Cafe首爾

營業中

休息中

Cafe Seoul 太和隱世韓國菜🤤諗唔到食乜lunchie嘅時候就會揀呢間正正子韓國餐廳仔1. 韓式辣汁牛肉湯｜6.5/10夏天熱辣辣就最啱食又熱又辣嘅湯飯^ ^石鍋上嘅關係，一上枱個陣仲係bulubulu滾熱辣㗎(˶‾᷄ ⁻̫ ‾᷅˵)味道方面偏鹹但飲到香濃嘅肉味，唔似某啲hea99死鹹味精湯料都算足，有東粉、芽菜、蕨菜乾、洋蔥同牛肉( ̀⌄ ́) 值得一讚係佢哋又落蕨菜，喺香港好似唔係咁常見，覺得應該係偏向正宗㗎喇好可惜地啲肉質又乾又鞋，應該係偏瘦嘅牛腩絲，同埋牛嘅份量有啲少（汗）陰公，差啲唔夠蛋白質2. 韓式蜆蛤豆腐湯煲｜8/10超好味的湯頭！比起頭先嘅牛肉湯，呢個加咗蜆肉所以好鮮甜！配埋嫩豆腐真係無敵地巧痴ಥ_ಥ 又重口味又辣好好送飯，想食少啲澱粉質嘅版主平時想半碗飯㗎咋，但係食呢個豆腐湯有衝動想加多個白飯！但佢係偏鹹的，個扣分位係食完有啲驚水腫（未到要生腎石好彩）3. 韓式野芝麻豆腐湯｜8.5/10隆重介紹世一野芝麻湯（如果唔係佢賣相唔太上鏡，我會擺佢係第一張㗎嗚嗚）一直無聽過呢個菜式，直到同事不斷賣命狂推之後先上網checkcheck佢乜料(⊙_⊙)原來佢係韓國係好common會

今日落嚟叫咗個外賣，簡簡單單四樣嘢，一份紫菜卷 + 炒粉絲 + 水冷麵 +泡菜炒飯，19:08 落單，足足等咗50分鐘先拎到。😅😅外賣到手時間是20:00，有相為證⋯⋯不少外賣哥哥都接咗張單一齊苦苦呆等，遲吓應該冇人敢接單了⋯⋯

「WFH 唔食爆佢就 WTF」系列之望住「阿渣c」食韓食居家工作咁耐加上早前疫情嚴重, 都好耐冇出去尋尋覓覓搵好野食。無得去旅行, 就去下久違的韓國餐廳搵「阿渣C」啦。呢間餐廳係大埔開左好多年, 我都好幾年冇黎過, 2022 年就黎同你食+寫出新一篇~ 泡菜 + 芽菜是免費既餐前開胃菜, 一食就知冇落味精, 泡菜酸辣 (但唔會太辣), 加上充滿麻油味既芽菜, 淡淡既開胃菜, 唔需要味精黎帶動味之衝擊, 食得好舒服傳統紫菜飯卷一來到就暖暖地, 好明顯係即叫即做, 面頭散上炒芝麻, 樸實無華令人飽肚既住家飯卷, 贊! 芝士炒韓式年糕, 真係值得推介, 因為係小食所以份量唔算大, 芝士好香濃, 溶落去啲辣炒年糕, 再拌黎一齊食, 哇~ 好食到爆, 辣醬唔會太辣, 同年糕好夾, 但記住要趁熱食, 一凍左少少年糕就會開始硬炸醬麵我想食好耐, 但總係食唔到, 今次終於可以試到啦! 撈暈之後開餐, 個醬唔會太咸, 呢樣野都係我好欣賞呢間餐廳既原因, 佢既食物全部唔會偏咸同冇味精之餘, 仍然食到食物既原味同菜式想表達既味道。講返個麵, 碎肉、薯仔配炸醬, 加上煙韌既韓式麵條, 味道同濃郁口感都配搭得剛

中午食Lunch揀左尼間係大埔人口中知名度幾高既一間韓國餐廳, 餐廳外觀睇落普普通通, 12點半入坐時餐廳內都只有2-3枱入坐, 初時我朋友仲同我講以為尼間餐廳冇乜人食, 點知過左一陣, 大批既學生入左黎, 即刻坐滿哂, 出面仲開始現人龍等入坐。佢有lunch menu, 不過我同朋友都想食湯飯, 最後大家都各自單點。1️⃣韓式牛肋骨湯+飯 – 真係勁勁勁熱咁拎上枱, 影左幾張先影吾到D煙! 牛肋骨份量好多, 食極都仲有!!!而且肉質滑口感淋, 濃湯好好飲, 淡淡牛肋骨D肉味, 配埋蔥花, 飲哂都吾會覺得好膩2️⃣韓式蜆蛤豆腐湯煲+飯 – 一上枱就勁香辣味, 佢D蜆肉係底同埋甩哂殼, 所以面頭個D都係豆腐&蜆, 豆腐已經吸哂湯既精華, 食落去勁香勁濃又有D海鮮既蜆味!其實個湯吾會辣, 所以都好適合食得小小辣既朋友仔~整體黎講, 價錢非常合理同親民, 而且味道好得, 吾會偏咸, 我食完之後一路都冇追過水飲, 證明佢D食材調味都冇落過味精等等既野~! 冬天食尼D一流呀!

