影片
以上資料只供參考, 請與餐廳確認詳情
最近發現了一間超有特色的咖啡館——Black Bear 🐨，這間餐廳以可愛的熊熊裝飾為主題，讓我忍不住想去探索一下 🤗。菜式介紹：脆香雞翼配製香辣醬 🍗這道雞翼超級香脆，配上秘製香辣醬，味道更加惹味 😋。雞皮酥脆，入口即化，讓人忍不住一口接一口 🤤。荔枝士多啤梨梳打 🍹這杯飲料清爽怡人，荔枝和士多啤梨的味道完美融合 🌴。微酸的口感讓人耳目一新，非常適合炎熱天氣 🌞。意式鮮奶咖啡 ☕️咖啡香醇濃郁，入口滑溜，讓人感受到濃厚的咖啡香氣 🌿。非常適合咖啡愛好者 🤗。香草醬煙三文魚長通粉 🍝這道長通粉有很好的咬口，香草醬與煙三文魚完美結合 🌸。每一口都能感受到新鮮的魚肉和醬汁的搭配 🌟。士多啤梨乳酪芭菲 🍰這道芭菲口感豐富，有雪糕、滑捋捋啫喱和鬆軟蛋糕 🍰。士多啤梨的甜味與乳酪的酸味完美平衡，讓人吃得很滿足 😋。Black Bear 是一個非常適合下午茶或輕食的好地方 🌈。環境舒適，食物質素佳，特別是甜品和咖啡 🤗。無論是與朋友聚會還是單獨放鬆，這裡都是個理想的選擇 😊。餐廳資料餐廳名稱：Black Bear 🐨地址：太古太古城道22號明宮閣地下G406號舖
繼續閱讀
Happy Friday, 放工突然落起毛毛雨, 於是就同同事係附近搵間餐廳避雨, 順便食個Dinner。餐廳環境闊落舒適, 抹茶拿鐵(熱):抹茶味香濃不澀, 口感有厚度而且絲滑。黑熊特飲:冰凍香濃咖啡加上面層有軟滑兼濃厚咖啡味軟雪糕, 雙重享受。香草醬煙三文魚長通粉:數片卷成花狀鹹香煙三文魚令賣相更為吸引, 每條長通粉平均沾上了香草醬, 口感creamy易掛汁, 味道濃郁, 配上幾粒多汁車厘茄, 多一點清新。鰻魚飯定食:鰻魚鮮香, 掃上了鹹甜鰻魚醬汁, 非常惹味, 配上了日本珍珠米飯, 而定食仲有埋合桃銀魚小食同麵豉湯, 滋味無窮。士多啤梨乳酪芭菲:甜酸乳酪幼滑得入口即溶, 面層放上了士多啤梨片、藍莓, 中層為海綿蛋糕、慕絲同埋粟米片, mix埋一齊食, 增加了層次。黑熊芭菲:置頂為軟滑濃厚咖啡味軟雪糕, 配上咖啡凍同埋焦糖餅乾做陪襯, 下層同樣有海綿蛋糕、慕絲同埋粟米片, 非常豐富又好味。
繼續閱讀
呢晚嚟咗呢間日式西餐餐廳🍽️食晚餐🤣$108「鰻魚飯定食」：鰻魚鮮味有2片撈飯食好夾，仲有一碗麵豉湯可以飲🤣$105「水牛芝士🧀巴馬火腿牛角包窩夫」：牛角包窩夫 Croffle 暖暖哋脆脆哋配埋幾 creamy嘅水牛芝士同埋有鹹香嘅 Prosciutto，食得好暢快🤣$50「荔枝士多啤梨梳打」：夠晒甜幾清新飲得好開心🤣$50「熱情果檸檬梳打」：都係夠晒甜幾清新飲得好開心🤣$88「士多啤梨🍓乳酪芭菲」：有切開咗嘅新鮮士多啤梨圍住杯邊，味道清甜🤣；乳酪非常滑🤣；仲有脆卜卜嘅薄脆喺杯底🤣；幾典型嘅 Parfait 組合，夠晒甜好味食得好開心🤣$78「黑熊餡蜜」：餡蜜係日式🇯🇵甜品，將大菜整成啫喱然後再配其他甜點 例如 紅豆、柑、黑糖糖漿、小丸子、雪糕、糯米糍 等 一齊食，呢間餐廳做嘅都係夠晒甜越食越開心 🤣
