Cafe 360 (已結業)

嘻嘻～～酸酸哋又開胃嘅《蕃茄湯螺絲通粉》+ 熱辣辣《窩夫》+ 趣卜卜《炸雞翼》，佢仲配埋個沙律醬俾你🤤🤤分量對於女仔嚟講真係啱啱好，唔怕做大晒鬼～～食唔曬啲嘢❤️

屯門市中心價錢合理而且好食嘅我認為 cafe 360係不二之選!飲品選擇多，味道不錯我更喜歡的是有得飲酥皮湯！西餐意粉和飯都非常好食！窩夫甜品都值得推介！食物大份！好抵食兩個女仔根本食唔晒二個套餐！

屯門市中心搵個地方嘆下午茶☕️搵搵下去到Cafe360環境舒服😌有梳化位～座位有一些自成一角。芥末蜜糖脆雞拼盤配窩夫除了炸雞還配有沙律和薯條🍟，炸雞香脆可口，炸漿厚得來脆脆的，比雞肉更加入味。薯條也不是一般的，吃起來也很新鮮啊。窩夫也是不錯的配撘。吃起來，也很飽肚。cafe360 全日早餐🥣超大塊炸魚、香腸、火腿、炒蛋、蘑菇、沙律及牛角麵包，非常豐富。略嫌有點油膩感。沙律可以多一點較好。配上一杯咖啡☕️

之前成日嚟呢間食，但後來少咗去屯門所以無點食。排隊仍然係要排起碼15分鐘先到你，咁可能又同星期六有關嘅。 坐低，餐牌好少嘢可以楝，以前嚟食好多選擇，點解依家變成咁㗎?!??!?!叫咗個雜扒蛋鐵鍋飯同埋芒果窩夫，一杯熱情果鮮果梳打、一杯香桃鮮果梳打。其實我主要係想食個窩夫，所以我哋兩個人，只係叫咗一個主菜同埋一個窩夫，然後一人一杯嘢飲就夠了。 鐵鍋飯楝咗蕃茄汁，好鮮甜喎，不過份量真係只限一人，share食有d勉強，不過如果兩個都係女仔又唔算好大食其實都ok。窩夫對我嚟講叫大份，因為得兩個人食，真係如果主菜食到好飽的話，一定食唔晒個窩夫(不過好多人話甜品係第二個胃，但我唔係)，不過味道係ok嘅，不過不失啦。至於飲品，原本我怕熱情果會酸，所以叫咗香桃，點知結果係熱情果好味過香桃囉......香桃一d都唔甜......真係呆咗。 總括嚟講，真係為咗食個窩夫我先會去呢間，同埋如果閒日可能真係會無咁多人。

Cafe 360網址: https://s.openrice.com/QrbS0e7y3W0屯市的Cafe 360在商場的角落位置，較「偏遠」，裝潢設計時尚，店面也頗大，座位之間也不會太迫。而且更有「自修」位置設計，很適合悠閒地靜靜坐一個下午，奈何吃飽便要繼續工作，只能做夢，又或留待下次。點了芥末蜜糖雞粒、蕃茄湯螺絲粉+窩夫套餐，在午餐中也能淺嚐「甜品」，感覺真的如上了天堂！蕃茄湯味道不過不失，螺絲粉偏硬。芥末蜜糖醬味道很好👍🏻雞粒也炸得香脆，而且不會「炸粉多過雞」，配搭蜜糖醬則令味道更豐富。窩夫味道不錯，也鬆軟香脆，值得推介。吃飽飲一杯咖啡，稍稍休息一下，幻想自己的靈魂繼續留在cafe，逍遙地渡過一個下午.....但現實是我要去賣單繼續工作。

今次再次光臨此店選了其他午餐試試🤣卡邦尼意粉配酥皮忌廉湯 $62濃郁的忌廉醬沾滿每條意粉🍝 飽滯感十足😌 酥皮烘得香脆 與熱辣辣的忌廉湯一併享用 越食越上癮🤤跟餐選配了蜂蜜柚子茶☕️ 清新滋潤😇預先訂位會送芒果窩夫配雪糕球😍熱烘烘的窩夫配上雪糕🍦再淋上酸酸甜甜的芒果醬汁為整道甜品增添了口感🤣

比利時窩夫芥末蜜糖炸雞配香濃蕃茄湯貝殼粉 $68飲品選擇了紅豆冰🍧熱辣辣窩夫香脆可口 但不會過硬😆炸雞點配蜜糖芥末更覺滋味😍番茄湯選了新鮮蕃茄調製不是只有味精製成的番茄湯🍅.

