Burgerman (埃華街)

營業中

休息中

今日和好友去了大角咀，好友便帶我去了一間出名的漢堡包小店吃晚飯🫶一入到店舖就看到很搶眼的logo霓虹燈，感覺是打卡的好位置，店鋪雖然不大，但亦有少量位置可以坐下來吃❣️漢堡的種類也很多款，我和好友便分別點了鵝肝和牛漢堡和丹麥藍芝士漢堡😋下單後不到五分鐘，漢堡便一一新鮮出場了🙌 鵝肝和牛漢堡一吃下口很juicy，配上香脆大份的鵝肝，口感變得豐富，配上芝士、生菜、蕃茄同黑醋醬，食完也不會感到很膩💛而丹麥藍芝士漢堡的份量也很足，很厚身的牛肉和煙肉，藍芝士的鹹味雖然突出，卻又沒有搶到彼此的味道, 紅洋蔥則起了解膩作用👍整體而言，這間餐廳的水準不錯，食物的味道和賣相也很好，真的很適合喜歡吃漢堡的朋友仔過來大大品嚐一番🥳❣️📍 Burgerman (埃華街) (大角咀)大角咀埃華街95-97號地下C號舖#hkig#hkfoodie#hkfood#hkgirl#hkfoodstagram#hkfoodlover#hkgiveaway#hkfoodtalk#hkcafe#hklife#hklife

好耐無食漢堡😌引起我食burger既慾望實在太邪惡吸左我入去呢間都幾出名 本身有bookmark ssp店大角咀呢間應該係分店舖面細細 用左典型美式裝修🔻BBQ經典牛堡🍔 ($80)越多料好大個🤡 除左例牌蕃茄生菜底 仲有炸洋蔥圈+煙肉BBQ醬好出好惹味 配香脆煙肉好夾牛肉堡厚身 係熟悉既burger味道😭🔻特級黑松露和牛漢堡🍔 ($114)一上枱黑松露味好香☺️估唔到用溫室豆苗做菜底🧐 好特別中間夾左一個圓煎蛋和牛好juicy好嫩🤤仲有手套放便食包～🔻套餐配有皮薯條連汽水🍟 (+$22)粗薯條 熱上配漢堡必備🫣🔻 套餐配田園沙律連汽水🥗 (+$22)都幾大份 而且好多菜 感覺呀用左蜜糖醬汁 幾易入口每次食漢堡就是滿足🤗

今日同女朋友放工回家路上，行經大角咀出名最多好野食嘅埃華街。今日係放寬唔洗戴口罩嘅好日子，當然係好好食一餐慶祝佢!!行到街尾見倒Burger店，就決定同女朋友入去豪食一番。入到去餐廳雖然位置數目並唔多，但係漢堡包嘅選擇多到揀唔落手。有牛，有豬，有雞，有蝦。最最最重要係有我女朋友最鐘意嘅黑松露口味嘅和牛漢堡。特級黑松露和牛漢堡 ($114) +$22漢堡包係一個正常Size，但係加左$22 配薯格同汽水就令到個份量基本上女仔係食唔哂。而漢堡包入面嘅黑松露醬比得好多，而和牛嘅肉汁同醬係十分夾，加上包嘅最下層放左豆苗，令到個包食得黎有少少蔬平衡番，感覺好新奇。BBQ 經典牛堡 ($80) + $22我自己就揀左BBQ牛堡，因為我係十分鐘意食漢堡包配BBQ醬。今次呢個包份量好夠，完全滿足肉食獸嘅慾望，薯條係粗身個款，而份量都比得好多，最後都係食唔哂。

難得放假 當然想好好休息一下就近近地去返附近食下burger chill下去左一直都想食既burgerman 店內唔大 但就有種休閒風既感覺Lunch set（跟餐一罐汽水+沙律或薯條）✨煎蛋雙層和牛漢堡$105兩塊厚厚的漢堡扒再加上芝士同煎蛋既醬汁醬汁加埋起黎唔會令個包感覺好乾而且包皮都係脆脆的因為太大個 根本一口都咬唔晒🤣加埋沙律 平衡返成件事就冇咁漏啦🥰✨招牌芝士漢堡$66黎到點可以唔點個招牌呢同樣地 包皮也是脆脆的有兩塊芝士 絕對岩晒芝士控🧀漢堡包一定係加番茄同生菜再加芝士佢地係萬能key黎既🤣加呢啲再加上漢堡扒既肉汁都份外juicy d跟左個薯條 薯條係連也即炸 超級脆身份量多到差啲食唔晒

