Briketenia (已改名) 查看

Date night tonight, so decided on french cuisine. Everything from the entrance decoration to the utensils were very elegant. Each table also had sufficient space in between, so there was good privacy. We got two dinner sets. Pan fried scallop with citrus salad was very refreshing the orange and grapefruit were very sweet and the scallop was grilled to perfection, slightly charred yet still raw and fresh on the inside. The clam chowder was absolutely delicious! It wasn't overly thick, but the cla

Briketenia 是一間位於北角匯的一間法式餐廳🍴 貴但值！侍應姐姐有禮貌🧍‍♀️ 仲識斟暖水畀中客人～ a bit warming ! 上菜時仲會介紹一下菜式。前菜 Creme Brulee第一次食到焦糖燉蛋用嚟作為鹹食嘅前菜。加入少少鵝肝醬之後，就可以撈埋燉蛋搽脆脆的法包食～ 燉蛋其他的前菜包括: Main Dish 1 - duck breast 🦆 憑着膽量叫嚟食一食，幾驚以為係煙鴨胸嘅味道。終於少數食到有鴨肉味道的鴨胸～ 哈哈，雖然肉質上同風食燒味有啲相似。但係，西式嘅烹調方法就令肉質再冧身啲、配搭就唔係酸梅醬，而係紅莓醬🍓~ Main Dish 2 - Rib Eye 🥩帶着期望叫嚟食，味道比我想像中仲要好。切開見到粉嫩 tender pink 已經令我心心眼😍 入口幾乎每一舊都有少少溶化嘅感覺🙂 夠膽講，應該係我食過最高質嘅肉眼扒😤薯條即叫即炸即上，好香脆！

今晚去了探住在北角的朋友，晚餐帶了我去食高級西餐。食店很有情調，又有個海景位和戶外餐廳位。晚市套餐主要有麵包、餐前小食、前菜、主食和飲品。麵包很香脆，餐前小食是蜜瓜火腿多士，又甜又鹹，又脆又香。周打蜆湯份量十足，蜆肉大大隻，又有薯仔粒、洋蔥、紅蘿蔔等材料，口感豐富，很細滑。鵝肝焦糖燉蛋配上田園沙律，鵝肝很光滑細膩，好像很香的芝士，而上面焦脆，塗在多士配著吃更好味，而田園沙律亦可以中和其味道。肉眼扒7成熟，味道剛好，鎖住肉汁，十分香口。除了薯菜，還有即炸即上碟的厚切薯條，牛扒配薯條，很夾很正。龍蝦扁意粉有爽口彈牙，香口美味的龍蝦肉，而扁意粉有雜菌，配的是香濃龍蝦汁。今晚環境佳，氣氛好，食物正，想有二次光顧。

法國菜比人印象除左貴之外，就係食得耐同份量少，雖然話食係一種享受要慢慢嘆，但慣左乜都快嘅香港人都好難適應。其實新派法國菜嘅節奏都比以前快左，Briketenia就係一間新派法國菜餐廳，佢保持左傳統法國菜嘅精緻，但出菜節奏會快返啲同份量亦好足，食完都唔會好空虛，重點係定價亦較為經濟，唔洗等到大時大節先捨得食。餐廳用左粉紅同淺金色做主調，帶啲輕奢少女風，座位都好鬆動闊落。晚市有套餐亦有散叫，套餐三百幾蚊包左前菜、主菜同餐茶，亦可以加錢加配甜品。落完單冇幾耐，侍應就送黎餐前麵包，麵包烘到外脆內軟，食時可以搽埋旁邊嘅鯷魚蛋黃醬食，帶少少酸味幾好食。雖然menu冇提到，但上前菜仲有哩道免費嘅餐前小食，係風乾火腿配哈蜜瓜多士，火腿油潤帶鹹香，配埋清甜蜜瓜絕對係perfect match。香煎帶子配柑橘沙律 - 沙律菜新鮮爽脆，中間都有幾多舊香橙同西柚，西柚唔會太澀，上面仲有兩粒帶子。法式鵝肝焦糖燉蛋配田園沙律(跟餐加$48) - 哩個前菜好特別，因為佢將平時用黎當甜品嘅焦糖燉蛋加左鵝肝變成一道鹹點前菜。燉蛋因為加左鵝肝，所以口感同平時唔同，反而係帶啲篤肝半融口感，鵝肝味亦好出，但又唔會好似煎鵝肝咁

