個飯set lunch，苦了美女店員走來走去，又要應付我們不斷的提問「還可以點早餐嗎」、明知店員已落單，都仲要問「你落單未? 可以轉all day br

I have been working in causeway bay for awhile,gotta search out more coffee shops for meals around!Since I really like enjoying my time in a coffee shop, pretty relaxing!Seeing this little cafe at the end of the street, just walk-in for a try.Coffee here is surprisingly nice, we're wondering what kind of coffee beans they are using,the coffee base is strong but smooth, and smell super nice and rich!Love them!Here's my Mokaccino, but I hope to have better latte art lollllComes to our mains, we wa

已經食第二次味道依舊一樣甘正！今次個咖啡仲要熊仔拉花好有心意💕首先個芝士蘑菇多士其實好似叫三文治外脆內軟 而且夠熱所以芝士依然甘軟林林食落去又香又濃郁 爽歪歪😚之後，當然係必叫嘅忌廉三文魚闊面佢個汁係起級夠濃而且好cramy帶甜味又juicy💕闊面軟硬剛好👍份量大 兩個人食都得因為個汁真係好奶 食到好飽😂一定要食！

星期日炎炎既下午，點左一個下午茶set, 包括一個六吋菠蘿、三文魚、車厘茄，飲品可以叫 drink list 上大部份冷熱咖啡，朱古力飲料除外。Pizza黎得好快，夠熱，好味道。咖啡我點左Iced Caramel Latte, 等左好耐，大概有八至十分鐘，結果黎左杯熱cappuccino......隔左陣黎左杯iced vanilla latte......算了，唔想再攪，不過杯凍飲無冰架...好似冰鎮咁，係好有heart , 但夏天，真係唔夠凍，仲特登分開一杯奶+雲呢拿，及一杯small shoot expresso 比我，可惜，佢好似無落糖...要另叫糖水....杯嘢無咖啡，又無雲呢拿味，好失望。一間cafe 既靈魂係咖啡，過程好仔細，但飲品味道一般。但座位充足，搵個地方休息下係一個選擇。