🔸特級黑松露和牛漢堡 $114配料有：溫室豆苗、煎蛋、和牛漢堡、黑松露醬、日式焙燒芝麻醬煎蛋有少少半生熟🤤黑松露汁配上溫室豆苗，異常配合😍帶出強烈清新感，成個漢堡好有驚喜😍牛味濃郁嘅免治牛肉，入口即溶和牛漢堡和牛味味道明顯，係真材實料！味道：10/10性價比：9/10🔸 BBQ經典牛堡 $80配料有：蕃茄、生菜、煙肉、洋蔥圈、牛肉漢堡、燒烤醬煙肉炸得脆，似薯片一樣牛肉唔會太鹹牛味比較濃厚BBQ醬酸味中和咗牛肉嘅油膩👍🏻牛肉肉質係比較實身配上生蕃茄、生生菜，口感清新味道：8/10性價比：9/10🤩漢堡套餐，加$22可以配有皮薯條/薯格/田園沙律及罐裝汽水🔸薯條即叫即炸，非常之脆！就算冧咗都好好食薯條本身有足夠鹹味唔需要落鹽/沾茄汁都好好食味道：9/10性價比：8/10🔸薯格薯格大大嚿香脆，外脆內軟即叫即炸味道：9/10性價比：8/10▪️Coke Zero🔹環境：座位唔太多不過呢個價錢來講，真係冇得挑剔🗣不須加一服務費-人均消費：～$120-整體味道：9/10性價比：8/10回頭率：4/5-#Burgerman📍大角咀埃華街95-97號地下C號舖

大角咀區內一間挺有人氣的漢堡包店，地方不是太大，提供的座位約十多個，而且還很好的提供了手套給你吃漢堡包，這個好評！中午的套餐性價比更高，不用額外加錢配套餐！Set lunch - 煎蛋雙層和牛漢堡（105元）這個其實可以算是偽至尊漢堡，因為就差不多是沒了煙肉，炒蘑菇和更改了蔬菜，但就更俱性格比，我喜歡的煎蛋還在，主角雙層漢堡扒加芝士還在！漢堡包是非常大的一個，一口基本上都很難咬到，中間的漢堡扒經過煎香，內裡還保留到不少的肉汁，牛味濃度！而煎蛋剪得半熟，還有點蛋汁跟漢堡扒混合來吃也不錯！Set lunch - 墨西哥菠蘿牛肉漢堡（75元）這個有大大片的菠蘿，而下面放了有辣椒，接著才是芝士漢堡扒，吃起來特別爆汁，因為菠蘿片煎過以後更嫩更多汁，再配上帶點辣味的辣椒和芝香十足的漢堡扒，整個層次更豐富，加辣了更惹味！套餐可選薯條或沙律，配飲品。薯條即叫即炸，用的是粗薯條，外脆內軟！沙律的份量也挺多，蔬菜種類也挺多，特別喜歡加了青瓜粒，吃起來更多汁和清爽！

大角嘴街坊真係有福，事關呢頭附近有好多餐廳好多選擇，今日約咗朋友食飯，我決定帶佢食西餐:BurgerMan😄其實之前已經食過，覺得好食於是介紹朋友嚟食，我又可以試吓第款漢堡😛。我哋大概六點鐘到達，呢個時候未有好多人，食物10分鐘左右就到啦。我地首先點左黃金海堡:用咗墨魚同蝦肉整成的。比較少見到呢個組合嘅餡，加埋芝士醬同配菜，好有新鮮感，好好味嘅呢😆另外一款係牛油果大菇漢堡(雙層)，呢個堡係非肉食者福音，唔好以為無肉就會無味，素菜整得有心都好好食架。大啡菇用蒜蓉煎香，仲有炒洋蔥炒蘑菇，最出色就係嗰pat牛油果醬，食到有洋蔥同香草味，整個漢堡味道好夾！薯條亦炸到外脆內軟，只係有此少太咸；著格亦非常香脆可口。小店環境整潔，大概有十至十二個坐位堂食。枱上面放左啲紙巾同膠手套，方便食嘢時唔使啲醬汁整到手，好貼心。另外原來佢哋manu都有沙律，意粉，雞翼等等嘅其他嘢食，好多選擇，以後再嚟就試吓啦！😄

