Bingle Bingle 空中列車烤肉

營業中

休息中

長期經過呢間嘢都勁多人今次夜少少終於唔使排太耐隊 就決定入去一試睇吓點解佢咁旺！入到去佢係用輸送帶子彈列車送餐 本身以為好似迴轉壽司咁樣但係入到去又覺得幾得意喎 係唔同嘅感覺唔使幾耐個餐就送咗過嚟 掛住影相差啲就唔小心miss咗攞唔到哈哈 但係好得意一定要影!我選擇困難症唔知揀邊隻肉所以嗌咗一個拼盤 有齊A4和牛A5和牛1++最高級韓牛呢個套餐真係無敵正到爆炸 平時想食幾隻肉但係又唔想嗌咁多碟咁貴又食唔晒 同埋呢啲牛油脂分布都比較多其實女仔好難食到好多 佢呢個拼盤每樣兩塊咁樣真係Perfect match 所有嘢都可以試到 選擇困難症必選每個位旁邊都有齊醬汁可以隨意使用 夠晒方便唔使出去行嚟行去外邊水吧嘅話有冰水免費供應好貼心決定以後無限encore呢一間

｛食盡荔枝角之韓式 — Bingle Bingle 空中列車烤肉｝————————————————迴轉壽司就食得多啦，搭列車過嚟你身邊嘅燒肉又有冇食過呢🤣， 冇錯，其實我都係貪佢好似幾得意就過咗嚟食呢一間韓式燒肉餐廳， 結果又幾好食喎！ 🔸 美國牛五花+特級雞爽肉套餐 200g 手機落單完之後可以出去自助拎杯冰水或者檸檬水， 隔咗冇耐就會見到有㗎空中列車開到嚟你面前啦！ 套餐因為唔想食牛咁單一，就揀咗牛同雞！ 啲雞細細一條容易煮得熟， 而且食落都好嫩滑😆 牛五花油脂豐富， 每邊煎大概兩三十秒就食得， 途中發現個燒烤網燶咗嘅話，記得叫職員幫你換過一個新既🤗 🔸 宮崎和牛套餐 呢個客崎a5和牛眼蓋 a4和牛肩肉 同 a4和牛三角腩組合，真係啖啖都係美味🤩， 佢有入口即溶嘅感覺，薄薄一片千祈唔好燒得太耐呀！三款肉嚟講個人覺得和牛眼蓋口感最幼嫩😋， 但其實三款都有入口即溶嘅感覺！ Overall comment: 女仔嚟講其實200g都幾多， 因為套餐本身仲有少少前菜，每一樣都幾好食！ 餐廳除咗有燒肉套餐之外亦都可以散叫，咁嘅話你仲可以見到空中列車過嚟好多次添呀🤣

烤肉就食得多，但有列車送餐係第一次。餐廳以空中列車送餐做gimmick，夠特別之餘，打卡亦一流。掃qr code落單，肉類選擇多，亦有蔬菜可以選擇，及其他配菜。套餐包括飯、湯或沙律、餐前小菜。唔夠食，仲可以散叫大/小份肉類，岩哂想食多幾款肉既食客。宮崎和牛套餐($188)，有3款和牛級數既肉，其中三角腩少見，肉質係最嫩滑，油脂豐富，入口慢慢溶化。而肉眼蓋就相對結實dd，但都重油脂。另外散叫特級雞爽肉，比平時食既雞肉，分別在於此部位嫩滑好多，而家有爽口感覺。牛小排係最多油脂，一邊烤，d油脂一邊逼哂出黎，肉片變到好焦脆。肉汁多，juicy。汁燒牛舌大塊，調味唔會過濃，肉屬結實。除左可以食日本和牛，仲可以揀韓國出產既牛肉添。韓牛前腿肉，有3大塊，肉味濃郁，肉質唔韌。除左有肉類，更有蔬菜、小食甜品，用列車送餐方便，有睇頭。當日有一家大小黎餐廳食飯，列車吸引唔少小朋友既注意。整體，體驗機械送餐服務，唔錯。不過部分位置冇路軌經過，所以由侍應送餐。肉質唔錯，可以食到唔同部位既肉及肉種類，份量更可調整。食飽仲可以行下商場添。

