Burgerman (埃華街)

營業中

休息中

🍴特級黑松露和牛漢堡 $103🍴和牛漢堡 $85.大角咀呢間專賣漢堡嘅小店已經係香港開左兩間店，漢堡包選擇好多，價錢仲非常合理(⁎⁍̴̛ᴗ⁍̴̛⁎) 只要加$20就可以轉套餐，咁就會有薯條/薯格/沙律同汽水，建議大家試佢哋嘅薯格😚薯格炸得乾脆，一啲都唔油膩，調味適中，好有驚喜！.🐮特級黑松露和牛漢堡招牌菜之一嘅黑松露和牛漢堡❗️和牛肉質軟嫰，但肉味無想像中咁濃~ 中間夾埋煎蛋🍳同半溶芝士，口感層次好豐富🤤醬料方面就用左黑松露沙律醬+芝麻醬，味道配搭清新，有助減低油膩感，但可惜唔係好食到黑松露味😐.🍔和牛漢堡麵包表面烘到脆身，入面同時保持到好鬆軟，做到外脆內軟嘅效果😚內餡嘅配搭同啱啱嘅唔同，今次用到日式焙燒芝麻醬，食落更加惹味，再配埋炸洋蔥絲+sprouts，配搭好特別！唯獨sprouts本身有些少草青味，影響左整體味道~

局長今日與副局長於大角咀一帶巡視，見此店裝修具美式風情，不禁入內一窺究竟。雖然肺炎疫情已緩和，惟本局長認為不可掉以輕心。此店提供酒精搓手液供客人清潔雙手，以及手套拿取食物，安全措施做足，值得讚許。店內有多款特色漢堡供應。加廿蚊可配有皮薯條/薯格/田園沙律及汽水。局長倆點了特級黑松露和牛漢堡及飛驒牛漢堡，加薯條及薯格。黑松露漢堡以黑松露與漢堡扒互相輝映，加上厚厚一塊煎蛋，配合香脆的麵包份量十足，十分好吃。飛驒牛漢堡牛味濃郁，麵包香脆，輔以磨菇及芝士，令人擊節讚賞。薯條及薯格亦具水準。總括而言，此店漢堡包十分香脆，咬落索索聲，漢堡扒香氣四溢，份量十足，局長倆大快朵頤而歸。

漢堡包外國好常見，一個專業既漢堡包香港好少有！二人之選，叫左一個和牛漢堡，一個鵝肝和牛漢堡，一個加左$20轉餐，有野飲，仲可以加有皮薯條或者薯格或者沙律。我地加左有皮薯條。兩個漢堡既配菜比例十分好！雖然望落個包有啲細，但係絕對食得飽👍🏻👍🏻👍🏻和牛漢堡既醬汁可一讚，普通burger 都只會加茄汁，呢度吾係架！加返岩風味既汁！鵝肝和牛漢堡仲正啊😘個鵝肝煎到好脆，但入口即溶，完全吾會有奇怪味！個有皮薯條份糧都算多，兩個人加一份都已經夠，當然大食人士可以試埋佢個薯格！薯條脆口不油膩！食到一條接一條👏🏻😋

位於大角咀嘅小店，店面一眼望晒，得十幾個位，食飯時間好快爆滿。自助式點餐，自助式取餐，雖然櫃檯寫明即叫即整要等15分鐘，但其實5-10分鐘左右就出到餐。今次豪食鵝肝和牛套餐，從相片可見，鵝肝超厚超大塊通常啲鵝肝漢堡都係得雞碎咁多鵝肝，一啖食完，呢個鵝肝漢堡係食到最後一啖都仲有鵝肝佢加左黑醋去整鵝肝，所以鵝肝雖油但唔膩。和牛漢堡牛味都重，同鵝肝係絕配，食晒成個都唔覺得膩，真係好好食！套餐包嘅薯條薯格都唔錯，粗薯條外脆內軟，加上佢有個好似千島醬咁嘅顏色嘅醬，但係辣辣地，幾惹味。整體來講非常滿意呢餐，已經諗定幾時再去

前排朋友帶左我去埃華街食過台灣嘢後，今次佢話有一隻burger都好正，而且價錢都幾抵食，因為大大份，仲可以食到和牛漢堡添。其實路唔難搵，沿住埃華街直行到尾就係啦，餐廳有好多漢堡包的選擇，加20蚊就可以升級做餐，我地叫左一個菠蘿炸雞腿包和和牛漢堡，加餐分別配薯格和沙律，我個fd就飲可樂，我就加多5蚊飲椰青水，其實都幾好，唔係個個都飲汽水，佢就提供左好多選擇了。和牛漢堡入面的肉好juicy多汁，絕對方唔會嘥左佢係和牛，加上煮得恰到好處，而且調味啱啱好，唔會過鹹真係值得推薦。菠蘿雞腿方面，真係好大個，我相信係雞腿的關係，加上個燒菠蘿的菠蘿汁，同炸雞腿一齊食，可以中和佢的油膩感，所以呢個配搭的確令人好想食多幾啖。最後值得一提的係椰青水，雖然佢係罐裝飲品，但佢係100%椰水，所以只係椰青的甜味，唔會係汽水的死甜，啱晒我呢啲少食糖的人士，同埋增加Quote食甜品。