一向都知道埃華街多美食，原本打算食個甜品當午餐，點知聞到有陣麵包香味從呢間餐廳傳出，突然就心思思又想食個高質靚漢堡包！🍔🔸特級黑松露和牛漢堡 BLACK TRUFFLE WAGYU BURGER我勁鐘意呢個漢堡嘅靚肉！🍔🍔🍔 餐廳用左香煎草飼(120日)和牛，肉質好juicy多汁，咬一啖都feel到鮮味無窮！🍖🍗🥩 配埋秘製黑松露更加滋味！塊煎蛋夾喺中間，蛋黃微微流心，再加上日式焙燒芝麻醬，令成個漢堡食落無咁乾！🥚🍳 意大利寶伐朗芝士好香，勁有芝士濃郁嘅味道！🧀 最正係呢個漢堡包都幾健康，有啲溫室豆苗，有啲菜食吓！🌱我揀咗蕃薯條🍟同綠茶🍵！蕃薯條炸得金黃酥脆，超級好食！盒裝綠茶都好好飲，健康過汽水🥤！😋📍 大角咀埃華街 95-97號地下C號舖

🇯🇵難得一見日本飛騨和牛漢堡，٩(๑ᵒ̴̶̷͈᷄ᗨᵒ̴̶̷͈᷅)و食落去肉味好香，而且相對冇咁容易散，厚實啲，口感比較好，🥩瘦身嘅肉比較多，中意佢唔會覺得肥膩。厚度都幾高，份量有誠意。配煎蛋，蘑菇片，車打芝士，🍄唔同層次搭配埋一齊，覺得好好食。日式焙燒芝麻醬及溫室豆苗，୧(﹒︠ᴗ﹒︡)୨難得一見🤓仲有豆苗搭配，加上去更加有脆身嘅口感。.+22搭配田園沙律🥗和汽水，(ㅎᗨㅎ)欣賞沙律嘅份量幾多，夠健康，仲有埋🌽粟米粒同埋番茄仔。+5轉咗健康椰青水，係凍凍哋，好解渴。

Burgerman今日約左同事去大角嘴食野，呢間Burgerman🍔剛剛入職個陣已經想食好耐🤭今日終於有機會試下😋我地叫左一個set lunch 招牌芝士漢堡🍔配薯條🍟($66) & 鵝肝和牛漢堡🍔($155)配薯格(+$22)🤤……….鵝肝和牛漢堡🍔鵝肝好香鵝油味，好脆身，外脆內軟，和牛漢堡亦好有肉汁🤭油香味重d……….招牌芝士漢堡🍔招牌芝士漢堡🍔同樣都有肉汁，但比肉質比起和牛漢堡就會厚實d，睇個人口味，我覺得2款都好食😋……….另外想提一提嘅就係餐廳嘅薯格&薯條都好脆身，係即叫即炸，可能我好鍾意香口野，所以覺得好好食😆……….

大角嘴美式漢堡店，一定非burger man 莫屬，這裡麻雀雖小，但漢堡照樣好吃，該有的招牌漢堡款式都有。週末下午還吃個漢堡包，享受一下週末光陰，點了兩份漢堡套餐：燒菠蘿雞腿漢堡餐$72鵝肝和牛漢堡餐$155分別配薯條和薯格，包含飲品（➕$22）燒菠蘿雞腿漢堡的炸雞好香脆喔，加上菠蘿清新夠juicy, 跟炸雞腿十分相配。我就特別喜歡這個鵝肝和牛漢堡，鵝肝大大塊，而且煎得超香，和牛也很嫩滑，跟鵝肝超級搭配，喜歡吃鵝肝和牛的真的必試。另外我比較喜歡薯格，香脆又好吃，大家喜歡吃漢堡的，來大角嘴真的不要錯過喔。

