知道朋友好鍾意食韓國嘢，所以今日就帶佢嚟試吓餐牌嘅價錢唔算貴喎，平均$80-$120就可以叫到一個餐， 仲有韓國經典小碟伴菜我哋每人叫咗一款餐，然後一齊share ：正餐未到，店員就立刻端上一碗豆腐湯俾我哋飲咗先，雖然得一碗話兩份分，但係其實都好足夠，因為我地要留肚食正餐😆1）烤牛肋骨 $128一上枱係有好多盤小碟，仲有一碗飯，有個主菜烤牛肋骨。小碟菜有韓國泡菜、醃酸醋黑木耳、菠菜、蛋卷、醃蘿蔔、醃海帶菜，好豐富。牛肋骨整得好好食，骨肉容易分離，有筋位，但係容易咬斷，容易食 。烤牛肋骨個調味做得好好，很好配飯。2） 泡菜鍋 $85泡菜鍋一上枱新鮮滾熱辣，唔太辣，入面仲有白滑豆腐粒，有泡菜，有切冬菇片，淡淡都係有材料，好實在，好好味好開胃的一個泡菜湯 。同樣，係跟咗一個飯，同埋有幾款韓國小碟。兩個女仔食，一人一個餐，然後一齊分享，有湯有飯，非常足夠了。另外都好想飲少少韓國好出名嘅米酒，店員推介呢一隻，飲落真係好好飲，有氣嘅米酒，唔會話濃度好高，易入口。Cass啤酒係一隻韓國產地出的啤酒，飲嘅時候同外國啤酒味道冇乜分別，淡口微苦易入口，用嚟餸烤牛肋骨啱晒！店員服務殷勤，唔知係咪因為星期日公眾假期關係，唔係好夠服務員，樓面只得一位服務員，要照顧上每檯食客都真係唔容易呀⚠️*享用酒精飲品必須年滿十八歲*…查看更多