繼續閱讀
今日同大家分享一間氣氛好warm、舒適又好坐嘅Cafe餐廳，絕對係約朋友聚會嘅好地方！ 地方闊落，又非常近太古地鐵站，隔離就係太古城中心，旺中帶靜。一入到Cafe，飲品同甜品真係好吸睛，我哋隨心揀咗兩杯飲品試吓。朱古力拿鐵（熱）$42估唔到個賣相咁得意，竟然有餐廳嘅主角小熊🐻拉花！熊仔樣嘅拉花真係好靚，令人心動。我哋叫咗少甜，所以飲落唔會太甜，朱古力味香濃又creamy，好正！芝麻鮮奶咖啡（冰凍）$52呢杯咖啡好有型格，飲落仲有啲韓國Cafe嘅感覺！芝麻同咖啡嘅配搭出奇地夾，芝麻的香為咖啡提升到更高嘅層次，加上芝麻嘅口感，真係一飲就愛上，慢慢品嘗好relaxing。黑熊芭菲$88一見到餐牌上嘅黑熊芭菲，就覺得係必點嘅甜品！咖啡軟雪糕香濃軟滑，配上焦糖漿點綴，伴隨嘅餅乾條脆身唔淋，口感一流。再食落去有彈性嘅咖啡涷，底層仲有朱古力cream同早餐脆片，層次豐富，絕對係有讚冇彈！迷你白桃烏龍茶麻糬芝士蛋糕配雪糕 $58呢個蛋糕賣相可愛得嚟又帶點優雅，蛋糕上面嘅白桃乾清香，烏龍茶味蛋糕香濃，食完之後茶香仲會喺口腔徘徊，真係好似飲完一杯香濃茶咁。加上麻糬嘅Q彈口感，再配埋一啖咖啡雪糕球，真係令人忍唔住一啖接一啖！水牛芝士巴馬火腿牛角包窩夫 $105呢個啱晒細食嘅朋友，同我杯冰凍芝麻鮮奶咖啡好夾！窩夫形狀嘅牛角包好特別，我將風乾火腿包住水牛芝士同沙律菜一齊食，口感非常好，呢個食法令到火腿嘅肉味唔會太突出，就好似火腿包住哈密瓜咁和諧。然後，食一啖窩夫，再飲一啖咖啡，簡直係人生一大享受！鰻魚飯定食 $108如果要食飯先飽肚嘅朋友，我會推介呢個鰻魚飯定食。鰻魚煮得啱啱好，飯汁唔會太多，飯前仲有甜合桃同魚仔做前菜，特別開胃。麵豉湯温度同調味都適中，絕對唔會過咸，相信由小朋友到老人家都會鍾意。講完食物，都想講吓餐廳嘅環境。餐廳燈光有情調，坐得好舒服。當日我坐嘅位置比較私隱，喺轉角位，鍾意睇街景嘅朋友可以坐窗口位。餐廳入面仲有好多可愛嘅小熊掛畫，佢哋仲係食緊餐廳嘅食物添！我哋一邊食美食，一邊欣賞小熊掛畫，真係好享受！
繼續閱讀
太古城樓下新開咗間隱世日式 cafe，簡約文青風環境舒適安靜，係太古城行完街後嘅理想休息地🖤試咗鰻魚飯定食 ($108)鰻魚肥美厚身，配上香甜醬汁，冇細骨，送飯最正！另外個炸魚合桃前菜好香脆，別具特色有種掛住日本嘅感覺🤤仲有茄汁大蝦扁意粉 ($108)蝦肉結實多汁，意粉掛滿龍蝦汁，味道濃郁賣相靚，真心推介！🍝飲品試咗伯爵茶 latte 及熱情果檸檬梳打伯爵茶香濃，檸檬梳打清爽怡人🍹甜品黑熊芭菲 ($88)口感豐富，咖啡雪糕、朱古力慕絲同脆片結合完美仲有香蕉朱古力牛角包窩夫 ($88)香蕉朱古力係絕佳搭配，仲想加埋雪糕會更讚🍨地點尚算方便，下次要試其他款☺️ 📍 black bear (太古) 太古城道 22 號明宮閣地下 G406 號舖
繼續閱讀