話說今日去大角咀搵朋友，朋友話最近食咗間burger質素味道好好，想帶我試🤭燒菠蘿雞腿漢堡 $72咁多款口味入面我就揀呢個嘅原因係有片燒菠蘿，感覺fresh d同多汁，中和番漢堡的油膩感；而中間雞腿肉超大塊，外皮非常香脆，係即叫即炸架！再加上車打芝士、蕃茄片、生菜同蜜糖芥末醬，醬汁都唔會太過多搶咗雞腿同菠蘿味。日本飛驒牛漢堡 $114而嘴刁嘅朋友今次想食日本飛驒牛！肉質非常juicy爆汁，真係一分錢一分貨，配埋煎蛋、蘑菇絲、溫室豆苗、車打芝士及芝麻醬，整個配搭很夾👍🏻不錯不錯另外跟餐+$22 可以配有皮薯條/薯格/田園沙律&汽水，我哋嗌咗薯條同薯格，兩樣都新鮮炸起非常香脆，飲品方面除咗汽水都再新鮮茶選擇，食哂成個餐好perfect，下次會再想試下其他款式！

日本飛驒牛漢堡 $114之前打邊爐試過飛驒和牛，實在太正！見到呢到有飛驒牛burger，即時雙眼發光😍果然無失望‼️飛驒牛漢堡扒幾厚身，肉質軟嫩，肉汁飽滿，肉味又濃郁，真心正！再配堆流心煎蛋、車打芝士、蘑菇，好滿足😋燒菠蘿雞腿漢寶 $72雞腿扒好大塊，炸得金黃色好誘人💓要讚下佢炸得一啲都唔會油膩，追味唔算濃，所以雞肉嘅肉鮮味好出👍🏻配埋番茄、生菜、同埋重點菠蘿🍍，整體幾清爽😽配餐跟薯條/薯格 + 汽水 $22薯仔係厚底切，炸得外脆肉軟薯格較簿，同樣炸得好脆口餐廳有得揀堂食同外賣，其間見到唔少人買外賣，人氣十足👍🏻另外餐廳有提供手套同紙巾，夠細心👍🏻Burgerman (埃華街) (大角咀)大角咀埃華街95-97號地下C號舖

👦🏻好鐘意食漢堡包，👦🏻👧🏻嚟到大角咀揾到間高質既漢堡包店😍！一入到店舖就見到佢地店名logo既霓虹燈，十分搶眼！店鋪不大，但亦有少量位置可以坐低食。枱面有提供茄汁、手套、牙籤同紙巾。漢堡包款式選擇多，加$22可以轉做套餐，跟薯條/薯格/沙律及汽水！如果唔想飲汽水，可以揀盒裝新鮮檸檬茶，👧🏻鐘意飲。薯條用咗有皮薯條，炸到好香脆，🥔味香濃，推介跟餐叫薯條！🍟鵝肝和牛漢堡 $155香煎120日草飼牛同鵝肝，聞落超香！一食落去和牛肉汁好juicy，加埋煎到香脆既鵝肝，口感好豐富，鵝肝仲要係大大件，唔似坊間啲漢堡店用細細件鵝肝。配埋雙層芝士、生菜、蕃茄同黑醋醬，食完唔覺膩。日本飛驒牛漢堡 $114飛驒牛肉質嫩滑多汁！配埋煎蛋、磨菇片、車打芝士同溫室豆苗，醬汁用咗日式芝麻醬，呢個配搭好新鮮，好少見漢堡包餡料有溫室豆苗，但估唔到同整個配搭又好夾！📍 Burgerman (埃華街) (大角咀)大角咀埃華街95-97號地下C號舖

Burgerman (埃華街) (大角咀)今次黎到大角咀呢間burger 小店，聽講佢地有鵝肝burger😍😍除左大角咀，深水埗都有分店架！餐廳播英文歌，氣氛好好😆😆鵝肝和牛漢堡（$155）鵝肝同和牛好邪惡，鵝肝煎到出晒油😍和牛鎖住肉汁，一咬肉汁同油一齊爆出黎，好正！另外仲有番茄🍅、兩塊芝士、生菜，balance返味道，唔會咁快食滯燒菠蘿雞腿漢堡（$72）食炸雞漢堡仲怕就係舊肉炸得太乾，但呢個漢堡完全唔會！炸得香脆之餘，仲保留到入面嘅肉汁，好juicy!! 仲有菠蘿加入啲fresh嘅口感同味道，值得一試！洋蔥圈、薯條Burger加$22或$37就可以配小食同汽水，份量唔少架！枱面有3款醬汁俾大家任點！大角咀埃華街95-97號地下C號舖