Boat Thai

營業中

休息中

尖沙咀isquare 的平靚正泰國菜《Boat Thai》， 全泰國廚師團隊主理，正宗又美味，絕對係性價比之選✨ 午市和下午茶set 都非常親民，難怪人流不絕～🍤炸蝦餅 (Hk$58): 泰式小食獨愛炸蝦餅，3件厚切香脆彈牙，配甜酸醬更開胃🍍泰式海鮮菠蘿炒飯 (Hk$88): 有新鮮原片菠蘿在旁，蛋炒飯色澤金黃、飯粒分明，非常足料：有肉鬆、腰果、提子乾、蝦仁、青口、魷魚、 紅蘿蔔、仲有臘腸呢🍜泰式乾炒豬肉片河粉(Hk$78): 河粉乾爽不油膩，配有蔬菜、小粟米、紅蘿蔔、蛋和醬油，濃濃「鑊氣」的惹味🥭芒果糯米飯(Hk$68)：黑白鴛鴦糯米飯， 雙重口感，香濃椰漿配清甜芒果，泰滿足了🥥椰青($40): 原隻即開椰子水，天然清甜，仲畀埋匙羹食果肉🍸青檸梳打(Set+$18): 酸香十足，消暑解渴(All subject to 10% service charge)📍Boat Thai尖沙咀彌敦道63號iSQUARE國際廣場6樓601號舖

Boat Thai．泰好味的餐廳朋友身在尖咀，想食泰菜要食得抵，又食得近一於帶佢去食Boat ThaiBoat Thai 係 iSQUAREMTR行上去好近份量夠，價格實惠2個女生，一起分享味道很不錯海南雞飯海南雞香滑肉嫩皮夠爽，飯也充滿黃薑香氣整體口感不錯特別是配上專用醬汁令雞肉加添了濃濃醬香再飲一碗特製的蘿蔔湯帶有濃濃的香蒜味炸蝦餅脆卜卜，熱辣辣香口野最是吸引特別是泰式炸蝦餅夠厚又多肉每次食泰菜最令人興奮蟹肉炒飯非常有鑊氣，黃色好吸引真材實料，好多蟹肉米飯粒粒分明，味道夠香口燒豬頸肉水準之作，邊位夠脆肉汁夠多，口感爽彈是高質素的燒豬頸肉檸檬茶+ 奶茶經典泰式香氣茶底好香，就是泰國的滋味飲到好爽！Boat Thai尖沙咀iSQUARE國際廣場6樓601號舖

因為呢度好近我公司所以我成日都過嚟食lunch，除咗呢度靜靜地坐得舒服之外啲嘢食質素都唔差👍🏻質素都算幾穩定！而家仲有下午茶仲抵食😍-下午茶迷你海南雞飯 $52好開心有雞髀食海南雞又滑又嫩又多肉點埋佢個汁好開胃個油飯都好香～個湯幾清甜😉加配小食泰式白雲鳳爪 $15醃到酸酸地辣辣地鳳爪好脆👍🏻泰式椰子刨冰＄22刨冰刨得好細飲落去幾綿最重要係勁香濃椰子味😎-泰式冬陰功湯 $98因為我唔係好食得辣所以就叫咗小辣呢度個辣度可以調真係唔錯入邊有好多菇香料同有大頭蝦飲落去都幾香椰香味辣到叫咗小辣真係啱啱好幾惹味😍-泰式肉碎生菜包 $88泰式肉碎調味啱啱好好有香料味又唔會搶過咗啲肉味仲有好多肉汁配埋生菜包一齊食又清甜又香辣👍🏻-泰式街頭 椰子粟米雪糕 $58椰子粟米雪糕入邊啲椰子肉超香甜啲雪糕都好重椰子🥥味佢呢度椰子嘅嘢真係好正！全部都幾濃郁仲有啲雪糕係有少少黏黏哋手工造咁 好好食😋推推😍

