Burger Joys (第一街)

營業中

休息中

朋友推薦位於西營盤高水準Burger Joys，外牆設計特別，鬧市中的寧靜，細細間，最重要漢堡質素高😍👍🏻🍔特色雙層芝士牛肉漢堡$140Burger好巨形，好大份足料，一啖咬唔哂，雙層牛肉勁多汁，唔乾，夾住濃濃的芝士，勁香🤤麵包口感好有驚喜，焗得岩岩好，好鬆軟，配搭生菜、洋蔥、蕃茄、酸瓜、醬汁，好口感好豐富，好出色的漢堡👍🏻👍🏻😍正加左Combo汽水及薯條$42，黑松露薯條另加$22😋😋🤤好重黑松露味，好香，正👍🏻👍🏻

今天來到西環遊走來到第一街，感覺到肚子有點我便網上尋找餐廳，居然看到 burger joy，意想不到開到這裏來，很多年前我在灣仔吃過此美式漢堡店記憶猶新！變尋覓試試有否不一樣！ 花了一點時間才找到因為漢堡店是座落在後巷大廈的後面！其實小小的店舖才有風味才有特色，為了吃漢堡和回憶舊有的味道便進去了！ 餐廳雖然小，但位置應該足夠應付，而且也不會感覺非常擠迫！我們叫了一份fish burger combo分享來，當然不忘叫店員上菜時將burger切半，這樣便方便我們對分！burger來所有ingredient都十分新鮮，無論青菜洋蔥芝士炒起上嚟都十分新鮮清脆！新鮮的青菜和材料吃起上來是不一樣的口感！非常refreshing 濕潤! 漢堡內的炸魚炸得香脆可口外脆內軟！整個漢堡吃起上來不會太乾亦不會太濕！基本能說是一個高質漢堡！ 升級 combo 會配上啤酒同薯條，我再將薯條升級為 sweet potato chips 更可以試唔同野，都係 combo 價加多 12蚊！ 而 sweet potato chips 外脆內軟番薯味十分

又來了我們最愛的Burger Joys，質素高，味道好，全港最正的漢堡之一🍔👍🏻！今次叫齊晒佢哋海陸空的食物，哈哈，正！📌美式炸雞配車打芝士醬🐔🧀$60第一次食呢個，相當酥脆可口，外層脆卜卜，內裏軟滑多汁，每一粒炸雞都被香噴噴的味粉包裹着，配搭芝士醬，濃郁可口🧀📌魚柳漢堡🐟🍔$90都是第一次點的單品，同樣高質，魚柳夠脆夠嫩，配搭特調醬汁和蔬菜，營養豐富🤩❣️📌牛肉漢堡🐮🍔$100漢堡肉，相當濃郁，啖啖多汁，牛味香郁吸引，每次食完都會好掛住，好想快啲再食😋❣️太正❣️✨最後還有一點值得欣賞，這裏還有漂書活動📚，大家可以拿你的舊書過來換一本新的，環保同時可以增加知識❤️👍🏻，相當喜歡💕大家都過嚟邊嘆漢堡🍔邊睇書啦📚

作為一個九龍人真係好少何過海，今日難得嚟到西環當然要食啲九龍冇嘅嘢啦burger joys 聽過好多次都未有機會試，舖頭細細好有外國feel，環境乾淨嗌咗一個魚柳漢堡同埋牛肉芝士漢堡炸魚柳炸得好香冇雪藏味，厚厚一塊魚柳炸完入邊唔會過熟，仲好滑同鮮牛肉芝士都好好食芝士嘅份量係完全覆蓋塊牛，咬落去牛唔會鞋口，仲煎得好香最值得一讚係佢嘅麵包下層半尺咁厚，但係佢好鬆軟食完咁大個包都唔會好滯！其中一個我哋仲加咗COMBO, 係罐裝可樂！薯條唔好睇落平平無奇，條條都食得出入邊既薯，唔會炸得太乾，剛剛好食到足料嘅薯仔餐牌仲有其他小食同埋唔同口味嘅薯條，下次再過海我都一定返嚟試下其他野。

Lunch time 同同事去左西營盤的burger joys食晏。由於唔係太肚餓，我地叫左個素食雜菌蘑菇芝士漢堡share，再加錢升級套餐同叫多份雞翼同洋蔥圈。素食雜菌蘑菇芝士漢堡 - 份量十足，配料豐富。磨菇扒望落好似足三兩，食落幾脆口，有幾分似免治牛肉的口感。漢堡包好鬆軟，好有牛油味。水牛城雞翼 - 雞翼上滿滿的水牛城醬，又酸又辣，味道非常濃郁強烈，好惹味。芝士薯條 - 薯條熱辣辣上枱，被半溶車打芝士醬覆蓋，雖然好邪惡，但又忍唔住一啖接一啖。洋蔥圈 - 外層金黃鬆脆，內裡係甜甜的洋蔥，味道唔錯。