7月份食過一次,啲阿姐態度好差,個湯唔夠熱。原本諗住永遠放棄,點知上星期食完發現有進步。海鮮煎餅今次好好食,個醬都唔差,今次個湯好滾,飲品方面反而好普通,似港式茶餐廳味到。其實都冇乜挑剔地方。只係檯面太細 放唔到好多嘢食。隱約聽到廚房係講韓文 所以食物都幾正宗。服務態度唔差有個靚妹粉紅頭髮幾靚,禮貌幾好,相反經驗老到嘅阿姐好似爭佢好多錢咁..差過食大排檔...總括而言 間中都會去食下.希望佢哋啲嘢食會更加有進步

經典韓國菜✨抵吃！好味！高CP值！位於大埔一間出色的韓國餐廳，由韓國人打理。入座會先送上前菜：大豆芽和泡菜。《韓式豬手》$65肥瘦平均，香味濃郁，沾上醬汁，特別好吃！《傳統紫菜卷》$45正宗、傳統的味道，食材充足，十分好味。《牛肋骨湯配飯》$85熱滾滾雪白色的湯，牛肋骨軟滑好吃，半肥瘦的牛肋骨，配上粉絲和蘿蔔，送飯一流！✨結帳時發現，原來不收加一！✨✨總結：家庭式營運，好味又抵吃，CP值高！👏🏻推介！🎈

這是一間位於大埔非常正宗的韓國餐廳這裏的老闆同埋員工有好多都係韓國人叫了三樣好吃的東西非常正宗豬手肥瘦均勻豬肉味濃郁加上韓式嘅辣汁去韓國旅行嘅感覺返晒黎但是這道菜饑饉一樣嘢最少要兩三個朋友先至好叫因為都有少少漏的感覺牛肉骨湯配白飯如果自己一個人去嘅時候淨係叫這樣的東西已經足夠 這個牛肉骨湯非常好飲肉味濃郁加上放上枱嘅時候熱騰騰的食指大動最後我會叫這樣的東西係韓國壽司用心處理切開一件件同樣地有幾個朋友先至好叫 芝麻到時炒過嘅

極少到大埔的我，當然靠朋友介紹😆搵番當地屋民介紹都實唔會差～ 過然，沒有失望！仲有捧住個肚返屋企！最重要平！平！同平啊！無敵合理價錢～ 原味炸雞Juicy！海鮮煎餅d墨魚仔好爽口！海鮮豆腐湯濃！石頭窩係我地可能唔夠手快有點燶，但冇損味道～好味啊！食炸雞就一定要飲啤酒架啦🍻～ 3個人4 樣餸3罐啤酒，埋單都係每人一百蚊左右！真係好抵食！唯一個問題就係舖唔算大，但實在冇辦法好食就自然多人排；所以大家記得早點去攞位就會好dd～

本身係幾鐘意佢ge, 見佢開左咁多年，舊街坊幫襯開，睇著佢大排長龍到愈來愈小人食，我地都唔打算再比機會佢哋啦，服務員如果唔換哂ge話e間野冇得救，上一次就態度惡劣對我哥，今次就玩野，我地埋單時企響收銀位，因為我冇現金，我就叫我屋企人比，我屋企就叫我八達通比，我話八達通好似冇咁多，成個過程個服務員睇戲咁，然後我話咁八達通試下，佢終於好寸咁回我一句: 只收現金點解成個過程你唔出聲講一句: "唔好意思我地唔收八達通" 都冇咁嬲，好似自己好醒咁比完錢後仲好輕佻咁講BYE~幫襯左咁多年，都係時候放棄佢啦唔會再去，你愈來愈小生意原來有原因，當然，你地都唔care, 你地d服務員開心就好

多年無黎太和，特登黎食「首爾」我八九年前黎過，印象中係好味又抵食。記得當年係韓國人主理，唔知係易手定兩位只係員工，當日只有兩位香港女士。小菜有豆芽同泡菜，豆芽幾出色，清爽好味，泡菜略嫌唔夠辣。可以refill。泡菜餅應該煎炸/炸既方法整。香口，不過沾個個醬唔夠出色。辣牛肉湯有D一言難盡。辣湯底好味，可惜D料多數係一款菜（唔知叫咩名）,好難見到牛肉既蹤跡Sofar都算滿意既，但令我留底最差印象而決定以後唔再黎係我地走個陣，有半支水擺係台度，一個女員工同我地講漏底支水，我地表示飲完唔要。跟住係櫃檯個個女員工就態度極度惡劣地咁叫我地拿走，話唔會幫我地處理幫手處理一支水都唔得，仲要態度極差，以後絕對唔會再黎。

