Café Bohème

營業中

休息中

雖然唔係第一次去，但係今次個waiter面黑程度更衰，坐低咗水都冇杯又唔行埋嚟，叫佢埋嚟攞Menu，佢就淨係話得餐紙嗰張就係，跟住就走咗去。其實附近好多餐廳已經執左，呢家係咪要檢討吓？這次Order左個pizza, 餅底厚薄適中，很美味。本來想好好細味享受，但係個嗰waiter個樣真係太黑，淨係對可能係熟客的人說笑，對其他人都係一概黑面，實在影響心情，趕快食了少少就打包拎走了。食物品質係可以的，一個不當的侍應浪費了廚師的心机，可惜！

今日同兩位小朋友放咗學之後過嚟海邊踩單車🚴踩到攰嘅時候小朋友話想食薄餅，經過海邊有好幾間西餐廳，見到呢一間大大隻字咁寫住pizza & pasta，咁就即管試試啦。入到嚟餐廳職員已經勁好禮貌，話俾我哋聽有兒童餐供應，又幫我哋收起晒啲大人嘅刀刀叉叉（怕危險整到小朋友）。又解釋俾我哋聽兒童餐分別牛肉意粉用咩汁？豬肉意粉用咩汁？薄餅會切開幾多份？服務態度簡直攞滿分🥳食物嚟到了！我哋叫咗兩份兒童餐嘅意粉，冇諗過個份量會咁多，其實一個兒童餐意粉兩個小朋友食都好夠食👍🏻👍🏻而且味道都非常惹味，小朋友光速清晒😋然後薄餅🍕就係薄批款，上面鋪滿我最喜愛嘅火箭菜💚我哋差唔多6:15pm入座坐低望住將藍橋，睇住日落🌄好好feel 大家嚟海邊，不妨試吓呢間，我旁邊幾張枱好多人都喺度飲緊酒，好chill😎

我係訂咗週末時間12:30食 ，去到的時候客人不多，所以環境十分之令人放鬆，當日外國食客比較多，餐廳放的音樂都幾好聽，我推住架BB車入去同老婆三人世界都好relax，侍應方面服務幾好，一開頭我叫咗杯Hoegaarden 但發覺入邊浸味好酸好怪，個負責人即刻同我免費換過杯Stella 👍🏻，之後我同叫咗個海鮮pizza同埋個 Octopus沙律，可以安靜咁邊同老婆傾吓偈，邊睇吓BB同食pizza。食完之後仲可以推住架BB車同行吓海濱長廊當飯後運動

是日放假。訓醒睇完戲有啲心煩就行左出海傍散心，比較左幾間被萬聖節擺設吸引左就去左依間cafe boheme。去到知道做緊hh 58蚊又無特別想飲咩就叫左杯Draught Stella飲住啤酒聽下歌都幾開心跟住就口痕叫左個小食開心下，叫左個Vitello tonnato。個包烘得好脆好香口，用左橄欖油再沾埋火箭菜沙律個醋，好喜歡依個配搭！個火箭菜沙律配上黑醋，簡單健康又好岩我口味個烤牛肉配tuna雖然唔係我想像個種吞拿魚薄片，但都好岩配麵包食食到停唔到口呀不知不覺就坐到天黑

依兩日天氣super正。唔太熱，有風，又有陽光，乾爽，唔落街玩就真係对唔住自己😜,一於出外踏單車，去依度飲番杯啤酒，食番個pizza.唔知係天氣好心情好，還是D Waiter 真係nice，成個lunch嘅氣氛都唔錯，目測七成滿。我哋order咗兩個set,pizza保持水準。Pasta就OK,沙律新鮮，餐湯就稍稠，好似飲茄计。不過，nice view with good food,滿足了。

全程黑面staff極唔鍾意人哋叫水飲,requested for a glass of water, waiter 無回應兼眼啤啤，要叫第二次先我唔願意咁攞咗杯水過嚟，雖然環境舒服，但唔會再去

I never wrote such comments and it is the first time because Cafe Bohem is our 1st always for our family and close friends.  we had lunch on Saturday with a group of 8 friends and also a week ago, it is not the same food that we used to have and we went there from Wanchai and we were disappointed with the food, and for the service, we need to ask twice for our drink, waiter etc. its seems floor staff do not care at all and they are busy with their phones/chatting, and will never come back to suc

這間餐廳主打意大利菜，有Pizza、意粉、沙律等不同選擇。餐廳以藍白色為主題，配上民間藝術風格塗鴉畫，十分有異國風情；另外更有大概十張戶外座位，可以飽覽海景🌊。 閒日黎，戶外座位幾乎滿坐，好幸運坐到戶外，享受餐廳無敵海景，還可以睇日落。 🌅Set lunch $98 包沙律/餐湯、意大利粉，加$10有咖啡。☕️☕️Happy hour 2pm 開始，下次可以試吓！ 一邊望住海，一邊超住飲Cocktail！🍹🍸🍻

星期日中午間野都無乜人食，一行六大人兩b入去，叫完野食都無人湛水，叫佢湛先問tape water/sparkling water 。明明成班人無野做。全程班waiter黑口黑面，問佢拎支pepper 又勁黑面。好似食茶記咁，食完一碟即刻有人收碟，態度想趕客咁，野又唔係好食，係極之普通。埋單之後一企係身，即刻有人係後面收櫈，超無禮貌，尤其係眼睛光頭佬同一個中東藉中年男。絕對不recommend，好心咁既態度就唔好開餐廳做飲食業。