今次約朋友食飯揀咗呢間室外幾靚嘅餐廳,如果用嚟慶祝環境唔錯晚餐唔想煩我哋就揀咗Dinner set 坐低佢會先俾餐包前菜選擇都算多，當天佢仲送咗個牛油果他他多士俾我地，味道好香麵包好脆，幾好食周打蜆湯朋友表示好香濃海鮮味，係好足料嘅湯燒牛肉配塔布勒沙律牛肉配沙律，牛肉唔會Overcook成個感覺好健康香烤羊架配忌廉焗薯食落去幾香羊味，份量都算幾多而且切晒件好方便食味噌鱈魚配蘆筍及蘑菇幾鍾意食呢個魚，食落去好香佢旁邊嘅薯蓉都好好食

高水準海邊法國餐廳，約了另一半慶祝一下。餐廳環境燈光偏柔和，雲石外牆，裝修高端，又有海景，如果下午可以坐室外，望住個海chill住飲杯酒，肯定好正！原來可以帶寵物進入！！即刻想起某朋友。另外服務好好，店員友善，細心分享每樣食物！人均：$409.5.前菜：法包配銀魚柳蛋黃醬脆口暖暖的法包配上自家製蛋黃醬好夾，有陣陣魚香味！.周打蜆湯真的要叫！材料豐富絕不吝嗇，蜆肉攪拌而成的湯相當出色，輕盈口感，蜆肉新鮮沒有沙，廚師出來聊天才知道有客人反映有沙而轉了供應商，感受到餐廳對客人能品嘗美食的重視！.法式鵝肝焦糖燉蛋配田園沙律（另加$48）推薦✨眼看似甜品cream brûlée，食落口感都似，味道卻是鹹點，鵝肝醬加上面上的果醬帶來甜鹹衝擊，配上極薄脆的法包多士真的好好食！果然是招牌菜無叫錯！.法式生牛肉他他（每台都有）見到有牛油果已經好喜歡！.主菜忌廉帶子及鮮蝦意大利飯我倆都讚好！香濃滋味，愈食愈想食，味道精準，大蝦蝦肉新鮮，帶子鮮嫩，加上翠玉瓜、香菇、雜菜，每口口感豐富！.香烤肉眼扒配薯條及小甘筍份量很足夠呢！肉眼叫了五成熟，剛剛好，肉嫩有汁，薯條上台以為老公私下叫😂.飲品凍檸茶兩杯.@bri

為左慶祝週年紀念我特登俾左個任務男朋友叫佢準備慶祝嘅餐廳平時好多時食乜都係我話事今次俾個機會佢發揮下🤭🤭佢即刻問下朋友有乜推介又去啲關注組睇下有乜好食最後揀左間有海景價錢合理嘅餐廳同我慶祝餐廳裝修高雅有幾個窗邊位可以望到海景不過我地遲訂位只可以坐遠望夜景梳化位但都算唔錯🥳由於男朋友一早已經睇過餐單所以今次全部由佢發板麵包法式麵包配自家製銀魚柳蛋黃醬麵包溫熱外脆肉軟配上蛋黃醬相當鮮味係一個好好嘅開胃菜餐前小食Parma ham with melon今次呢片麵包比較脆身鹹香煙肉配上香甜蜜瓜更顯蜜甜香煎鵝肝配砵酒燴梨鵝肝無筋入口即融非常豐腴配上酒香燴梨用甜味中和油膩感最後用薄麵包吸收鵝油好一道令人又愛又恨嘅美味香煎帶子配柑橘沙律食完比較油膩嘅鵝肝食返個清爽沙律黑松露忌廉帶子鮮蝦意大利飯松露味香食落好Creamy但又不會太膩大蝦帶炭烤香味香煎法國鴨胸配新薯鴨胸切成長條型比平時切薄片更有口感鴨味突出同紅莓醬食好夾！世上實在無野好得過可以望住夜景享受豐盛晚餐身邊又有愛人陪伴夫復何求呢～

今日同老婆慶祝周年紀念，精挑細選擇左間餐廳撐枱腳，呢間餐廳都bookmarked左好耐🙏🏻好彩老婆都好滿意，無論Service定食物質素都好好。。位置方便，係北角匯商場2樓，有得泊車，可以坐外面有海景，但因為天氣都幾熱下，所以我地選擇坐裡面。。Dinner Set包括頭盤、主菜、咖啡茶。頭盤我地選擇左「香煎帶子配柑橘沙律」同「香煎鵝肝配砵酒燴梨（+$38）」，沙律🥗清新爽甜。香煎鵝肝十分值得推介，好食過係香港其喺餐廳食既，首先鵝肝煎到半熟，加上砵酒燴梨既甜度，中和返本身鵝肝既酥味，再配上一塊多士，一口咬落有多層質感。。主菜就選擇「香烤羊架配忌廉焗薯 $398」同「香煎法國鴨胸配新薯,紅莓汁 $348」，羊架7成熟，完全食到羊既香味，偏酥既羊架，但我地好滿意，食到羊架既鮮味，配菜簡單得黎好食。法國鴨胸比想像中完全唔同，絕對唔係平時既鴨胸質素，係咬落硬爽，加上有鴨既香味，唔算好濃味既調味已經好好食。。最後配上咖啡茶作總結，看似普通晚餐，偏含廚師高藝既煮食技巧👍🏼十分滿意既晚餐。

