影片
港鐵鰂魚涌站 C 出口, 步行約5分鐘; 鰂魚涌地鐵站C出口
繼續閱讀
電話號碼
63311559
營業時間
今日營業
07:30 - 22:00
星期一至六
07:30 - 22:00
星期日
全日休息
以上資料只供參考, 請與餐廳確認詳情
有關餐廳
招牌菜
餐廳：CA Restaurant & BAR地點：鰂魚涌英皇道菜式：特色西餐餐牌：有晚餐套餐同廚師套餐兩款。廚師套餐包沙律，餐湯，甜品，飲品同主菜10選1。晚餐套餐包主菜5選1，是日餐湯同飲品。可以追加小食甜品等。是日沙律 $28 另加一是日沙律有兩款揀，我地都揀左西班牙火腿沙律，另一款係三文魚沙律。新鮮爽脆沙律雜菜加上適量白色沙律醬，面頭一大塊卷成花形既西班牙火腿鹹香煙韌，健康好味。加錢既都係同跟餐包既沙律一樣。南瓜湯南瓜湯擺盤都不俗，熱辣辣滑溜南瓜湯面頭灑上少少鹹香火腿調味，碟邊伴有一片脆口法式多士，好暖胃。南非吉品48頭鮑魚 $38 另加一呢款鮑魚做緊特價，口感一流又入味既鮑魚用隻碗靚靚上枱，伴有嫩綠西蘭花一件，下底原來係少少飯，好貼心，可以餸鹹香鮑魚汁。紅燒乳鴿 加$48 另加一估唔到西餐廳都有中式紅燒乳鴿食，乳鴿熱辣辣燒起，全隻乳鴿一開二，附上淮鹽同膠手套，好貼心。乳鴿皮燒得好脆，而肉質仲好嫩，用手連骨都食得乾乾淨淨，正呀！法式牛面肉燴意粉 $128 另加一法式牛面肉燴意粉擺盤不俗，幼身spaghetti放係碟中間，圍邊有六件牛面肉，中間有甘筍同蘆荀各一。牛面肉連筋，整得超淋又入味，好正。意粉唔會太淋，個汁帶少少辣，味道唔錯。BBQ醬燒西班牙伊比利亞梅頭扒配薯菜 $198 另加一BBQ醬燒西班牙伊比利亞梅頭扒一客兩大塊，加有滿滿豐富BBQ醬，味道香濃甜甜地，而肉質有彈性，因為半肥瘦，口感一流，好邪惡。配有清淡西蘭花，甘筍同蘆荀可解膩。薯條炸得脆脆，而感覺不油膩，自動配有一碟茄汁好貼心。甜品有兩款蛋糕。兩件都係卷蛋，一件係蜜桃味，另一件係提子味，味道都唔錯，口感鬆軟，忌廉好滑溜。伴有一粒新鮮士多啤梨切半同四粒新鮮藍莓。果汁大大杯，甜度適中，兩杯都清甜解渴，個人更鍾意蘋果汁。今餐食物好有驚喜。餐廳裝修光線，座位舒適。服務員態度友善。
繼續閱讀
今年年頭頂手開業嘅平民西餐午餐做 all you can eat salad bar + all you can drinks但今次泥試晚餐分別有 Chef Dinner Set Menu 同 Set Dinner Menu前者有沙律，湯，主菜，甜品同飲品，同貴啲好多選擇，兩個 menu 嘅主菜都唔同，就分別嗌一個泥 share!貪心的小狗又想乜都試，就嗌個雜扒餐，雞，豬，腸，太陽蛋，簡直係大隻佬之選，蛋白質滿滿見到遊龍戲鳳個配搭好反傳統，又吸引咗我嗌先泥沙律同兩個湯趁熱飲個南瓜湯，超 creamy，厚身同滑清甜而不濃味，感覺好真實無添加，係原味嘅感覺講到呢度，可能大家心裏會覺得：車~~ 咁咪即係唔好飲哪，您就錯啦味道真係啱啱好，連我呢個重口味人士都覺得好味一飲而盡沙律菜鮮甜脆口，煙三文魚都大大塊的到主菜雞扒厚肉而且勁大塊，但依然嫩嫩的，咬得好舒服🤩 冇諗過厚到咁都唔會炒車！豬扒比較上泥細好多，但口感都唔輸蝕都好腍身唔柴口乳鴿係另一驚喜！皮脆，保留超多肉汁，一搣開，肉汁同油喺肉與肉之間浪吓浪吓勁正，肉質又軟嫰因為真係好食，即刻同友人講話想 +$48 食多隻！好彩友人㩒住我，因為清碟後滿足到喉嚨頂😂 已經食唔落個柑橘沙律汁超開胃，好味到我連薯條都點佢😂我哋嗰晚冇飲酒，想約三五知己食餐飯摸吓酒杯底，呢度係唔錯嘅選擇甜品係迷你日式卷蛋同奶凍好搞笑，店員話甜品係睇大㕑心情，日日唔同，幾有心思就算泥得多都唔怕悶整體泥講性價比真係冇得輸，仲有飲品真係捧著個肚走✌🏻CA Restaurant & Bar遊龍戲鳳配柑橘沙律汁跟薯菜 (紅燒乳鴿，鹽燒大花竹蝦，蒜香煎石班) $288雜扒餐 $128📍鰂魚涌