平日行經屯門市中心都會見好多人排隊，所以今日都同男朋友黎一嘗，排隊既人都好多，可能適逢今日星期日加上晚餐時間，排隊入座都等左20-25分鐘menu上都有唔同種類既野食，總有一樣岩食但男朋友見到有個二人餐，野食比較豐富而且價錢唔貴，所以建議就食呢個👇🏽👇🏽我地揀左春雞同卡邦拿意大利粉唔洗等好耐，首先忌廉湯就黎到唔講真係以為自己隔左好耐先飲個碗湯個湯不但凍，仲要偏咸唯有期待下個主菜同意粉主菜一上，春雞雖然唔大但望落都okay，都算幾吸引，但一食個雞太乾身，慢煮系列我之前都食過唔同餐廳，都冇一間做到咁乾，可能佢都知自己做到比較乾所以配左醬汁比我地食，但醬汁偏酸，對於我黎講都接受到雖然個春雞真係麻麻，但薯菜，沙津同個包都幾好食。值得一提係個包，雖然餐牌上明明係寫竹炭包，但可能賣完既關係，所以變左牛角包。個包做得好酥，而且仲要暖暖地，味道好好👍🏽👍🏽意粉就正正常常，作為大眾認識既卡邦拿意粉，味道冇乜特別，但唔知點解又係凍凍地，估計都係煮定一鍋再上菜🤦🏼‍♀️平時野飲都好快上，但呢餐最後先上野飲，因為我係個怕試新野飲既人，所以我就揀返凍奶茶而男朋友就因為比圖片吸引，揀左菠蘿鮮果茶，圖片望落好靚，但實

星期六12:45午餐高峰時間入座，只等左兩張枱，ok 啦。但作為屯門人，此乃食堂之一；因為食物有質素，快靚正，又有自助區（自己決定凍水，熱水，有趣小孩餐具等。）入正題，不大闊落的餐廳，仍可以有尚算舒服的四人座位。侍應生不太熱情，但態度適中，而且沒有出錯，我喜歡。婆婆和小孩分別點了兩個四號餐酥皮湯配卡幫尼意粉，分別也配餐飲凍零茶和英式草本茶；而自己則叫wasabi 炸雞配茄汁蜆殼粉、窩夫二件及熱奶茶！埋單去門口cashier, 每次埋單都忍不住看多兩眼那些七彩繽紛的Macaron.

星期日約左朋友去屯門行街，本身我一直都想試下食茶木，但條隊排到好長，所以最後轉左去食 cafe360餐牌好吸引，好多款都想試好彩唔多人排隊，我地好快就有位坐開放式環境，空間唔算闊落，但都唔會感覺好迫，坐位都舒適- 溫泉蛋照燒汁豚肉熱石鍋飯-- 焗法式皇冠酥皮野菌磨菇忌廉湯 + 肉醬意大利粉--芝士野菌和風雞肉滑蛋Pan Pan飯-上菜時啲柴魚乾好吸睛，份量多，鐘意佢蛋包飯嘅造型，而且啲飯有茄汁味架! 但可惜蛋熟左小小，唔似滑蛋，同埋芝士味蓋過左野菌，唔係好食得出有野菌嘅味道，其餘兩款就冇試過，所以不能評價喇。-熱情迷可可-朋友點的，賣相好吸引，睇落好高糖份，朋友話食完面嘅朱古力同棉花糖後，可能太甜關係，所以底層嘅朱古力就飲唔出味-凍紫薯牛奶-本來以為係細細嘅棉花糖仔，點知原來係咁大舊，唔會太甜，少少流質同“潔“身，感覺上好足料，飲落好似有啲渣可以食咁題外話：食食下突然有個侍應走過黎一邊執我地啲野去隔離枱，一邊話佢要合張六人枱比其他客人，雖然好突然，但都有唔該我地嘅

經朋友介紹，我與朋友一行二人到了屯門市廣場的Cafe 360嘆下午茶。由於是星期一下午時份，我們不用等候就可就坐。餐廳環境舒適清靜，可能是餐廳位於商場較偏僻位置的原故，因此非常適合與知己好友聊天聚會。食物方面，我們點了芝士焗火腿法國牛角酥+香濃蕃茄湯貝殼粉及焗法式皇冠酥皮野菌蘑菇忌廉湯+卡邦拿意粉。個人認為，牛角酥材料足，夠香脆；蕃茄湯貝殼粉湯底極濃郁，酥皮湯上層酥皮與下層忌廉湯味道極之配合；唯卡邦拿意粉醬汁味道較清淡。整體而言，屯門市廣場的Cafe 360無論是環境還是食物質素都屬於較高水平。

