Burgeroom (美麗華廣場1期) (已結業)

如果想同朋友飲杯嘢，但係又怕太嘈唔想去酒吧，Burgeroom 係一個好地方。尖沙咀分店在美麗華商場，在諾士佛台旁邊入商場，上一層樓就到。餐廳有30幾款Burger可供選擇，種類繁多，堪稱漢堡專門店。今日在六點左右進場，人數未算多，好適合放工與同事一齊落嚟飲杯嘢食少少snacks。大蘑菇芝士牛肉漢堡，香脆鱈魚柳漢堡兩件漢堡都有一定的水準，調味適中，牛肉多汁，鱈魚沒有雪藏味而且香脆。黑松露芝士薯條特別欣賞環境裝修令人感覺放鬆，頗有happy hour嘅興致，樓底也高，座位唔會好迫，坐得舒服。

😊😊今日同朋友係尖沙咀行街☺️行到咁上下，係附近搵下有無好野食！見到呢間burger好似好吸引咁。因為朋友食素，見到佢又有impossible meat所以就試下😍😍有好多酒都有做優惠，不過朋友吾飲酒，下次可以試吓。朋友食素，叫左🍔 🍍菠蘿大烤菇素肉漢堡 $120個包真係好大個🤣🤣朋友話impossible meat真係好似牛肉🥰好耐無食過肉，食素既朋友可以試下🤣我就叫左🍔 蜜糖芥末大烤菇煙肉雞柳漢堡睇menu見到呢個名已經覺得好吸引！好豐富🥰Burger 十分足料，上菜前餐廳仲好貼心咁會切開burger! 吾洗食得咁辛苦。叫左旋風薯條🍟份量一d都吾少，仲新鮮熱辣!仲有洋蔥圈😍😍又係新鮮熱辣，吾會淋哂!飲品方面，吾想成日飲汽水，所以揀左菠蘿冰茶😁好清新

今日去左尖沙咀食Burger。餐廳裝潢以工業風為主題，設計型格，仲有好多車軚做裝飾，我就特別欣賞呢幅西班牙美女噴畫，相信係餐廳既icon。餐牌雖然只得兩頁，但選擇都好多，除左傳統肉類和海鮮類漢堡之外，仲有素食漢堡可供選擇，切合唔同客人須要，值得一讚。鱈魚手指配他他醬：炸到金黃色，熱辣辣，配上特色他他醬，簡直無得輸。牛肉漢堡：必試招牌，牛肉勁厚切，肉汁豐富，配上新鮮的生菜及番茄，實在太美味了，餐廳仲會貼心地將漢堡切成兩半，方便進食。直薯條：炸得很乾身，脆卜卜，好邪惡。全日早餐：配料豐富，賣相吸引，沙律菜配黑醋汁，很醒胃；薯餅細細件，可以一口一啖；芝麻飽烘到軟綿綿；仲有炒蛋，半生熟，超滑溜。蜜桃味梳打：餐廳自家調配，好解渴。總括嚟講，餐廳環境寬敞，上菜快，員工有禮貌，下次可以再嚟試下其他特色漢堡。

一家人齊齊中招，康復後決定要以毒攻毒，食burger & fries慶祝。知道Burgeroom開業良久，是日試試。環境寬敞，侍者有禮，食物選擇豐富，感覺良好。點了牛油果醬cheese burger，patty味道濃郁，牛油果軟滑香口，加上半溶芝士和爽脆蕃茄生菜，是經典的美味。跟餐粗薯條熱辣香脆，吃不停口。另外太座點的portobello 魚柳包用上鱈魚柳且表皮鬆脆，魚肉結實。配合多汁的啡菇、他他醬和烘過麵包，十分出色。另點一杯香醇espresso消滯，質素不輸比精品咖啡店。跟餐green tea latte 微甜甘香，亦有驚喜，吃得盡興。

放咗工之後真係好鬼肚餓，即刻沖去醫飽個肚仔先龍蝦漢堡以原隻波士頓龍蝦份量非常多，我地都食唔哂。龍蝦非常鮮甜同有肉感，配上濃郁嘅芝士龍蝦汁，十分可口入味。佢嘅材料非常足 肉嘅質素唔錯

成日經過Burgeroom見到漢堡好吸引幾多選擇 所以我今日黎試下叫左兩個漢堡嚟試一試一個係牛一個係魚🤩🔅雙鵝肝牛肉漢堡呢個賣相真係好吸引 雙重口感本身牛肉已經好juicy 又厚😌再加上鵝肝令到層次更加豐富鵝肝份量都唔少 兩件都好大舊🤪同時佢仲配有沙律菜 份量好大🔅大烤菇鱈魚漢堡鱈魚煎到非常香脆 有鮮味而仲有大啡菇 蕃茄 生菜等配菜嗒嗒食落都好滋味😻🔅牛油果芝士薯條牛油果蓉非常之多 估唔到配芝士係意想不到咁夾 薯條又炸得香脆另外叫左兩杯野飲 mocktail 同冰茶都好錯 岩曬唔同既朋友仔😉