北角多食肆，但多數都是比較舊式地道餐廳，自從興建了北角匯，比較多高質食肆，並不是批評舊式地道餐廳，只是北角匯裡餐廳比較坐得較舒適，環境新淨令人食得開懷這間法國餐廳雖然內裡不大，枱與枱之間空間夠闊落，裝修很清新出面露台亦有坐位，景觀開揚，適合情侶二人浪漫進餐Set Dinner Menu 多選擇，最平都只是$298先送上法式麵包，配自家制沙律醬麵包鬆化香口香煎帶子配柑橘沙律新鮮蔬菜，柑橘清新感覺，特別喜愛帶子，新鮮甜美香煎鵝肝配砵酒燴梨鵝肝配上黑炭多士，沒有油膩感覺，鵝肝煎得很香口香烤羊扒配忌廉焗薯羊扒面層煎得香脆，5成熟剛好做出我要求，炭燒羊酥香味， 一流香烤乳豬配薯蓉及蔬菜脆皮乳豬，香脆可口，肉嫩不韌，份量剛好還送餐飲，套餐十分抵食整體環境，食物質素，價錢，地段，簡直超值

今日同老婆行完街，來到北角匯Briketenia 呢間西餐廳🍴食個lunch ,對住個海景都幾chill下兩公婆一人一個set lunch 前菜有法包🥖+ 餐湯 +雞肉凱撒沙律🥗餐湯： 忌廉湯，口感好creamy 好好飲🤤雞肉凱撒沙律🥗： 雞肉好軟滑，唔鞋身，配上新鮮蔬菜🥬加芝士碎， 夠晒fresh 蟹肉蝦肉蕃茄意大利飯大大隻海蝦🦞肉質爽口彈牙鮮甜， 意大飯口感軟綿， 好好味🤤香煎海爐魚配紅波椒及新薯份量十足， 兩大塊海爐魚海爐魚煎至金黃色，魚既肉質滑捋捋，搭配甜椒蔬菜薯蓉，超好食😋

上星期放工同朋友去咗北角食呢間主打法國菜嘅西餐廳(⁎⁍̴̛ᴗ⁍̴̛⁎) 窗邊位可以望到海景，環境幾靚，適合約會同慶祝。Dinner Set晚市套餐有八款，可以揀一款前菜同主食，可以加錢食甜品或者餐酒。餐前小食餐前小食有兩款，分別係巴馬臣火腿蜜瓜多士同自家製銀魚柳蛋黃醬配法包。Parma Ham 好香，同蜜瓜好夾。自家製銀魚柳蛋黃醬法包有驚喜，法包好鬆脆，蛋黃醬有少少似他他醬，幾開胃。😋前菜 🥗香煎帶子配柑橘沙律好大碟沙律，帶子有四大隻，輕輕煎香金黃色，入面半生熟好鮮甜。仲有西柚肉和橙肉，酸酸甜甜好開胃。💛法式鵝肝焦糖燉蛋配田園沙律 +$48呢個前菜好特別，將鵝肝mix 焦糖燉蛋，鵝肝味濃，凍食嘅燉蛋配麵包幾特別。主菜🖤黑松露忌廉帶子及鮮蝦意大利飯 $298呢個risotto 我同老公都大讚，大蝦烤得好香口，蝦肉好爽口，帶子軟嫩。Risotto 好重黑松露味，加埋忌廉好creamy。🐷香烤乳豬配薯蓉及蔬菜 $398乳豬件有四件，每件都好香，油脂豐富，乳豬皮好脆，入面嘅脂肪入口即化，可以食啲配菜解膩。😋

成日話要睇靚景、歎好野？其實北角嘅北角滙中「Briketenia」就可以同一時間享受得到，睇靚景、歎好野！餐廳設有室外座位，景觀相當開揚，坐擁維港海濱景致，在這裡悠閒地用餐確有一番風味。他們設有Set Lunch，而且種類都不少：意粉、漢堡、意大利飯、甚至燴羊肉、海鱸魚、肉眼扒等…都可以自己選擇想食嘅！法包配自家銀魚柳蛋黃醬前菜先有法包塗上自家制銀魚柳蛋黃醬，一入口麵包煙韌中帶上鮮咸嘅香味，真係越食越開胃。南瓜湯口感綿密順滑，味道香甜濃郁。巴馬火腿配哈蜜瓜沙律新鮮嫩身嘅沙律菜，配上咸香十足嘅手巴馬火腿及清甜哈蜜瓜，入口啖啖清新，爽脆清甜。香烤肉眼扒配蔬菜及薯蓉肉眼扒生熟程度剛好，入口肉質鬆軟且有點嚼勁，肉味濃郁，薯蓉入口感覺到濃密的牛油香和奶香，口感幼滑。香烤豬扒配薯蓉及蔬菜豬扒不單止軟熟，還保留啖啖咬口，有彈性，入口帶一股獨特炭烤香氣，肉汁滿滿！