平時番工食野口淡淡，放工梗係想食啲香口野，今日就約左fd去食一間泰國野🇹🇭🐣香茅炸雞翼（4隻）外面炸得好香脆，內裡肉嫩，食得出有香茅味道☺️🐮泰北牛肉沙律牛肉大塊又嫩口，而且好多片，配上酸辣醬汁和蔬菜中和牛肉膩感，絕對係開胃小菜😝🐥泰式海南雞飯 轉脾皮滑肉嫩而且雞味特濃，重點係配上泰式醬汁一流油飯亦好香，簡直一流👍🏻🍦泰式街頭椰子粟米雪糕🌟🌟必食甜品，口感一流，有粟米 花生和椰子肉，底層還有糯米飯，配上軟滑椰子雪糕，層次豐富，食落仲有淡淡椰香😋泰式奶茶，香甜茶濃青檸梳打

一直都好鍾意Isquare 呢間人氣泰菜，佢由泰國人主理，抵食又正宗！好多泰菜特色菜式！無論系泰式小食、沙律﹑粉麵飯﹑甜品都非常吸引！鮮菠蘿海鮮炒飯配有新鮮菠蘿，表面烤咗吓，更香甜，而且又多水份。黃薑炒飯爽口唔油，配有大蝦仁、魷魚，青口、菠蘿粒、肉鬆，口感非常豐富。泰式船湯河（轉咗金邊粉）食開河粉，但當日賣晒，所以轉咗金邊粉，足料大碗，有牛丸、牛肉片、芽菜同炸豬皮，湯底濃郁鮮甜，香料味突出，仲食到鮮甜味，金邊粉彈牙入味。半隻海南雞賣相好吸引，雞皮油亮，雞肉細膩爽滑。炸蝦餅蝦餅炸到金黃鬆脆，滿滿嘅蝦膠，非常Q彈，蝦餅香脆可口，份量滿足，沾泰式酸辣醬更好味。

大概一個月前左右食過一次，覺得唔貴而且味道ok。重點係當晚食完即時送咗張滿$250就8折既優惠劵，所以就再去食一次。今次4個人去食，安排咗張圓枱，但完全唔夠位擺野，張相影既時候仲有碟豬頸肉未上枱到已經迫成咁😂😅😅😅-雞髀咖喱湯麵係我最推薦，真係好香椰香味！至於野飲，我個人覺得唔抵飲同埋麻麻地上到枱其實杯野飲勁細杯，連朋友都下咗聲😂泰奶我覺得同上次一樣，奶味偏少，甜度都好似就番香港人咁少甜勁多，如果下次再食我一定唔會再叫泰奶了😂/最後又送咗張8折優惠劵俾我地，所以下次經過尖沙咀都會再食😆

如果要喺尖沙咀iSQUARE裏面 揾一間上菜快而平靚正嘅餐廳 食泰國嘢 會係一個唔錯嘅選擇-🐔泰式海南雞飯熱賣招牌飯幾乎每枱都order 去骨海南雞啖啖肉 雞皮油滑 連皮帶肉食最正 冬瓜湯每日熬製 冇落味精👍-🥢泰式乾炒肉片河粉河粉寛闊扁平 炒起唔會碎濕濕 有加甜豉油兜炒所以味道濃郁 食落亦唔算油膩 如果肉片厚身啲 咁會更好-🍤炸蝦餅 $58香口小食之中 我勁like炸蝦餅😍 蝦膠足料結實 蘸甜酸汁食 更好味更開胃-🥗泰式鮮蝦碌柚沙律碌柚肉好juicy 其他配料有花生🥜辣椒絲🌶️櫻花蝦 甜酸鹹辣嘅味道都有 又幾搭喎☺️-🥤泰式檸檬茶🥤泰式奶茶

iSQUARE真係好多野食，去左《Boat Thai》呢間泰國菜，真係平靚正，味道正宗，食得出有濃郁的泰國風味。⭐半隻海南雞海南雞係去骨的，雞肉質感皮爽肉嫩多汁，非常好食，配搭甜醬油和泰式醬汁，有2種不同的口感。⭐泰式燒鲜魷魚鮮魷魚好大條，肉質厚厚的，食落有咬口，而且有鮮味，好新鮮。⭐泰式鲜蝦碌柚沙律第一次食柚子沙律，入邊有好多小蝦米，咬落充滿醬油香和蝦的香氣。⭐泰式街頭椰子粟米雪糕好清新好解涼的椰子雪糕