列車燒肉 code落單 專車隨即送上全程密實衫好晒車門 尼到你面前打開 成個過程冇經過其他人手 乾淨衛生 拎完識自己閂車門自己閃走 海蝦$28兩隻 扇貝$38兩隻 價錢叫做OK 唔算特別平美國牛五花套餐配牛肉雜菜湯 溫泉蛋紫菜飯 得米烏龍茶 LAVELEE純乳酪雪糕杯經濟實惠，平價之選 $48有交易QR code自己落單 抽屜有齊餐具自己搞掂特製辣粉非常推薦 我都落咗好多 非常惹味仲有好幾款醬汁任你調配牛五花比較肥，油脂豐富 配溫泉蛋紫菜飯no飯食一流韓牛前腿肉肉質細嫩 肌肉纖維細緻緻密,口感細嫩多汁！

今晚同朋友特登過嚟荔枝角試吓呢間嘅空中列車烤肉, 我如果鍾意車車嘅小朋友一定好開心, 一路食飯一路見到送食物嘅列車係我面前好得意🥰雖然係烤肉店但係佢哋種類都有好多唔同款, 又有套餐又可以單點, 而且價錢相當親民一啲都唔貴, 就算一個人自己都可以嚟佢哋都有一人套餐, 所以就算一個人或者一大班人呢度都好適合🥰❤️👍🏻地點都好方便幾分鐘就可以到地鐵站😃👍🏻✨

下著暴雨，走進AEON商場，冷冷的看到了這間烤肉店有著長長的人龍，必然是很好吃的吧，按了票一會就被安排進去坐了收拾好濕濕的雨傘，座位下還暖心地有個籃子讓客人放袋，頗窩心的掃一掃QR code就可以下單了，真方便很快便送上了泡菜作為前菜，除了沙律已有芝麻沙律醬外，還有其他醬了可以自己加配：韓式辣椒醬、燒肉汁、香草蒜蓉燒肉汁，這個時候就開定了爐 調至6度，不久烤肉車就載來了美食！暖暖的湯先暖暖個胃，同一時間就可以放入烤肉去燒了，跟據指示其實最佳品嚐時間就是兩邊各燒40秒，我依足指示，果然 日本宮崎和牛西冷 最美味的入口即溶時刻，就在80秒後的燒烤後進入了我的肚子裡，外面下著大雨也影響不了我，立時暖胃得黎，就像在富士山下冷冷的吃著火熱的和牛一樣再喝幾啖牛肉雜菜湯，不時眼前的烤肉列車也會接載食物去其他客人處，很得意很有特色及後，我還點了一杯韓國海太果肉梨汁，整杯都是韓文字，但飲下去則是肉果十足，十分推介！這個是期間限定日本宮崎和牛西冷套餐，餐廳就在商場入口處，十分方便，來開碧海藍天附近必然要再食！

呢間火車送餐燒肉真係好正，我最近試咗佢哋嘅美國牛小排套餐同埋宮崎和牛套餐，真係要同大家分享下。首先講下美國牛小排套餐，100g牛小排燒到啱啱好，肉質嫩滑，真係好滿足。配埋粟米椰菜絲沙律，芝麻汁好香，唔會過分搶味。白飯煮得粒粒分明，夾埋牛肉一齊食。最後仲有日本紅豆味鯛魚燒，外脆內軟，紅豆餡甜而唔膩，完美收尾。至於宮崎和牛套餐，150g和牛肉質一流，真係唔洗多講，入口即溶，油香四溢。配埋牛肉雜菜湯，湯底清甜，牛肉味濃。額外點咗50g汁燒牛舌，牛舌厚薄剛好，燒得香口，有嚼勁，配埋特製嘅汁，簡直一流。飲品方面，提子汁酸甜適中，清新解膩。玄米茶香氣撲鼻，飲完之後感覺好舒服。

「bingle bingle 空中列車烤肉」。佢嘅名已經好吸引人，特色之一就係佢會用列車送餐到你面前，真係好有驚喜感啊！首先，我要講下佢嘅環境。佢嘅店裡非常新潮，裝潢靚到冇話講。你一踏入去，就會感受到一種時尚嘅氛圍，真係加分！我叫咗兩份set嚟試下，第一份係「1++韓牛日韓極上套餐（150g）」，轉左溫泉蛋紫菜飯。第二份係人氣牛肉三拼套餐（150g）。係嘅，我真係係個肉食愛好者，所以揀咗兩份牛肉嘅餐單。佢嘅牛肉質素真係一流。好嫩好多汁，入口即溶。我真係好鍾意食烤肉！拍日將牛肉烤得剛剛好，保持住肉質嘅鮮美。而且，佢哋嘅醬汁選擇亦好豐富，可以滿足到唔同口味嘅客人。除咗牛肉，佢哋嘅溫泉蛋紫菜飯亦好出色。蛋煮得剛剛好，蛋黃流心，配上軟綿綿嘅紫菜同飯，真係一絕。我對「bingle bingle 空中列車烤肉」嘅評價係非常正面。佢哋嘅環境好新好靚，而且佢哋嘅牛肉質素一流，真係值得一試。下次你有機會嘅話，記得去試下佢哋嘅韓牛日韓極上套餐同人氣牛肉三拼套餐啊！

