影片
以上資料只供參考, 請與餐廳確認詳情
在香港太古這片繁華之地，Black Bear散發著獨特的魅力。它巧妙地將日式料理的嚴謹細緻與西式烹飪的創意大膽相融合，為食客開啟一場充滿驚喜的味覺冒險。 環境坐得非常舒服好多年輕人。叫咗兩個主菜同兩個甜品，兩個人share食。茄汁大蝦扁意粉，大蝦與濃郁的番茄醬完美融合，大蝦肉質緊實、富有彈性，經過輕煎後裹上一層金黃酥脆的外殼，內裏卻保持了蝦肉的鮮嫩多汁。搭配細扁的義大利面，吸滿了由新鮮番茄熬制而成的酸甜茄汁，大大份又好味。照燒汁煮牛肉丼定食，選用優質牛肉薄片，在特製的照燒汁中燉煮至入味，煮得非常啱啱好，牛肉變表面則呈現出誘人的焦糖色澤。照燒汁味道恰到好處地提升了牛肉的風味，再配埋個飯，絕配好味。喺呢度點少得食甜品，呢度個甜品賣相非常之靚又好味！！士多啤梨牛角包窩夫，外層的牛角包酥脆可口，草莓的酸甜與奶油的綿密相得益彰，每一口都充滿了甜蜜的幸福感。柚子蜜乳酪雪糕牛角包窩夫，柚子蜜乳酪雪糕，柚子的獨特清香與乳酪雪糕的絲滑質感相互映襯，再加上牛角包本身的酥脆口感，形成了冷熱交替、酸甜平衡的獨特體驗。仲有兩杯嘢飲，荔枝士多啤梨梳打，結合了荔枝的清甜與草莓的酸甜，再加入清涼的蘇打水，創造出一種清新爽口的口感體驗。荔枝的果香與草莓的微酸在舌尖上跳躍，伴隨著氣泡的刺激感，為夏日帶來一絲涼爽愜意。香桃乳酸梳打，香桃口味與乳酸菌相結合，通過蘇打水的激發，帶來了獨特的層次感。香桃的甜美香氣混合著乳酸的微酸口感，既清新又不失醇厚，同時還能促進消化。由食物都服務到環境都非常之滿意，特別係呢度嘅甜品不可以錯過！！
繼續閱讀
Black Bear位處太古城中心外圍，東隅酒店對面，旺中帶靜。非連鎖集團cafe擺設帶有個性，手機自助下單，店員只在上菜時出現，對客人的打擾減到最低，感覺很舒適自在。 Black Bear餐牌選擇不少，尤其是甜品及飲品，下單都花了點時間。 茄汁大蝦扁意粉 大蝦意粉賣相很工整，茄汁酸甜度適中，扁意粉煙韌彈牙，大蝦鮮甜。 水牛芝士巴馬火腿牛角包窩夫牛角包窩夫有窩夫的賣相，又有牛角包的酥脆，而且沒有食牛角包的狼狽情況，加上鹹香巴馬火腿、煙韌水牛芝士及清爽沙律菜，所有食材都非常合拍。 黑熊餡蜜 特製餡蜜材料十分豐富，有一球咖啡雪糕、蕨餅、咖啡啫喱、白玉、寒天與紅豆蓉。蕨餅新鮮製做，配上黃豆粉，口感清新煙韌綿滑，咖啡味比咖啡啫喱更要濃郁。咖啡雪糕味道濃而不苦，咖啡味與甜味十分平衡。咖啡啫喱、白玉與寒天味道相對較淡，配上紅豆蓉味道一濃一淡，層次更加豐富。 迷你芝麻卷蛋及迷你Tiramisu卷蛋配乳酪雪糕 迷你卷蛋賣相很可愛，入口鬆軟，乳酪雪糕酸酸甜甜，味道十分清新。 班蘭拿鐵 班蘭拿鐵帶淡淡班蘭味，味道討好。 黑熊特飲 咖啡軟雪糕溶化後混上冰美式咖啡，味道好像加糖加奶一樣，完全沒有酸味及苦味，味道帶有驚喜。
繼續閱讀
