影片
港鐵銅鑼灣站 F1 出口, 步行約2分鐘
繼續閱讀
電話號碼
23451990
營業時間
今日營業
11:00 - 21:00
星期一至五
08:00 - 21:00
星期六至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
相關文章
當初知道香港開咗間朱古力博物館，覺得好吸引，佢仲係一站式，除有展區外，亦有商品販賣區，出售香港製造的朱古力。至於食物、飲品，除可外賣，亦能堂食。食、買、觀賞樣樣齊，可謂一應俱全。今次咁啱喺灣仔食飯，就過嚟睇下。到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖然聞落有少少可可味，但味覺上就完全係淡而無味；不過，等耐啲、焗耐啲，可可味真係出好多，顏色亦深咗；作為茶飲，只能講佢係普普通通，唔特別吸引，配合撻同麵包，應該有少少解膩效果椰子包：唔記得呢款包的名；店員推介係新鮮出爐，仲猛讚好好食，加上佢焗起時大大個，只$20，最後買咗嚟試；麵包鬆軟，質感同一般麵包舖的麵包差唔多，但味道唔突出，麵粉香一般；唔試亦冇損失呢度喺香港算幾iconic，值得到此一𨘋同支持。 70%黑朱古力千層蛋撻值得排隊，始終只係$10/個，而且攤凍曬，佢的酥皮仍然脆到不得了。店內提供朱古力產品試食，咖啡黑朱古力同100%黑朱古力仲好好食添。堂食區係自助服務，流轉快，搵位易，坐得幾舒服。2樓展區所展出的資訊唔係好豐富，原本設有的朱古力品嚐區，聽店員講亦冇service。
繼續閱讀
紅咗咁耐終於食到lol$10 only！！！估唔到原來咁平😋🙀買完隔咗幾個鐘先食酥皮仲保持到超級鬆脆 食到層層分明唔係講笑 食落去個下脆到好似食薯片咁蛋香味中規中矩~甜度對我嚟講啱啱好 完全唔漏(怕甜人士不過撻底啲朱古力醬可有可無😂存在感不大Overall會瘋狂encore嘅質素🤌🏻
繼續閱讀
🍫70%黑朱古力千層蛋撻 $10早排好Hit嘅千層蛋撻撻要排晒長龍先食到我成日都會等到熱潮過咗先去食XD咁就可以冷傲擊退排隊(｡•̀ω-)閒日五點左右去到冇乜人好在仲有朱古力千層蛋撻賣食落好脆， feel到酥皮嘅香入面除咗有蛋撻之外仲有朱古力相比起就咁食普通千層蛋撻中間加咗朱古力更加有新鮮感同埋好食唯一美中不足嘅係覺得個撻係室溫如果係新鮮出爐或者焗番熱相信熱食會好食啲門口有簡介朱古力千層蛋撻嘅材料原來全部都用上等材料整～值得一試/encore٩(๑>∀<๑)۶
繼續閱讀
之前嚟買過兩次佢哋嘅黑朱古力千層蛋撻，都覺得幾唔錯，但係最近今次再買嚟食發覺個酥皮口感唔同咗，之後上嚟對比翻其他6月食評啲相，發現原來最近改咗用茶餐廳同款嘅紐西蘭牛油，唔再用以前嗰隻法國牛油，覺得冇以前咁好食。價錢不變但材料變cheap咗、口感香味改咗，咁不如我去茶餐廳食酥皮蛋撻都係差唔多今日行街經過都見冇人排隊買，我諗應該唔止我一個咁覺得希望佢哋可以考慮轉翻用之前嗰隻法國牛油，如果唔係我諗我應該唔會再買嚟食
繼續閱讀
Cacaolab的朱古力葡撻以其獨特的風味和精緻的外觀吸引了不少目光。撻皮呈現出酥脆的口感，層次分明，烘焙得恰到好處，不會過硬或過軟。內餡則是濃郁的朱古力蛋奶，質地滑順，甜度適中，不會讓人感到膩口。朱古力的苦甜味道與蛋奶的香氣融合得宜，帶來一種溫暖而舒適的味覺體驗。不過，對於喜好濃烈朱古力風味的人來說，內餡的朱古力味道可能稍顯溫和，未能完全突出。此外，撻的份量適中，適合搭配一杯咖啡或茶作為下午茶點心。Cacaolab的朱古力牛角包在外觀上頗具吸引力，金黃色的表層散發著淡淡的牛油香氣，令人垂涎。撕開後，內部結構鬆軟且有層次，口感輕盈而不失嚼勁。朱古力餡料分布均勻，甜度適中，帶有微微的苦澀，與牛角包的奶香形成不錯的平衡。然而，部分人可能會覺得朱古力餡料的量稍嫌不足，未能完全滿足對濃郁朱古力口味的期待。此外，牛角包在常溫下放置一段時間後，表層的酥脆感會有所減弱。Cacaolab’s chocolate Portuguese tart impresses with its unique flavor and elegant look. The crisp, well-layered tart shell is perfectly baked, while the smooth chocolate custard filling offers moderate sweetness and a comforting blend of bittersweet chocolate and creamy custard. Though the chocolate might feel mild for some, its portion is ideal for afternoon tea with coffee. Meanwhile, their chocolate croissant boasts a golden, buttery exterior and soft, layered interior, with balanced chocolate filling, best enjoyed fresh.
繼續閱讀