- [ ] Cafe Boheme星期三嘅下晝將軍澳嘅居民好似都返晒工咁。成個海濱長廊都係得10個8個人。呢間餐廳已經第二次嚟。上一次疫情嚟嘅時候全場爆滿唔book位都冇枱。今日1:30鐘，用OpenRice嘅System book咗位，唔使等即刻有得入。仲可以揀位坐。由於天氣好好，揀咗高枱可以望住海濱。環境比足一百分佢。Reception嘅waitress 笑容好好，唔單止好親切，仲好細心。一坐低介紹完餐牌仲攞咗兩杯水俾我哋。lunch set from $98我哋揀咗一個Pizza一個pasta 。一個沙律同埋一個周打蜆湯。沙律係come with 魷魚，沙律菜好fresh。雖然魷魚食得出係Frozen嗰隻，不過份量唔少，set lunch嚟講好滿意。周太蜆湯賣相好，不過就太Creamy好似飲緊cream咁。Pizza叫做Pepperoni。好薄好脆，份量都好足。我哋坐喺窗邊有太陽曬住，食到最後都仲好熱。Pasta叫咗 Cabanara，佢哋意粉用咗扁闊意粉，食得出唔係白烚撈個汁出嚟。炒過嘅意粉味道特別好食，做得出色。最值得讚係，set lunch加$10可以要咖啡。而呢杯咖啡無論

今日個店員要求我只狗狗唔好坐張凳度，OK，我理解甘樣做係為咗張凳要clean，但係當時有其他狗狗都坐係凳上，為何只要求我地要咁做?事後打電話要求店員解釋清楚又含糊其辭，我未講完件事即刻就收咗我線，之後那個要求我地嘅唔好坐凳嘅店員通過What's APP搵我，但係我從來都冇給過我What's APP號碼給佢，電話complain打嘅係間鋪頭嘅電話，店員通過哩種行為收集客戶個人資料是否屬於違法行為???非常不建議黎尼度幫襯，非常可怕且失望的一次用餐體驗

Café Bohème，位於將軍澳唐賢街29號藍塘傲地下8號舖。 藍塘傲呢邊嘅餐廳好多都唔錯， 優勝在於環境舒適， 感覺特別chill。 晚餐🍽️ ～ 煎釀薯仔丸子配芝士、 火腿及鼠尾草$98、 燒烤醬烤鴨薄餅$188、 卡邦尼意粉 $148、 牛面頰意粉$168、Ribeye $348 、白酒$398、 Mojito $50。 ◽煎釀薯仔丸子配芝士、火腿及鼠尾草 ～ 丸子裏面是薯仔蓉， 芝士味唔算出。◽燒烤醬烤鴨薄餅 ～ 餅底烤得好香， 燒烤醬和烤鴨兩者味道好夾， 入口甜甜的，美妙的組合。 ◽卡邦尼意粉 ～ 賣相精美，面層有半熟蛋， 撈入意粉裏，口感creamy。 ◽牛面頰意粉 ～ 味道跟平時的肉醬意粉差不多。 ◽Ribeye ～ 肉質軟腍， 唔使點其他醬料已經好入味， 粗身薯條香脆可口。 整體味道不錯， 店員服務親切有禮。🏷️溫馨提示～ 整個用餐體驗均屬個人分享意見， 只作參考😊。

🍕🍻位於將軍澳海旁既Cafe Boheme，半開放式餐廳，我哋揀咗窗邊位，望住呢個景，感覺去左外國似的✨Reine Pizza嚟到當然要試試出名的pizza ，款式都好多，這款，火腿和蘑菇融合出一種鹹香，與融化的起司和酥脆的餅底，大大片好滋味！推介🌮Nachos ，口感爽脆，配料的味道絢爛多彩。每一口都能嚐到新鮮的蔬菜，，再加上豐富的起司，牛油果醬，食唔停口🍹Passion Fruit Spritz 的口感清新。酸甜平衡得恰到好處，熱情果的酸味提振精神，。邊談天邊品嚐坐在海邊，感受海風，心情好好，放假或收工來chill吓都好合適🌃

極之不建議攜同寵物到該餐廳用餐：1.明白及體諒寵物不能進店內進餐，須在門外用餐。惟門外並沒有任何通風的設備（如風扇或戶外冷氣機等）且有很多蒼蠅及蚊滋，故一家三口，邊進餐邊餵蚊，還要汗流浹背！！2.店員不太喜歡攜同寵物幫襯（ 雖然訂枱時已註明攜同寵物進餐），入座後，店員第一時間問有沒有帶寵物座墊，因沒有攜帶寵物坐墊 ,在店員不太滿的情況下，搬另一張椅子細我家的寵物（法斗犬）。但一見到我家的寵物因天氣太熱，流晒口水，即刻叫我小心唔好比佢個頭接觸枱面。明白基於衛生問題，已即時將狗狗放在地下。但太多蒼蠅及蚊滋，所以邊進餐邊拍打。現在全家人的手腳滿被蚊叮！不會再幫襯！！3.基本上，如果能進店內進餐，環境是可以的。若攜同寵物進餐的話，切勿嘗試。因在該環境，沒有冷氣亦沒有任何通風設備，我家的狗狗差點中暑，不斷飲水，幸好帶備的水足夠，否則，要立即搵獸醫急救。4.老實說，食物味道與一般意大利餐廳一樣，不太突出，價錢亦不化算。

To start, we ordered a plate of bruschetta, which was topped with fresh tomatoes, basil, and garlic. The bread was crispy on the outside and soft on the inside, and the toppings were bursting with flavor.For our main courses, we opted for classic Italian dishes. I had the spaghetti carbonara, which was rich and creamy with just the right amount of smoky bacon flavor. My dining companion had the chicken Parmesan, which was breaded and fried to perfection and smothered in a delicious tomato sauce.