Bro's Cuisine

營業中

休息中

越來越鐘意去觀塘工廈搵美食，因為好多時都會有驚喜！今次呢間餐廳，聽聞師傅係酒店廚房出身，所以水準好高！重點係晚餐價錢唔貴，試得過！西班牙黑毛豬架 $168煎得金香既西班牙黑毛豬架,豬味濃,啖啖肉,個人鐘意唔點醬汁,食佢既原汁原味,配菜有焗薯同雜菜寶雲酥三文魚扒 $168寶雲酥三文魚扒都係第一次食咋!將麵包糠舖上三文魚扒再焗,非常化工夫, 三文魚兩面都好香脆!經烤焗後,所有魚油都迫出,所以冇多餘油份,配上秘製醬汁食,好惹味!我同朋友都覺得極好味！伴碟既薯蓉亦都滑不溜口,配菜亦都一流,如果配菜份量再多D就完美!熱情果梳打（左）$38好夠氣! 熱情果酸酸甜甜好開胃!熱檸檬茶（右）$28我地一致認為，會為寶雲酥三文魚扒而encore

每2-3個月都會同某個舊同事食個lunch聚一聚今次佢就帶咗我呢到呢一間新既上樓去餐廳試一試餐廳門口大大個易拉架上到去唔使驚唔知邊間場內裝修以簡潔為主再播上英文歌 感覺舒適除咗食嘢之外仲有一啲煮送嘅調味料供客人選購除咗佢哋每日嘅set lunch之外都有兩樣特別嘅推介第一就係必食之選 及懷舊菜式第二就係呢一度嘅all you can eat只需比＄118就可以任食燒肉眼扒同薯菜如果自覺得係牛魔王嘅人真係可以黎挑戰一下雜菜忌廉湯忌廉味濃郁 每啖都食到雜菜蓉而湯上仲有幾片炸香既洋蔥片成個湯口感豐富煎三文魚三文魚好厚身 但略嫌過咗少少火但整體味道係不錯薯蓉好重薯仔味 質感好creamy 鍾意食嘅朋友 一定會好鍾意我朋友好鍾意食牛佢見到懷舊菜式中有一個叫左‘雀肉牛柳 ’所以叫左黎試下我地食落口都覺得係好獨特既牛味 出面我地未試過食落去 除左好香濃既牛味外 仲有陣陣既肝味而牛柳面既質感同平時食到既唔同好似鵝肝咁樣 所以好奇一問之下侍應就同我地解釋原來呢個做法 係一啲好懷舊嘅做法由於工序繁複 而家已經冇乜人會咁樣煮先煎牛柳之後係面再加上豬肝再用豬嘅橫膈膜包好 再拎去煎所以我地食到既除左牛味 仲

同事之間真係好難得閑出嚟食個晚餐，因為同事成日都要OT很難去到好嘢，咁啱今日早收工就book定間西餐食飯。Pizza Strawberry Rose $128去得攻下西餐廳點都要叫番佢特色食物，除咗有普通鹹食薄餅之外，仲有用士多啤梨、朱古力等做主題的特色薄餅。今次試士多啤梨味，士多啤梨切到一片片容易入口，酸酸甜甜十分開胃，在配搭上巴馬火腿咸香十足，加上芝士和脆餅底口感亦不錯。蟹肉雲吞配黑松露忌廉汁＄88呢個係必食之選，所以我都試一試佢，裏面有超級多蟹肉，而且個雲吞皮薄，又滑，配上香濃的黑松露以及濃郁的忌廉汁，簡直是多重享受。帕爾馬火腿野菌意大利粉＄108對比起上面兩款食物，這個意粉比較普通，帕爾馬火腿當然鹹香十足，意大利粉的水份恰到好處，味道適中但沒有太大特色。Green Apple Yogurt$38青蘋果乳酪在西餐廳中比較少見，甜味酸味充足裏面食到有少少果肉，Size分量十足勝在夠大杯可以二人一同享用。