繼續閱讀
朋友超級推薦CA，今晚就過去試吓！果然高品質，每道菜都係用心製作，區內少有！特別推薦「法式烤雞卷」外脆內軟👍🏻😋菠蘿汁又好好飲🍹下次一定要再試多幾樣😎😎
繼續閱讀
鰂魚涌新餐廳！CA掂! 🤩呢間新餐廳位於鰂魚涌由1月1號正式開始新嘅menu!!! 新人事！新作風😀同一班同事，差唔多嚟食過晒佢哋主打嘅10款嘢食～ 真係各有特色，個個Number都好好味😋 嚟過就會知我講Number點解🤭餐廳罕有嘅特色就係有自助沙律，每日都有兩款餐湯選擇，仲有啲飲品係任飲！而呢三款嘢都係免費！so crazyyyyyy!!! 淨係食呢三樣嘢都夠晒飽😅🤣🔟款嘢食！我真係食勻晒啦～ 除咗3號餐….因為係雞我唔食雞㗎🤫 不過我啲好同事話3號餐個黑椒雞扒意粉配雜菜，係人氣Number one🙀🙀🙀 我淨係知我同事食咗黑椒汁加意粉！ 真係好好食呀黐線😹😹😹介紹一下1🔟款菜式💁🏻♀️1️⃣蔥油豬扒溫泉蛋飯啲蔥油好過份！仲有隻溫泉蛋OMG!!!2️⃣紅酒牛面肉燴意粉夠牛面肉好夠入味，又夠腍👍🏻3️⃣黑椒雞扒意粉拌雜菜人氣No.1🥇 塊雞扒半隻點咁大！嚇死人咩？🤣4️⃣安格斯牛板腱丼飯我最鍾意將隻溫泉蛋同啲牛板腱連埋汁撈飯食，一流！平時好少食飯嘅我都清晒🤭5️⃣48小時慢煮乾鮑魚冬菇稻庭烏冬一向鍾意食鮑魚嘅我，梗係要試呢個啦！但係用咗48小時去慢煮呢隻乾鮑魚～ 真係少啲功夫都唔得呀！6️⃣日式咖喱牛肋條飯我都係喜愛之一咖喱榜上有名！我都鍾意食吓呢款日式咖喱，間唔中辣下醒神晒！仲有個牛肋條都係夠晒牛味，又夠腍🤤7️⃣日式吉列豬扒咖喱湯烏冬食得慢嘅朋友…..好似我咁…..成日俾人話食嘢，好似食法國餐😅😆咁慢….我會要求吉列豬扒同烏冬分開上，女人真係麻煩😌8️⃣雞白湯慢煮叉燒烏冬配糖心蛋鍾意飲湯嘅我，呢個都係我喜愛之一！仲有隻糖心蛋配埋，仲有仲有有紫菜跟埋，啱晒我😘9️⃣龍蝦汁海鮮意粉Sure Win ！✌🏻🔟CA Burger 漢堡 香港好好的製造👍🏻😀餐廳用咗本地先牛肉，車打芝士，煎隻蛋放喺牛肉上面靚爆，酸青瓜同埋焦糖化洋蔥仲有佢嗰堆薯條…..🤤🤤🤤🤤🤤每日餐廳限量出品10個咋！Book枱訂埋個burger穩陣😌餐廳同事話陸陸續續都會有新菜單上架～ 十分期待🙌🏻🙌🏻下次試埋早餐晚餐，再同大家開心分享🙌🏻🙌🏻😄 訂座電話 6️⃣3️⃣3️⃣1️⃣1️⃣5️⃣5️⃣9️⃣係咪睇到流晒口水呀？我都係🤤🤤 一路打一路個肚打鼓🤭🤭
繼續閱讀
星期四朝早10:45入去呢間新開嘅餐廳，一入去職員就話我知「11:00am收，但可坐到11:30am」，原來佢意思係個早餐有跟自助沙律同啡茶橙汁蘋果汁，11:00am會收自助沙律水吧。沙律唔多選擇，但係因為都收得平，所以唔可以咁高要求，食落都新鮮嘅。本來我想叫全日全餐，佢話要等好耐，所以我要呢個營養早餐，仲話可以送碗麥皮，因為我都趕時間，我話「唔使喇，食沙律都夠」，整體都OK，多士係薄多（我唔太喜歡厚多士），夠脆。杯咖啡（捷榮咖啡）好飲，我飲咗兩杯🤭呢個餐$39，好抵，淨係我飲咗兩杯咖啡都抵返，如果我唔係遲嚟同趕時間，可以添沙律慢慢坐。如果早餐時段可以延長至11:30am就更好。呢間我會再嚟㗎😉而家生意好難做，希望呢間做得住，加油呀💪🏼
繼續閱讀