得知呢間餐廳係榜上有名，而且牛肉漢堡是最出名的。雖然本人是不吃牛肉，但都想試吓，打個卡。我叫的是大啡菇漢堡，佢同其他漢堡店唔同，係切碎咗d大啡菇mixed埋其他香料同材料煎成一舊肉。其他餐廳會係一塊大啡菇夾係入面，其實我覺得各有各特色，呢個食法會似係食緊一舊肉咁。最緊要係呢度煎得唔會太乾薯條新鮮炸起，好夠熱，唔會淋哂環境方面，因為舖位比較細兼且係開放式廚房，會比較大油煙同坐得唔係咁好。試過，打個卡就好了

大受歡迎嘅Burger Joys🍔香港區已經有3間分店 今次我去返第一間嘅西營盤店 店面雖然唔大 但無論店外定店內都有種美式氛圍🇺🇲Burger有牛/雞/魚 另外仲有素食選擇tim◾芝士牛肉漢堡漢堡麵包鬆軟 牛肉juicy 味道夠濃郁🐂加埋生菜/洋蔥/芝士 簡單而隆重❣️◽魚柳漢堡魚柳都幾厚肉 份量十足 而且肉質亦算嫩滑🐟同樣有生菜/洋蔥/蕃茄 仲有沙律醬tim 食落夠晒fresh所有burger都可以加$42轉套餐 有汽水/啤酒同薯條 我哋都加咗一set 薯條仲追加蒜蓉🧄係切切實實嘅蒜蓉啊 味道好濃架😆除咗蒜蓉仲有熱溶芝士同黑松露揀💕

餐廳不大， 只有3-4枱坐位，主要招呼外賣客。不過menu 就很多選擇，有burger ，薯條，沙律，all day breakfast，雞翼，milkshake，等仲有其他飲品。最後combo點左牛肉漢堡（加啤酒同薯條）。漢堡包皮用牛油煎過，有淡淡的牛油香味，食落去質感鬆軟；材料有蕃茄，洋蔥，生菜🥬，酸瓜和牛肉。平時太多醬料的話會令到漢堡變軟，但係今次唔會，成個漢堡仲有脆脆地的感覺。薯條幼身薯條，炸得很脆，點上蕃茄汁更好味Buffalo Wing 有幾種口味，叫左水牛雞翼，雞翼炸得很脆，外表有辣辣地的醬料，很惹味。飲品則叫左啤酒同tonic water

Burger Joys (第一街)#琴日放假又同老公去西營盤尋寶,行到一條小巷一間好有藝術色彩的店舖吸引住,於是入去試下佢個漢堡包。#餐廳播着柔和的歐陸歌曲,令人置身於歐陸國家的感覺。#呢度食物質素不錯,通常即叫即做,保持新鮮👍 1）魚柳漢堡$90：大大塊的炸魚柳比包還要大,高質素的厚肉魚柳,炸得外面够鬆脆,內裏啖啖肉,厚厚的魚肉,非常嫩滑,充滿juicy,加上新鮮的生菜、爽口的洋蔥、酸甜的蕃茄、濃濃的芝士和沙律醬,簡直是絕配,加上外脆內軟,鬆軟的漢堡包,簡直令人沒齒難忘。2）扭扭薯條$40：份量頗多,一圈一圈的,炸得非常香脆,而且帶有薯肉,並不太油膩,調味恰當,較街外的薯條好吃,我們忍不住吃完一個又一個,不知不覺間很快便吃完了3）蒜香雞翼$60（6隻）：雞翼很大隻,炸得酥脆可口,保留了雞的獨特味道,上面舖上泰式酸甜醬和香蒜,吃起來非常惹味。4）曲奇奶昔$70：既香滑又解渴,曲奇味够濃,飲時伴隨入口的曲奇碎,更有口感。

週末起床後突然很想吃漢堡，立刻更衣起行到我最愛的漢堡店餐廳位於第一街下幾級樓梯的小巷上，頗為隱蔽裝修風格跟灣仔及中環店差不多，開放式設計，牆上掛滿食客的照片先來一杯巧克力奶昔，味道香濃之餘，甜度亦恰到好處特色雙層芝士牛肉漢堡可走蔬菜，份量十足的漢堡扒與芝士完美融合牛肉漢堡咬落肉汁滿瀉，有嚼勁！法國米芝蓮麵包烘得金黃鬆化漢堡加$42可變套餐配汽水或啤酒及薯條！另加$12可升級作蒜蓉薯條！炸得香脆的薯條上鋪滿生蒜，惹味無比汽水可選可樂、零度可樂、雪碧、梳打水、薑汁汽水或通寧水小食奇津辣味雞翼炸得透香，火辣惹味

今晚放工行行吓行到去西環，去到一啲橫街小巷探索一下，見到呢一間買漢堡包店，隱蔽但係有特色，所以揀呢度解決今晚嘅晚餐。其實我聽過好多次，但係從來都真正試過impossible beef ，所以就點咗impossible burger，無真肉嘅成份，但食落真係唔會分得出。加錢轉Combo，因為好想食薯條同飲嘢。飲品就叫咗Cranberry Juice。有得揀黑松露薯條，由於黑松露同薯條mix 唔到，我嘅方法係黑松露加入茄汁，再一齊點嚟食。