位於觀塘這間西餐廳，如果唔係朋友介紹，我都好難知道有一間咁高質素嘅餐廳。位於工廠大廈，一直都有好多優質食肆。一間餐廳，主張手工製造、傳統食品。裝修門面比較簡約，枱同枱之間有寬闊的空間，俾客人有一種好寫意嘅感覺。餐廳都有出售不同味道，手工製作的nuts。侍應哥哥為我們悉心推介兩款菜式。一個是限量精選，雀肉牛柳，第二款就比較普遍嘅卡邦民意粉。雀肉牛柳，因為有鵝肝醬喺上邊，如果唔食得太濃烈味道，我個人建議可以食其他牛扒，一樣咁出色。「雀肉牛柳」感覺其實是威靈頓牛肉，一種傳統的英國菜。用上鵝肝醬鋪上蓋住牛柳，然後用豬網油包住成果牛肉，因此雀肉其實是的鵝肝醬意思。由於牛柳在烹調時一直被鵝肝醬及豬網油包裹在，所以牛肉細嫩的口感是一般烹製無法相比。廚師一定要好有心機預備及製作先可以做得到。牛柳四面煎香，刀輕輕切開，就是美美半熟呈誘人的粉紅色，沒一點血水，而肉汁豐富又軟又滑。用的牛柳很厚，約3cm多的厚度。而且＄268 ,咁高水準嘅牛，竟然有兩個，絕對足夠兩個人分享。出面西餐廳嘅威靈頓牛肉，根本唔會可以做到咁平。卡邦民意粉$108，一樣非常出色。濃郁的芝士，包住每一條意粉。意粉，一條一條非常分明，意粉

Bro’s Cuisine 在觀塘區一直是我最愛的餐廳，今天心思思又和同事一起前來光顧。午市套餐一如以往，提供各款優質西菜，這次餐廳不計成本，提供牛扒任食套餐，價錢只是$118，大胃王必試。蕃茄忌廉湯蕃茄味香濃，又不減忌廉味道，兩種味道共存完全無違和感。蟹肉雲吞配黑松露忌廉汁雲吞大大粒，滿載著蟹肉，蟹肉鮮味香濃，吃得津津有味。法式焗田螺田螺肉質鮮嫩，牛油味突出，拌勻周邊的薯蓉和牛油一併品嚐，是味覺的最高享受，是餐廳招牌作，必點之選。焗雲保酥三文魚柳配薯菜，香草忌廉汁三文魚烹調得恰到好處，入口即溶，外層的酥脆增強口感的層次。帕爾馬火腿野菌意大利粉很清新的一道菜，意粉煙韌彈牙。熱latte這裡的咖啡精心調製，咖啡味濃郁，飲完很醒神。

呢日朋友帶左我上黎呢間工廈西餐廳食午餐呢度中午時份有lunch set，依家仲有個Hkd$118任食燒肉眼扒既set除此之外，餐廳仲有一啲是日推介既菜式寫左喺個小黑板上面我地聽完店員既推介之後，我地就決定要一份set lunch“ 香煎羊扒配薯菜(黑椒汁)”HKd$98、一客“法式焗田螺”HKd$88同店員力推既“西班牙黑毛豬”HKd$168，兩個人share一齊食呢日既餐湯係蕃茄忌廉湯，店家仲好大方咁俾多碗我地添跟住就係焗田螺，未食已經聞到好香啦田螺軟腍，調味惹味，個薯蓉仲好香滑添呀絕對絕對值得一試跟住就係店員力推既黑毛豬架果然無介紹錯啵，豬架既肉同脂肪比例平均，肉質爽彈唔嚡，而且仲好有肉味之後set既羊架都好有質素三大舊羊架，煎得剛好無血水~食落軟腍無筋，正呢度既薯菜伴碟一啲都唔馬虎，做得好有誠意，啲薯粒整得十級好味當日朋友跟餐要左杯熱咖啡，而我就另外嗌左杯“strawberry yogurt”HKd$38呢度既食物唔單止有誠意有質素，價錢又唔貴，仲要唔洗加一添下次一定要再黎試下佢地其他既菜式，尤其係佢地既pizza都好似好吸引咁呀