因為見到呢間開咗好耐都未食過, 見到佢價錢大概80至100蚊倒，裝修個樣又睇得下， 都抱住有少少畀大家樂好嘅期望入嚟食叫咗個芝士豬扒鍋飯， 佢個賣相擺得都算幾好睇。 可惜金玉其外敗絮其中， 首先講嗰個飯係既暖且硬， 好似煮咗好耐放咗喺度好耐咁。 豬扒就稍為正常啲另外加8蚊加咗蘇皮湯， 質數可以講話好差， 酥皮湯個酥皮好薄， 又唔酥。 我咁講大家樂個酥皮湯好過佢。 同意粉屋個酥皮 簡直冇得比！佢個湯開得好稀，簡直水一樣。呢個湯我最盡只係畀到三分整體嚟講呢間嘢我應該唔會再幫襯。佢個裝修格局同佢嘅食物一啲都唔成正比

👫👱🏻‍♀️好鍾意周圍試食唔同餐廳嘅全日早餐，今次嚟到呢間食下午茶，見到餐牌有就即刻嗌左嚟食，閒日餐廳無咩人，自己靜靜地一路食一路睇書都唔錯📖，係個放鬆嘅好地方🙆🏻‍♀️#英倫全日早餐 <$85>All Day Breakfast 法式牛角酥、珍寶英式炸魚柳、牛乳炒滑蛋、香草豬肉腸、蜜糖火腿、炒野菌、薯菜French Croissant, Deep-fried Jumbo Fish Filled, Milk Scrambled Egg, Chipolata, Honey Ham, Wild Mushroom, Hash Brown, Salad賣相好靚❤️ 上檯見到出緊煙，證明啲嘢食夠曬熱😚 沙律好酸，唔知係落左咩醬料😂 但蔬果都幾新鮮，食落會索索聲🤓 炒蛋好嫩滑，但食唔到牛乳味，都幾夠味，唔會唔夠鹹，仲有啲蛋汁tim😋 牛角包出面焗到好酥脆，咬落好鬆軟，👱🏻‍♀️最鍾意食呢個！ 豬肉腸無咩特別，可能影相影耐左，食個陣已經凍曬啦，所以味道一般般🧐 煙肉有兩大舊，好香，但同樣因爲凍曬所以覺得麻麻～菇粒比較碎，有啲難夾，都幾重菇味🤔 炸物方面，薯餅炸得好脆，好薄身，但食到有啲濃味，

自從幾個月前幫襯這間cafe 360，已很久再沒有來屯門，因為自從YOHO TWON開了很多新店後，元朗已變成我的相聚腳地。從樓梯登上餐廳，等了一陣才有侍應過來打招呼（後來才知道這個通道是後門）進入餐廳，環境都算唔錯，看見心愛的窗口位坐滿了客人，最後安排了一張四位枱給我地兩個人，總算OK店員極力推介法國春雞2人餐，可惜我的友人不喜歡食雞，幸好還有豬仔脾選擇，店員還算星期一至星期四叫二人餐送梳乎厘抹茶多士，於是就叫左一個豬仔脾2人餐。等了20分鐘，甜品終於出現啦，外表真係一般到一般，但是一切開了當時中間看到奶白色的東西，體能好似布丁的感覺這個甜品令這個一餐畫上一個完美句號

昨日同朋友8點到,一入就有位,侍應推介左二人餐,份量足夠我這大胃王食飽飽還有剩+_+....原諒我不太記得餐牌上的名,我只記得我食過ge食材..飲餐叫左兩杯菠蘿水果茶,小半杯水果,菠蘿,藍莓,士多啤梨,好似有火龍果,紅茶泡的,我杯水果茶唔係好甜,飲起來有淡淡水果香好清新,如果有時間浸耐d,水果香會更濃。不過有少少可惜,其他餐點擺得幾靚,就是呢兩杯用膠杯裝破壞了整體美感。之後主食要左豬手和炸雞醬油野菌鉄板飯,豬手唔係大大隻又肥又鞋的,慢煮小豬手煮的時間剛剛好,唔鞋又唔會太韌,老闆非常細心幫我們切開,同介紹醬汁,服務好貼心。不得不提同豬手一齊上的竹炭面包,每一口咬下去都有濃濃麥香味,連上面的芝麻都烤過好香。個炸雞飯用上兩種不同的醬汁,不會太咸但都開胃ge,就是上餐太快我們食完個豬手飯已經凍左。甜品是綠茶多士配雪糕焦糖,多士心軟軟的一啖啖奶香,配上微澀的綠茶雪糕好match!另外服務都好好,整體環境好適合同朋友小聚!