今天出去尖沙咀科學館看恐龍展覽，旣然午餐吃了有名的「黑門水產」，晚上也在附近找些特色美食。美式快餐歷史悠久，漢堡更加是深入民心，見到「burgeroom 」這麼多好評，就打算去試下。點了「Mega Cheese Birger (Combo)」，「Mini Fish」，「Fish Finger with Tartar Sauce」，「Rose Cappuccino」，「Cream Soda 」。特量芝士牛肉漢堡果然如其名，芝士量多，牛肉多汁，簡直將整個牛肉漢堡的肉質展現淋漓盡致。而且漢堡分開了兩份，和朋友一人一份剛剛好。趁未到晚餐時段，叫了一份下午茶餐，「Mini Fish 」約為半份牛肉漢堡大小，和朋友一人一半，吃完真的十分飽肚。雖然喝啤酒配漢堡是絕配，不過時間仍太早，所以點了咖啡，這裡的咖啡也不錯。色香味俱備。這一頓吃得很滿意。

今日黎到美麗華呢間專食burger既餐廳，門內外既裝修都好有美式風格，非常型格。除左一般既soft drinks，仲有得飲咖啡、生啤同cocktails添！✨軟殼蟹漢堡一見到真係嘩左聲，份量超大呀！廚師好貼心咁一開二，方便share食。軟殼蟹既炸衣炸得非常酥脆，而入面既蟹肉就好軟滑，味道鮮美，點埋上面既醬汁非常惹味！✨鵝肝牛肉漢堡上面有大大舊鵝肝，非常吸睛！開頭都會擔心牛肉加鵝肝會好滯，但食落又唔會，因為啲番茄、生菜balance返。鵝肝煎到外層焦香，入面嫩滑，味道濃郁，牛肉仲有超蟹肉汁，非常滿足！✨黑松露芝士薯條係粗薯條黎架，炸得勁脆。黑松露既味道唔算太濃，但芝士醬就好多！一定要趁熱食，如果唔係啲芝士醬就會硬晒～✨鱈魚手指鱈魚手指個炸衣比較厚同酥脆，但入面魚味濃郁，肉質嫩滑，有兩種口感，配埋酸酸甜甜既他他醬，好快就清哂！

聽同事講得呢間人氣漢堡店多，但一直都未有機會食。呢日難得去開美麗華買野，當然要借機去試一下。Menu雖然得兩頁，但款式有好多，特別係漢堡，有成一整頁，有牛有雞有魚有蝦有蟹有鴨有帶子，仲有素肉同埋素包。我較為偏好魚，又鐘意食蛋，所以揀左香脆鱈魚蛋柳漢堡。鱈魚炸到外皮好脆，又唔油，我食左半舊包，過左15分鐘先食另一半，舊魚仲係脆既。Mozzarella stick真係拉到芝士，望落外皮好似有d厚。可能炸得夠香脆又夠熱，加埋入面既Mozzarella cheese，食落又幾滋味。蜜桃梳打有得叫少甜。有少少氣同蜜桃既香甜味，不錯，夠解渴。同行朋友話個牛肉burger都幾正，有肉汁，佢仲加配左薯條，我偷食左幾條，估唔到又幾有薯仔味，好味過連鎖既好多。

好耐之前食過一次今晚同朋友再食返估唔到依然保持水準忍唔住寫返個食評先🥩🍔Jalapeno Cheese Burger $98朋友話今晚想食d辣嘢，所以叫咗個漢堡，配有墨西哥風味嘅醬汁，同埋青辣椒，加上漢堡肉配上溶化嘅芝士，成件事好開胃！🦀🍔Soft Shell Crab Burger $115一嚟到見到隻軟殼蟹咁大隻都忍唔住話哇一聲，外皮炸得好香脆，亦都食到蟹嘅香味🍟Guacamole Cheese Fries $68薯條係我鍾意食嘅粗身薯條，配上牛油果醬及大量芝士醬，每一口都沾滿芝士，真係好正！🥤🥤Iced Pineapple Fruit Tea & Kiwifruit Juice $38最後仲叫咗一杯菠蘿冰茶同奇異果汁，配漢堡包一流

雙層牛肉芝士漢堡之前食過覺得佢塊漢堡扒做得唔錯，今次索性叫雙層牛肉。每塊肉起碼半吋厚，肉味濃、夠juicy 又彈牙，絕對唔會令人失望。配埋生菜、番茄、芝士，係漢堡包最經典既配搭，亦係我覺得最好味既組合。略嫌個包乾左啲唔夠軟熟，其餘都好好。香脆鱈魚柳蛋漢堡主角鱈魚柳好出色，炸粉夠薄夠脆身，鱈魚柳肉質厚實唔散。雖然隻蛋係全熟，但因為個漢堡落左他他醬，加埋生菜同番茄既水份，令到整體食落唔乾。有驚喜！漢堡+$30有薯條同野飲，薯條粗身脆口，轉套餐抵食。吉列大蝦沙律3隻吉列蝦+沙律菜+番茄片+洋䓤，吉列蝦炸皮都做得唔錯，但隻蝦太細隻喇，手指尾咁幼冇乜肉食。沙律菜同啲醋汁就正常，菜都新鮮既。 平日中午黎食，餐廳坐唔滿，環境舒適，簡單工業風設計。雖然價錢唔平，但食物質素高，對得起個價錢。想舒舒服服食高質burger,又唔想排隊，我會揀呢間。