去開觀塘，當然要搵觀塘返工的朋友帶我食好野這日就帶我去了間由兩位大廚出身的親兄弟主理的樓上餐廳本來諗住點兩份午餐 ...但是見到是日必食之選有我想食的法式焗田螺和黑毛豬架 ...改點了 ... 法式焗田螺 + 黑毛豬架 + 一份午餐 (附餐湯和飲品)雖然只點了一份午餐，店家都大方的送了兩份呢 !法式焗田螺 HK$88剛焗好的田螺香噴噴熱騰騰，田螺大大粒，肉質飽滿紮實吸滿香料牛油醬的田螺和幼滑的薯蓉一起食，特別滋味西班牙黑毛豬架 HK$168厚切的黑毛豬架熟度剛剛好，切開後呈粉紅色肉質爽口不乾澀，肉香也夠濃郁不只主菜，連伴碟的薯菜都是用心去煮薯粒先烘至香脆，再用香草和鹽去調味，好味到全碟連拌菜都清哂 ~~牛魔王朋友仔點了客 ... 午餐任食推介 ...燒肉眼扒配薯菜〈原價 HK$168 現在優惠價 HK$118)一份有三大塊燒肉眼扒，厚度適中邊位有點焦香，中間呈嫩紅，看見都流口水2 點半午市前無限添加，加上優惠價，真是好抵食朋友仔的餐飲 ... 凍奶茶平時飯後愛嘆杯咖啡的我，今次點了客甜品 ...朱古力雪糕配士多啤梨凍湯 HK$38朱古力雪糕是店家自製的，味道濃郁，口感細滑配上果味香濃，

Happy Friday 當然出去同honey 食下飯橕下檯腳喇！放工去觀塘接佢收工，然後去左工廈食晚餐！今次發握到宜間西餐廳非常好，環境寬闊舒適，仲免收加一服務費，真係抵食又好味呀！parma ham 配野菌意大利絕對係新嘗試！一向都係parma ham +蜜瓜作為前菜，想不到也可以成為main course，頗創新美味唷！西班牙黑毛豬絕對係食肉獸既最愛！黑毛豬兩邊煎得很香口，加上香草惹味之餘又能除去豬羶味，非常惹味！黑毛豬肉厚嫩滑，邊邊位帶有小許脂肪，入口爽嫩。這個西班牙辣肉腸薄餅真係無得輸！！薄餅底比薯片更脆，非常香口！辣肉腸份量亦夠多，入口口感豐富。而且加上濃郁芝士，絕對係完美配搭呀！

邊個話觀塘冇好嘢食！觀塘經常有新開各國菜色餐廳， 每日食一間新野，有排都唔使重覆。今日同同事黎開觀塘開會， 午餐就係成業工業大廈搵下好嘢食。門口 banner 個士多啤梨批真係引死人。地方光猛新淨，重點係bros 顏值不錯，哈。餐湯係蔬菜湯，清清地幾好飲。身為牛控嘅我就叫咗主菜餐單上的美國rib eye steak 七成熟$238， 跟薯菜，份量唔係好大岩曬女士。同事嗰個好抵食，因為佢嗰個午餐$118上面嘅燒肉眼係可以任食㗎！！！佢好唔蝕底食左5大塊。凍奶茶喺自己落奶嘅。iced latte 就本身乜都落曬，但味道比較淡。餐廳係只收現金，黎之前記得帶夠cash