💖Cafe首爾係大埔太和嘅韓國菜選擇唔算多，大部份都係集團式，呢間小店算係幾地道！💰人均$100 lunch一入到去佢成個裝修已經好有韓國嘅feel🤤老闆娘都係韓國人假日都有lunch set選擇，而且包羅萬有有石頭鍋飯，湯飯，人蔘雞之類💖我就揀咗個鐵板辣雞飯同辣牛肉鍋，見到台台都有叫所以就另外加咗個泡菜餅🤤飯類嗰啲就冇乜大驚喜但都算地道，但係個泡菜煎餅真係好值得一試！唔知係唔係佢個泡菜係自己整🤔唔算太辣得來又好入味！而且濺到好香脆，真係諗返起都想再去食☺️

夜晚嚟咗呢度食，叫咗個冷麵同埋牛肉鍋飯。冷麵可以俾你用兩隻醬料去調配，一隻係芝麻醋，第二隻係醋。牛肉鍋飯啲牛肉都好鬆軟，兩樣都好滿足了，最後牛肉紫菜卷嘅份量都好足夠，兩個人都食得滿載而歸。

呢間由韓國天婦主理既韓國餐廳係近期食過最好食既韓國菜！價錢平民，食物質素亦唔錯，的確值得推薦俾大家！店內面積細細，有酒有飯有面有紫菜卷又有炸雞，韓國餐廳嘅菜式諗得出既有！今次窮小子午飯時間就食韓式泡菜豬肉飯，配個紫菜湯，另外朋友就食韓式泡菜豆腐湯飯。上菜之前有芽菜泡菜做小菜，泡菜清甜芽菜爽口，不錯！如果鍾意食辣嘅朋友都會幾鍾意呢個泡菜湯，因為湯入邊有肉碎提升嘅湯嘅味道，上枱嘅時候會發現有一隻生雞蛋啱啱打入個湯度，再加埋湯入邊嘅蜆肉，一口湯一啖飯簡直係絕配！另外泡菜豬肉飯，豬肉同泡菜嘅份量剛好，如果鍾意食辣嘅又鍾意食泡菜，呢個飯真係唔錯㗎！最緊要係抵食又好食！經過太和嘅朋友不妨黎呢度試吓！

今次介紹又係大埔嘅街坊平民嘅韓國餐廳，係由一對韓國夫婦打理，男嘅做店面，女嘅一開頭入廚（後來唔知） ，都幫襯咗佢好幾年，一開頭真係好平好平，一個人蔘雞先 $80蚊，當然而家過咗都 5-6年，已經唔係呢個價，不過味道都冇退步太多。不過餐廳環境較小，坐位都真係ok逼的老實講尖沙咀韓國街同港九區嘅韓國菜真係明顯貴得比較多，每樣都 $100 -$150 起有一啲味道都比較商業化啲。但呢間係大埔小店係由韓國夫婦打理，一開頭落老闆娘落手煮，你話好好好好味一定未去到，但「家」的感覺從來都唔係極級美味，而係一種簡單「平凡」但令人食得好舒服滿足嘅味道。------------------------人蔘雞湯 $95紅棗、票子、人蔘仔、糯米底，每次叫都冇漏，雞湯入味暖身又滋潤，春夏秋冬都啱飲﹗價錢仲要 100蚊都唔過，平過旺區 百五、六蚊既人參雞，而且雞肉燉得好嫩、林，雞皮都索晒湯味﹗------------------------海鮮豆腐湯鍋 $60有好多人都驚會同辛辣面差唔多味，我自己就唔覺嘅，佢係辣味為主但冇個種泡菜湯嘅酸，而且每次都係新鮮熱到起晒泡泡滾住上菜😆，每次都令我好興奮重點係佢嘅豆腐超﹗爆

未有得去旅行，又掛住韓國啲小食，於是乎係大埔搵咗間韓國人開的餐廳食lunch，而且呢間係我記憶中，都好似已經開咗好耐了。我哋今次叫咗一份辣豆腐海鮮湯，一份炒年糕，同一份紫菜包飯。辣豆腐海鮮湯雖然瀉咗少少湯，但味道好足，十分好味。食到辣嘅人一定要叫。炒年糕呢個喺我響韓國最想食到嘅嘢食。不過呢間煮出嚟嘅味道就比較普通，年糕軟硬度都可以接受。紫菜包飯韓國小食入面點少得呢樣？呢樣都整得好食嘅！可以再叫！價錢方面lunch set的價錢比較合理，小食就相對偏貴。