而家食任何野都主打健康而且開始多咗人食素，呢啲無疑都係好嘅現象，尤其是發明咗新肉類之後都幾受注目，計新豬肉之後今次就試吓其中一間未來牛肉漢堡嘅味道究竟係點樣。Burger joys 呢間餐廳除咗有傳統嘅漢堡包之外另外都有一款嶄新嘅未來芝士漢堡，亦係餐廳入面嘅主打招牌菜，一場嚟到當然就要試吓啦。另外就要多個傳統嘅芝士漢堡睇吓究竟無論從賣相定係外觀甚至味道究竟有啲咩差別呢？未來芝士牛肉漢堡- 除咗夠晒高又夠晒厚切之外另一個重點就係完全同普通芝士漢堡真係冇分別，論外觀論氣味都唔太搵到一絲破綻，配搭上依然係用返最正宗嘅車打芝士另外一對清新配搭就係生菜蕃茄，配埋芝士燒烤醬簡直就係漢堡界嘅典範。食咗幾啖之後都發覺同真正嘅牛肉幾乎不相伯仲，大家都係啡色，當然味道點都會有少少豆味喺入面，但如果論仿真度嘅話的確係個人食過最難兄難弟嘅未來牛肉，相信呢一個趨勢亦都會發展到其他漢堡身上。芝士漢堡- 對比起未來牛肉漢堡呢一個正宗嘅漢堡當然多咗一份濃厚嘅肉味，採用嘅亦都係非常常見嘅頂級安格斯牛肉，配合埋清新嘅沙律醬跟多一層新鮮感。

今日又嚟食Burger Joys啦，呢度好方便又好食，最緊要啦好近我。Southern Fried Chicken Nuggets (cheese) $59我地除咗漢堡之外叫咗一盒雞，份量都唔少㗎。一開始以為係麥樂雞嘅類型，但原來係未經加工嘅雞粒。食落都幾多汁，仲有啲胡椒粉調味，加埋啲芝士醬就一流。Single Burger $99呢度嘅漢堡包超級厚！呢個其實係牛肉漢堡，因為得一舊牛肉所以叫Single Burger。佢有好多蔬菜例如洋蔥生菜，所以食落都好多汁，唔會乾爭爭。牛肉咬落去都濃郁多汁，成個包嘅配搭都好夾。Fish Burger $89朋友唔鍾意食牛肉，所以食咗呢個魚柳漢堡。呢個包都好厚，朋友話食落都好脆。

原來屋企附近有間隱世漢堡包店，今晚同我的他放工攰攰哋，唔好出去食了，就喺呢間漢堡包店外賣burger返家食啦😆雖然店仔細細，但睇menu都有好多選擇👍簡單點了Cheese burger、Chicken burger，其中一個轉Combo，本來好想點Milkshake，點知餐廳部Mulkshake機壞咗所以未能供應😭😭下次一定要點啊！最終Combo點咗可樂、熱溶芝士味薯條🍟因為餐廳係即點即制，所以等待了少少時間，但可以享用到熱辣辣香噴噴嘅晚餐，一定值得等的😊Cheese burger $109。一咬落去，漢堡包夠哂熱，個皮夠脆，但竟然夠鬆軟喎，讚👍牛肉好juicy，加埋新鮮生菜、洋蔥、熱溶芝士，好Fresh、好匹配🥰Chicken burger $89。包都係一樣香脆鬆軟，雞好大件，好滑好嫩👍薯條配上熱溶芝士醬，因為我家離小店都好近，所以芝士醬仲係好熱，我哋無選擇將芝士淋上薯條，因為怕唔均勻🤣薯條點住芝士醬嚟食感覺更好，因為每條薯條都keep住脆口，唔會好快腍。值得一讚嘅係小店嘅薯條外脆、內煙韌，加上鹹香嘅熱溶芝士，真係好滿足啊🤩今晚天氣咁熱，我和我的他能夠舒舒服服安坐家中食美味burg

Lunch time同朋友去左西環的burger joys食lunch。我地唔太肚餓，所以叫左個包同兩個小食share。雞肉漢堡- 雞扒厚身，香嫩多汁，麵包好鬆軟，配料豐富有酸瓜、生菜、番茄、紅洋蔥，新鮮的配料中和左雞扒的油膩感。我地加左41蚊點左一個套餐(COMBO)，選了椰青水和洋蔥圈。洋蔥圈有外脆內軟的口感，十分好味。 水牛城雞翼- 火辣惹味的醬汁包着整隻雞翼。所以我即使沒有另外沾醬汁，都好夠味。美式炸雞配車打芝士醬 - 雞肉炸得香口唔會乾，配上濃香的芝士醬同炸雞一齊食，芝味十足。