一人烤肉店近年在香港愈開愈多，今日去左荔枝角人氣「Bingle Bingle空中列車烤肉」，餐廳樓底好高，每個座位都有獨立無煙烤爐，唔會有油煙味；另外仲有唔同既醬汁提供，包括燒肉汁、芝麻沙律醬、韓式辣椒醬、七味粉、海鹽等，自己烤肉自己燒。我哋叫既烤肉套餐，每款都有白飯、韓式牛肉雜菜湯(可轉配粟米椰菜絲沙律)和兩款韓式涼菜。美國牛五花&特級雞爽肉套餐 ：美國牛五花油香肥美，口感嫩滑；雞爽肉豐富肉汁，口感爽彈。韓牛日韓極上套餐 ：來自韓國慶洲既韓牛前腿肉脂肪含量低，牛肉味香濃；仲有兩款有日本一之稱既宮崎A5和牛肉眼蓋和宮崎A4和牛三角腩，同樣厚切，帶雪花般既油脂，肉質軟嫩，令人回味無窮。總結，食物有質素，套餐價錢抵食，列車送餐好驚喜。

有趣 係荔枝角 見到一間燒肉 主題 空中列車被吸引過去。。眼見地方幾寬闊，坐得舒服。地點就不算近地鐵站，係荔枝角站行過去太概都要十分鐘左右。 電子點餐，幾方便，裝修得有誠意，睇得出有心思去設計。我哋選擇左一個平餐同貴餐比較一下。叫左一個 美國牛五花套餐 加溫泉蛋 紫菜飯同叫咗一個貴嘅 宮崎和牛套餐 加溫泉蛋 紫菜飯。餐具收咗係位置前面，拉出就拎到，幾方便。先講美國牛五花，好有咬口，套餐價$48 +$15溫泉蛋，算係咁。幾得意，自己會送到你面前，好岩同小朋友一齊來食。最期待的宮崎和牛有三款不同部位分別有 三角腩 牛肩肉 肉眼蓋 300g套餐 真係好厚肉，三角腩油脂豐富 好正，牛肩肉比較有咬口，肉眼 肉味濃郁 有油花 食落更嫩。 $298 +$15 最後都好飽 雖然一定無得同日本相比，不過都需要支持一下香港食店

今日同阿仔攞完成績表後，帶左佢去荔枝角食韓式一人烤肉店，餐廳位置在Aeon入面，環境寬敞，坐得舒服。我哋用手機點餐後，就等待食物由列車隨運輸帶送過來，車門打開嘅一刻，阿仔超級興奮，急不及待將食物拿出來，實在太好玩。餐牌烤肉既種類好多，而且可以自己選擇重量，豐儉由人，每款套餐都配白飯、韓式牛肉雜菜湯或粟米椰菜絲沙律、及兩款韓式涼菜。美國牛五花套餐 200g：牛五花肥瘦均稱，燒完之後油脂四溢，肥美肉嫩。1++韓牛日韓極上套餐 150g：呢個套餐有三款高質牛肉。韓牛前腿肉：這款係韓國最高級別牛肉，牛味香濃，口感細膩。宮崎A5和牛肉眼蓋：油脂分布平均，肉質柔軟。宮崎A4和牛三角腩：肉質超級軟嫩，有入口即溶既感覺。總結，食物好食又抵食，仲要無加一服務費，好玩既烤肉體驗。

在荔枝角的AEON商場內，意外地找到一間烤肉店會用列車🚄送上套餐，非常特別人氣牛肉三拼套餐(250g)178.00牛五花100g、肩胛牛柳100g、牛小排50g肩胛最瘦，5分熟+燒肉汁最能吃到香味牛油香適中的必選牛五花，配胡麻醬入口甜而不膩牛小排最肥，配鹽跟黑胡椒，煮熟點更顯油香牛肉雜菜湯 白飯標配150g ，如非飯桶，足矣美國牛小排178.00套餐(200g)牛肉雜菜湯 白飯150g韓國海太果肉梨汁12.00只點牛小排的話只有200克，但是牛油脂最濃的部份，當然價格比較貴吧！韓國的果肉梨汁跟油膩的牛小排相輔相成，不俗Bingle Bingle 空中列車烤肉 (荔枝角)荔枝角深盛路8號碧海藍天AEON超級巿場地下L002號舖#BingleBingle空中列車烤肉 #荔枝角