今日行街食飯經過見到依間外表似酒吧嘅漢堡店，就行入去望下，每款漢堡都好吸引，又想食試燒菠蘿漢堡，又見到店舖推介嘅和牛漢堡就忍唔住叫咗，由於即叫即整嘅關係，等咗10分鐘左右就上菜，先試咗個薯格，新鮮出爐嘅關係又熱又脆，配菜除咗薯格外仲可以揀有皮薯條或者沙律（女仔覺得太熱氣嘅話可以叫沙律）格面上有手套提供，幾貼心下，唔駛擔心整污糟隻手，另外仲有調味醬，唔夠可以加。然後試主菜和牛漢堡！漢堡表皮外脆內軟，咬落去成口汁，口感幾新鮮，但有啲後悔冇加菠蘿，食到一半有啲乾身，汽水轉綠茶應該會再好啲！

Topic: 可能係最好味既burger 本身就係食burger 既愛好者，見呢間好評如潮就試下佢。主打牛肉漢堡亦有少量雞魚既漢堡。因為11-3會有lunch set(一份漢堡+田園沙律+飲品)，所以比晚餐更抵食🤩🤩Lunch C 轉左份甜蕃薯薯條($18)+轉果汁($20)水牛城雞肉漢堡 個水牛城汁惹味少少辣配埋藍芝士同雞肉係prefect match 。😚 而甜番薯薯條都係必點之擇👍🏻，因為即刻新鮮炸起仲加咗少少味粉真係好好味，餐廳仲悉心安排左兩支醬汁(茄汁and少少辣嘅沙律醬) 大家可以用佢點埋薯條食鵝肝和牛漢堡呢個價錢又可以食到高級既鵝肝同和牛真係唔話得，加埋芝士配合得好好，一齊食落勁Juicy仲有生菜同蕃茄唔會好”留”😘

一條友唔知食咩嘅時候食burger就最好，唔駛食金拱門嘅，周圍都有漢堡小店可以幫襯㗎！今次喺和牛同雞之間諗咗好耐，最後都係揀咗食《水牛城雞肉漢堡🧀🐣🍔》$58，普通跟餐加$20有薯條/薯格同汽水，而我就揀咗加$33食我最鍾意嘅蕃薯條！個漢堡嘅底面兩塊包🥯烘到脆卜卜，雞胸肉🐓有兩大塊非常闊綽，仲有新鮮生菜🥬同蕃茄🍅，再配上藍芝士醬🧀同橙色嘅辣醬汁🌶，非常特別！仲有蕃薯條🍟份量超級多，食極都食唔完，最後都係食唔晒 LOL

今日屋企人冇煮飯就喺奧運附近行下睇下有咩好嘢食見到有間好特別嘅小店裝潢好有美式風味Burger都有好多選擇揀咗一輪決定試下和牛漢堡 $78另外再加$20升級套餐可以揀罐裝汽水同埋有皮薯條/薯格/田園沙律食burger就等梗係要配薯格啦和牛漢堡比我想像中厚肉 咬落去好juicy 牛味濃郁 同日式焙燒芝麻醬好夾麵包皮有烘過 外脆內軟 表面仲加咗黑芝麻同白芝麻 成個感覺香口咗除咗和牛漢堡仲有炸洋蔥絲同埋意大利芝士 口感層次好豐富薯格都係即炸嘅 份量都算多熱辣辣 炸得啱啱好外脆內軟漁夫之堡 $63屋企人唔食牛所以嗌咗魚 粉漿唔會太厚 魚肉好嫩配埋半溶嘅車打芝士同埋特式他他醬 同埋經典嘅蕃茄生菜好滿足水牛城雞翼 $38@5面頭有一大Pat嘅水牛城醬辣辣地好開胃 雞翼都好嫩滑

大角咀埃華街有好多唔同嘅食店，今日就約咗個喺附近返工嘅朋友嚟呢度食過burger吹吓水。其實我對burger都有啲要求，只要係好食嘅，我就唔介意俾$100食個高質漢堡。而burgerman嘅出品我就覺得幾出色。呢個飛驒牛漢堡只係個burger都已經要$103，雖然聽落有啲貴，不過當食過之後，就會覺得物有所值，因為佢嘅漢堡牛肉真係非常之嫩滑多汁，而且仲好有牛肉味，再配埋隻煎蛋，新鮮嘅生菜同埋磨菇煎蛋，真係會令人食過返尋味！而呢個燒菠蘿雞腿漢堡我就覺得非常之超值，佢有兩片菠蘿，非常Juicy，雞扒炸得香脆而且仍然能夠保留肉汁喺入面，再加埋一大片新鮮蕃茄，而且只係$68，性價比之高真係超乎你想像！再加埋呢個蒜香雞翼，香脆得來又冇乜油膩嘅感覺。好高興又遇上一間值得再嚟嘅小店

