Burgerman (埃華街)

營業中

休息中

又到糧尾時間，除了燒味外小編會選擇Burger 啦！ 要相宜價錢而不虧代自己就選擇了Burgerman 啦 地點位於大角咀埃華街，即澳運站A1 出口再步行6分鍾 小編挑選了和牛漢堡 HKD 78🍔+ HKD 20 添加沙津或薯條格及汽水這個套餐價錢已有和牛級數、入口牛肉Juicy而且厚度不少；薯格炸得香脆 雖然地方不大，幸小編不用等很久而且有堂食😁 👏🏻 除了和牛外另有極邪惡鵝肝、罕有飛驒牛等等客人用餐後也有馬上收拾並清潔 ！ 醬汁樽有蓋上並清潔，還提供了手套！ 抵贊～

擁有西式嘅感覺漢堡男人🧍‍♂️我就知道一定有唔同嘅漢堡選擇🤪冇俾我估錯，坦白講要食到佢嘅唔同嘅款式我諗都要分兩三次嚟。去食嘅時候先可以拎左位再去買，我今次選擇咗至尊漢堡同鹿兒島漢堡。 近排因為疫情冇得去旅行就選擇左鹿兒島漢堡-其實可以跟餐有薯條或者薯格同飲品。食落係足料的而且肉都係新鮮的另外至尊漢堡肉汁比較多而且比鹿兒島漢堡嘅份量再大啲不得不承認佢嘅薯格同埋薯條好好味記住呀佢哋都係即叫即整需要耐心等候10分鐘左右我覺得就算時間要等候都唔緊要最緊要係保證到個質素。而且個質素佢哋有做得到😗😗

🍴和牛漢堡 HK$78食得多安格斯牛肉漢堡，今次試下和牛漢堡先。漢堡扒由澳洲草飼120日和牛製成，肉味同油香平均，雖然未至於爆汁，但夾埋日式焙燒芝麻醬一d都唔乾。包實漢堡扒嘅芝士係意大利寶伐朗芝士，味帶淡淡香甜，無較常見嘅車打芝士咁濃，唔會掩蓋漢堡扒嘅肉味。炸洋蔥絲好香脆，增添口感。麵包鬆軟，加埋黑白芝麻更加香。🍴田園沙律、汽水（跟餐） HK$20沙律份量相當多，絕對唔係得幾條草草了事，加埋辣沙律醬，一d都唔單調。📍 Burgerman大角咀埃華街95-97號地下

👩🏻‍💻呢間店係一直以來都好想嚟食，佢都可以揀外賣，但我見今晚冇乜人於是就坐低食啦，可惜今日雞翼已經賣晒🙈好想試丫🤤​​​🍔漁夫之堡 HKD$63 +$20轉套餐​🌟個burger好脆丫‼️有枝棍吉住個漢堡唔易散開晒👍🏻漁夫之堡個size好適合女仔食，咁多款入面卡路里比較低，又食得滿足🥰💕件魚好厚身，魚味十足，配搭既車打芝士同特色他他醬，味道豐富，無諗過件魚會咁好食👍🏻😋無魚腥味好想食多個🥰‼️💯轉套餐跟有薯皮既薯條，薯條香脆，店內有提供醬料：有茄汁，有隻有Tabasco辣味既醬😍吉住個包既果枝棍仲可以用黎吉薯條唔會食咗手既細菌落肚，薯條超大兜好香脆👍🏻‼️💯​​✒️小記：環境舒適整潔，光線充足👍🏻坐位唔多，客人可以選擇外賣👍🏻​

見到食評咁好特登揸車過嚟，至尊漢堡麵包比較細，中間兩塊肉好多汁不過無咩味，麵包係夠熱嘅沙律無特別！軟殼蟹牛油果漢堡併薯條，軟殻蟹好脆但好油，個薯條又係無鹽，可能覺得健康啲卦！$241我就覺得可以有更好選擇所以冇下次

今天中午剛好在大角咀，朋友提議到網紅人氣爆錶的Burgerman吃漢堡包，餐廳不大，來頭不小，2016年榮獲優秀開飯熱店大奬，在香港開有二家分店，主打漢堡包美國快餐店。店面雖小但裝修好有特色。餐廳自助購買模式，餐牌一目了然非常方便。至尊漢堡：有芝士、牛肉、煙肉、雞蛋、蕃茄及生菜等兩層好足料，麵包烤得香脆，牛肉好淋，夠水準。日本飛驒牛漢堡：有牛肉、蘑菇、車打芝士，加上日式芝麻醬，口感豐富而滿足，好好味，加多$20可以配薯格/薯條/沙律和汽水。人均消費100多，真的吃得好飽。

