影片
更多
2023-08-29
678 瀏覽
終於到表弟一家移民, 依依不捨道別後, 心情未能平伏, 丫姨安慰我即興帶我去食好野。呢間新開嘅法國菜餐廳, 裝修非常高貴華麗, 環境氣氛高檔, 而且由外國人款待, 有如置身外國一樣。首次幫襯, 店長推介我地order Tasting menu, 由廚師發板挑選餐廳獨特法式招牌菜同埋創新菜式, 而且價錢每位都係HK$428 (另加一), 對於Omakase兼法國菜嚟講, 絕對係唔貴, 而且味道有驚喜!另外order咗杯Mochtail, Butterfly Pea Lemonade HK$62以碟豆花做出天然漸變色, 賣相啱哂打卡。味道有如有汽檸檬茶般, 清新不澀。先送上兩款前菜, Bread in Butter: 法包多士 配上熱熔牛油: 固體牛油有如蠟燭賣相, 店員點起火光, 牛油慢慢熔化, 法包煙韌, 沾牛油食, 慢慢享受。Cold cut n Olives: Ham好滑, 有些少鹹香, 伴有一小碟原粒橄欖。Hakkaido Scallop Crudo: 帆立貝薄切鮮甜, 加咗柚子醋調味更加清新提鮮, 配上牛油果醬同時入口, 令口感更滑更creamy。Baked Camembert
呢間新開嘅法國菜餐廳, 裝修非常高貴華麗, 環境氣氛高檔, 而且由外國人款待, 有如置身外國一樣。
首次幫襯, 店長推介我地order Tasting menu, 由廚師發板挑選餐廳獨特法式招牌菜同埋創新菜式, 而且價錢每位都係HK$428 (另加一), 對於Omakase兼法國菜嚟講, 絕對係唔貴, 而且味道有驚喜!
另外order咗杯Mochtail,
Butterfly Pea Lemonade HK$62
以碟豆花做出天然漸變色, 賣相啱哂打卡。味道有如有汽檸檬茶般, 清新不澀。
先送上兩款前菜,
Bread in Butter: 法包多士 配上熱熔牛油: 固體牛油有如蠟燭賣相, 店員點起火光, 牛油慢慢熔化, 法包煙韌, 沾牛油食, 慢慢享受。
Cold cut n Olives: Ham好滑, 有些少鹹香, 伴有一小碟原粒橄欖。
Hakkaido Scallop Crudo: 帆立貝薄切鮮甜, 加咗柚子醋調味更加清新提鮮, 配上牛油果醬同時入口, 令口感更滑更creamy。
Baked Camembert: 焗金文拔芝士, 皮鬆化, 包裹著帶少少濕度嘅芝士, 芝士味唔太濃, 但質感軟滑, 配上甜蜜糖醬食, 美味唔膩。
Duck Sandwich: 絲絲嘅油封鴨腿甘香多汁, 夾住醃洋蔥、芝士、軟熟多士同時食, 平衡到油膩感, 同時配菜令鴨肉更加清香美味。
9 Hours Slow Roasted Beef Chuck:
牛肩肉經慢煮後, 肉質粉嫩多汁, 有彈性得黎又夠林, 牛味很重, 配上椰菜花蓉, 平衡了牛肩肉慬餘油脂。
23 瀏覽
0 讚好
0 留言
馬鈴薯千層: 每層薯仔焗得綿密好林, 一d都唔會過於乾身, 薯味同埋芝士味同樣很重, 超喜歡。
13 瀏覽
0 讚好
0 留言
最後送上甜品:
Tarte au Chocolate: 特濃朱古力味, 口感creamy, 好似Brownie, 配上柚子果肉同埋焦糖醬, 平衡一下朱古力嘅濃度。
張貼