觀塘揾食甚艱難，朋友食過滿意帶路去咗工廈2樓揾食，Bro’s cuisine位於走廊最盡頭，出lift指示唔夠清晰唔係朋友推薦行經幾間食肆已經比人引咗過去🙈當日因為天氣凍得我同朋友2個幫襯，好開心我地包場，打趣同老闆講笑原來佢哋真係有包場服務！只要消費＄5000就可以包咗佢哋嘅場地，＄5000完全用向食物上，菜式可以特別訂製唔使跟餐牌，邊租場唔使錢如果自攜酒水或糕餅都唔需要額外嘅費用，又幾抵玩喎😳講翻正題，原來主理餐廳嘅廚師係兩兄弟，佢哋兩個都係由五星級酒店嘅廚房出身，對於食材既處理相當有經驗餐廳主打懷舊工序繁複既菜，細如餅皮都係佢地自己搓，啖啖都係廚師既心機。法式焗田螺係是日推介，螺肉爽口，唔似出邊嘅食落去楣身，法式煮法裏面充滿咗芝士味，配合埋香草同薯蓉做底，有如中菜既粉絲咁索哂調味，窮人胃既我覺得薯蓉先係主角😋Pizza超大份目測有6吋，2個人share多咗少少，配料夾得好食。值得一題係Pizza既底好似紙咁薄，皮邊亦焗係香脆，對於每次食pizza但又怕佢好厚包皮既我來講簡直係福音！黑松露芝士意大利飯充滿咗芝士味，飯既軟硬程度啱啱好口感煙韌。上面嗰塊係焗製既芝士脆片，芝士狂迷一定好

觀塘工廈嘅西餐廳真係越開越多，要脫穎而出確實係唔容易，但係呢間餐廳係小女子真係要推介。呢間餐廳優勝嘅地方係對食物，對食嘢好有執著嘅兩位負責人，嗰種熱誠係好難去形容，單單就係因為呢種熱誠，就足以令餐廳嘅食物好食同埋別樹一幟。餐廳負責人同我地講，最近餐廳主題做緊懷舊法國菜，所以推介左法式焗田螺同埋雀肉牛柳俾我地試下。先講個法式焗田螺，佢同出面餐廳食嘅法式焗田螺有好大分別。雖然都只係田螺同薯蓉，但係佢個田螺加左自製香料，入口好香，口感彈口唔在講，仲要係口螺入面有啲油/汁，mix埋啲薯蓉嚟食真係超正。應該係我食過嘅頭幾位好食嘅田螺。再講下雀肉牛柳，我之前完全未聽過呢個菜式，心諗：又雀又牛咁得人驚？原來佢係用肝醬搽左係牛柳面，然後再用豬油網包住佢然後煎香佢。件事出奇地match, 仲要配埋個自家製紅酒汁，一啲都唔會覺得好膩。廚師連旁邊嘅配菜都整得好好食😋不得不提嘅驚喜：hand made chocolate ice cream。我自問係一個唔鍾意食朱古力嘅，但係我都覺得佢呢個朱古力雪糕好好食。個朱古力味好純，唔會有多餘嘅甜味，食落仲有nut嘅味道，而且配上一啲餐廳自製toppings，成件事好o

觀塘工業區又有新嘅正嘢，餐廳由兩兄弟拍住上，難怪餐廳叫做「Bro's Cuisine」啦。晚餐主打懷舊菜，原來主廚曾經喺舊尖沙咀凱悅酒店（即係iSquare舊位置）及帝苑酒店做過，所以可以食到好多好有特色嘅菜式呢！法式焗田螺（$88）由約20種香料醃製，食完田螺仲有下面果啲薯蓉都不容錯過呢！雀肉牛柳（$268）呢味菜式夠晒特別！原來係用豬網油包住肝醬及牛柳一齊焗，仲有微酸嘅紅酒汁中和肝醬嘅膩，整體唔會過熟，老派菜真有承傳之處呢！青蘋果乳酪沙冰（$38）酸酸甜甜，同牛柳一齊食都match!希望遲啲會有更多懷舊西餐菜色啦，呢度又可以約$5000包場，開返個懷舊之夜party都唔錯！