無論係平日抑或係假日，太古城中心都係人來人往，有d餐廳仲直頭有人龍出現。如果唔想同人迫，可以行過一條街，近香港東隅酒店對面地下，有一間裝修簡約，行日式文青風格既cafe。個度人流唔算多，可以慢慢chill住嘆。Menu用Qr code落單，雖然主食選擇唔多，但係沙律小食甜品蛋糕飲品都一應俱全。香草醬煙三文魚長通粉$88主食黎講份量正常，食落味道清爽，而且羅勒香草味濃，香氣十足，而長通粉都好夠彈牙，滿滿既香草醬，越食越惹味茄汁大蝦扁意粉$108同樣都係主食，份量都係正常，大蝦有成五隻，食落肉質彈牙爽口，而配菜既車厘茄酸中帶甜，營養價值又高，至於個扁意粉食落好有咬口柚子蜜乳酪雪糕牛角包窩夫$88呢個牛角包窩夫好有驚喜，除咗有樣，仲要好好食。窩夫樣既牛角包，新鮮熱辣，食落鬆化，有層次感，配個好fresh既柚子蜜乳酪雪糕，非常match黑熊芭菲$88呢個芭菲主要分3層，頂層係咖啡味既軟雪糕，中層係d方塊蛋糕而最底層就鋪滿粟米片，講真，開始食個時係要逐層逐層食，好難一次過食晒3層。先講個咖啡味軟雪糕，食落香滑濃郁，而個方塊蛋糕同粟米片就一般，加埋d雪糕都夾既，反而雪糕旁邊既啫喱加d雪糕又幾好味喎黑熊特飲$68原來黑熊特飲係咖啡味軟雪糕配黑咖啡，就好似黑牛既朱古力雪糕配可樂咁，而呢個咖啡雪糕配凍咖啡，就double左個咖啡味，至於軟雪糕既香滑口感仲將整個咖啡提升左美式咖啡（冰凍）$41冇咩特別，係一杯正常凍美式
繼續閱讀
多年來都好少去港島東搵食，今次身痕去太古城行下，喺OpenRice搵到間高評價嘅餐廳，見環境裝修唔錯，當去打卡都好，就Go！(評分5✅為滿分)環境✅✅✅✅✅呢間Black Bear嘅裝修有啲似日式cafe，基本上好多個位都好好打卡，尤其係入面兩幅畫，有「最後的『Bear』餐」，好得意。被安排喺入面近窗口位置，座位闊落好舒服。食物✅✅✅✅✅主菜叫咗照燒汁煮牛肉丼定食，及鰻魚飯定食，配有前菜同麵豉湯。前者雖然賣相同坊間好多牛肉丼差唔多，不過我覺得牛味較香濃，收$88係絕對值呢個價；至於鰻魚飯就真係堅香又大條，出面食鰻魚飯，條鰻魚通常都係八達通size，今次足足有2大塊，正。飲品叫咗黑熊特飲同荔枝士多啤梨梳打，兩者都好飲，呢方面唔多講，睇相大家都會明。埋尾追加士多啤梨乳酪芭菲同柚子蜜乳酪雪糕牛角包窩夫，同樣前者都係expected嘅好味，不過我更推介柚子蜜乳酪雪糕牛角包窩夫，雪糕香、窩夫脆。如果你太飽只食到一個甜品，咁一定係呢個。性價比✅✅✅✅叫咗6樣嘢，$588埋單，老實講我唔覺貴，以環境、食物攞盤、食物質素，出面收多你$300都仲得，真心堅讚👍🏼
繼續閱讀
以為星期天Black Bear一定要排隊先有位，點知唔多人就坐低食個午餐。餐廳裝修行日式文青風，簡單潔淨，好chill❤️✨🍝香草醬煙三文魚長通粉$91: 賣相唔算好驚喜，但通粉入口香草味道就濃濃咁滲出，滿口清新；通粉口感又剛剛好，有咬口，值得慢慢品嚐。✨🍝茄汁大蝦扁意粉$115: 睇得出廚師好有心機擺盤，幾朶色彩鮮艷嘅食用花令整盤意粉高檔了。意粉當然有咬口，配埋特製茄汁🥫好好食；但一咬大蝦直情係驚嘆❗️其爽口程度令你覺得是新鮮蝦，爽、脆、甜，而且有5隻咁多，性價比非常高，下次來都要再嚐一次😋😋😋
繼續閱讀