喺荔枝角返咗工幾年，一直都覺得唔算多野食，點知上次經過AEON 見到呢間燒肉咁多人排，就決定試下佢。成間餐廳都幾多一家大細幫襯，可能係因為佢哋有架空中列車送啲肉，見到附近嘅小朋友見到都覺得好新奇，好開心。睇咗menu 一陣，都知道點解佢可以咁多人幫襯-佢真係好抵食！ 最平$48已經可以嗌到個燒肉餐，但我呢啲食肉獸就決定嗌多啲肉，所以總共嗌咗兩個餐，另外散叫少少肉。人氣牛肉三拼套餐 250g $178包括咗美國牛五花、美國牛小排同肩胛牛柳 呢個餐係超多肉， 每款都起碼有四大塊肉本身以為咁平都無好嘢，但肉質算幾嫩，同埋醃得好入味👍🏼 好味指數： 🌕🌕🌕🌕🌑汁燒牛舌套餐 100g $68呢個價錢嚟到竟然有5-6塊牛舌 唔會過韌，真係無野可以complain 好味指數： 🌕🌕🌕🌗🌑厚切泡菜豬五花 100g $28最驚五花肉過肥，好彩佢無，唯一覺得有燒啲時候出大多油好味指數： 🌕🌕🌕🌗🌑韓風辣味雞胸軟骨 50g $22正常發揮，唔會汁還汁，軟骨還軟骨好味指數： 🌕🌕🌕🌗🌑特級雞爽肉 50g $28呢個後加，竟然超好味，隻雞滑到不得了好味指數： 🌕🌕🌕🌕🌗肩胛牛柳 50g $32呢款係套餐入面食過

今日來到荔枝角睇樓，見到入面有間睇落几新淨既燒肉店，來遠就見到距既送餐模式几特別甘，用小型車車送餐，好奇入去試下。店內掃碼點餐，有五同種類的燒肉套餐，有豬肉，牛肉，和牛。距啲套餐都比較抵食，價錢五算貴，有飯有湯仲有分量不少的肉。外面仲有水可以自己斟來飲，比較貼心。我叫左個和牛套餐試下，一睇啲和牛就好靚甘，不同部位每款有幾塊，燒來撈飯剛剛好。值得一提，個和牛係堅好食，肥瘦比例剛剛好加几蚊升級的紫菜溫泉蛋飯一啲都無另我失望，紫菜量多，只蛋又剛剛好撈埋碗飯，超級好食。老公叫左個韓牛套餐，同樣出色，五會太肥膩，而且分量都足夠多。下次來開荔枝角都會想繼續去食，因為味道分量全部都很可以。對得住個價錢，五會太貴。

Bingle Bingle 空中列車烤肉 (荔枝角)一直bookmark了用「空中列車」運送烤肉套餐這間餐廳很久了除了荔枝角外，太和亦有分店配合空中列車主題餐廳都走Cyber風格座位闊落具空間感近收銀位置有自助檸檬水醬料種類算多空中列車送到來打開車門時效果好有太空主題電影感是個挺有趣的體驗宮崎和牛套餐 150g $188 （250g $298)轉 溫泉蛋紫菜飯 +$15-套餐包括 A5和牛肉眼蓋 A4和牛肩肉 A4和牛三角腩 肉眼蓋較薄，但肉味仍然出眾，口感嫩滑 牛肩肉及三角腩較為厚身，前者油脂及牛肉味較為平均，同樣嫩滑，後者油花比另外兩種多好多，做到入口即溶 另外極力推介+15轉溫泉蛋紫菜飯！好香！美國牛五花拼美國牛小排套餐 200g $138 (100g $98)轉 溫泉蛋紫菜飯 +$15-食過幾間一人燒肉店 Bingle Bingle的美國牛五花及牛小排算是較大塊及完好 而且肉質亦嫩滑，抵食之算O’PRICE 日本紅荳味鯛魚燒 $25-鯛魚燒可以選擇後上 放落烤爐燒一陣就可以食 燒到個面有少少脆身 加埋裡面紅荳餡 滿足到想食甜品嘅心靈Bingle Bing