搵朋友食晏☻佢係大角咀地膽👣我跟住佢行就係啦🙆‍♀️最後帶左我黎呢間🍔小店…店鋪大約十個座位度…想食真係要靠運氣同埋有不死既心先試到😬🤤😛Um..漢堡包有十幾款口味🤔我叫左燒菠蘿雞腿漢堡🍍🍗🧀🍅🍔冇任何醬汁但出奇地一啲都唔乾。燒菠蘿勁Juicy係成個包既精緻。炸雞腿嫰滑脆口😋朋友叫特級黑松露和牛漢堡👀我咬左一啖試試💨黑松露醬好香，夾住煎蛋、芝士同和牛🍳🧀🐂口感好豐富滋味另外我地轉套餐配薯條🍟、薯格🤔薯格有啲失手炸得過脆…不過份量好多…女仔黎講真係好夠飽💓CP值高💓

Fatvava揾食Burgerman 🟡🟡🟡美國漢堡包快餐店招牌芝士漢堡 $60 +$20 配薯條、汽水份量大，入面有芝士、肉扒、蕃茄、生菜！厚厚既漢堡，一咬落去，肉汁就出晒黎，加上其他配菜，口感有層次，味道豐富！最有誠意係，佢漢堡包皮又焗得香脆又軟熟，外脆內軟！肉扒有牛味！有食！可以加$20加薯條或者薯格同汽水！抵，粗薯帶少少薯仔皮，香口夠熱！仲有茄汁同千島醬自己加！和牛漢堡 $78和牛肉扒好多汁，好濕潤，重重既牛味，再加上炸洋蔥，同埋菜仔墊低，菜解左和牛既油膩感，加上乾脆既炸洋蔥，成件事係好平衡，有口感！個包皮都係外脆內軟！ 水牛城雞翼 $38/5隻呢個價錢真係抵！雞翼煎到香脆加上黑椒，再淋上水牛城醬汁，個醬汁好夠味，帶酸辣，有d似再濃縮版既Tabasco醬汁，開胃唔肥膩，做前菜一流！。。📍枱面有紙巾手套，細心！📍仲有好多小食揀，有炸洋蔥圈、芝士薯條、炸蝦等等，仲有意粉、沙律~~📍由朗豪坊出法行15分鐘左右，又或者小巴，又者的士唔洗跳標可以去到！

最近常出大角咀開始逐間試呢頭餐廳. 呢區餐廳競爭頗激烈，成日見新餐廳開，咁當然又有d 舊餐廳被刷走淘汰. 而呢間可以係度屹立多年應該有佢過人之處試左最classic 和牛漢堡 $78加$20可轉set. 有薯格/薯條/沙律加汽水剛攞上手有點小失望因為個burger 比想像中有點細，第一口食落，burger 係掂. 包烘得脆口，而塊beef patty 用上草飼120日和牛漢堡，係食得出唔同. 除左肉質更 tender，更正係個牛肉香味足，焙燒芝麻醬同provolone cheese 味道好夾。唯一美中不足係burger 唔夠大唔夠喉所以都幾recommend 加$20轉set, 薯角份量超多，好香脆

今日去開大角咀就係度食埋個晚餐。呢度有間幾出名嘅Burger，我特登奧海城行5分鐘過黎。結果絕對無令我失望，呢度嘅和牛漢堡真係好有質素。牛肉無落過量粉，依然好有肉感，而且係好有牛味，又好夠水份。呢度好嘅地方係有手套提供，食burger真係好需要手套，有時都唔明點解麥記巨無霸無手套提供哈哈。加$20揀左沙律同零系可樂。沙律份量好大，上面有粟米同沙律醬，爽脆又無啲草青味，係薯條以外健康嘅選擇。呢度音樂係輕快嘅歐美流行曲，座位主要係面壁吧枱，牆壁裝修都好有美式風格。

店舖堂食坐位均有三張枱合共最多可坐10個人地方雖小，但幸好唔算好逼自助購買模式另切有外賣自取服務如需送上門的話，就需要食物平台網幫忙啦！漢堡：1）至尊漢堡🍔餡料-🥯、🥓、🍳、🧀、牛肉漢堡、🥬麵包面經過烘烤，非常脆口，店員拎過嚟嘅時間，牛肉肉汁仍然流出，但可惜牛肉食落質感微暖及牛肉唔夠肉味好淡口，整體唔太滿意2）鵝肝和牛漢堡🍔餡料-🥯、鵝肝、🧀、牛肉、🍅、🥬麵包面一樣烘烤脆口，第一啖入口鵝肝味道好香，牛肉都係一樣微暖，雖然話用和肉牛牛肉做漢堡，同樣牛肉味道都相對肉味唔濃郁，但整體都可以接受3）日本飛驒牛漢堡🍔餡料-🥯、磨🍄、牛肉、🧀、🍳、翡翠苗🌱麵包面同樣脆口，其實餡料同至尊分別唔大，牛肉味道及溫度都可接受，其實每個包嘅size 唔算好巨型果種，女士一般份量是足夠的，男士就應該差啲啦小食：1）吉列炸蝦🍤其實都無咩難度嘅小食，炸得夠熱，無過火喉，好味😋2）炸薯條🍟係粗身薯條，都係炸得無過火喉，夠熱脆口，好味😋3）牛油果大蝦沙律🥑🦐🥗沙律加咗蛋黃醬好開胃，有兩隻🦐都係煎香過，唔乾身剛剛好，整體而言味道是ok😋