📍burgeroom, tsim sha tsui 鋪面好大，有卡位，坐得好舒服🥰🥳Classic Burger + cheese好足料！個包好高😍牛肉有汁好香好juicy，加埋千島醬同芝士，口感一流。包都算脆口🥳Portobello Cheese Burger 係大啡菇😍呢個包更高，好足料！要壓扁先放到入口😂啡菇好juicy😍仲有蕃茄中和，fresh～ 🥳小食炸芝士熱辣辣熱辣辣～拉絲拉到好多😂😂😂🥳茘枝梳打清清地，可以解開芝士的油膩👍🏼

幾年前食過銅鑼灣嘅Burgeroom，見咁耐冇食，就去咗尖沙咀美麗華廣場分店食，呢度座位幾寬敞，晚市人流唔算好多，又有啤酒飲，同朋友黎食野傾計幾適合今次試咗兩款burger，一份薯條，兩杯野飲🌟大烤菇鱈魚柳漢堡個burger好大份，包面有微微煎過，所以外脆內軟鱈魚柳外面炸得好鬆脆，而入面仲保存到魚肉嘅水份大烤菇好juicy，芝士溶度做得啱啱好，而個蕃茄同沙律醬食落覺得好fresh好開胃🌟雙鵝肝牛肉漢堡鵝肝好厚身，食落爆哂汁，入口即溶牛肉漢堡食得出一粒粒牛肉，牛味好濃，生熟程度啱啱好呢款burger仲跟咗啲沙律菜，可以去下油脂🌟牛油果醬芝士薯條第一次試呢隻醬，覺得幾特別，雖然味道唔算濃，但唔會好似茄汁咁搶咗薯條本身嘅味，而薯條亦都炸得好夠脆🌟蜜桃冰茶唔太甜，有好多蜜桃溶，幾清新消滯🌟伏特加青檸梳打飲得出伏特加味，但唔算濃烈，女仔應該都啱飲

今日我同朋友約埋喺尖沙咀行街Shopping前 首先要食個lunch醫飽個肚於是Search下附近有咩好嘢食發現美麗華廣場有呢一間Burgeroom由於我個朋友好鍾意好鍾意食Burger🍔二話不說 我哋就衝嚟試試餐廳主要係黑色紅色嘅裝潢 型格工業風有午市漢堡套餐 另加$30配薯條及飲品份量十足嘅Burger 大過我拳頭✊🏼配埋薯條仲有嘢飲 不得了😍廚師好體貼 將Burger切開一半 咁樣客人食嘅時候就方便好多-Guacamole Cheese Burger牛油果醬牛肉漢堡 $100麵包輕輕烤過 非常鬆軟Creamy嘅牛油果醬配結實又Juicy牛肉漢堡不錯不錯-Foie Gras Beef Burger鵝肝牛肉漢堡 $168麵包輕輕烤過 非常鬆軟綿綿嘅鵝肝細膩滑溜 入口即化配結實又Juicy牛肉漢堡味道一流好好食-菠蘿梳打-蜜桃梳打好飽😂😂😂下次要再嚟飲酒🍻Chill下

每個月都期待的burger day 今次同友人選左尖沙咀的burgeroom，上網睇環境舒適寬敞，岩晒同朋友聚會傾計，店舖裝修走美式工業型格風路線，一到達店員安排坐係壁畫及由車肽砌成的牆前的座位，岩晒打卡 。睇menu 叫左大烤菇芝士牛肉漢堡、炸軟殼蟹漢堡、牛油果醬薯條、蜜烤辣雞翼，菠蘿冰茶同蜜桃冰茶。先嚟炸軟殼蟹漢堡，炸軟殼蟹好大隻分量十足，炸得酥脆，炸粉吾會太厚，有juice的蟹肉喺入邊，呢個係驚喜。跟住係牛油果醬薯條，第一次試這款配搭，意想不到牛油果醬跟薯條十分之配合。然後係蜜糖辣烤雞翼，雞翼味道正常，不過不失。最後係大烤菇芝士牛肉漢堡，同樣份量十足烤菇咬落十分Juice，食得出漢堡包內嘅生菜同蕃茄係新鮮，牛肉厚身肉味濃，對得住個價錢，值得一睇係呢度的漢服會切開兩半，岩晒同朋感覺share ,餐廳款式多，下次想試埋佢招牌鵝肝漢堡同其他小食。🥰