因為老公生日所以想搵一間餐廳要具備較寧靜又好feel嘢食又好食又就腳嘅條件 搵咗好一段時間都未搵啱心水！經朋友介紹之下， 就認識左bro’s cuisine喇,由兩兄弟一手創立的的私房菜，同老闆言談得知放棄了做大品牌公司的大廚隻身自己開西餐廳，所以呢餐我係十分之期待的老闆仲會親力親為招呼食客，呢點認真唔話得呀。餐廳不算太大, 座位與座位之間有一定距離，坐得較舒服。先叫個廚師推介，法式焗田螺做前菜先老闆溫馨提示我地將田螺汁同薯蓉搞拌黎食會更惹味。正，必點呀先叫一杯熱焦糖咖啡先凍冰冰既天氣最適合，濃滑咖啡香，愛飲咖啡既你一定不能錯過喇。主菜: 美國西冷扒點了七成熟，煮得剛剛好，不會過火太”鞋”身，煮得好入味，而且有兩大塊，簡直超值呀！配菜一點都不馬虎，烤著仔以及翠玉瓜仍保持水份十分新鮮。四川麻辣牛肉薄餅最愛吃辣的辣妹Chloe，見到呢個pizza覺得十分吸引，pizza面鋪滿左麻辣牛肉，餅底薄身焗得超脆呀！好食。帕爾馬火腿野菌意大利粉火腿及野菌都好多，意粉煮得爽口彈牙不會過腍，茄汁醬再加有香草，好醒胃，而汁有少少辣，味道比較濃我為我老公準備了一點的驚喜,多謝餐廳送上不定期的酒啤梨配芝士蛋糕

工作關係又來到觀塘，放工後我跟同事去附近的工廈cafe。我們點了三款食物，分別是沙律、薄餅及牛柳。這是凱撒沙律 $68，沙律的味道挺不錯。所有的沙律生菜都能沾到沙律醬，沙律上面還有碎芝士跟煙肉粒，簡單卻很美味。帕爾馬火腿薄餅 $118，這是脆薄底的薄餅，香脆而且不油膩。這個薄餅有不少配菜，包括橄欖及大量的芝士。熱辣辣薄餅是新鮮焗起的，味道有一點點酸，是很開胃的薄餅。最後，我們還有加拿大牛柳 $188。黑椒汁牛柳配上薯角及雜菜，配菜味道跟外貌都只是一般，但這牛柳有一寸厚，肉質鬆軟，充滿肉汁，而且生熟程度也控制得不錯，所以算是很好的牛柳。這裡的環境很舒服，我去這裡的時候是聖誕節的前幾星期，當時在找地方開聖誕party的地方，所以查詢了一下包場的資料，最低消費$5000，不限人數。雖然我們最後沒有選擇這這裡慶祝聖誕節，可是我覺得這裡真的很舒服。

之前中午嚟過食午餐，已經覺得環境舒適，食物質素都幾好。今晚公司活動包場，餐廳好配合我地手工活動嘅安排，更加好用心幫我地設計menu。Menu係四道菜，主菜有兩款選擇-燒肉眼扒同黑毛豬。頭盤沙律同埋湯因為太肚餓就冇影到喇，但係不得不提，跟湯嘅面包非常香軟。主菜今晚就揀咗燒黑毛豬架配蒜蓉汁，黑毛豬燒得剛剛好，肉質好鬆軟。至於燒肉眼扒，同行人士就話味道唔錯，但就略嫌overcooked咗少少。餐廳亦都好好幫手諗咗個俾素食同事嘅主菜-焗什菜米紙卷配茄醬，米紙卷焗到好香脆，旁邊嘅薯泥口感特別，亦都好好味。最後今晚嘅甜品係焦糖蘋果配雲尼拿雪糕。焦糖蘋果暖暖地配上雪糕冰凍嘅感覺，而雲尼拿雪糕係餐廳自己製造嘅，無平時食嘅雪糕咁甜，同焦糖蘋果夾埋甜度剛剛好，非常balance。成晚餐廳都安排得好好，食物同服務維持到高質素，完全感覺到餐廳兩位老闆好有熱誠