鵝肝和牛漢堡🍔：漢堡送上枱時已聞到令人口水流嘅鵝肝味道，漢堡包外脆內軟，打開檢視一下先，見到鵝肝非常厚身且香噴噴，和牛亦都非常大件，當然唔少得車打芝士，仲包含大大件蕃茄和生菜。雖然漢堡比較大份，仍然擋不住一啖咬下去的感覺，鵝肝果然味道香濃先搶晒第一味蕾，鵝肝油慢慢滲透口腔。然後到重重的牛肉味，絕對是爆汁，加上蔬菜汁平衡一下，感覺絕對一流！和牛漢堡🍔：雖然冇鵝肝點綴，單純黃牛漢堡而令人感到滿足，當然這種滿足有別於英文字母漢堡啦，識食一定搵高層次漢堡。同樣地，完完全全是和牛肉汁爆發整個口腔，絕不令人失望！另外，可選擇加$20薯條🍟+汽水🥤，薯條分量十足而且即叫即炸，有香濃薯仔味，或可選配薯格或田園沙律，任君選擇！

好耐之前食過Burgerman嘅深水埗分店，印象唔錯，呢日想食漢堡就去Burgerman 回味一下。小店座位唔多，好彩一早去到所以都有座位。點咗和牛漢堡($78)，漢堡材料豐富，切開可以見到唔同嘅層次，有香煎草飼和牛漢堡，炸洋蔥絲，日式芝麻醬及芝士。首先要一讚個漢堡包，非常香脆鬆化，和牛漢堡肉味濃郁，而且軟腍juicy，配上芝麻醬及芝士，味道惹味豐富。套餐升級要加$20，可以選擇有皮薯條/薯格/田園沙律及罐裝汽水。我就揀咗有皮薯條，薯條外面炸得香脆實在，內裡口感軟綿，薯味十足，新鮮即炸，好食！

🐰小編發現快餐黃店💛wakaka 另一分店有連儂牆~Yellow shop-1️⃣「至尊漢堡🐮🍔($88) 」-岩哂食肉獸😈有兩舊超厚漢堡扒🥩仲加左雙層芝士🧀煙肉🥓蘑菇絲🍄洋蔥🧅同埋煎蛋🍳可以略加調味更佳👍🏻 Trucker Burger🐮🍔($88) served with mushroom and onion is stacked with two thick mixed beef and double cheese😈2️⃣「水牛城雞肉漢堡🐔🍔($60)」-加左Blue cheese🧀有大大塊雞胸肉🐓小編仲自己加多左塊菠蘿(+$8) 正因為菠蘿juicy鮮甜 🍍！可以令雞胸食落冇咁dry 甜甜地配辣汁同cheese又幾夾🙈 Buffalo chicken burger 🐔🍔($60) is served with blue cheese and spicy sauce. The pineapple🍍(+$8) is juicy and sweet. It balances the spiciness and the strong favour of the cheese. -3️⃣「BBQ雞翼

好耐冇食過漢堡包，聽朋友講過呢間Burgerman漢堡包評價唔錯，就入去試下。小店雖然主打漢堡包，但都有意粉，沙律同小食提供。不過一場來到，當然要先試試小店招牌漢堡包啦！點咗燒菠蘿雞腿漢堡($68)，雞腿略嫌炸漿唔夠薄，但雞腿好嫩滑，菠蘿燒過後甜度更加濃縮，就算同芝士及雞肉一齊食都幾可以平衡膩感，入面仲有蜜糖芥末醬，食落甜甜地，好開胃！個包亦烘得脆口，有水準！小食試下水牛城雞翼($38/5隻)，醬汁香辣惹味，係我最鍾意嘅comfort food。

話說一直以來都幾鍾情位於大角咀既Burgerman，呢間係一間用心製作漢堡包既小店，餐牌周不時會推出新款漢堡，最特別既係推出左幾款唔同類型既牛肉漢堡，有和牛、日本神户牛、日本飛驒牛漢堡等等，真係每一款都試哂佢~ 而我見到日本飛驒牛漢堡既相幾吸引，今次一於食食佢~-✨日本飛驒牛漢堡(跟餐加二十蚊) ($108) (⭐⭐⭐⭐✨/5🌟)跟餐可以選擇飲品同小食，我選擇左薯格同Coke Zero。飛驒牛漢堡外形充滿光澤，造得非常均稱，漢堡包皮烘得金黃脆身。入面有煎蛋，車打芝士，蘑菇，全部份量配合得岩岩好~到主角塊飛驒牛漢堡排，飛驒牛係指經過14個月以上肥育的黑毛和牛，被評價最高级牛肉，漢堡排肉味濃郁，肉質細膩，入口即溶，有一種令人不停咬佢既衝動。-總結﹕Burgerman係我會選擇一去再去既Burger店