老公話出街食飯慶香港再拎奧運金牌，放工後大家去尖沙咀呢間之前幫襯過的泰國餐廳，試吓之前賣哂嘅泰式蝦膠皮蛋。泰式蝦膠皮蛋有6件，蝦膠包住皮蛋，出面脆，再黎爽彈蝦膠，再入面皮蛋嫩又甘香，沾上少少泰式辣醬，好好味既泰式小食。泰式燒燒豬頸肉本身想點泰式魚餅，但係賣晒，改點了豬頸肉，燒得好香脆，好大碟，厚薄適中，頭尾個件仲要大件d又厚d，唔會乾，好香好惹味。香茅雞翼炸得好金黃，外觀十分吸引，外皮非常之脆，冇過燶，啱啱好，入面剛熟，冇血又唔嚡， 好juicy，香茅好香。鮮菠蘿海鮮炒飯味道一樣咁好味，d蝦大隻，又多青口同魷魚，個炒飯size 啱4個人食，我同老公每人食了2碗半，其實好扺食。泰式乾炒豬肉片河粉個炒河粉幾惹味，幾有鑊氣，唔會好油，豬肉片幾多，豬肉可以炒得再滑啲，不過整體來講，性價比都係高既。

昨天介紹完越南菜今天輪到泰國菜！這天跟美女好友相約飯聚，天氣實在太熱所以我們異口同聲地選吃泰國菜，誓以火辣惹味來挑起無窮的食慾。九龍城有好多不同的泰國菜館但怎也不夠尖沙咀方便！所以我們揀選去尖沙咀國際廣場6樓內的Boat Thai開餐。熱辣辣的天氣下當然要先享受一杯冰凍飲品！選上我偏愛的泰式凍檸檬茶$25，泰式紅茶獨特的香甜味確是令我心動，加上新鮮青檸解渴又好飲。好友則選了新鮮原個椰青事關怕辣的她喜歡吃惹味菜式，椰青清甜的味道用來解辣一流。首先來一客涼浸浸的沙律打開胃口！泰式鮮蝦碌柚沙律$88內的爽口彈牙大蝦挺有鮮味，加上酸香不澀的柚子肉這份沙律超好吃。湯品選上味道香甜溫和的泰式南京椰汁雞湯$88！椰奶作湯口感份外香滑，加上啖啖無骨雞肉喝得順口。接下來先品嚐一系列香口小食！泰式炸蝦餅$58沾上泰式甜辣醬來享用味道更好。香茅雞翼$48炸得好香脆而且不油膩，內裏雞肉仍能保持肉汁不錯吃啊。這客泰式燒鮮魷魚$98烹得非常可口，魷魚口感煙靭有彈性香口加鮮味共冶一爐，哪怕膽固醇的威脅照吃可也。從來愛吃豬頸肉的我選了泰式燒豬頸肉$78！豬頸肉彈性不錯醃味亦挺可口，如果可以切厚身點咬口會更加吸引。這兒

I Square 睇戲前都會黎下層開餐，夠方便！ 今次食泰國野！ 🥢泰式船湯河湯頭色澤深竭，豬血湯汁精華味道不單止濃郁，入口仲有九層塔香氣！金邊粉幼滑掛湯入味。 配料有Q彈牛丸、嫩滑薄切牛肉片，脆口炸豬皮，仲有爽口芽菜、蘿蔔。🥢泰式海南雞飯啖啖肉雞件，雞皮皮薄唔邪惡，雞肉白嫩鮮滑，油飯香，仲有雞湯，必點之選！ 醬汁夠地道，味道酸酸地微辣有香氣，甜黑豉油雞醬都係有個性，好惹味！ 🥢泰式肉碎生菜包生菜包滿豬肉，肉粒拌入香草、辣椒碎，魚露汁調配，香辣濃鮮。豬肉碎juicy，食幾卷都夠飽肚！🥭芒果糯米飯泰國菜飯後甜點，一定要點芒果糯米飯。紫白鴛鴦，紫米配糯米飯，口感軟糯又有椰奶香滑，配一口肉厚清甜芒果肉，消暑解悶！🍍泰式菠蘿刨冰淺黃色既菠蘿刨冰感覺好fresh，刨冰綿滑甜度剛好，仲飲到鮮打果肉碎粒，清新順喉！