丹麥藍芝士漢堡通常cheeseburger用嘅芝士都係片裝芝士，其實只有大約30%係真嘅芝士，其餘70%都係非脂肪乳固形物組成嘅。好處係一將成個漢堡包放入焗爐，一片片嘅芝士就會融化喺一層層嘅漢堡上，唔好處就當然係芝士味會比較欠奉，始終只可以做漢堡扒嘅配角。呢間位於大角咀舊區嘅隱世小店有丹麥藍芝士漢堡。藍芝士係用8-12禮拜發酵嘅芝士，當中嘅藍綠色係青黴菌，佢味道濃烈，因此就算份量少少已經味道好突出。我會話藍芝士呢個概念幾有創意，因為比起片裝芝士，或容易入口嘅mozzarella或車打芝士，藍芝士真係會好容易令人聯想起腐壞嘅味道而敬而遠之。但我會認為煙肉本身都好鹹同重口味，連埋味道強烈嘅藍芝士會有啲互搶。同埋個漢堡整體都有啲乾，例如個漢堡扒同個麵包，如果juicy返啲或者加返啲醬汁或切片番茄就會仲好了！

🌸美國街頭風格的漢堡🌸🌸大量薯條、薯格🌸🌸九龍區$80內食到漢堡餐🌸💬套餐抵食，加$20有薯條/薯格+汽水════════════════════🔸招牌芝士漢堡ᴄʟᴀssɪᴄ ᴄʜᴇᴇsᴇ ʙᴜʀɢᴇʀ（$60）基本材料有：蕃茄、生菜🌟牛肉厚但不算大，對於比較大吃或者男仔來說可能未必夠飽，不過就有種街頭小食的風味🌟麵包有黑白芝麻在面，而且厚厚的🌟車打芝士，芝士味可以再重啲🍂牛肉味不算濃🍂麵包不太熱，沒有烘🧐.🔸牛油果軟殼蟹漢堡ᴀᴠᴏᴄᴀᴅᴏ sᴏғᴛ sʜᴇʟʟ ᴄʀᴀʙ ʙᴜʀɢᴇʀ （$108）基本材料有：蕃茄、生菜和沙律醬🌟蟹肉新鮮炸起，對軟殻蟹迷來說是超級正，熱辣辣好食🌟配埋美滋醬和沙律醬不會感覺乾巴巴🌟對我來說，軟殼蟹也頗大塊🍂牛油果有少少生，不夠冧.🔸小食🌟薯條和薯格新鮮熱辣炸起🌟對於好鐘意食薯條的我，都覺得份量好夠，全部食完會好飽😋

Burgerman 漢堡小店 店面不大,係疫情下坐位只有數個,大部人客人都會選擇外賣帶走裝修都幾靚既,幾有個性風格,連餐牌都做得好突出呢度有十四款漢堡,由最基本款式到和牛漢人都有得選擇食平D定食貴D都可以有得選,有得選先至係客人咁我今次買左丹麥藍芝士漢堡 $68,另加套餐再追加一份配料大約需時10分鐘,咁我就係店面坐低吹下冷氣先除左漢堡,亦有提供沙律,小吃,意粉等等,亦有到會服務小吃類有炸薯條,薯格,炸洋蔥圈,雞翼,炸蝦,炸魚薯條,沙律,卡邦尼等口味既意粉門口仲貼左以前既報導,曾經被評為香港十大漢堡拿到上手發現,包裝設計都好用心,用防油紙盒,漢堡有用木簽叉穩,點搖都唔會整散個包套餐既薯格都放埋一齊,拎到返去食都仲係脆既重口味藍芝士,鐘意既會好喜歡,類似腐乳咁既鬼佬芝士,貪佢個味夠濃夠突出配埋肉汁豐富既漢堡肉,芝士番茄片等等,味道又出奇地配搭喎,唔覺好奇怪,仲幾好食添的確幾好食,但係好似無想像咁誇張,藍芝士味算淡

疫情關係，已經有兩三個月時間無一嚐真正漢堡滋味了。大角咀高質漢堡絕對推介這一間店，雖然是小店一間，製作漢堡的食材絕不馬虎，每次都沒有令我失望！🍔和牛漢堡：選用香煎草飼（120日)和牛配洋蔥絲、日式芝麻醬意大利芝士。大大啖一口咬下漢堡，所有材料入口口感豐富，肉味濃郁。🍔日本神戶牛漢堡：日本神戶牛配車打芝士，煎蛋、洋蔥絲、日式芝麻醬。這款神戶牛又是另一款層次的肉味，牛肉入口鬆化，而且多汁，車打芝士芝味又香。份量很適合女生！