雖然平時成日周圍食野，但比較少嘅係去食浪漫菜式💕估唔到原來北角匯都有間咁有水準嘅浪漫法國餐廳🍴餐廳內好有格調，而且好多位都坐得好舒服，好適合weekend/放工來嘆下🥂☺️🌟餐前小食🥖好有水準，外層脆香，麵包不黏口。旁邊更加係餐廳自家製銀魚蛋黃醬，texture好rich，好香蛋黃味😋就咁食都好滿足🥖另外還有parma ham配麵包，parma ham 薄香，鹹度適中，配上甜香蜜瓜，好match。💟Starter🥗香煎帶子配柑橘沙律大大碟之餘，好多款菜，而且竟然有4粒帶子切片，刺身級好鮮甜。😋沙律菜本身非常新鮮爽香，再配埋grapefruit，真係好開胃。🥣周打蜆湯同樣impressive，飲落去先係適度嘅cream texture，然後就有鮮甜蜆肉味，層次感豐富😋湯內都幾多新鮮蜆，還有薯仔、蘿蔔、番茄，令人回味。💟main❤️香烤羊架配忌廉焗薯真係好🉐️，超高質素！本身點了70%熟，外表看似紅紅的，但其實食落去係熟了肉嘅口感😆😋（蠱惑的肉？）食得出廚師好用心整，用上低溫煮方法，令羊架熟之餘入面肉質軟嫩香口，還可以食到肉嘅鮮同味道。旁邊嘅薯仔撈上了cheese + cream來焗，香口之餘，

最近試了唔少餐廳，要數本週最難忘就一定係這家位於北角匯的法式西餐廳，飽覽廣闊的維港海景，餐廳裝修雅致亦富有現代感，主廚曾喺多間米芝蓮餐廳任職嘅日藉法國菜大廚，整餐食物體驗都很好，估唔到最後廚師仲會出嚟客人交流，服務及食物都充滿誠意餐包配搭著銀魚柳蛋黃醬 🥯熱哄哄又香脆，吃得出是自家烘焙選了兩款不同的頭盤法式鵝肝焦糖燉蛋配田園沙律不是甜品‼️是耳目一新的前菜超驚喜der ❤️廚師巧妙地融合了焦糖燉蛋及鵝肝醬兩種元素，口感香滑而又濃郁，比起平時烤鵝肝增加更特別，塗在香脆法包吐司上，很喜歡香煎帶子配柑橘沙律帶子厚肉有鮮味，柑橘沙律不是太常見，因為工序繁多需要去衣，啖啖清甜滋味Today special: 法式小龍蝦雞肉批本來以為焗批要在brunch menu 才有，想不到今日廚師推介是這款，酥皮很鬆軟，盛滿小龍蝦肉及菠菜，撻底又非常香脆，附上龍蝦濃湯蘸上伴着吃，一口吃下去非常滿足，很久沒有在香港吃到這麼地道的焗批，但如果想吃就要碰碰運氣，好像不是每天也有，最好先問一問這款是朋友吃的牛扒，雖然我沒有吃但是朋友說質素也不錯，生熟程度也掌握得很好👍—————————————————Briketenia

喺北角匯經過過幾次呢間餐廳，一路覺得佢環境典雅幾decent，最近朋友生日就揀咗喺度dinner🍴 餐廳有室內外座位，再凍啲坐室外都幾chill架☺️-佢地星期日都有set dinner提供！餐包係香脆法包點上自家製銀魚柳沙律醬，餐前小食係Parma ham加清甜蜜瓜粒，幾醒胃～-🥗香煎帶子配柑橘沙律帶子鮮甜大粒仲幾爽口，特別欣賞沙律嘅香橙，非常多汁🍊-🦢香煎鵝肝配砵酒燴梨 (+$38)鵝肝肥美，入口甘醇，配上酸酸甜甜嘅砵酒梨中和返油膩感，下層係脆口嘅竹炭多士～-🐑香烤羊架配忌廉焗薯 $398羊架厚肉大件，肉質鮮嫩多汁，帶有少少羶味，羊架外層烤至小小焦脆，份外香口🤤-🥩香烤肉眼扒配薯條及小甘筍 $398肉眼扒充滿炭烤風味，肉汁鎖緊，食落口牛味突出🐮 配菜係即叫即炸嘅薯條，上枱仲好熱，而且薯條炸得夠乾身唔會油冧冧🍟