食泰菜就應該去試試 iSquare 內的 Boat Thai，這裡環境舒適，職員友善，視野空矌，菜式也相當美味。個人最喜歡他們的咖喱雞髀湯麵，湯麵口感偏硬，雞髀軟嫩可口，而咖喱汁的味道則剛剛好，不會太濃。另外，我們還點了他們的豬肉炒河粉，炒得相當爽口，豬肉的份量也十分慷慨。當然，不能錯過他們的海南雞，配有兩款醬料，肉質鮮嫩滑口，絕對是必試之選。當然佢哋嘅飲品都唔錯，我個人幾鍾意佢嘅菠蘿沙冰。🙂‍↕️🙂‍↕️

煲呔, 有幾次係i square睇完戲都係度食埋飯. 質素保持穩定✔️中意哩度既泰式船湯金邊粉, 個湯底濃得黎唔會過咸, 仲有d配料夠豐富, 牛肉每次都係又大塊又腍香既, 滿足到餐餐要有肉既我。鮮牛丸爽彈冇雪味(最唔中意有雪味既丸), 加埋脆卜卜炸豬皮, 係一碗above average既船河。第一次食哩間既红咖喱, 個咖哩底又幾香仲有椰汁味, 辣度就屬於比較溫和個種, 牛肉係厚身既鮮牛, 哩個撈飯都正。小食都整得幾好, 香茅雞翼外皮好香脆, 肉滑兼有肉汁。唔知點解食泰國野硬係心思思想食個芒果燸米飯做結尾, 這是泰國的魔咒嗎😂好中意陣斑斕椰汁味!天氣熱辣辣飲番杯椰子冰or泰式檸檬茶即刻舒服哂!!!

✅泰式海南雞飯雞肉嫩滑又多汁，同埋無骨，口感彈牙，飯香噴噴，粒粒分明，唔會太乾亦唔會太油，配埋雞肉一齊食，真係一流👍🏻✅泰式冬陰功湯真係酸辣得嚟好香。湯底濃郁，酸同辣啱啱好，飲一啖真係停唔到口。湯裡面嘅蝦好新鮮，口感彈牙，仲有蘑菇同番茄，令湯更加豐富✅泰式鮮蝦碌柚沙律清新爽口。柚子嘅香氣同鮮蝦嘅甜味好夾，一食就有種清爽嘅感覺。沙律汁酸甜適中，唔會搶晒食材嘅風味。每一口都食到滿滿嘅蝦肉同柚子，口感好豐富，再加新鮮蔬菜，真係好滿足。✅泰式菠蘿刨冰係炎熱天氣嘅救星。刨冰細膩綿密，入口即化，酸酸甜甜嘅口感令人心情好好。刨冰上面仲淋咗一層濃郁嘅椰漿，增加咗香氣同口感

香港吃貨篇✨.之前同朋友去尖沙咀嘅👉🏻 Boat Thai 👈🏻 食性價比高嘅泰菜➰.“半隻海南雞” (HK$118) 份量足之外，肉質好嫩滑，價錢唔貴，做餸一流💯.“泰式船湯河”(HK$78) 船湯河嚟講都幾大碗🙈 而且料多，包括牛肉、牛丸、炸豬皮…等等，湯底亦都好濃郁，可以一試✨.“泰式炸蝦餅”(HK$58) 外皮炸得香脆，蝦肉彈牙，加上泰式辣醬，夠惹味😍.“泰式街頭椰子粟米雪糕”(HK$58) 用椰子殻裝雪糕再加上椰子肉、粟米及花生，椰子雪糕軟滑帶有椰香，底部仲糯米飯，層次好豐富呢👅.“泰式菠蘿刨冰”(HK$38) 認真完全冇諗過係即場做嘅刨冰，飲落酸酸甜甜，好開胃🤤...🍽 Boat Thai📪 尖沙咀彌敦道63號iSQUARE國際廣場6樓601號舖